ಅನಂತಾಡಿ

ಅನಂತಾಡಿ
ದೆಸೊ	ಭಾರತ
ರಾಜ್ಯೊ	ಕರ್ನಾಟಕ
ಜಿಲ್ಲೆ	ದಕ್ಷಿಣ ಕನ್ನಡ
Government
• Type	panchayat(India)
ಬಾಸೆ
• Official	ತುಳು, ಕನ್ನಡ
Time zone	UTC+5:30 (IST)
PIN	574253
Vehicle registration	ಕೆಎ 70

ಅನಂತಾಡಿ ಉಳ್ಳಾಲ್ತಿ ಮೆಚ್ಚಿ-೨

Ananthady-Ullalti-1

ಅನಂತಾಡಿ ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆ ದ ಬಂಟ್ವಾಳ ತಾಲೊಕುದ ಒಂಜಿ ಊರು. ಅನ್ಂತಾಡಿ ಪನ್ಪುನ ಊರು ಕುಡ್ಲಡ್‍ದ್ ಪುತ್ತೂರುಗ್ ಪೋನಗ ೪೦ ಕಿಲೋಮೀಟರ್ ದೂರೊಡು ಕೊಡಾಜೆ ಪನ್ಪುನ ಜಾಗೆಡ್ ಮೈಸೂರು-ಮಂಗಳೂರು ರಾಜಮಾರ್ಗೊಡ್ ತೆಲದ್ ಉಳಾಯಿ ೨ ಕಿಲೊ ಮೀಟರ್ ಪೋನಗ ತಿಕ್ಕುಂಡು. ಅನಂತಾಡಿದಕ್ಲೆಗ್ ಬಿ.ಸಿ.ರೋಡ್ ತಾಲೂಕು ಕೆಂದ್ರ. ವಿಟ್ಲ ಕಸಬಾ ಬೊಕ್ಕ ಪೋಲೀಸ್ ಸ್ಟೆಶನ್.

ಅನಂತಾಡಿದ ವಿಸೇಶ

ಅನಂತಾಡಿ ಲೋಕೊಗೆ ಪುದರ್ ಪೋಯೆರೆ ಕಾರಣ ಅನಂತಾಡಿ ಉಳ್ಳಾಲ್ತಿ ದೈವ. ದೈವದ ಮಾಡೊಡು ವರ್ಸಲಾ ಬಾರೀ ಮಲ್ಲ ಜಾತ್ರೆಲಾ ನಡಪುಂಡು. ಜಾತ್ರೆಗ್ ಮಡಿಕೇರಿ -ಸಕಲೇಸಪುರ - ಕಾಸರಗೊಡು - ಉಡುಪಿ ಇಂಚ ಮಾತಾ ಊರುದ್ದು ಜನ ಬರ್ಪೆರ್. ಚಿತ್ತರಿಗೆ ಪನ್ಪುನ ಜಾಗೆಡ್ ಉಳ್ಳಾಲ್ತಿ ನೆಲೆ ಆತ್ನೆ ಪ್ರತೀತಿ. ಮಾಯಿದ ಪೂವೆದಾನಿ ರಾತ್ರೆ ನೇಲ್ಯ ಇಲ್ಲಾದ್ (ದೊಡ್ಡ ಮನೆ) ಭಂಡಾರ ಪಿದಡ್ದ್ ಚಿತ್ತರಿಗ್ ಬತ್ತ್ ದ್ದ್ ಬೊಕ್ಕ ಬಂಟ್ರಿಂಜ ಪನ್ಪುನ ಜಾಗೆದ ಮಾಡೊಗು ಬತ್ತದ್ ಮನದಾನಿ ಪಗೆಲ್ ಪಂಡ ಮಾಯಿದ ಪುಣ್ಣಮೆದಾನಿ ಉಳ್ಳಾಲ್ತಿ ನೇಮ ಆಪುಂಡು. ಪರವೆರ್ ಪನ್ಪುನ ಜಾತಿದಕ್ಲ್ ನೇಮ ಕಟ್ಟುವೆರ್. ಈ ದೈವಗ್ ಬಾರ್ನೆ ಇದ್ದಿ. ದೊಂಬೇ ಬಾರ್ನೆಂದ್ ಪನ್ಪೆರ್. ದೈವದ ನೇಮ ಒಂಜಿ ಕೊಂಕಣೀ (ಪೈ) ಕುಟುಂಬೊದಕುಲು ನಡಪಾವೆರ್. ಉರ್ದಿಲ ಬೊಕ್ಕ ನೆಲ್ತೊಟ್ಟು ಗುತ್ತುದಕುಲುಲಾ ಪಾಲ್ ಪಡೆಪೆರ್. ಊರುದಕುಲಲಾ ಕೈ ಜೋಡಿಸಾವೆರ್.

ಅನಂತಾಡಿ ಮಂಡಲ ಪಂಚಾಯತ್

ಅನಂತಾಡಿ ಗ್ರಾಮ ಮಂಡಲ ಪಂಚಾಯತ್ ಆತ್ಂಡ್. ಗ್ರಾಮದ ಸುತ್ತ ಮುತ್ತ ನೆಟ್ಲಮುಡ್ನೂರ್, ಏಮಾಜೆ, ನೆರಳಕಟ್ಟೆ, ಕರಿಂಕ, ಬಾಳ್ತಿಲ, ಪನ್ಪುನ ಊರುಲು ಉಲ್ಲ. ಕರಿಂಕದ ದುರ್ಗಾಪರಮೇಶ್ವರಿ ದೇವಸ್ತಾನ ಬಾರೀ ಪಿರಾಕ್ ದ. ಸುತ್ತ ಮುತ್ತದ ಗ್ರಾಮೊಗು ದೇವೆರ್ ದುರ್ಗಾಪರಮೇಶ್ವರಿ. ಸುಮಾರ್ ರಡ್ಡರೆ ಸಾರ ಜನ ಮೂಲು ಉಲ್ಲೆರ್. ಕರಿಂಕದ ಜವೆನೆರ್ ಸೇರ್ದ್ ಸುರು ಮನ್ತಿನ ಭಜನಾ ಮಂದಿರ ಡ್ ಭಜನೆ, ಚೊಉತಿ ನಡಪುಂಡು. ಅನಂತಾಡಿ- ಪುತ್ತೂರು ಸರಕಾರಿ ಬಸ್ಸು ಉಂಡು.

ಅನಂತಾಡಿ ನರ್ಸರಿ ಬೊಕ್ಕ ಕಂಬುಳ

ಅನಂತಾಡಿದ ಮುಟ್ತಡ್ ಬಾಳ್ತಿಲಡ್ ನೇತ್ರಾವತಿ ನರ್ಸರಿ ಉಂಡು. ಅವು ಸರಕಾರಿ ನರ್ಸೆರಿ. ಅಲ್ಲ್ ಮಾತಾ ಜಾತಿದ ಮರ-ದೈ ತಿಕ್ಕುಂಡು. ನಾಲ್ ಕಂಬುಳ ಇಪ್ಪುನ ಗ್ರಾಮ ಪಂಡ ಅನಂತಾಡಿ ಮಾತ್ರೆ. ದಂಡೆತ್ತಿಮಾರ್, ಬಾಕಿಲ್ತಿಮಾರ್, ಕೂಡೊಲ್ತಿಮಾರ್ ಬೊಕ್ಕ ಅಗಲ್ತಿಮಾರ್. ಈ ಪುದರ್ಲೆಗಲಾ ಉಳ್ಳಾಲ್ತಿ ಗ್ ಲಾ ಸಂಬಂದ ಉಂಡು.