ಕಾರ್ನಾಡ್ ಸದಾಶಿವ ರಾವ್

ವಿಕಿಪೀಡಿಯರ್ದ್
Jump to navigation Jump to search
ಕಾರ್ನಾಡ್ ಸದಾಶಿವ ರಾವ್
ಪುಟ್ಟಿನ1881
ತೀರಿನಜನವರಿ 9, 1937
OrganizationIndian National Congress
Movementಭಾರತದ ಸ್ವಾತಂತ್ರ್ಯ ಸಂಗ್ರಾಮ

ಕಾರ್ನಾಡ್ ಸದಾಶಿವ ರಾವ್ 1881-1937. ದಕ್ಷಿಣ ಕನ್ನಡ ಜಿಲ್ಲೆದ ಪ್ರಸಿದ್ಧ ಸ್ವಾತಂತ್ರ್ಯ ಹೋರಾಟಗಾರೆ, ನ್ಯಾಯವಾದಿ, ಸಮಾಜಸೇವಕೆರರ. ತಂದೆ ಕಾರ್ನಾಡ್ ರಾಮಚಂದ್ರ ರಾವ್ ಕುಡ್ಲಮಂಗಳೂರುದ ಪ್ರಮುಖ ವಕೀಲೆರ್; ಆರ್ ಸದ್ಗುಣಿ, ಸ್ವತಂತ್ರ ಧೋರಣೆ ಉಪ್ಪುನ, ಸತ್ಯನಿಷ್ಠೆ ಪಂಡ್‍ದ್ ಪ್ರಸಿದ್ಧೆರಾಯಿನಾರ್. ಅಪ್ಪೆ ರಾಧಾಬಾಯಿ. [೧][೨] ಪುಟ್ಟು- ೧೮೮೧. ಪುಟ್ಟು- ಕಾರ್ನಾಡ್ ಸದಾಶಿವರಾಯೆರ್ ೧೧೮೧ ನೇ ಇಸವಿಡ್ ಕರ್ನಾಟಕೊದ ದಕ್ಷಿಣಕನ್ನಡ ಜಿಲ್ಲೆದ ಕಾರ್ನಾಡ್‍ಡ್ ಪುಟ್ಟಿಯೆರ್. ಆರ್ ಒಂಜಿ ಶ್ರೀಮಂತ ಕುಟುಂಬೊಡ್ ಪುಟ್ಟ್‌ನಾರ್.

ಶಿಕ್ಷಣ[ಸಂಪೊಲಿಪುಲೆ]

  • ಸದಾಶಿವರಾಯೆರ್ ಕುಡ್ಲಡ್ ಸುರುತ ಶಿಕ್ಷಣೊ ಪಡೆವೊಂಡೆರ್.
  • ಬೊಕ್ಕ ಮದರಾಸ್‍ದ ಪ್ರೆಸಿಡೆನ್ಸಿ ಕಾಲೇಜ್‍ಡ್ ಓದ್‍ದ್ ಪದವಿ ಪಡೆವೊಂಡೆರ್.
  • ಮುಂಬಯಿಡ್ ನ್ಯಾಯಶಾಸ್ತ್ರಡ್ ಪದವಿ ಪಡೆವೊಂಡೆರ್.
  • ಕುಡ್ಲಡ್ 1906ಟ್ ವಕೀಲಿ ಜೀವನ ಸುರು ಮಲ್ತೆರ್.
  • ಟೆನಿಸ್ ಬೊಕ್ಕ ಕ್ರಿಕೆಟ್ ಕ್ರೀಡಾ ಪಟುವಾದ್ `ಇಲೈಟ್ ಸ್ಪೋರ್ಟ್ಸ್ ಕ್ಲಬ್ದ ಸದಸ್ಯೆರಾದಿತ್ತೆರ್.

ಸ್ವಾತಂತ್ರ್ಯ ಚಳವಳಿ[ಸಂಪೊಲಿಪುಲೆ]

ಮೇರ್ ಬಾರಿ ಬೇಗ ವೃತ್ತಿಜೀವನೊಡು ಯಶಸ್ಸ್ ಪಡೆವೊಂಡೆರ್. ಮೇರೆನ ಮನಸ್ಸ್ ದೇಶದ ಉನ್ನತಿಗಾದ್ ಸದಾ ತುಡಿಯೊಂದು ಇತ್ತ್ಂಡ್. ಸ್ತ್ರೀಯೆರೆನ ಪ್ರಗತಿಗಾದ್ ಮಹಿಳಾ ಸಭಾ ಪನ್ಪುನ ಸಂಸ್ಥೆಯೊಂಜೆನ್ ಸುರು ಮಲ್ತೆರ್. ಮೇರ್ ಬೊಕ್ಕ ಮೇರೆನ ಬುಡೆದಿ ಶಾಂತಾಬಾಯಿ ಈ ಸಂಸ್ಥೆದ ಆಶ್ರಯೊಡು ಮಹಿಳೆಯರೆಗ್ ಉಪಯುಕ್ತ ಕಸಬುಲೆನ್ ಪಂಡ್‍ದ್ ಕೊರೊಂದು ಇತ್ತೆರ್. ದೇಶೊಡು ಸ್ವಾತಂತ್ರ್ಯ ಚಳುವಳಿ ತೀವ್ರವಾಯಿನಪಗ ಯುವಕೆರೆಗ್ ರಾಷ್ಟ್ರೀಯ ಶಿಕ್ಷಣೊನು ಕೊರ್ಪುನಂಚಿಗ್ ಮೇರೆನ ಮನಸ್ಸು ಪರತ್ಂಡ್. ಮೇರ್ ತಿಲಕ್ ವಿದ್ಯಾಲಯ ಮನ್ಪುನ ರಾಷ್ಟ್ರೀಯ ವಿದ್ಯಾಶಾಲೆನ್ ಸುರು ಮಲ್ತೆರ್. ಹಿಂದಿ ಭಾಷೆನ್ ಬೋಧಿಸುನ ಒಟ್ಟುಗು ಅಲ್ಪ ನೂಲುನೆ, ನೇಯುನೆ ಇಂಚಿತ್ತಿ ಉಪಯುಕ್ತ ಕೈಕಸಬುಲೆನ್ ಮೂಲು ಪಂಡ್‍ದ್ ಕೊರೊಂದು ಇತ್ತೆರ್.

ಬೆಂತಿನ ಬೇಲೆ[ಸಂಪೊಲಿಪುಲೆ]

ಕಂಡನಿ ತೀರ್ಪೋಯಿನ, ಬೊಕ್ಕ ಬಡಪತ್ತ್ದ ಪೊಂಜೊವುಲೆನ ಏಲ್ಗೆಗಾದ್ `ಮಹಿಳಾ ಸಭೆ' ಸ್ಥಾಪನೆ ಮಲ್ತೆರ್. ೧೯೧೯ನೇ ಇಸವಿರ್ದ್ ಬೊಕ್ಕ ತನನ್ ಸಂಪೂರ್ಣ ಸ್ವಾತಂತ್ರ್ಯ ಪೊರ್ಂಬಾಟಿಕೆಡ್ ತೊಡಗಾಯೆರ್. ಕಾಂಗ್ರೆಸ್ ಪಕ್ಷದ ನಿಷ್ಟಾವಂತ ಸದಸ್ಯೆರಾದ್ ಪಕ್ಷದ ಏಲ್ಗೆಗ್ ಬೆಂದೆರ್. ಸ್ವಾತಂತ್ರ್ಯದ ಪೊರ್ಂಬಾಟಿಕೆಡ್ ಬೊಕ್ಕ ಬಡವೆರೆಗಾದ್ ಅರೆನ ಸಂಪೊತ್ತುನ್ ಮಾತ ಖರ್ಚಿ ಮಲ್ತೆರ್. ಕಡೆಗಾಲೊಗು ಕರ್ಚಿಗ್ ಕಾಸ್ ದಾಂತೆ ಸೀಕ್ಡ್ ತೀರ್ ಪೋಯೆರ್. ಆರ್ನ ಪೊರ್ಂಬಾಟಿಕೆಗಾದ್ 'ಕುಡ್ಲದ ಗಾಂಧಿ' ಪಂಡ್ದ್ ಪುದರ್ ಪೋದಿತ್ತೆರ್.ಜನಕ್ಲೆನ ಮೂಢನಂಬಿಕೆದ ವಿರುದ್ಧ,ಸಾಮಾಜಿಕ ಅನ್ಯಾಯದ ವಿರುದ್ಧ ಹೋರಾಟ ಮಲ್ದೆರ್. ಆರ್ನ ಬೆರಿ ಸಾಯೊಡ್ ಮಸ್ತ್ ಪೊಂಜೊವುಲು ಟೀಚರ್, ನರ್ಸ್ ಇಂಚಿತ್ತಿನ ಬೇಲೆಲೆಗ್ ತರಬೇತಿ ದೀತೊನಂದೆರ್.[೩] ವಿಧವಾ ವಿವಾಹ, ಹರಿಜನೋದ್ಧಾರಗಾರ್ದ್ ಮಸ್ತ್ ಬೇಲೆ ಬೆಂತೆರ್. ಆ ಕಾಲೊಡು ದಕ್ಷಿಣ ಕನ್ನಡ ಜಿಲ್ಲೆಡ್ ಹರಿಜನಕ್ಲೆಗ್ ದೇವಸ್ಥಾನೊಗ್ ಪ್ರವೇಶ ಇತ್ತಿಜಿ. ಐತ ವಿರುದ್ಧ ಹೋರಾಟ ಮಲ್ತ್ ದ್ ಹರಿಜನಕ್ಲೆನ್ ದೇವಾಸ್ತಾನೊಗ್ ಪೊಗ್ಪಾಯೆರ್. ಆರೆನ ಇಲ್ಲದ ಬರಿಟೇ 'ತಿಲಕ್ ವಿದ್ಯಾಲಯ್' ಪನ್ಪಿನ ಶಾಲೆನ್ ಪುಟ್ಟು ಪಾಡ್ದ್, ಐಟ್ ಮಾತ ಜಾತಿದ ಜೋಕ್ಲೆಗ್ಲ ವಿದ್ಯೆಗ್ ಅವಕಾಸೊ ಕೊರ್ಯೆರ್. ಆ ಶಾಲೆಡ್ ನೆಯ್ಗೆ ಬೊಕ್ಕ ಕೆಲವು ಕುಶಲ ಕೈಕೆಲಸೊಲೆನ್ ಕಲ್ಪಾವೊಂದಿತ್ತೆರ್. ದುಂಬಗ್ ಜಿಲ್ಲೆಡ್ ಅಂಚಿನ ೧೮ ಶಾಲೆಲೆನ್ ಪುಟ್ಟು ಪಾಡಿಯೆರ್. ಕಾಳಿ ದೇವಸ್ತಾನೊಡ್ ಮುರ್ಗೊಲೆನ್ ಬಲಿ ಕೊರ್ಪಿನ ಕ್ರಮೊನ್ ಉಂತಾಯೆರ್. ಸ್ವಾತಂತ್ರ್ಯದ ಪೊರ್ಂಬಾಟಿಕೆಡ್ ಗಾಂದೀಜಿಯೆರೆಗ್ ಸಂಪೂರ್ಣ ಸಹಕಾರ ಕೊರಿನ ಮೇರ್ ಮೂಜಿ ಸರ್ತಿ ಜೈಲ್ ಗ್ ಪೋಯೆರ್.

ಮೇರ್‌ ಗಾಂಧೀಜಿ ಸತ್ಯಾಗ್ರಹ ಚಳವಳಿನ್ ಸುರು ಮಲ್ತ್‌ನಪಗ ಕರ್ನಾಟಕೊಡು ಅಯಿತ್ತ ಪ್ರತಿಜ್ಞೆಗ್ ಸಹಿ ಪಾಡ್‍ನೆಟ್‍ ಮೇರ್ ಸುರುತಾರ್. ಮೇರ್ ಈ ಚಳವಳಿಡ್‍ ದುಮುಕಿಯೆರ್‌. ದಕ್ಷಿಣ ಕನ್ನಡ ಜಿಲ್ಲೆಡ್ ಕಾಂಗ್ರೆಸ್ಸ್‌ ಬಲಪಡೆಂಡ್‌. ದಕ್ಷ ಬೊಕ್ಕ ನಿಷ್ಠಾವಂತ ಸತ್ಯಾಗ್ರಹಿಲೆನ ತರಬೇತಿಗಾದ್ ಮೇರ್‌ ಧಾರಾಳವಾದ್ ದುಡ್ಡು ದೊರಿತೆರ್. ಸುಮಾರ್ ವರ್ಸೊ ಮುಟ್ಟ ಮೇರ್ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿದ ಅಧ್ಯಕ್ಷೆರ್, ಕರ್ನಾಟಕ ಪ್ರಾಂತೀಯ ಕಾಂಗ್ರೆಸ್ ಸಮಿತಿದ ಉಪಾಧ್ಯಕ್ಷೆರ್ ಆದ್ ಇತ್ತ್‌ನೇ ಮಾತ್ರ ಅತ್ತ್ ಅಯಿತ್ತ ಅಧ್ಯಕ್ಷೆರ್‌ಲಾ ಆದ್‍ ಇತ್ತೆರ್‌(1931-34). ಮೇರೆನ ಖ್ಯಾತಿ ಅಖಿಲಭಾರತ ಮಟ್ಟಗ್‌ಲಾ ಏರ್ಂಡ್. ಇಂಬೆರ್ ಅಖಿಲಭಾರತ ಕಾಂಗ್ರೆಸ್ ಸಮಿತಿದ ಸದಸ್ಯೆರಾಯೆರ್.

ಮಹಾತ್ಮ ಗಾಂಧೀಜಿನ ಅಚ್ಚುಮೆಚ್ಚ್‌ದ ಅನುಯಾಯಿ ಆದ್ ಇತ್ತ್‌ನ ಮೇರ್ ಗಾಂಧೀಜಿ ಸುರು ಮಲ್ತ್‌ನ ಉಪ್ಪುದನ ಸತ್ಯಾಗ್ರಹದ ಸಮಯೊಡು ವೈಯುಕ್ತಿಕ ಸತ್ಯಾಗ್ರಹಿಯಾಗದ್ ದಸ್ತಗಿರಿಯಾದ್ ಕಾರಾಗೃಹ ವಾಸ ಅನುಭವಿಸಯೆರ್. 1937ಟ್ ಫೈಜ್‍ಪುರೊಡು ಸೇರ್‌ನ ಕಾಂಗ್ರೆಸ್ ಅಧಿವೇಶೊನೊಡು ಭಾಗವಹಿಸಾದ್ ಪಿರ ಬರೊಂದು ಉಪ್ಪುನಗ ಅರೆನ ಆರೋಗ್ಯ ಹಾಲ‍್‍ ಅಂಡ್‍. 1937 ಜನವರಿ 9ಕ್‍ ಇಂಬೆರ್‌ ಮುಂಬಯಿಡ್ ತೀರಿಯೆರ್‌.

ಮೇರ್ ಐಶ್ವರ್ಯವಂತೆರೆನ ಮನೆತನೊಡು ಪುಟ್ಟ್‌ದ್ ಬುಲೆಂಡಲಾ ದೀನದಲಿತೆರೆನ ಬಗೆಟ್ಟ್ ಸದಾ ಅನುಕಂಪ ಹೊಂದ್‍ದ್‍ ಇತ್ತೆರ್‌. ಅಕುಲೆನ ಉದ್ಧಾರೊಗಾದ್‍ ಇಂಬೆರ್ ಮಸ್ರ್ ಶ್ರಮಿಸೆದೆರ್. ದಕ್ಷಿಣ ಕನ್ನಡ ಜಿಲ್ಲೆಡ್ ಸಮಾಜಸುಧಾರಕೆರೆ ಮಲ್ಲ ಪಡೆನೇ ಕಟ್ಟ್‌ದೆರ್. ಪೊಂಜೆನಕುಲೆನ ಪ್ರಗತಿಗಾದ್ ರಾಷ್ಟ್ರೀಯ ಶಿಕ್ಷಣೊಗಾದ್ ಮೇರ್ ಕಟ್ಟ್‌ನ ಸಂಸ್ಥೆಲ್ ಯಶಸ್ವಿಯಾದ್ ಕೆಲಸ ಮಲ್ತ್‌ದ. ದಲಿತೋದ್ಧಾರ ಕಾರ್ಯೊಡು ಮೇರ್ ಕಡೆ ಮುಟ್ಟ ನಿರತರಾದ್ ಇತ್ತೆರ್. ಇಂಬೆರ್ ಕೆನರಾ ಸಾರಸ್ವತ ಸಂಘದ ಅಧ್ಯಕ್ಷೆರಾದ್ ಇತ್ತೆರ್ (1924-25).

ಮೇರ್ ಸರಸಿ, ಸರಳ ಜೀವಿ. ಮಹಾತ್ಮ ಗಾಂಧೀಜಿಗ್ ಮೇರೆಡ ಬಾರಿ ವಿಶ್ವಾಸ ಇತ್ತ್ಂಡ್. ಬೆಂಗಳೂರುಡು ಸೇರ್‌ನ ಭಾರತ ರಾಷ್ಟ್ರೀಯ ಕಾಂಗ್ರೆಸ್ಸ್‌ದ ಅಜಿಪತ್ತ ಐನೆತ ಅಧಿವೇಶನೊದ (1960) ಜಾಗೆಗ್ ಸದಾಶಿವನಗರ ಪಂಡ್‍ದ್ ಪುದರ್ ದೀದ್ ಇತ್ತೆರ್. ಬೆಂಗಳೂರುಡು ಇಂಬೆರೆನ ಪುದರ್‌ದ ಒಂಜಿ ಬಡಾವಣೆ ಉಂಡು.

ತೀರ್‌ನೆ[ಸಂಪೊಲಿಪುಲೆ]

ಸೈತ್ ನೆ -೯-೧-೧೯೩೭. ತೀರ್ ಪೊಯಿನ - ೧೯೩೭ನೇ ಇಸವಿ ಜನವರಿ ೯ ತಾರೀಕ್‌ಗ್ ಸುಮಾರ್ ೫೬ ವರ್ಸೊ ಆನಗ ಆರ್ ತೀರ್ ಪೋಯೆರ್.

ಹೆಚ್ಚಿನ ವಿವರಕ್ಕೆ ಹೊರ ಸಂಪರ್ಕ[ಸಂಪೊಲಿಪುಲೆ]

en:Karnad Sadashiva Rao

ಉಲ್ಲೇಕೊ[ಸಂಪೊಲಿಪುಲೆ]

  1. http://pages.rediff.com/karnad-sadashiva-rao/1089803
  2. ಸದಾಶಿವ
  3. http://www.kamat.com/kalranga/kar/leaders/karnadu.htm

ವರ್ಗ:ಸ್ವಾತಂತ್ರ್ಯ ಹೋರಾಟಗಾರೆರ್