ಸುಶೀಲಾ ಪಿ ಉಪಾಧ್ಯಾಯ

ವಿಕಿಪೀಡಿಯರ್ದ್

ಸುಶೀಲಾ ಪಿ. ಉಪಾಧ್ಯಾಯೆರ್ ಜಾನಪದ, ಸಂಸ್ಕೃತಿ ಕ್ಷೇತ್ರದ ಸಂಶೋಧಕಿ ಬೊಕ್ಕ ವಿದ್ವಾಂಸೆರಾದಿತ್ತೆರ್. ಜೀವನಡ್ ಯೆತೋ ಕಷ್ಟ ಇತ್ತ್ಂಡಲಾ ಸಾಧನೆದ ಸಾದಿಡ್ ದುಂಬು ಬೈದಿನಾರ್. ಸಾಂಸಾರಿಕ ಜೀವನದ ಒಟ್ಟಿಗೆ ತನ್ನ ವೃತ್ತಿ ಜೀವನ‌ನ್‌ಲಾ ಜಾನ್ಮೆಡ್ ನಿರ್ವಾಹನೆ ಮಲ್ತಿನಾರ್. ಮೆರೆನ ಕಂಡನಿಯಾಯಿನ ಪದ್ಮನಾಭ ಉಪಾದ್ಯಾಯೆರ್ ಮೆರೆನ ಸಾಧನೆದ ಸಾದಿಡ್ ಒಟ್ಟಿಗೆ ಉಂತಿನಾರ್. ಜನವರಿ ೧೪, ೨೦೧೪ ತೀರಿಯೆರ್.

ಪುಟ್ಟು[ಸಂಪೊಲಿಪುಲೆ]

೧೯೩೭ಟ್ ಪುಟ್ಟು ಜನವರಿ ೧೪,೨೦೧೪ ಸ್ವರ್ಗಸ್ಥರಾಯೆರ್. ೭೭ ಪ್ರಾಯದಾರಾದಿತ್ತೆರ್.[೧]

ಬಾಲ್ಯ[ಸಂಪೊಲಿಪುಲೆ]

ಉಡುಪಿದ ಮಜುರ್ ಗ್ರಾಮೊಡು ೧೯೩೭ಟ್ ಪುಟ್ಟಿಯೆರ್. ಅಮ್ಮೆರಾಯಿನ ಪದ್ಮನಾಭ ಶರ್ಮ ಕೇರಳದ ತಿರುವನಂತಪುರದ ದೇವಸ್ಥಾನೊಡು ಅರ್ಚಕೆರಾದ್ ಬೇಲೆ ಮಲ್‌ದೆರ್. ಅಮ್ಮೆರ್‌ನ ಮಾನಸಿಕ ಕಾಯಿಲೆ, ಅಪ್ಪೆನ ಆತ್ಮಹತ್ಯೆದ ಪ್ರಯತ್ನ ಉಂದು ಮಾತಾ ಮೆರೆನ ಬಾಲ್ಯೊದ ಜೀವನಗ್ ಬಂಗದ ಸಾದಿನ್ ತೋಜಾಂಡ್. ಉಂದೆತ ನಡುಟ್‌ಲಾ ಸುಶೀಲಾ ಪಿ. ಉಪಾಧ್ಯಾಯೆರ್ ತಿರುವನಂತಪುರಮ್‌ದ ಕಾಲೇಜ್‌ಡ್ ೧೯೫೮ ಇಸವಿಡ್ ಸುರುತ್ತ ಸ್ಥಾನೊಡು ಬಿ.ಎ ಪದವಿ‌ನ್ ಪಡೆಯೊಂಡೆರ್.

ಶಿಕ್ಷಣ[ಸಂಪೊಲಿಪುಲೆ]

  1. ಪ್ರಾರ್ಥಮಿಕ ಬೊಕ್ಕ ಪ್ರೌಢಶಿಕ್ಷಣ ಮಲಯಾಲಡ್.
  2. ಬಿ.ಎ ಪದವಿದಾರೆರ್.
  3. ಹಿಂದಿ‌ಡ್ ಸ್ನಾತಕೋತ್ತರ ಪದವಿ.
  4. ಬ್ಯಾರಿ ಬಾಷೆಡ್ ಪಿ.ಎಚ್.ಡಿ ಮಲ್ದೆರ್.
  5. ಪುಣೆದ ಡೆಕ್ಕನ್ ಕಾಲೇಜ್‌ಡ್ ಭಾಷಾಶಾಸ್ತ್ರ ವಿಷಯಡ್ ಸ್ನಾತಕೋತ್ತರ ಪದವಿ.
  6. ಆಫ್ರಿಕಾದ ಒಲಯೊ ಸಹಿತ ೮ ಭಾಷೆ ಗೊತ್ತಿತಿನಾರ್.[೨]

ಸಂಶೋಧನೆ[ಸಂಪೊಲಿಪುಲೆ]

ಉಡುಪಿದ ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನಾ ಕೇಂದ್ರೊಡು "ದಕ್ಷಿಣ ಕನ್ನಡದ ತೀಯಾ ಜನಾಂಗ-ಒಂದು ಸಾಂಸ್ಕೃತಿಕ ಅಧ್ಯಯನ" ಈ ವಿಷಯೊದ ಮಿತ್ತ್ ಸಂಶೋಧನೆ ಮಲ್ತೆರ್. ಭೂತ, ಕಂಬಳ, ಜಾನಪದ, ಪಾಡ್ದನ, ಜಾನಪದ ನೃತ್ಯೊ, ಯಕ್ಷಗಾನ, ಕೋರಿದ ಕಟ್ಟ, ದೇವಸ್ಥಾನೊದ ಸಂಪ್ರದಾಯ ಉಂದೆತ್ತ ಪೂರ ವಿಷಯೊಲೆಡ್ ಸಂಶೋಧನೆ ಮಲ್ತೆರ್.[೩]

ಕಲೆ[ಸಂಪೊಲಿಪುಲೆ]

ಸಂಗೀತ, ನಾಟಕ, ಕೃತಿ-ಕಾದಂಬರಿ ರಚನೆ, ಸಂಶೋಧನೆ ಮಲ್ಪುನ ಅಭಿರುಚಿ ಆದ್ ಇತ್ತ್ಂಡ್.

ವೃತ್ತಿ ಬೊಕ್ಕ ಸೇವೆ[ಸಂಪೊಲಿಪುಲೆ]

  1. ಉಡುಪಿದ ಎಮ್.ಜಿ.ಎಮ್ ಕಾಲೇಜ್‌ಡ್ ಹಿಂದಿ ಟ್ಯುಟರ್ ಆದ್ ಬೊಕ್ಕ ಪೊನ್ನುಲೆನ ಹಾಸ್ಟೆಲ್‌ದ ವಾರ್ಡನ್ ಆದ್ ಬೇಲೆ ಮಲ್ದೆರ್.
  2. ಗುಡ್ ಶೆಫರ್‌ಡ್ ಕನ್‌ವೆಂಟ್ ಯೂರೊಪಿಯನ್ ಪ್ರೌಢ ಶಾಲೆಡ್ ಅಧ್ಯಾಪಕಿ ಆದ್ ಇತ್ತೆರ್.
  3. ಬೆಂಗಳೂರ್‌ದ ಬಿ.ಎಂ.ಎಸ್ ಪೊನ್ನುಲೆನ ಕಾಲೇಜಿಡ್ ಉಪನ್ಯಾಸಕಿ ಆದ್ ಇತ್ತೆರ್.
  4. ಪೂಣೆದ ಡೆಕ್ಕನ್ ಕಾಲೇಜ್‌ಡ್ ಸಹಾಯಕ ಸಂಶೋಧಕಿ ಆದ್ ಇತ್ತೆರ್.
    KITLV 100101 -ಪೂಣೆದ ಡೆಕ್ಕನ್ ಕಾಲೇಜ್‌
  5. ತುಳು ನಿಘಂಟ್‌ದ ಸಹಾಯಕ ಸಂಪಾದಕಿ ಆದ್ ೧೮ ವರ್ಷ ಸೇವೆ ಮಲ್ದೆರ್.
  6. ಸಿದ್ಧ ಸಮಾಧಿ ಯೋಗ ಶಿಬಿರಡ್ ಪಾಲ್‌ದೆತೊಂದು, ತರಬೇತಿಪಡೆದ್, ಯೋಗ ಶಿಕ್ಷಕಿಯಾದ್ ತರಬೇತಿ ಪಡೆದ್ ಸುಮಾರ್ ಜನಕ್ ಗುರುವಾದ್ ಇತ್ತೆರ್.
  7. ಮೈಸೂರ್‌‌ದ ಸೆಂಟ್ರಲ್ ಇನ್‌ಸ್ಟಿಟ್ಯೂಟ್ ಆಫ್ ಲ್ಯಾಂಗ್ವೇಜಸ್‌ಡ್ ಸಂಶೋಧನಾ ಸಹಾಯಯಕಿ ಆದ್ ಇತ್ತೆರ್.
  8. ಆಫ಼್ರಿಕಾಗ್ ಪೋದು ಅಲ್ಪದ ಜನಕ್ಲೆನ ಆಚಾರ ವಿಚಾರ ಬೊಕ್ಕ ಅಕ್ಲೆನ ಸಂಸ್ಕ್ರಿತಿ ಬಗ್ಗೆ ಸಂಶೋಧನೆ ಮಲ್ತ್‌ದೆರ್
  9. ಆಫ್ರಿಕಾದ ಡಕಾರ್ ವಿಶ್ವವಿಧ್ಯಾಲಯಡ್ ಸಂಶೋಧಕಿಯಾದ್ ಡ್ರಾವಿಡ್ ನೀಗ್ರೋ ಭಾಷಾ ಸಂಸ್ಕೃತಿ ಅಧ್ಯಯನ ಮಾಲ್‌ದೆರ್.
  10. ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರದ ಪ್ರಾಧ್ಯಾಪಕಿ ಆದ್ ಇತ್ತೆರ್.
  11. ಭೂತ, ಕಂಬಳ, ಜಾನಪದ, ಪಾಡ್ದನ, ಜಾನಪದ ನೃತ್ಯ, ಯಕ್ಷಗಾನ, ಕೋರ್ದ ಕಟ್ಟ...,ಇಂಚ ಒಂಜಿ ವಿಷಯನ್ಲ ಬುಡಂದೆ ಸಂಶೋಧನೆ ಮಲ್ದೆರ್.
  12. ಕರ್ನಾಟಕ ಬ್ಯಾರಿ ಅಕಾಡೆಮಿದ ಸದಸ್ಯೆರ್ ಆದ್ ಇತ್ತೆರ್.
  13. ರೇಕಿ ಚಿಕಿತ್ಸೆ, ಪ್ರಾಣ ಚೈತನ್ಯ ಚಿಕಿತ್ಸೆ, ಪ್ರಕೃತಿ ಚಿಕಿತ್ಸೆ, ಸ್ಪಟಿಕ ಚಿಕಿತ್ಸೆಡ್ ತರಬೇತಿ ಪಡೆದ್ ಸಮಾಜ ಹಿತಕ್ಕಾದ್ ನೇನ್ ಬಳಕೆಮಲ್ದೆರ್.

ಕೃತಿ[ಸಂಪೊಲಿಪುಲೆ]

  1. ಕನ್ನಡ ಬ್ರಿಡ್ಜ್ ಕೋರ್ಸ್.
  2. ಶಬ್ದಾತೀತ.

ಮಾನಾದಿಗೆ ಬೊಕ್ಕ ಪುರಸ್ಕಾರೊಲು[ಸಂಪೊಲಿಪುಲೆ]

  1. ಶಿರಸಿದ ಜಾನಪದ ಸಮ್ಮೇಳನದ ಅಧ್ಯಕ್ಷತೆ.
  2. ಉಡುಪಿದ ಮಹಿಳಾ ಸಾಹಿತಿನಕ್ಲೆನ ಸಮ್ಮೇಳನದ ಅಧ್ಯಕ್ಷತೆ.
  3. ಗಾರ್ಗಿ ಪ್ರಶಸ್ತಿ.
  4. ರಾಣಿ ಅಬ್ಬಕ್ಕ ಪ್ರಶಸ್ತಿ.
  5. ತುಳು ಅಕಾಡೆಮಿ ಗೌರವ.
  6. ಸುವರ್ಣ ಕರ್ನಾಟಕ ದಿಬ್ಬಣ ಪುರಸ್ಕಾರ.
  7. ಕಲ್ಕೂರ ಪ್ರತಿಷ್ಠಾನ ಪ್ರಶಸ್ತಿ.
  8. ದ.ಕ. ಜಿಲ್ಲಾ ಸಾಹಿತ್ಯ ಸಮ್ಮೇಳನ ಪ್ರಶಸ್ತಿ.
  9. ಕಾಪು ತುಳು ಬೊಳ್ಳಿ ಪ್ರಶಸ್ತಿ.
  10. ಒಡಿಯೂರು ತುಳು ಐಸಿರಿ ಪ್ರಶಸ್ತಿ.
  11. ಪನ್ನಾಭ ಪ್ರಶಸ್ತಿ.
  12. ರಂಗ ಭಾರತಿ ಗೃಹ ಸನ್ಮಾನ.[೪]

ಉಲ್ಲೇಖೋ[ಸಂಪೊಲಿಪುಲೆ]

  1. https://govindapairesearch.blogspot.com/2014/01/blog-post_14.html
  2. http://www.bellevision.com/belle/index.php?action=topnews&type=8269
  3. https://shodhganga.inflibnet.ac.in/bitstream/10603/131802/2/02_certificate.pdf
  4. https://vijaykarnataka.com/news/udupi/-/articleshow/28801222.cms

ಸುಶೀಲಾ ಪಿ ಉಪಾಧ್ಯಾಯ