ಜಯ. ಸಿ. ಸುವರ್ಣ
 | ಈ ಲೇಕನೊಗ್ ಮಾಹಿತಿದ ಒವ್ವೇ ಮೂಲ ಇಜ್ಜಿ. |
ಜಯ ಸಿ. ಸುವರ್ಣ, ಒರಿ ಸಮಾಜಸೇವಕ ಅಪೂರ್ವ ಸಾಧಕೆರ್. ಮುಂಬೈಡ್ 'ಭಾರತ್ ಕೋ-ಆಪರೇಟಿವ್(ಸಹಕಾರಿ) ಬ್ಯಾಂಕ್' ಬೊಕ್ಕ 'ರಾಷ್ಟ್ರೀಯ ಬಿಲ್ಲವ ಮಹಾ ಮಂಡಲ' ಇಂಚಿನ ಕೆಲವು ಸಂಸ್ಥೆಲೆನ ಸ್ಥಾಪಕೆರ್.
ಪುಟ್ಟು ಬೊಕ್ಕ ಶಿಕ್ಷಣ
[ಸಂಪೊಲಿಪುಲೆ]ಜಯ ಸುವರ್ಣೆರ್ ಉಡುಪಿ ಜಿಲ್ಲೆದ ಪಡುಬಿದ್ರಿದ ಕೈತಲ್ದ ಅಡ್ವೆ ಮೂಲದ ನಿವಾಸಿ ಚಂದು ಪೂಜಾರಿ ಬೊಕ್ಕ ಅಚ್ಚು ಪೂಜಾರ್ತಿನ ಮಗೆ ಆದ್ ೧೯೪೬ ನೇ ವರ್ಸೊದ ಮೇ ತಿಂಗೊಳ್ ಡ್ ೧೫ನೆ ತಾರೀಕ್ ಗ್ ಪುಟ್ಟಿಯೆರ್. ಆರ್ ಪ್ರಾಥಮಿಕ ಶಿಕ್ಷಣೊನ್ ತನ್ನ ಊರುಡು ೭ನೇ ತರಗತಿ ಮುಟ್ಟ ಓದುವೆರ್. ೮ನೇ ತರಗತಿಗ್ ಓದುದು ಅದಮಾರು ಬೊಕ್ಕ ಹೆಜಮಾಡಿದ ದೂರದ ಶಾಲೆಲೆಗ್ ಪೋವೊಡಾಂಡ್. ಆಂಡ ಜಯ ಸುವರ್ಣೆರ್ ಮುಂಬೈನ್ ಆಯ್ಕೆ ಮಲ್ತೆರ್.
ಮುಂಬೈಗ್ ಪಾದಾರ್ಪಣೆ
[ಸಂಪೊಲಿಪುಲೆ]ಜಯ ಸುವರ್ಣೆರ್ ೧೯೫೯ ಡ್ ತನ್ನ ತಮ್ಮಲೆ ನೆಲೆಯಾತಿನ ಮುಂಬೈಗ್ ಬತ್ತೆರ್. ಮುಂಬಯಿದ ಉಪನಗರ 'ವಡಾಲಕನ್ನಡ ಸಾಲೆ'ಡ್ ೧೦ನೇ ತರಗತಿ ಮುಟ್ಟ ಅಭ್ಯಾಸ ಮಲ್ತೆರ್. ಹೋಟೆಲ್ ಬೇಲೆ, ಬೊಕ್ಕ ಕಲ್ಪಾಟಿಕೆ ಒಟ್ಟೊಟ್ಟಿಗೇ ನಡತೊಂದು ಇತ್ತ್ಂಡ್. ಅಯಿಡ್ದ್ ಬುಕ್ಕೊ ಅಂಧೇರಿಡ್ 'ಚೈನೈ ಕಾಲೇಜು' ಸೇರ್ದ್ ೧೯೭೪ಡ್ ಪದವಿ ಪಡೆಯೆರ್. ಆಂಡ ಆರ್ ಹೋಟೆಲ್ ಉದ್ಯಮೊಡು ಜಾಸ್ತಿ ಆಸಕ್ತಿ ತೋಜಾಯೆರ್. ಮುಂಬೈದ ಗೋರೆಗಾಂವ್ ಡ್ ಹೋಟೆಲ್ ಉದ್ಯಮೊನು ಸುರು ಮಲ್ತೆರ್. ಕನ್ನಡಿಗೆರಾಯಿನ ಶೇಟ್ ರುಕ್ಕಾರಾಮ ಸಾಲ್ಯಾನ್ ನ ಪರಿಚಯೊಡು ಕೆಲವು ಕನ್ನಡ ಉದ್ಯಮಿಲೆನ ಸಹಾಯೊನು ಪಡೆಯೆರ್. ಮುಂಬೈ ನಗರದ ಕೋಟೆದ ಪ್ರದೇಶೊಡುಪ್ಪುನ 'ಮೋಹನ್ ಟೆರೇಸ್' ಡ್ದ್ 'ಬಿಲ್ಲವೆರ್ ಅಸೋಸಿಯೇಷನ್ ಕಚೇರಿ'ನ್ ಒಂಜಿ ಸುಸಜ್ಜಿತ ಕಟ್ಟಡೊಗು ನಿರ್ಮಾಣ ಮಲ್ಪೆರೆ ಬೊಕ್ಕ ಸ್ಥಳಾಂತರ ಮಲ್ಪೆರೆ ರುಕ್ಕಾರಾಮ ಸಾಲ್ಯಾನೆರೆಗ್ ಸಹಾಯ ಮಲ್ತೆರ್. ಮೂಲ್ಕಿ ನಾರಾಯಣ ಗುರು ಶಾಲೆದ ಪ್ರಗತಿಡ್ ತನ್ನನ್ ತಾನ್ ತೊಡಗಿಸಯೆರ್. ಬೊಕ್ಕ ಜನಾರ್ದನ ಪೂಜಾರಿಲೆನ ಮುತಾಲಿಕೆಡ್ ಕುದ್ರೋಳಿ ಗೋಕರ್ಣನಾಥ ಕ್ಷೇತ್ರೊದ ಜೀರ್ಣೋದ್ಧಾರ ನಡತಿನಗ, ಮುಂಬೈದ ಉದ್ಯಮಿ ಸ್ನೇಹಿತೆರ್ ಬೊಕ್ಕ ಬೇತೆಕ್ಲೆನ ಸಕಾಯೊಡು ೪೫ ಲಕ್ಷ ರೂಪಾಯಿದ ಪಣವುನು ಒಟ್ಟು ಮಲ್ತೆರ್. ಜಯ ಸುವರ್ಣೆರ್ 'ಬಿಲ್ಲವರ ಮಹಾಮಂಡಲದ ಸ್ಥಾಪಕ ಅಧ್ಯಕ್ಷೆರಾದ್ ಬೇಲೆ ಮಲ್ತೆರ್'. ಬಿಲ್ಲವ ಸಂಘದ ಒಕ್ಕೂಟೊಡು ೨೭೦ ಶಾಖೆಲು ಉಂಡು. ಆರೆನ ಆಡಳಿತ ಕಾಲೊಡು 'ಬಿಲ್ಲವರ ಸಂಘ'ದ ಆಡಳಿತೊಗು ಬ್ರಹ್ಮ ಶ್ರೀ ನಾರಾಯಣ ಗುರು ಶಿಕ್ಷಣ ಟ್ರಸ್ಟ್, ಬೊಕ್ಕ ಪಡುಬೆಳ್ಳೆ ಶಿಕ್ಷಣ ಸಂಸ್ಥೆನ್ ಕನತೆರ್. ಬಿಲ್ಲವರ ಸಂಘದ 'ಅಕ್ಷಯ' ಪತ್ರಿಕೆದ ಬುಲೆಚ್ಚಿಲ್ಗ್ ಕಾರಣ ಆತೆರ್.
ಕುಟುಂಬ
[ಸಂಪೊಲಿಪುಲೆ]ಬೊಡೆದಿ, ಲೀಲಾವತಿ ಜಯ.ಸಿ.ಸುವರ್ಣ, ಬೊಕ್ಕ ಜೋಕುಲು : ೧. ಸೂರ್ಯಕಾಂತ್ ಜಯ.ಸಿ.ಸುವರ್ಣ. 2 ಸುಭಾಶ್, ಜಯ. ಸಿ.ಸುವರ್ಣ ೩. ದಿನೇಶ್ ಜಯ. ಸಿ. ಸುವರ್ಣ ೪. ಯೋಗೀಶ್ ಜಯ. ಸಿ.ಸುವರ್ಣ
ಜವಾಬ್ದಾರಿಕೆದ ಸ್ತಾನೊಲು
[ಸಂಪೊಲಿಪುಲೆ]- ಅಧ್ಯಕ್ಷೆರ್ 'ಲಲಿತಾ ರುಕ್ಕಾರಾಮ ಸಾಲ್ಯಾನ್ ಚಾರಿಟೇಬಲ್ ಟ್ರಸ್ಟ್', 'ನಾರಾಯಣ ಗುರು ಇಂಗ್ಲೀಷ್ ಪ್ರೌಢಶಾಲೆ'.
- ಸಂಚಾಲಕೆರ್ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಸ್ಥಾನದ ಜೀರ್ಣೋದ್ಧಾರ (ಮುಂಬಯಿ) ಸಮಿತಿ.
- ಗೌರವಾಧ್ಯಕ್ಷೆರ್ ಮುಂಬೈ ಬಿಲ್ಲವರ ಸಂಘ.
- ಕಾರ್ಯಾಧ್ಯಕ್ಷೆರ್ ಭಾರತ್ ಸಹಕಾರಿ ಬ್ಯಾಂಕ್.
- ಸ್ಥಾಪಕ ಅಧ್ಯಕ್ಷೆರ್ ರಾಷ್ಟ್ಯ ಬಿಲ್ಲವ ಮಹಾಮಂಡಲ.
ಪ್ರಶಸ್ತಿ ಬೊಕ್ಕ ಪುರಸ್ಕಾರೊಲು
[ಸಂಪೊಲಿಪುಲೆ]- 'ಕರ್ನಾಟಕ ಸರ್ಕಾರದ ರಾಜ್ಯೋತ್ಸವ ಪ್ರಶಸ್ತಿ'
- 'ಯಕ್ಷಗಾನ ಕಲಾಪ್ರಶಸ್ತಿ',
- 'ಸಮಾಜಸೇವಾ ಧುರೀಣ ಪ್ರಶಸ್ತಿ',
- 'ಜನ ಮನ ನಾಯಕ' - ಇಂಚಿತ್ತಿ ಕೆಲವು ಪ್ರಶಸ್ತಿಲು ಸಂದಾಯ ಆತ್ಂಡ್.
ಮರಣ
[ಸಂಪೊಲಿಪುಲೆ]ಜಯಾ ಸಿ. ಸುವರ್ಣೆರ್, ೨೧ ಅಕ್ಟೋಬರ್, ೨೦೨೦ಗ್, ತನ್ನ ೭೪ನೇ ವರ್ಸೊಡು ಮುಂಬೈದ ಉಪನಗರವಾಯಿನ ಗೊರೆಗಾಂವ್ (ಪೂ) ಡ್ ತನ್ನ 'ನೀಲಗಿರಿ ನಿವಾಸ'ಡ್ ಭಾರಿ ಹೃದಯಾಘಾತೊಡ್ದ್ ತೀರ್ ಪೋಯೆರ್. [೧]
ಉಲ್ಲೇಖೊಲು
[ಸಂಪೊಲಿಪುಲೆ]ಬಾಹ್ಯ ಕೊಂಡಿಲು
[ಸಂಪೊಲಿಪುಲೆ]- ಕನ್ನಡ ಪ್ರಭ, ಭಾರತ್ ಕೋ.ಆಪರೇಟೀವ್ ಬ್ಯಾಂಕ್,ಮಾಜಿ ಅಧ್ಯಕ್ಷ ಜಯ.ಸಿ.ಸುವರ್ಣರ ನಿಧನ,೨೧,ಅಕ್ಟೋಬರ್, ೨೦೨೦
- Former chairman of Bharat Co-operative Bank Jaya C Suvarna passes away Oct 21 2020daijiworld.com[dead link]
- ಉಂದೆನ್ಲಾ ತೂಲೆ : ಕರ್ನಾಟಕ ಮಲ್ಲ, ಇತಿಹಾಸ ಸೇರಿದ "ಬಿಲ್ಲವ ಕುಲ ಶಿರೋಮಣಿ"-ವಿಶ್ವನಾಥ್ ಅಮೀನ್ ನಿಡ್ಡೋಡಿ, ೨೨-೧೦-೨೦೨೦, ಪುಟ-೧೧