ಉತ್ತರ ಪ್ರದೇಶ

ಭಾರತದ ನಕ್ಷೆಡ್ ಉತ್ತರ ಪ್ರದೇಶ ಉಪ್ಪುನ ಜಾಗೆನ್ ಕೆಂಪು ಬಣ್ಣೊಡು ತೋಜಾದೆರ್.

ಉತ್ತರ ಪ್ರದೇಶ ರಾಜ್ಯೊದ ನಕ್ಷೆ

ಉತ್ತರ ಪ್ರದೇಶ ನಮ ದೇಸೊದ ಒಂಜಿ ರಾಜ್ಯ. ಇಸ್ತೀರ್ನೊದ ಲೆಕ್ಕಡ್ ೪ನೇ ಸ್ತಾನೊಡು ಬುಕ್ಕ ಜನಸಂಖ್ಯೆದ ಲೆಕ್ಕೊಡು ಸುರುತ್ತ ಸ್ತಾನೊಡು ಈ ರಾಜ್ಯೊ ಉಂಡು. ನಮ ದೇಸೊಗು ಸ್ವಾತಂತ್ರ್ಯ ಬತ್ತಿ ಬೊಕ್ಕ, ೧೯೫೦ನೇ ಇಸವಿಡ್ ಈ ರಾಜ್ಯೊನ್ ಸ್ತಾಪನೆ ಮಲ್ತೆರ್. ಪನ್ನಗ, ಸ್ವಾತಂತ್ರ್ಯ ಬರ್ರೆ ದುಂಬು ಈ ರಾಜ್ಯೊಗು ಸಂಯುಕ್ತ ಪ್ರಾಂತ್ಯ ಪನ್ಪಿನ ಪುದರ್ ಇತ್ತ್ಂಡ್. ಉಂದೆಟ್ ರಾಂಪುರ, ಬನಾರಸ್, ಬುಕ್ಕ ತೆಹ್ರಿ ಘರ್‌ವಾಲ್ ರಾಜ ಸಂಸ್ಥಾನೊಲು ಇತ್ತ. ಉತ್ತರ ಪ್ರದೇಶ ರಾಜ್ಯೊದ ರಾಜಧಾನಿ ಲಕ್ನೋ. ಸದ್ಯೊಗು ಈ ರಾಜ್ಯೊಡು ಒಟ್ಟು ೭೬ ಜಿಲ್ಲೆಲು ಉಲ್ಲ. ಅಂಚನೆ ಗಂಗಾ, ಯಮುನಾ, ಗೋಮತಿ, ಸರಯೂ ಈ ರಾಜ್ಯೊಡು ಪರಪುನ ಮುಖ್ಯ ತುದೆಕುಲು.

ಉತ್ತರ ಪ್ರದೇಶ ರಾಜ್ಯೊದ ಪಡ್ಡಾಯಿಡ್ ರಾಜಾಸ್ತಾನ, ಮೂಡಾಯಿಡ್ ಬಿಹಾರ, ಬಡಕಾಯಿಡ್ ಉತ್ತರಾಖಂಡ, ತೆಂಕಾಯಿಡ್ ಮಧ್ಯಪ್ರದೇಶ ರಾಜ್ಯೊಲು ಉಲ್ಲ. ಅಂಚನೆ ಮೂಡಾಯಿಡ್ ನೇಪಾಳ ದೇಸದೊಟ್ಟುಗು ತನ್ನ ಗಡಿನ್ ಪಟ್ಟೋಂದುಂಡು. ಈ ರಾಜ್ಯೊದ ಇಸ್ತೀರ್ಣ ನಮ ದೇಸೊದ ಒಟ್ಟು ಇಸ್ತೀರ್ನೊದ ೭.೩% ಭಾಗ ಉತ್ತರ ಪ್ರದೇಶ ರಾಜ್ಯೊಡು ಉಂಡು. ಒಟ್ಟು ಇಸ್ತೀರ್ನ ೨೪೦,೯೨೮ ಕಿಮೀ^೨.