ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ

ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ ಬಾಸೆ ಒರಿಪ್ಪಾಯರ, ಸಂಸ್ಕೃತಿನ್ ಬುಲೆಪಾಯೆರ ಅಕಾಡೆಮಿಲು ಅಗತ್ಯ ಆದ್ ಪುಟ್ಂಡ್. ಕರ್ನಾಟಕೊಡು ಬ್ಯಾರಿ ಬಾಸೆಗ್ ಒಂಜಿ ಅಕಾಡೆಮಿದ ಸ್ತಾನಮಾನೊ ತಿಕ್‍ದ್ಂಡ್. ಮಾನ್ಯತೆ ತಿಕ್ಂಡ್. ಕರ್ನಾಟಕೊದ ಕರಾವಳಿಡ್ ತುಲು ಮಲ್ಲ ಬಾಸೆ. ಅಯಿತೊಟ್ಟುಗೆ ಮುಸಲ್ಮಾನೆರ್ ಬ್ಯಾರಿ ಬಾಸೆ ಪಾತೆರುವೆರ್. ಕರ್ನಾಟಕೊದ ಕನ್ನಡ ಬಾಸೆದೊಟ್ಟುಗು ತುಳು, ಕೊಂಕಣಿ, ಕೊಡವ, ಅರೆಬಾಸೆಗ್ ಸರಕಾರೊ ಅಕಾಡೆಮಿ ಕೊರ್‍ದ್ ಮಾನ್ಯತೆ ಕೊರ್ತ್ಂಡ್. ಅಂಚನೆ ಉರ್ದು ಬಾಸೆಗ್‍ಕಾ ಅಕಾಡೆಮಿ ಉಂಡು.

ಧ್ಯೇಯ ಬೊಕ್ಕ ಉದ್ದೇಶೊಲು

beary sahithya academy ಬ್ಯಾರಿ ಸಾಹಿತ್ಯ ಅಕಾಡೆಮಿಗ್ ಸಂಬಂಧಿಸಯಿನಂಚ ಕ್ಷೇತ್ರಡ್ ಅಧ್ಯಯನ ಬೊಕ್ಕ ಸಂಶೋಧನೆಗ್ ಉತ್ತೇಜನ ಕೊರ್ಪುನವು. ಈ ಉದ್ದೇಶೊಗಾದ್ ಸಂಶೋಧನಾಲಯ, ಗ್ರಂಥಾಲಯ ಇಂಚಿತ್ತಿನೆನ್ ಸ್ಥಾಪನೆ ಮಲ್ಪುನವು. ಬ್ಯಾರಿ ಸಾಹಿತ್ಯ ಅಕಾಡೆಮಿ ತನ್ನ ಉದ್ದೇಶೊಲೆನ ಅಬಿವೃದ್ಧಿಗಾದ್ ಬೊಕ್ಕ ಬುಲೆಚ್ಚಿಲ್ ಗಾದ್ ಬೇತೆ ಕಡೆಕಡೆಕುಲೆಡ್ ಇಂಚಿನವೇ ರೀತಿದ ಅಕಾಡೆಮಿಲೆನೊಟ್ಟುಗು ಬೊಕ್ಕ ಕರ್ನಾಟಕೊಡು ಉಪ್ಪುನ ಒರಿನ ಸಂಸ್ಥೆಲೆನೊಟ್ಟುಗು ಸಹಕರಿಸವುನೆ, ಉತ್ತೇಜನ ಕೊರ್ಪುನೆ. ಬ್ಯಾರಿ ಸಾಹಿತ್ಯ ಅಕಾಡೆಮಿದ ಕಾರ್ಯಚಟುವಟಿಕೆಲೆನ ಉದ್ದೇಶೊಗಾದ್ ಸರ್ಕಾರೊರ್ದು ಪಡೆಯಿನ ಅನುದಾನ ಬೊಕ್ಕ ವಿವಿಧ ಮೂಲೊದ ವಂತಿಗೆಲು ಬೊಕ್ಕ ದಾನೊಲೆನ ಮೂಲಕ ನಿಧಿ ಸಂಗ್ರಹಣೆ ಮಲ್ಪುಲಿ. ಇಂಚ ಸಂಗ್ರಹಿಸಯಿನ ನಿಧಿನ್ ಅಕಾಡೆಮಿದ ಕಾರ್ಯೋದ್ಧೇಶೊಲೆಗ್ ಬಳಸಯಿನೆತ ಬಗೆಟ್ಟ್ ಕನಾಟಕ ಸಾರ್ವಜನಿಕ ಸಂಗ್ರಹಣೆಡ್ ಪಾರದರ್ಶತತೆ ಅಧಿನಿಯಮ, ಕರ್ನಾಟಕ ಆರ್ಥಿಕ ಸಂಹಿತೆ, ಸಾದಿಲ್ವಾರು ಸಂಹಿತೆ ಪ್ರಕಾರ ಖರ್ಚಿದ ವಿವರೊಲೆನ್ ದೀವೊಡು. ವಂತಿಕೆ ಬೊಕ್ಕ ದಾನ ಕೊರ್‌ನಕುಲು ಆಪೇಕ್ಷೆ ಮಲ್ತ್ಂಡ ಅಕುಲೆನ ವಂತಿಕೆ ಬೊಕ್ಕ ದಾನದ ಮೊತ್ತನ್ ಖರ್ಚಿದ ವಿವರೊಲೆನ್ ಲಿಖಿತವಾದ್ ಅಕುಲೆಗ್ ಒದಗಿಸವೊಡು. ಬ್ಯಾರಿ ಅಕಾಡೆಮಿ ತನ್ನ ವಿಷಯ ಕ್ಷೇತ್ರೊಗು ಸಂಬಂಧಿಸಯಿನಂಚ ವಿಚಾರ ಸಂಕಿರಣ, ಕಾರ್ಯಾಗಾರ, ಸಂವಾದ, ಉನ್ನತಮಟ್ಟದ ಅಕಾಡೆಮಿಕ್ ಉತ್ಸವ ಇಂಚಿತ್ತಿ ಕಾರ್ಯಕ್ರಮೊಕುಲೆನ್ ನಡಪಾವೊಲಿ. ಕರ್ನಾಟಕ ಸರ್ಕಾರ, ಕೇಂದ್ರ ಸರ್ಕಾರ ಬೊಕ್ಕ ಕೇಂದ್ರ ಅಕಾಡೆಮಿಲು ಅಪೇಕ್ಷಿಸಯಿನಪಗ ಬ್ಯಾರಿ ಸಾಹಿತ್ಯ ಬೊಕ್ಕ ಸಂಸ್ಕೃತಿ ಬೆಳವಣಿಗೆಗಾದ್ ಸೂಕ್ತ ಸಲಹೆಲೆನ್ ಕೊರ್ಪುನೆ. ಬ್ಯಾರಿ ಸಾಹಿತ್ಯ ಅಕಾಡೆಮಿದ ಕ್ಷೇತ್ರ ವ್ಯಾಪ್ತಿಗ್ ಸಂಬಂಧಿಸಾಯಿನ ಪುಸ್ತಕ ಪ್ರಕಟಣೆಲೆನ್ ಕರ್ನಾಟಕ ಸಾರ್ವಜನಿಕ ಸಂಗ್ರಹಣೆಲೆಡ್ ಪಾರದರ್ಶಕತೆ ಅಧಿನಿಯಮದ ರೀತಿ ಮಲ್ಪೊಡು. ಬ್ಯಾರಿ ಅಕಾಡೆಮಿ ಬ್ಯಾರಿ ಸಾಂಸ್ಕೃತಿಕ ಮುನ್ನಡೆಗಾದ್ ಅಗತ್ಯ ಉಪ್ಪುನಂಚಿನ ಮಿತ್ತ್ ತೆರಿಪಾಯಿನಂಚಿನ ಧ್ಯೇಯೋದ್ಧೇಶೊಲೆಗ್ ಅನುಗುಣವಾಯಿನ ಕಾರ್ಯೊಲೆನ್ ನಿರ್ವಹಿಸೊಡು. ತನ್ನ ಉದ್ದೇಶೊಲೆನ ಮುನ್ನಡೆಗಾದ್ ಅಗತ್ಯುಪ್ಪುನಂಚಿನ ಮೇಲೆ ತಿಳಿಸಿದಂಥ ಧ್ಯೇಯೋದ್ಧೇಶೊಲೆಗ್ ಅನುಗುಣವಾಯಿನ ಕಾರ್ಯೊಲೆನ್ ನಿರ್ವಹಿಸಾವೊಡು. ಆಯಾ ವರ್ಷ ಆಯವ್ಯಯದ ಪರಿಮಿತಿಡ್ ಆರ್ಥಿಕ ವರ್ಷದ ಸುರೂಕೇ ಕ್ರಿಯಾಯೋಜನೆ ಬೊಕ್ಕ ಬಜೆಟ್‌ನ್ ಸಿದ್ಧಪಡಿಸಾದ್ ಸರ್ಕಾರೊರ್ದು ಅನುಮೋದನೆ ಪಡೆವೊನೊಡು ಬೊಕ್ಕ ಆಯಿತ್ತ ಪ್ರಕಾರ ಅನುಷ್ಠಾನಗೊಳಿಸವೊಡು. ಬ್ಯಾರಿ ಸಾಹಿತ್ಯ ಅಕಾಡೆಮಿ ಅಕುಲಕುಲೆನ ಕ್ಷೇತ್ರೊದ ಪ್ರತಿಭಾನ್ವಿತೆರೆಗ್ ಪ್ರಶಸ್ತಿ ಪುರಸ್ಕಾರ ಬೊಕ್ಕ ಬಹುಮಾನೊಲೆನ್ ಪ್ರತಿವರ್ಷಲಾ ಕೊರೊಡು..

ಕಾರ್ಯಕ್ರಮೊಕುಲು

ವಿವಿಧ ಸ್ತರೊಕುಲೆಡ್‍ ಬ್ಯಾರಿ ಸಾಕ್ಷ್ಯಚಿತ್ರ ನಿರ್ಮಾಣ : ಬ್ಯಾರಿ ಕಲೆ, ಭಾಷೆ, ಸಾಹಿತ್ಯ, ಸಂಸ್ಕೃತಿ ಉಂದೆತ್ತ ಸಮಗ್ರ ಚಿತ್ರಣೊನು ಬ್ಯಾರಿ ಭಾಷೆದ ಉಗಮರ್ದ್ ಸುರುಮಲ್‌‍ದ್ ಈತ್‌ನೆ ಮುಟ್ಟದ ಮಾತ ವಿವರೊಲೆನ್ ನನ ದುಂಬುದ ತಲೆಮಾರ್‌ಗ್ ಪರಿಚಯಿಸುನ ದೃಷ್ಠಿರ್ದ್ ವಿವಿಧ ಸ್ತರೊಕುಲೆರ್ದ್ ಬ್ಯಾರಿ ಸಾಕ್ಷ್ಯಚಿತ್ರೊನು ಪ್ರಕಟಿಸವೊಡು.

ಬೆಲ್ಕಿರಿ ದ್ವೈಮಾಸಿಕ ಸಂಚಿಕೆ ಬ್ಯಾರಿ ಬರಹಗಾರರೆಗ್ ಪ್ರೊತ್ಸಾಹ ಕೊರ್ಪುನ ಬೊಕ್ಕ ಸಾಹಿತ್ಯದ ಅಭಿವೃದ್ದಿದ ಸಲುವಾದ್ ಬ್ಯಾರಿ ಭಾಷೆದ ದ್ವೈಮಾಸಿಕ ಸಂಚಿಕೆನ್ ಪ್ರಕಟನೆ ಮಲ್ಪುಡಾಪುಂಡು.

ಬ್ಯಾರಿ-ಕನ್ನಡ-ಇಂಗ್ಲಿಷ್ ನಿಘಂಟು ಗ್ರಂಥಕೋಶ

ಸಾವಿರ ವರ್ಷ ಇತಿಹಾಸ ಉಪ್ಪುನ ಬ್ಯಾರಿ ಭಾಷೆ, ಕಲೆ, ಸಾಹಿತ್ಯ ಬೊಕ್ಕ ಸಂಸ್ಕೃತಿ ನನ ದುಂಬುದ ತಲೆಮಾರ್‌ದಂಚಿ ದೆಂತೊಂದು ಪೋಪುನ ದೃಷ್ಟಿರ್ದ್ ಬ್ಯಾರಿ ನಿಘಂಟು ಗ್ರಂಥಕೋಶೊನು ಪ್ರಕಟಿಸವುನೆ.

ಗಡಿನಾಡ್‌ದ ಕಾರ್ಯಕ್ರಮೊ

ಬ್ಯಾರಿ ಭಾಷೆ, ಸಾಹಿತ್ಯ, ಕಲೆ ಬೊಕ್ಕ ಸಂಸ್ಕೃತಿಗ್ ಪೂರಕವಾಯಿನ ಸಾಹಿತ್ಯಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮೊಕುಲೆನ್ ರಾಜ್ಯದ ಗಡಿಭಾಗೊಲೆಡ್ ಅಲ್ಪದ ಸ್ಥಳೀಯ ಸಂಘ ಸಂಸ್ಥೆದಕುಲೆನ, ಸ್ಥಳೀಯೆರೆನ ಸಹಕಾರ ದೆತೊಂದು ಕಾರ್ಯಕ್ರಮೊಲೆನ್ ನಡಪವುನೆ.

ಪತ್ತೆ

ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ ಹ್ಯಾಮಿಲ್ಟನ್ ಕಾಂಪ್ಲೆಕ್ಸ್, ಸ್ಟೇಟ್ ಬ್ಯಾಂಕ್ ಮಂಗಳೂರು-೫೭೫೦೦೧

ಪಿದಯಿದ ಸಂಪರ್ಕೊ

ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ Archived ೨೦೧೭-೦೯-೨೩ at the Wayback Machine