ಎಂ.ವಿ.ಕಾಮತ್
ಎಂ.ವಿ.ಕಾಮತ್ ಭಾರತದ ಪತ್ರಕರ್ತೆರೆಡ್ ಮಲ್ಲ ಪುದರ್ ಪಡೆಯಿನಾರ್.
ಬದ್‍ಕ್[ಸಂಪೊಲಿಪುಲೆ]
ಮಾಧವ ವಿಠಲ ಕಾಮತ್ ಪನ್ಪಿ ಪುದರ್ ದಾರ್ ೧೯೨೧ ಸೆಪ್ಟೆಂಬರ್ ತಿಂಗೊಲುದ ಏಳ್ ತಾರೀಕ್ ಗ್ ಪುಟ್ಟಿಯೆರ್. ಆರೆನ ಅಮ್ಮೆರ್ ವಿಠಲ ಕಾಮತೆರ್ ಮಲ್ಲ ವಕೀಲೆರಾದಿತ್ತೆರ್. ಉಡುಪಿದ ಸಂತ ಸೆಸಿಲ್ಸ್ ಕಾನ್ವೆಂಟ್ ಡ್, ಉಡುಪಿ ಕ್ರಿಶ್ಚಿಯನ್ ಹೈಸ್ಕೂಲುಡು, ಬೋರ್ಡ್ ಹೈಸ್ಕೂಲುಡು, ಕುಡ್ಲದ ಸರಕಾರಿ ಕಾಲೇಜ್ ಡ್ ಕಲ್ತಿನ ಎಂ.ವಿ.ಕಾಮತೆರ್ ಬೊಂಬಾಯಿಡ್ ವಿಜ್ಞಾನ ಪದವಿನ್ ಪಡೆಯೆರ್. ಆರ್ ತೀರ್ ಪೋಯಿನ ದಿನ ಅಕ್ಟೋಬರ್ ೯, ೨೦೧೪.
ಬರೆಯಿನ[ಸಂಪೊಲಿಪುಲೆ]
ಇಂಬ್ಯೆರೆನ ಸುರುತ್ತ ಲೇಖನ ಬೆಂಗಳೂರುದ ಪತ್ರಿಕೆಡ್ ಪ್ರಕಟ ಆಂಡ್.
ಎಂ.ವಿ.ಕಾಮತೆರೆಗ್ ಕೊಂಕಣಿ,ತುಳು, ಕನ್ನಡ, ಮರಾಠಿ, ಇಂಗ್ಲಿಷ್ ಬೊಕ್ಕ ಹಿಂದಿ ಭಾಷೆಲೆಡ್ ಪಾತೆರೆರೆ, ಬರೆಯೆರೆ ತೆರಿದುಂಡು. ಆರ್ ಬೊಂಬಾಯಿದ ಟರ್ಕಿ-ರೆಡ್ ಡೈ ವರ್ಕ್ಸ್ ಡ್ ರಸಾಯನ ಶಾಸ್ತ್ರಜ್ಞೆರಾದ್ ಐನ್ ವರ್ಸ ಬೆಂದ್ ದ್ ಬೊಕ್ಕ ಕೆಂಪ್ ಎಂಡ್ ಕಂಪೆನಿ ಸೇರಿಯೆರ್. ಬೊಕ್ಕ ಒಂಜಿ ರಡ್ಡ್ ಕಂಪೆನಿಡ್ ಬೇಲೆ ಮಲ್ತಿನೆಡ್ದ್ ಬೊಕ್ಕ ಪತ್ರಿಕೋದ್ಯಮ ಕ್ಷೇತ್ರೊಗು ಜತ್ತೆರ್. ಪ್ರಿ ಪ್ರೆಸ್ ಬುಲೆಟಿನ್, ಭಾರತ್ ಜ್ಯೋತಿ, ಪ್ರಿ ಪ್ರೆಸ್ ಜರ್ನಲ್ ಲೆನ ಸಂಪಾದಕೆರಾದ್ ಬೆಂದೆರ್. ಬೊಕ್ಕ ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾ ಸೇರ್ದ್ ೧೯೫೫ಡ್ದು ೧೯೫೮ ಮುಟ್ಟ ನ್ಯೂಯಾರ್ಕ್ ಡ್ ವಿಶ್ವಸಂಸ್ಥೆದ ಪ್ರತಿನಿಧಿಯಾದಿತ್ತೆರ್. ಬೊಕ್ಕ ಯುರೋಪ್-ಅಮೇರಿಕಾಲೆಡ್ ದಿ ಟೈಮ್ಸ್ ಆಫ್ ಇಂಡಿಯಾದ ಪ್ರತಿನಿಧಿಯಾದಿತ್ತ್ ದ್ ಐಡ್ದ್ ಬೊಕ್ಕ ದಿ ಸಂಡೆ ಟೈಮ್ಸ್ ಆಫ್ ಇಂಡಿಯಾ, ದಿ ಇಲ್ಲಸ್ಟ್ರೇಟೆಡ್ ವೀಕ್ಲಿ ಆಫ್ ಇಂಡಿಯಾಲೆಡ್ ಬೆಂದ್ ದ್ ನಿವೃತ್ತಿ ಪಡೆಯೆರ್. ಐಡ್ದ್ ಬೊಕ್ಕಲಾ ಪ್ರಸಾರ ಭಾರತಿದ ನಿರ್ದೇಶಕೆರ್, ಅಧ್ಯಕ್ಷೆರಾದಿತ್ತ್ ದ್ ಬಾರೀ ಲೇಖನೊಲೆನ್ ಬರೆಯೆರ್-ಪಂಡ ಪ್ರತಿವಾರ ಭಾರತದ ಪತ್ತ್ ದಿನಪತ್ರಿಕೆಲೆಗ್ ಅಂಕಣ ಲೇಖನೊಲೆನ್ ಬರೆವೊಂದಿತ್ತೆರ್.
ಎಂ.ವಿ. ಕಾಮತೆರ್ ೪೫ಕ್ಕ್ ಲಾ ಎಚ್ಚ ಬೂಕುಲೆನ್ ಬರೆತೆರ್, ಸಂಪಾದನೆ ಮಲ್ತ್ ದೆರ್.
ಆರೆನ ಕೆಲವು ಬೂಕುಲು[ಸಂಪೊಲಿಪುಲೆ]
- ಪಾರ್ಟೀಸ್ ಅಂಡ್ ಪಾಲಿಟಿಕ್ಸ್ ಇನ್ ಇಂಡಿಯಾ, ೧೯೪೮
- ಕರ್ನಾಟಕ ದರ್ಶನ (ಸಂ.) ೧೯೫೩
- ಪುನರಪಿ ಜನನಂ, ೧೯೬೦
- ಟು ದಿ ಕ್ಯಾಪ್ಟನ್, ೧೯೬೮
- ದಿ ಯುನೈಟೆಡ್ ಸ್ಟೇಟ್ಸ್ ಆಫ್ ಇಂಡಿಯಾ-೧೭೭೬-೧೯೭೯,
- ದಿ ಫಿಲಾಸಫಿ ಆಫ್ ಡೆತ್ ಅಂಡ್ ಡೈಯಿಂಗ್, ೧೯೭೮
- ಪ್ರೊಫೆಶನಲ್ ಜರ್ನಲಿಸಂ-೧೯೭೯
- ದಿ ಕಪ್ ಆಫ್ ಲವ್-೧೯೮೧
- ದಿ ಪರ್ಸೂಟ್ ಆಫ್ ಎಕ್ಸಲೆನ್ಸ್-೧೯೮೨
ಪ್ರಶಸ್ತಿಲು[ಸಂಪೊಲಿಪುಲೆ]
- ಆರೆಗ್ ಭಾರತ ಸರಕಾರ ಪದ್ಮಭೂಷಣ ಪ್ರಶಸ್ತಿ ಕೊರ್ತುಂಡು.[೧]