ಸಾಮ್ರಾನಿ ತಪ್ಪು
 |
ಸಾಮ್ರಾನಿ ತಪ್ಪು ಭಾರತಡ್ ಇಲ್ಲ್ ದ ಬಿತ್ತಲ್ ಡ್ ಅವ್ವೆತೋ ದೈಕುಲು ಉಲ್ಲ ಮರ್ದ್ದ.ಮರ್ದ್ ಪೂತ ದೈಕುಲೆದ ನಡುಟು ಬಲಪುನ ಅಂಚಿನ ಅರೋಗ್ಯ ವೃದ್ಧಿ ಸಾವುನ ಕೆಲಸ ಮಲ್ಪುನ ಅಂಚಿನ ದೈಕುಲು ಉಲ್ಲ. ಐತ ಗುನೊಕುಲು ಮಾತ್ರ ಮಲ್ಲ. ಐಟ್ ಸಾಮ್ರಾನಿ ಲಾ ಒಂಜಿ. ಸಾಮಾನ್ಯ ವಾದ್ ಮಾತಾ ಇಲ್ಲಡ್ ಲಾ ಉಪ್ಪುನ ಅಂಚಿನ ದೈ. ಎಲ್ಯ ಪೊಟ್ ಗುಳೇಡ್ಲಾ ನಡ್ಪೆರ್. ನೆನ್ ಸಾಂಬಾರ್ ತಪ್ಪು ಅತಂಡ ಅಜವನ ದೈ ಪಂದ್ ಲಾ ಲೆಪ್ಪುವೆರ್. Plectranthus amboinicus, ಆತಂಡ ಸಾಮ್ರಾನಿ ಪಂದ್ ಸಾಮಾನ್ಯ ವಾದ್ ಲೆಪ್ಪುನ ಈ ದೈ. ನೆಕ್ ಪಾಷಾಣ ಭೇಧಿ ಕರ್ಪೂರವಳ್ಳಿ, ಸಾಂಬಾರು ಬಳ್ಳಿ ಪಂದ್ ಲಾ ಪನ್ಪೆರ್.ಈ ದೈತ ಮೂಲ ದಕ್ಷಿಣ ಬುಕ್ಕೊ ಪೂರ್ವ ಆಫ್ರಿಕ. ಈ ದೈ ''ಲ್ಯಾಮಿನೋಸಿ'' ಪನ್ಪುನ ಜಾತಿಗ್ ಸೇರ್ನವು. ''ಕೋಲಿಯಸ್ ಆರೋಮಾಟಿಕಸ್'' ಪನ್ಪುನ ಸಸ್ಯ ಶಾಸ್ತ್ರೀಯ ಪುದರ್ಲ ಉಂಡು. ಭಾರತಡ್ ಮುಖ್ಯವಾದ್ ದಕ್ಷಿಣಭಾರತಡ್ ನೆತ್ತ ಬಳಕೆ ಜಾಸ್ತಿ.ಅಲಂಕಾರಕ್ಕಾಗೂ,ಮನೆಮದ್ದಿಗೂ, ಅಹಾರಡ್ಲ ನೆತ್ತ ಉಪಯೋಗ ಉಂಡು.
ಸಾಮ್ರಾನಿಯ ವಿವರಣೆ
[ಸಂಪೊಲಿಪುಲೆ]ಸಾಮ್ರಾನಿ ಸುಮಾರ್ ೩೦ ರ್ದ್ ೯೦ ಸೆಂಟಿ ಮೀಟರ್ ಏತ್ತರ ಬಲಪುಂಡು. ನೆತ್ತ ಇರೆ ಮಲ್ಲ ಆದ್ ದಪ್ಪ ಆದ್ ಎಡ್ಡೆ ಪರಿಮಳ ಉಪ್ಪುಂಡು. ನೆತ್ತ ಗೆಲ್ಲ್ ಬುಕ್ಕೊ ಪೂ ಎಲ್ಯ ಆದ್ ಉಪ್ಪುಂಡು.
ಸಾಮ್ರಾನಿಯ ಬಳಕೆ
[ಸಂಪೊಲಿಪುಲೆ]ಆಫ್ರಿಕಾದ ದೇಶಾಲೆಡ್ ನೆನ್ ಪುದೀನದ ಬದಲಾದ್ ಮಧುಮಾಂಸ ಕಜಿಪುಲೆಗ್ ಗಳಸುವೆರ್.ದಕ್ಷಿಣಭಾರತಡ್ ಸಾಮಾನ್ಯವಾದ್ ಶೀತ, ಜ್ವರ, ಚೆಮ್ಮ, ನೆಕ್ ಮರ್ದ್ ಆದ್ ಗಳಸುವೆರ್. ಗಾಯ, ದಾದಂಡಲ ತುಚ್ಚಿನಕ್ ನೆತ್ತ ಇರೆನ್ ಪುರಿಂಚಿದ್ ಪೂಜೊಂದಿತ್ತೆರ್.ದಕ್ಷಿಣ ಕರ್ನಾಟಕಡ್ಕರ್ನಾಟಕ ಸಾಮ್ರಾನಿದ ಚಟ್ನಿ, ತಂಬುಳಿ,ಗೊಜ್ ಮಾತಾ ಮಲ್ಪುವೆರ್.ಜೋಕ್ಲೆಗ್ ಕಫ ಕಟ್ಟ್ ನಗ ನೆತ್ತ ಇರೆನ್ ಬಾಡಾದ್, ಐತ ರಸ ದೆತ್ತ್ ದ್ ಸಿಗತ್ ನೈ ಪಾಡ್ದ್ ದಿನಕ್ ರಡ್ಡ್ ಸರ್ತಿ ಕೊರೊಂದಿತ್ತೆರ್. ಬುಕ್ಕೊ ಐತ ರಸನ್ ತಿಗಲೆಗ್ ಪೂಜೊಂದಿತ್ತೆರ್ ಅಪಗ ಕಫ ಕಮ್ಮಿ ಆಪುಂಡು. ಸಾಮ್ರಾನಿಡ್ ವಿಟಮಿನ್ ಸಿ, ಫೈಬರ್ ಬುಕ್ಕೊ ಕ್ಯಾಲ್ಸಿಯಂ ಗುಣ ಜಾಸ್ತಿ ಉಂಡು. ಉಂದು ಶರೀರದ ರೋಗ ನಿರೋಧಕ ಶಕ್ತಿನ್ ಗಟ್ಟಿ ಮಲ್ಪುಡು. ಕೀಟಲು, ಪುರಿ ಮಾತಾ ತಾಗ್oಡ, ಕಜ್ಜಿ ಬುರುಂಡ ಸಾಮ್ರಾನಿದ ರಸನ್ ತಾಗ್ ನಾಡೆಗ್ ಪೂಜೋಡು.
ಕನ್ನಡಡ್ ದೊಡ್ಡಪತ್ರೆ[೧] ಪನ್ಪರ್.