ಅದಿತಿ (ದೇವಿ)

ಅದಿತಿ
ಬಾನೊದ ದೇವತೆ
Aditi praying to the god Brahma
Affiliation	ದೇವಿ, ದೇವಕಿ
ಹತಾರ್	ಕತ್ತಿ, ತ್ರಿಶೂಲ
ಪಟ್ಯೊ	ಋಗ್ವೇದ, ಪುರಾಣಲು, ರಾಮಾಯಣ, ಮಹಾಭಾರತ
ವೈಯಕ್ತಿಕ ಇಸಯೊಲು
ಪೋಷಕೆರ್	ದಕ್ಷ (father) ಅಸ್ಕಿನಿ (mother)
ಸಹೋದರ/ರಿ	ದಿತಿ, ಕದ್ರು , ವಿನತೆ, ಸತಿ, ಸ್ಮೃತಿ, ಸ್ವಾಹ, ರೋಹಿಣಿ, ರೇವತಿ, ದನು, ಮುನಿ
ಸಂಗಾತಿ	ಕಶ್ಯಪ
ಸಂತತಿ	ಆದಿತ್ಯ, ಇಂದ್ರ, ಸೂರ್ಯ, ಭಾಗ, ವರುಣ, ಮಿತ್ರ, ಆರ್ಯಮನ್, ಸಾವಿತ್ರ, and ವಾಮನ ರುದ್ರ ವಾಸು

ಅದಿತಿ(ದೇವಿ) (ಸಂಸ್ಕೃತ: अदिति, ಮಿತಿ ಇಪ್ಪಂದಿನ ಅತ್ತ್ಂಡ ಮುಗ್ಧತೆ) ಹಿಂದೂ ದರ್ಮೊದ ಪ್ರಮುಕ ವೈದಿಕ ದೇವತೆ. ಮಾಂತ ಜೀವಿಲೆನ ಬಾನೊ ದೇವತೆಯಾದ್ ಈ ದೇವಿನ್ ಬ್ರಹ್ಮ ದೇವೆರೆನ ರೂಪೊ ಪಂದ್ಲಾ ಪನ್ಪೆರ್. ಋಗ್ವೇದೊಡ್ 250ರ್ದ್ಲಾ ಜಾಸ್ತಿ ಸರ್ತಿ ಅದಿತಿ ದೇವಿನ ಉಲ್ಲೇಕೊನ್ ಮಲ್ದೆರ್.

ಋಗ್ವೇದೊಡ್ ಅದಿತಿ ದೇವಿನ ಕತೆ

ಅದಿತಿ ದೇವಿನ ಪುಟ್ಟು ಸುರುಕಾದ್ ಋಗ್ವೇದೊಡ್ ತೋಜಿದ್ ಬರ್ಪುಂಡು. ವರುಣ, ಮಿತ್ರ, ಆರ್ಯಮಾನ್, ದಕ್ಷ, ಭಗ, ಅಂಶ, ಬೊಕ್ಕ ಕೆಲವೊರ ಸೂರ್ಯ ಬೊಕ್ಕ ಸವಿತಾ ಮೊಕ್ಲೆನ ಅಪ್ಪೆಯಾದ್ ಋಗ್ವೇದಡ್ ತೋಜಿದ್ ಬರ್ಪುಂಡು.

ಕುಟುಮ

ಅದಿತಿ ದಕ್ಷ ಬೊಕ್ಕ ಆಸಿಕ್ನಿ (ಪಾಂಚಜನಿ) ಮೊಕ್ಲೆನ ಮಗಲ್. ಶಿವ ಪುರಾಭ ಬೊಕ್ಕ ಭಾಗವತ ಪುರಾಣದ ಪ್ರಕಾರೊಡ್ ದಕ್ಷ ಅದಿತಿ ಬೊಕ್ಕ ತನ್ನ ಮಾಂತ 12 ಪೊಂಜೋಕ್ಲೆನ್ ಋಷಿ ಕಶ್ಯಪಗ್ ಮದಿಮೆ ಮಲ್ತ್‍ದ್ ಕೊರ್ಪೆರ್ ಪನ್ಪಿನ ಪಾತೆರ ಉಂಡು. ಕಶ್ಯಪ ತನ್ನ ಆಸ್ರಮೊಡ್ ಅದತಿತಿ ಬೊಕ್ಕ ದಿತಿನೊಟ್ಟುಪ್ಪುನಗ. ಅದತಿತಿ ಮಲ್ತಿನ ಸೇವೆರ್ದ್ ಕುಸಿಯಾದ್ ಅದಿತಿಡ ಒಂಜಿ ವರೊನ್ ಕೇನರೆ ಪನ್ಪೆರ್. ಅಪಗ ಅದಿತಿ ಒಂಜಿ ಆದರ್ಶ ಮಗೆ ಬೋಡುಂದ್ ಕೇನ್ವಲ್. ಅಂಚಾದ್ ಇಂದ್ರ ದೇವೆರ್ ಪುಟ್ಟುವೆರ್. ಅವೆರ್ದ್ ಬೊಕ್ಕ ಅದಿತಿ ವರುಣ, ಪರ್ಜನ್ಯ, ಮಿತ್ರ, ಅಂಶ, ಪೂಷನ್, ಧಾತ್ರಿ, ಆರ್ಯಮಾನ್, ಸೂರ್ಯ, ಭಗ, ಸಾವಿತ್ರ, ವಾಮನ ಬೊಕ್ಕ ವಿಸ್ಣು ಪನ್ಪಿನ ಪದ್ರಾಡ್ ಜೋಕ್ಲೆನ್ ಪೆದ್ದುವೆರ್.

ಆದಿತ್ಯನ ಅಪ್ಪೆ

ಅದಿತಿ ದೇವತೆ ಆದಿತ್ಯನ ಅಪ್ಪೆ. ಆದಿತ್ಯ ಪುದರ್ ದ ಅರ್ತ ಅದಿತಿನ ಮಗೆ ಪಂಡ್‍ದ್.

ದೇವಸ್ತಾನೊಲು

• ಆಂದ್ರಪ್ರದೇಸದ ಕರ್ನೂಲ್ ಜಿಲ್ಲೆಡುಪ್ಪುನ ಸಂಗಮೇಶ್ವರ ದೇವಸ್ಥಾನ.