ಅಂಬಡೆ

ಅಂಬಡೆ
	Leaves
Conservation status
	; Least Concern (IUCN 3.1)
Scientific classification
Missing taxonomy template (fix):	Spondias
Species:	Template:Taxonomy/SpondiasS. pinnata
Binomial name
	Template:Taxonomy/SpondiasSpondias pinnata; (L.f.) Kurz
Synonyms
	13 synonyms Buchanania yunnanensis C.Y.Wu ; Evia amara Comm. ex Blume ; Poupartia acuminata (Roxb.) Wall. ; Spondias acuminata Roxb. ; Spondias amara Lam. ; Spondias bivenomarginalis K.M.Feng & P.I Mao ; Spondias macrophylla Wall. ; Spondias mangifera Willd. ; Spondias mangifera var. javanica Koord. & Valeton ; Spondias paniculata Roxb. ex Wight & Arn. ; Spondias sinensis Lour. ex Steud. ; Wirtgenia decandra Jungh. ;

ಅಂಬಡೆ/ಅಂಬಟೆಗ್ ಕನ್ನಡೊಡ್ ಅಮಟೆಕಾಯಿ ಪನ್ಪೆರ್. ಇಂಗ್ಲಿಷ್‌ಡ್ ಸ್ಪೋಂಡಿಯಾಸ್ (Spondias) ಪನ್ಪೆರ್. ಇಂದೆತ್ತ ವೈಜ್ಞಾನಿಕ ಪುದರ್ ಸ್ಪೋಂಡಿಯಾಸ್ ಪಿನ್ನಾಟ (spondias pinnata) ಪಂಡ್‍ದ್.^[೩] ಉಂದು ಒಂಜಿ ಪುಳಿ ಉಪ್ಪು ಕಾಯಿ ತೆಂಡೆಲ್, ಲಾಡ್ ದಾತ್ ಮಲ್ಲೆ ಇತ್ತ್‌ದ್ ಒಂತೆ ಉದ್ದ ಉಪ್ಪುಂಡು. ಅಂಬಡೆಡ್ ಕೊರಂಟ್ ಮಲ್ಲೆದ, ಬುಕ್ಕೊ ಕೊರಂಟ್ ಎಲ್ಯೆದ, ಬುಕ್ಕೊ ಸೀಪೆ/ಚೀಪೆ ಅಂಬಡೆ ಉಪ್ಪುಂಡು. ಅಂಬಡೆ ಪನ್ಪಿನ ಒಂಜಿ ತಿಂಡಿ. ತುಳುನಾಡ್‍ಡ್ ಉಪ್ಪುನ ಒಂಜಿ ವಿಶೇಷವಾಯಿನ ತಿಂಡಿ.

"ಅಂಬಡೆಗ್ ಅಮೆ ತಪ್ಪುಜಿಗೆ" ತುಳುಟ್ ಒಂಜಿ ಗಾದೆ. ಅಂಬಡೆ ಆದ್ ಇಪ್ಪುನ ಸಮಯೊಡೆ ಕುಡ ಪೂ ಪೊಫುಂಡು ಐಕ್ ಈ ಗಾದೆ ಪನ್ಪೆರ್. ಅಂಬಡೆ ದ ಉಪ್ಪಡ್ ದ ಉನ್ಯರ ಬಾರಿ ಸೊಕು ಆಪುಂಡು. ಪಚ್ಚೊಡಿ ಮಲ್ತ್ ದ್ ತಿನೊಲಿ. ಬುಕ್ಕೊ ಈ ಮರ ಬಜಿ ಲತ್ತ್. ಮರತ ಕೊಡಿಕ್ ಪೋವರ ಆಪುಜಿ. ಸೇವುದ ಕಜಿಪುಗು ಅಂಬಡೆ ಪಾಡ್ದ್ ಕಜಿಪು ಮಲ್ತ್ಂಡ ಐನ ಕಮ್ಮೆನ ಬೇತೆನೆ ಉಂಡು. ಅಂಬಡೆನ್ ಜಾಸ್ತಿ ತಿನಿಯರ ಬಲ್ಲಿ.

ಗಲಸುನಿ

ಅಂಬಡೆನ್ ಉಪ್ಪುಡ್ ಪಾಡ್ಯರೆ, ಬೆಂಡೆ ಆಜಾನಗ, ಚಟ್ನಿ ಮಲ್ಪನಗ, ಉಪಯೋಗ ಮಲ್ಪುವೆರ್. ಬೆಯ್ಪಾದ್ ನೀರ್ ಉಪ್ಪಡ್ ಪಾಡುವೆರ್. ಅಂಬಡೆದ ಮರತ್ತ ಇರೆ ಪುಳಿ ಉಪ್ಪುಂಡು. ಚಟ್ನಿ ಮಲ್ಪನಗ ಐತ ಇರೆನ್ ಪುಳಿಕ್ಕಾದ್ ಬಳಕೆ ಮಲ್ಪುವೆರ್. ಕಂಚಲದಂಚಿನ ಕೈಪೆ ತರಕಾರಿದೊಟ್ಟಿಗೆ ಅಂಬಡೆ ಪಾಡ್ದ್ ಕಜಿಪು ಮಲ್ಪುವೆರ್. ಅಂಬಡೆ ಪನ್ಪಿನ ಒಂಜಿ ತಿಂಡಿಲಾ ಉಂಡು. ಉರ್ದು ಕಡೆದ್ ಆಯಿಕ್ ಸುಂಟಿ, ಕಾಯಿಮುಂಚಿ ಮೂರ್ದ್ ಪಾಡ್ಡ್ ಎಣ್ಣೆಡ್ ಕಯಿತ್ಂಡ ಅಂಬಡೆ ತಯಾರಾಪುಂಡು. ಈ ತಿಂಡಿನ್ ಚಹಾದ ಒಟ್ಟುಗು ತಿನೊಲಿ. ಆತ್ತಂದೆ ಬರ್ಸ್ ಬನ್ನಗ ಪೊರ್ತು ಕಳೆಯೆರೆ ಈ ತಿಂಡಿ ತಿನೊಲಿ.

ಬುಲೆಪುನ ಜಾಗ್

ಅಂಬಡೆದ ದೈಯಿ ವಾ ಮಣ್ಣ್‌ಡ್‌ಲಾ ಬುಲೆಪುಂಡು. ಅಂಡ ಸಾಮಾನ್ಯವಾದ್ ಜರಿತ್ತ ಜಾಗೆಡ್ ಬುಲೆವುಂಡು.

ಬುಲೆಪುನ ರೀತಿ

ಅಂಬಡೆ ಮರ ಸುಮಾರ್ (೨೫ ಪೀಟ್)ಉದ್ದ ಪೋಪುಂಡು. ಅಂಬಡೆ ಆಪಿನ ಪೊರ್ತುಗು ಇರೆ ಕಮ್ಮಿಯಾಪುಂಡು. ಆತ್ ಗಟ್ಟಿದ ಮರ ಅತ್ತ್. ಆಯಿನೆರ್ದ್ ಏರ್ಲ ಮರಕ್ ಮಿತರುಜೆರ್. ದೋಂಟಿಡ್ ಕುಟ್ಟುದ್ ಕಾಯಿನ್ ತಲ್ಪುವೆರ್. ಬಜ್ಜೆಯಿದಾತ್ ಮಲ್ಲ. ಅವ್ವೇ ಆಕಾರೊದ ಪಚ್ಚೆ ಕಾಯಿಡ್ ಒಂಜೇ ಬಿತ್ತ್ ಉಪುಂಡು. ಬಿತ್ತ್ ನಾರ್ ನಾರಾದ್ ಗಟ್ಟಿ ಉಪ್ಪುಂಡು. ಅಂಬಡೆ ಕಾಯಿ ಮಸ್ತ್ ಪುಲಿ ರುಚಿ. ಕಜಿಪುಲೆಡ್ ಪುಲಿತ ಪಗತೆಗ್ ಗಲಸುವೆರ್. ಸುಮಾರ್ ಮೇ ತಿಂಗೊಲ್ಡ್ ಪೂ ಪೋಂಡ ಜೂನೆ ಜುಲಾಯಿದಂಚಿ ಲತ್ತ್ ಕಾಯಿ ಜೊಂಕೆ ಜೊಂಕೆ ನೇಲ್ಂದುಪ್ಪುಂಡು.

ಗಾದೆಲು

ಪತ್ತಿನವು ನುರ್ಗೆದ ಗೆಲ್ಲ್ - ಪತ್ತಿನವು ಅಂಬಡೆದ ಗೆಲ್ಲ್
ಕಂಚಲ ಕೈಪೆಂದ್ ದಕ್ಯರೆ ಬಲ್ಲಿ ಅಂಬಡೆ ಪಾಡ್ದ್ ಆಜಾವೊಡು

ದುಂಬು ಜೋಕುಲು ಲಡಾಯಿ ಮಲ್ಪುನಗ ಅಂಬಟೆಂದ್ ಒರಿ ಪಂಡೆಂಡ ಬುಕ್ಕೊೋರಿ ಅಂಬಟೆದ ಕೊರಂಟ್ಂದ್ ಪಂಡ್‍ದ್ ಗೇಲಿ ಕಟ್ಟವೊಂದು ಇತ್ತೆರ್.

ಉಲ್ಲೇಕೊಲು

↑ Cite error: The named reference IUCN was invoked but never defined (see the help page).
1 2 Cite error: The named reference POWO was invoked but never defined (see the help page).
↑ "Archive copy". Archived from the original on 2016-04-07. Retrieved 2016-06-13. {{cite web}}: Unknown parameter |dead-url= ignored (|url-status= suggested) (help)CS1 maint: archived copy as title (link)

[IUCN-1] Cite error: The named reference IUCN was invoked but never defined (see the help page).

[POWO-2] 1 2 Cite error: The named reference POWO was invoked but never defined (see the help page).

[3] "Archive copy". Archived from the original on 2016-04-07. Retrieved 2016-06-13. {{cite web}}: Unknown parameter |dead-url= ignored (|url-status= suggested) (help)CS1 maint: archived copy as title (link)

[೧]

[೨]

[೩]