ಕಟ್ಟೆ ಅಮ್ಮ

Sarsa mata2

ಉಡುಪಿ ಜಿಲ್ಲೆ ಶಿವಳ್ಳಿ ಗ್ರಾಮದ ಓಂಜಿ ಊರು ಕಕ್ಕುಂಜೆ. ಆ ಊರುದ ಒಂಜಿ ದೇವಸ್ತಾನ ಕಟ್ಟೆ ಮಹಾದೇವಿ ಅಮ್ಮನವರ ದೇವಸ್ತಾನ. ಕಕ್ಕುಂಜೆ ಊರುದ ಭೂತೊಲೆನ ದೇವಸ್ತಾನ ಉಂದು. ಈಂದೆಟ್ ಪಂಚ ದೂಮಾವತಿ, ಬಂಟೆ ಪನ್ಪಿನ ರಡ್ಡ್ ದೈವೊಲೆನ್ ಆರಾದನೆ ಮಲ್ತೊಂದು ಉಲ್ಲೆರ್. ಮಾರ್ಚ್ ತಿಂಗೊಲುಡು ಕೋಲೋತ್ಸವ ಪನ್ಪಿನ ಜಾತ್ರೆ ನಡೆಪುಂಡು. ಆ ಸಮಯೊಡು ಊರುದ ಮಾತೆರ್ಲಾ ಕೈಕ್ ಕೈ ಕೊರ್ದು ಅಗಲ್ನ ಅಗಲ್ನ ಜಾತಿನ್ ಮದತ್ ದ್ ಕಜ್ಜೆಡ್ ಒಂಜಾಪೆರ್. ಕೋಲದ ದಿನ ಕುದುರು ಚಾವಡಿಡ್ ಮೆರವಣಿಗೆ ಪಿದಾಡ್ದ್ ಭಂಡಾರ ಕೋಲ ನಡಪುನ ಬಲ ಭಾಗೊಗ್ ಬರ್ಪುಂಡು. ಆ ದಿನ ಬಯ್ಯಗ್ ಕೋಲೋತ್ಸವ ಸುರು ಆಪುಂಡು. ಉಂದೊಂಜಿ ಕಾರ್ಣೀಕದ ಜಾಗ. ಬೇತೆ ಬೇತೆ ಊರುದ ಜನೊಕುಲು ಒಟ್ಟು ಸೇರ್ದ್ ಅಕುಲು ಪಂತಿನ ಪರಕೆನ್ ದೇವೆರೆಗ್ ಸಂದಾವೆರ್. ಕೋಲದ ಮನತಾನಿ ಕಾಂಡೆ ಬಾಲ್ ಭಂಡಾರೊನ್ ಮೆರವಣಿಗೆದೊಟ್ಟು ಚಾವಡಿಗ್ ಕಡಪವೆರ್. ಪ್ರತಿವಾರದ ಶುಕ್ರವಾರ ನೆಟೆ ಪೂಜೆ ನಡೆಪುಂಡು. ನವರಾತ್ರಿದ ಸಂದರ್ಭಡ್ ಪತ್ತ್ ದಿನತ ಪೂಜೆ ಬಾರಿ ಗೌಜಿಡ್ ನಡಪುಂಡು.