ಎನ್ ಎಸ್ ಎಸ್

ವಿಕಿಪೀಡಿಯರ್ದ್
Jump to navigation Jump to search
ಕೈಟ್ ಪತ್ತ್‌ನ ಎನ್.ಎಸ್.ಎಸ್. ಚಿಹ್ನೆ

ರಾಷ್ಟ್ರೀಯ ಸೇವಾ ಯೋಜನೆ ಉಂದು ಕೋಲೆಜಿಗ್ ಪೋಪಿನ ಜೋಕುಲೆಗ್ ಸಮಾಜ ಸೇವೆದ ಬಗ್ಗೆಡ್ ತೆರಿಯರಗ್ ಉಪ್ಪುನ ಒಂಜಿ ಸರಕಾರೊದ ಯೋಜನೆ. ಗಾಂಧೀಜಿ ಗಾಂಧೀಜಿಯರ್ ಸರ್ವೋದಯ ತತ್ವೊದ ಬಗೆಟ್ ಯೋಚನೆ ಮಲ್ಪುನಗ ಇಂಚಿನ ಒಂಜಿ ಇಚಾರೊನು ಕನತೆರ್.[೧] ಇಂಚ ಎನ್.ಎಸ್.ಎಸ್. ಪನ್ಪಿನ ಪರಿಕಲ್ಪನೆ ಬತ್ತ್ಂಡ್. ಸುರುಕು ಪದವಿ ಕಾಲೇಜಿಲೆಡ್ ಇತ್ತಿನ ಎನ್.ಎಸ್.ಎಸ್. ಬುಕ್ಕೊ ಸ್ನಾತಕೋತ್ತರ, ಪಿ.ಯು.ಸಿ ವಿಭಾಗೊದ ಜೊಕ್ಲೆಗ್‍ಲಾ ಇಸ್ತರಣೆಯಾಂಡ್.[೨]

ಎನ್.ಎಸ್.ಎಸ್. ಧ್ಯೇಯೊ[ಸಂಪೊಲಿಪುಲೆ]

“ಅನುಭವವು ಸವಿಯಲ್ಲ ಅದರ ನೆನಪೇ ಸವಿಯು, ಅದ ಕದ್ದು ಮೇಯದೆ ಮನವು” ಇಂಚ ಕವಿ ಕಡೆಂಗೋಡ್ಲು ಶಂಕರಭಟ್ ಪನ್ತೆರ್. ಎನ್ಎಸ್ಎಸ್ ಧ್ಯೇಯವಾಕ್ಯೊ ನನಗಲ್ಲ, ನಿನಗNot me, but you(ಯೆಂಕತ್, ನಿಕ್ಕ್) ಆತ್ಂಡ್. ಪ್ರಜಾಪ್ರಭುತ್ವೊ ದೇಸೊಡು ಬದುಕುನ ಅಂಚನೆ ನಿಸ್ವಾರ್ತೊ ಸೇವೆಡ್ ಬುಕ್ಕೊ ಬೇತೆ ವ್ಯಕ್ತಿಲೆನೊಟ್ಟುಗೆ ಮೆಚ್ಚಿಗೆಡ್ ಗುರುತಿಸದ್ ಮಾನವೀಯತೆನ್ ದೇರ್ತ್‌ತೋಜಾವುನ ಅಗತ್ಯೊನು ಎನ್.ಎಸ್.ಎಸ್. ದ್ಯೇಯ ವಾಕ್ಯೊ ಪ್ರತಿಬಿಂಬಿಸವುಂಡು.[೩]

1968ಡ್ ಆರ್ಮ್‌ಡ್ ಫೋರ್ಸ್ ದಿನಾಚರಣೆದಾನಿ ಎನ್.ಎಸ್.ಎಸ್.
ಎನ್.ಎಸ್.ಎಸ್. ಸಿಬಿರೊಡು ಬೂತೊ ನಲಿಕೆ

ಇತಿಹಾಸೊ[ಸಂಪೊಲಿಪುಲೆ]

ಆರ್ಮ್‌ಡ್ ಫೋರ್ಸ್ ದಿನಾಚರಣೆ ಮೇ ೧೭,1969
ಎನ್.ಎಸ್.ಎಸ್. ಸಿಬಿರೊ ಜ್ಯೋತಿ

ಎನ್.ಎಸ್.ಎಸ್.ದ ಅಗತ್ಯೊ[ಸಂಪೊಲಿಪುಲೆ]

  • ಬಾರತೊಗು ಸ್ವಸಂತ್ರೊ ತಿಕ್ಕ್‌ನೆಡ್ದ್ ಬುಕ್ಕೊ ಯು.ಜಿ.ಸಿ.(University Grants Commission) ಎಸ್. ರಾದಾಕೃಷ್ಣನ್‍ರೆನ ಗುರ್ಕಾರ್ಮೆಡ್ ಶಿಕ್ಷಣೊ ಕ್ಷೇತ್ರೊದ ಸಂಸ್ಥೆಲೆಡ್ ಸ್ವಯಂಸೇವಕೆರೆನ್ ರಾಷ್ಟ್ರೊದ ಸೇವೆಗಾತ್ರೊ ತಯಾರ್ ಮಲ್ಪೊಡು ಪನ್ಪುನ ಒಂಜಿ ಪ್ರಸ್ತಾವನೆನ್ ದೀಡಿಯೆರ್.[೪] ಈ ಆಲೋಚನೆನ್ ಜನವರಿ ೧೯೫೦ನೆ ಇಸವಿಡ್ ಸೆಂಟ್ರಲ್ ಅಡ್ವೈಸರಿ ಬೋರ್ಡ್ ಆಫ್ ಎಡ್ಯುಕೇಶನ್(CABE)ಸಭೆಟ್ ಕೂಡೊರೊ ಪ್ರಸ್ತಾಪೊ ಮಲ್ತೆರ್. ಈ ನೆಲೆಟ್ ಉಂಡಾಯಿನ ಆಲೋಚನೆನ್ ಪರೀಕ್ಷೆ ಮಲ್ತದ್, ದೇಸೊಡು ಕೋಲೇಜಿದ ಜೋಕ್ಲು ಬುಕ್ಕೊ ಶಿಕ್ಷಕೆರ್ ದೇಸೊ ಭಕ್ತಿಡ್ ಸ್ವಯಂ ಸೇವಕೆರಾದ್ ಸ್ವಸಹಾಯೊಡು ಬೇಲೆ ಮಲ್ಪೊಡುಂದು ತೀರ್ಮಾನೊ ಆಂಡ್. ಉಂದು ಸುರುತ ಪಂಚವಾರ್ಷಿಕ ಯೋಜನೆಡ್ ೧೯೫೨ಡ್ ಸರಕಾರೊ ಬಳಕೆಗ್ ಕೊನತ್ತ್‌ಂಡ್. ಸೇವಾ ಮನೋಭಾವೊದ ಅಗತ್ಯೊಡು ಸಮಾಜೊ ಬುಕ್ಕೊ ಸಾಮಾನ್ಯೆರೆನ ಸೇವೆದ ನಿಲೆಟ್ ಬಾರತೊದ ಕೋಲೆಜಿದ ಜೋಕ್ಲೆಗ್ ಒಂಜಿ ಒರ್ಸೊಗು ಸ್ವಯಂ ಸೇವಕೆರಾದಿಪ್ಪೊಡು ಪನ್ಪುನ ಒತ್ತಡೊ ಕೊನತ್ತೆರ್.[೫]
  • ೧೯೫೮ಡ್ ಜವಾಹರಲಾಲ್ ನೆಹರು ಸಮಾಜ ಸೇವೆ ಪನ್ಪುನ ಆಲೋಚನೆನ್ ಪದವಿ ಕೋಲೇಜಿದ ಜೋಕ್ಲೆಗ್ ಸುರು ಮಲ್ಪೊಡುಂದು ಪೂರ ರಾಜ್ಯೊಲೆನ ಮುಖ್ಯಮಂತ್ರಿಲೆಗ್ ಪತ್ರೊ ಬರೆಯೆರ್. ಶಿಕ್ಷಣ ಇಲಾಖೆದ ಮಾರ್ಗೊದರ್ಸನೊಡು ಉಂದೊಂಜಿ ಸಕ್ರೀಯ ಯೋಜನೆಯಾದ್ ಸಂಸ್ಥೆಲೆಡ್ ರಾಷ್ಟ್ರೀಯ ಸೇವೆಂದ್ ಶೈಕ್ಷಣಿಕ ಅಗತ್ಯೊ ಪಡೆವೊನುನಂಚ ಯೋಜನೆ ರೂಪೊ ಪಡೆಂಡ್.
  • ೧೯೫೨ಡ್ ಉಂದೊಂಜಿ ಯೋಜನೆ ಆದ್ ರಚನೆ ಆಂಡ್. ಈ ಯೋಜನೆ ಕೋಲೇಜಿಲೆಡ್ ಸುರು ಮಲ್ಪೆರ್ ದುಂಬು ರಾಜ್ಯೊಲೆನ್ ಶಿಕ್ಷಣೊ ಮಂತ್ರಿಲೆಗ್ ಒಂಜಿ ಕಾರ್ಯಾಗಾರೊನು ನಡಪ್ಪಾಯೆರ್. ಈ ಕಾರ್ಯಾಗಾರೊಡು ಒಪ್ಪಿಗೆ ಪಡೆವೊಂಡ್‍ನ ಯೋಜನೆ ರಾಷ್ಟ್ರೀಯ ಸೇವೆಗಾತ್ ಕೂಡ್ಲೆ ಸುರು ಆವೊಡುಂದು, ಅಂಚನೆ ಇಂದೆಕಾದ್ ಒಂಜಿ ಕಮಿಟ್ ರಚನೆ ಮಲ್ಪೊಡುಂದ್, ಉಂದೆನ್ ಕೂಡ್ಲೆ ಚಾಲನೆಗ್ ಕೊನರೊಡುಂದು ಅನುಮಾದಿಸಾಯೆರ್. ಇಂಚ ಸಿ.ಡಿ.ದೇಶ್‍ಮುಖ ಇಂಬೆರೆನ ಗುರ್ಕಾರ್ಮೆಡ್ ಆಗಸ್ಟ್ ೨೮, ೧೯೫೯ಡ್ ರಾಷ್ಟ್ರೀಯ ಸೇವೆದ ಕಮಿಟಿನ್ ಮಲ್ಪೊಡುಂದ್ ಸಲಹೆ ಕೊರಿಯೆರ್. ಈ ಸಮಿತಿ ಒರ್‍ಂಬೊ ತಿಂಗೊಲು ಅತ್ತಂಡ ಒಂಜಿ ಒರ್ಸೊಗು ರಾಷ್ಟ್ರೀಯ ಸೇವೆನ್ ಪರಿಚಯೊ ಮಲ್ಪೊಡುಂದ್ ಶಿಫಾರಸ್ ಮಲ್ತ್ಂಡ್. ಅಂಚನೆ ಶಿಫಾರಸ್ ದಾಯೆ ಪಂಡ, ಇಂದೆತ ಅನುಷ್ಠಾನೊಡು ಈ ಒರ್ಸೊದ ಆರ್ಥಿಕ ಪರಿಣಾಮೊಲು ಬುಕ್ಕೊ ತೊಂದರೆಲೆನ್ ಸ್ವೀಕರಿಸವೊಂದ್‌ಜೆರ್.
  • 1960ನೆ ಇಸವಿಡ್ ಬೇತೆ ದೇಸೊಡು ವಿದ್ಯಾರ್ಥಿಲೆಗ್ ರಾಷ್ಟ್ರೀಯ ಸೇವೆ ಎಂಚ ಜಾರಿ ಆತ್ಂಡ್ ಪನ್ಪುನ ಅಧ್ಯಯನೊಗು ಸರ್ಕಾರೊ ಕೆ.ಜಿ.ಸೈಯ್ಯಿದೈನ್‍ರೆನ್ ನೇಮಕೊ ಮಲ್ತ್ಂಡ್. ಇಂಬೆರ್ ಅಧ್ಯಯನೊ ಮಲ್ತ್‌ದ್ ಯುವ ರಾಷ್ಟ್ರೀಯ ಸೇವೆ ಪನ್ಪುನ ನಿಲೆಟ್ ಬಾರತೊದ ವಿದ್ಯಾರ್ತಿಲೆ ಸಾಮಾಜಿಕ ಸೇವೆನ್ ಒಂಜಿ ಅಭಿವೃದ್ಧಿ ಕಾರ್ಯೊಸಾದ್ಯೊ ಯೋಜನೆಂದ್ ದೆತೊನೊಡುಂದು ಸರಕಾರೊಗು ವರದಿ ಸಂದಾಯೆರ್.[೬]
ಎನ್.ಎಸ್.ಎಸ್. ಸಿಬಿರೊದ ಒಂಜಿ ನೋಟೊ

ಸಂಸ್ಥೆಲು[ಸಂಪೊಲಿಪುಲೆ]

  • ಡಿ.ಎಸ್.ಕೊಠಾರಿ ಇಂಬೆರೆನ ಮುತಾಲಿಕೆಡ್ ೧೯೬೪-೧೯೬೬ಡ್ ಶಿಕ್ಷಣೊದ ಪ್ರತಿ ಹಂತೊಡು ವಿದ್ಯಾರ್ಥಿಲು ಸಮಾಜ ಸೇವೆನ್ ಸಂಘಟಿತವಾದ್ ಮಲ್ಪೊಲಿಂದ್ ಶಿಕ್ಷಣ ಆಯೋಗೊಗು ಸಿಪಾರಸ್ ಮಲ್ತೆರ್. ಈ ಅಭಿಪ್ರಾಯೊನು ಏಪ್ರಿಲ್ 1967ನೆ ಸಮಾವೇಸೊದ ಸಂದರ್ಭೊಡು ರಾಜ್ಯೊದ ಶಿಕ್ಷಣ ಸಚಿವೆರ್ ಗುಮನೊಗು ದೆತೊಂಡೆರ್. ವಿಶ್ವವಿದ್ಯಾಲಯೊಡು ವಿದ್ಯಾರ್ಥಿಲು ರಾಷ್ಟ್ರೀಯ ಕೆಡೆಟ್ ಕಾರ್ಪ್ಸ್(ಎನ್.ಸಿ.ಸಿ.) (ಉಂದೊಂಜಿ ಸ್ವಯಂಪ್ರೇರಿತೊ ಆಧಾರೊದ ಮಿತ್ತ್ ಅಸ್ತಿತ್ವೊಡುಪ್ಪುನ ಸಂಘಟನೆ) ಅತ್ತಂಡ ಪೊಸ ರಾಷ್ಟ್ರೀಯ ಸೇವಾ ಯೋಜನೆ(ಎನ್.ಎಸ್.ಎಸ್.) ಸೇರೊಡುಂದು ಸಿಪಾರಸ್ ಮಲ್ತೆರ್.
  • ಸೆಪ್ಟೆಂಬರ್ 1969ಡ್ ವಿಶ್ವವಿದ್ಯಾನಿಲಯೊದ ಉಪಕುಲಪತಿಕ್‌ಲೆನ ಅಧಿವೇಸನೊದ ಒಂಜಿ ವಿಸೇಸೊ ಸಮಿತಿಡ್ ಈ ಸಿಪಾರಸ್‍ಲೆನ್ ಪರೀಕ್ಷಿಸಯರ ಸಲಹೆ ಮಲ್ತ್‌ದ್ ರಾಷ್ಟ್ರೀಯ ಶಿಕ್ಷಣ ನೀತಿದ ಪ್ರಕಾರೊ ರಾಷ್ಟ್ರೀಯ ಸೇವೆ ಶಿಕ್ಷಣೊದ ಒಂಜಿ ಅವಿಬಾಜ್ಯೊ ಬಾಗೊ ಆದಿಪ್ಪೊಡುಂದು ಅಕ್ಲೆನ ಅನುಬವೊನು ಪಂಡೆರ್.[೭]
ಎನ್.ಎಸ್.ಎಸ್. ಸಹಭೋಜನೊ
ಎನ್.ಎಸ್.ಎಸ್. ರಕ್ತದಾನೊ ಸಿಬಿರೊ

ಎನ್.ಎಸ್.ಎಸ್. ಶುರು ಅಯಿನಾ[ಸಂಪೊಲಿಪುಲೆ]

  • ಮೇ 1969ಡ್ ಶಿಕ್ಷಣ ಸಚಿವಾಲಯೊ ಬುಕ್ಕೊ ವಿಶ್ವವಿದ್ಯಾಲಯ ಧನಸಹಾಯ ಆಯೋಗ(ಯು.ಜಿ.ಸಿ)ವಿದ್ಯಾರ್ಥಿ ಪ್ರತಿನಿದಿಲೆನ ಸಮ್ಮೇಲನೊ ಲೆತ್ತ್‌ಂಡ್. ರಾಷ್ಟ್ರೀಯ ಏಕೀಕರಣೊಗು ರಾಷ್ಟ್ರೀಯ ಸೇವಾ ಯೋಜನೆ(ಎನ್.ಎಸ್.ಎಸ್.) ಪನ್ಪುನ ಸ್ವಯಂಸೇವಕೆರೆ ಸಂಘಟನೆ ಬೋಡುಂದು ಸರ್ವಾನುಮತೊದ ಒಪ್ಪಿಗೆ ತಿಕ್ಂಡ್.
  • ೪ ನೆದ ಪಂಚವಾರ್ಸಿಕ ಯೋಜನೆಡ್ ರಾಷ್ಟ್ರೀಯ ಯೋಜನಾ ಆಯೋಗೊ ೫ ಕೋಟಿ ರೂಪಾಯಿನ್ ಬುಡುಗಡೆ ಮಲ್ತ್ಂಡ್. ಉಂದೊಂಜಿ ಇಸೇಸೊ ಯೋಜನೆಯಾದ್ ವಿಶ್ವವಿದ್ಯಾನಿಲಯೊ ಬುಕ್ಕೊ ಆಯ್ಕೆಯಾಯಿನ ಸಂಸ್ಥೆಲೆಡ್ ಬರೊಡುಂದು ಷರತ್ತ್ ಬದ್ದೊ ತೀರ್ಮಾನೊ ಆಂಡ್.
  • ಸೆಪ್ಟೆಂಬರ್ 24, 1969ಡ್ ಅಪಗದ ಕೇಂದ್ರೊ ಶಿಕ್ಷಣ ಮಂತ್ರಿ ಆಯಿನ ವಿ.ಕೆ.ಆರ್.ವಿ.ರಾವ್ ದೇಸೊದ ಮಾಂತ ರಾಜ್ಯೊಲೆಡ್ ಬುಕ್ಕೊ 37 ವಿಶ್ವವಿದ್ಯಾಲಯೊಡು ಎನ್.ಎಸ್.ಎಸ್. ಬುಡುಗಡೆ ಮಲ್ತೆರ್. ರಾಜ್ಯೊಲೆನ ಸ್ನಾತಕೋತ್ತರೊ, ಪದವಿ ಬುಕ್ಕೊ +2 ಮಟ್ಟದ ತರಬೇತಿ ಸಂಸ್ಥೆಲೆಗ್ ಇಸ್ತಾರೊ ಮಲ್ತೆರ್.
  • ೧೮೬೯ನೆ ಇಸವಿ ಅಕ್ಟೋಬರ್ ೨ ಗಾಂಧೀಜಿಯೆರ್ ಪುಟ್ಟಿದಿನ ಒರ್ಸೊ. ಗಾಂಧೀಜಿಯೆರೆನ ಇಚಾರೊದಾರೆನ್ ದೀಡೊಂದು, ಅರೆನ ಜನ್ಮೊ ಒರ್ಸೊಡು ಎನ್.ಎಸ್.ಎಸ್. ಪನ್ಪುನ ಸ್ಕೀಮ್ ಬಳಕೆಗ್ ಬತ್ತ್ಂಡ್.
  • ೧೮೬೯ಡ್ದ್ ೧೯೬೯ನೆ ಒರ್ಸೊಗು ೧೦೦ ಒರ್ಸೊ ಆಪುನ ನೆಂಪುಗಾತ್ರೊ ಪ್ರತಿ ಒರ್ಸೊದ ಸೆಪ್ಟೆಂಬರ್ ೨೪ನೆ ತಾರೀಕ್‍ದಾನಿ ಎನ್.ಎಸ್.ಎಸ್. ದಿನಾಚರಣೆ ಮಲ್ಪುವೆರ್. ಎನ್.ಎಸ್.ಎಸ್. ಒಂಜಿ ವಿದ್ಯಾರ್ಥಿ ಸ್ವಯಂ ಸೇವಕೆರೆ ಸಂಘಟನೆ. ಅಂಚಾದ್ ಎನ್.ಎಸ್.ಎಸ್. ಸಂಘಟನೆಡ್ ಯುವಕೆರಾಯಿನ ಕೋಲೆಜಿದಕುಲು ಸ್ವಯಂಸೇವಕೆರಾದ್ ಇಪ್ಪುವೆರ್. ಉಂದೊಂಜಿ ಸಮುದಾಯೊ ಸೇವೆಗಾತ್ರೊ ಪುಟ್ಟ್‌ನ ಸಂಘಟನೆ ಆಯಿನೆಡ್ದಾವರೊ ಪಿ.ಯು.ಸಿ.ಡ್ ೨ ಒರ್ಸೊ, ಪದವಿಡ್ ೨ ಒರ್ಸೊ, ಸ್ನಾತಕೋತ್ತರ ಪದವಿಡ್ ೨ ಒರ್ಸೊ ಇಂಚ ಎನ್.ಎಸ್.ಎಸ್.ಡ್ ಸ್ವಯಂಸೇವಕೆರಾದ್ ಇಪ್ಪೊಲಿ.
  • 1969 ಸೆಪ್ಟೆಂಬರ್ 24ದಾನಿ ನಮ್ಮ ರಾಷ್ಟ್ರೊಡು ಎನ್.ಎಸ್.ಎಸ್. ಸುರುವಾಂಡ್. ಮಹಾತ್ಮಾಗಾಂಧಿಯೆರ್ ಭಾರತೊ ದೇಸೊಡು ಗ್ರಾಮ ಸ್ವ-ರಾಜ್ಯೊದ ಕನ ಕಟ್ಯೆರ್. ಅಯಿನ ಪ್ರತಿಫಲನೇ ರಾಷ್ಟ್ರೀಯ ಸೇವಾ ಯೋಜನೆಯಾದ್ ರೂಪೊ ತಾಲ್ಂಡ್. ಸುರುಟು 40,000 ಜೋಕ್ಲು ಇತ್ತಿನ ಈ ಯೋಜನೆ ಇತ್ತೆ ಒಂಜೊಂಜಿ ವಿಶ್ವವಿದ್ಯಾನಿಲಯೊಡು 10,000ಡ್ದು ಹೆಚ್ಚ್ ಜೋಕುಲು ಉಲ್ಲೆರ್.
  • ಎನ್ ಎಸ್ ಎಸ್ ಘಟಕೊಡು ಮಾತಾ ಕಾಲೇಜಿಡ್ಲ ಉಪ್ಪುಂಡು. ಒಂಜಿ ಘಟಕ ಪಂಡ ೧೦೦ ಜನ ಸ್ವಯಂ ಸೆವೆಕೆರ್ ಉಪ್ಪುವೆರ್. ಒರಿಯೆ ಯೋಜನದೀಕಾರೀ ಉಪ್ಪುವೆರ್. ಊರುಡ್ ಬೇತೆ ಬೇತೆ ಕೋಡಿಡ್ ಸ್ವಚ್ಚತೆ, ಶ್ರಮದಾನ, ಉಪನ್ಯಾಸೊಲು, ರಾಷ್ಟ್ರಿಯ ಪರ್ಬೊದ ಆಚರಣೆಲು ಸಂಘಟನೆದ ಮೂಲಕೊ ನಡಪುಂಡು.[೮]

ಉಲ್ಲೇಕೊ[ಸಂಪೊಲಿಪುಲೆ]

  1. http://nss.nic.in/objectives.asp
  2. http://nss.nic.in/faq.asp
  3. http://www.nsskerala.org/
  4. http://nss.nic.in/
  5. http://india.gov.in/official-website-national-service-scheme
  6. http://www.jnu.ac.in/Students/NSS%20Manual%202006.pdf
  7. http://socialworknss.org/history.html
  8. http://www.b-u.ac.in/sections/NSS/introduction.htm