ಜಾನಕಿ ದೇವಸ್ಥಾನ

ಜಾನಕಿ ದೇವಸ್ಥಾನ
जानकी मन्दिर
Front view of Janaki Mandir
ದರ್ಮೊ
Affiliation	ಹಿಂದೂ ಧರ್ಮ
ಜಿಲ್ಲೆ	Dhanusa District
Province	Madhesh Pradesh
ದೇವೆರ್	ಸೀತೆ and ರಾಮ
Festivals	Vivaha Panchami, Rama Navami, Dashain and Tihar
ಜಾಗೆ
ಜಾಗೆ	Janakpurdham
ದೆಸೋ	ನೇಪಾಳ
Geographic coordinates	26°43′50″N 85°55′32″E
Architecture
Type	Hindu-Kushwaha
Creator	Queen Vrisha Bhanu of Tikamgarh
Completed	1967 BS (1910 AD)
Specifications
Temple(s)	70
Monument(s)	27
Elevation	78 m (256 ft)

ಜಾನಕಿ ದೇವಸ್ಥಾನ ನೇಪಾಳದ ಪ್ರಸಿದ್ಧ ಜಾನಕಿ ದೇವಸ್ಥಾನ ಸೀತಾ ದೇವಿಗ್ ಸಮರ್ಪಿತವಾದ್ ಉಪ್ಪುನ ಒಂಜಿ ಪವಿತ್ರ ಜಾಗೆ. ಈ ದೇವಸ್ಥಾನದ ವಾಸ್ತುಶಿಲ್ಪ ಹಿಂದೂ ಬೊಕ್ಕ ಕೊಯಿರಿ ನೇಪಾಳಿ ಶೈಲಿಲೆನ ಅದ್ಭುತ ಮಿಶ್ರಣ. ಹಿಂದೂ ಪುರಾಣದ ಪ್ರಕಾರ ಉಂದು ಸೀತೆ ದೇವಿನ ಜನ್ಮಸ್ಥಳ ಬೊಕ್ಕ ಶ್ರೀ ರಾಮನ ಮದಿಮೆ ಆಯಿನ ಯಾತ್ರಾ ಸ್ಥಳ ಪಂಡ್ ದ್ ನಂಬಿಕೆ ಉಂಡು. ಸೀತೆ ಬೊಕ್ಕ ರಾಮನ ಆಶೀರ್ವಾದ ಪಡೆಯೆರೆ ಬೊಕ್ಕ ಪವಿತ್ರತೆನ್ ಅನುಭವಿಸೆರೆ ಭಕ್ತೆರ್ ಉತ್ಸಾಹೊಡು ಮುಲ್ಪ ಬರ್ಪೆರ್. ಈ ದೇವಸ್ಥಾನೊಡು ಮೂಜಿ ಮಹಡಿದ, ಪೊರ್ಲುದ ವಿನ್ಯಾಸ ಉಂಡು, ಉಂದು ಅಯಿತ ಅಪರೂಪದ ಸೌಂದರ್ಯೊಡು ಪ್ರೇಕ್ಷಕೆರೆನ್ ಮಂತ್ರಮುಗ್ಧ ಮಲ್ಪುಂಡು.

ಹಿನ್ನೆಲೆ

ಭಾರತೊಡು ರಾಮನ ದೇವೆರೆಗ್ ಸಮರ್ಪಿತವಾದ್ ಮಸ್ತ್ ಯಾತ್ರಾ ಜಾಗೆಲು ಉಪ್ಪುನಗ, ಸೀತಾ ದೇವಿಗ್ ಸಂಬಂಧ ಪಟ್ಟಿನ ಧಾರ್ಮಿಕ ಹಿನ್ನೆಲೆದ ದೇವಸ್ಥಾನೊಲು ಅಪರೂಪ. ಕಂಡನಿಗ್ ಇತ್ತಿನ ಭಕ್ತಿದ ತೀವ್ರತೆದ ಸಂಕೇತ ಆಯಿನ ಅಪ್ಪೆ ಸೀತೆ ರಾಮನ ಸಂತೋಷ ದುಃಖೊನು ಪಾಲ್ ಮಲ್ತೊಂದು ನರಮಾನಿಲೆನ ಬದ್‌ಕ್ ಗ್ ಬೊಲ್ಪು ಆದ್ ಉಂತಿನ ಮಾಮಲ್ಲ ದೇವತೆ. ಸೀತೆ ದೇವಿ ತನ್ನ ಶಕ್ತಿ ಬೊಕ್ಕ ತ್ಯಾಗದ ಮೂಲಕ ಪವಿತ್ರತೆದ ಮಹತ್ವೊನು ಘೋಷಣೆ ಮಲ್ತೆರ್. ಮನುಷ್ಯಕುಲದ ಮೋಕ್ಷಗಾದ್ ಭೂಮಿಡ್ ಅವತಾರ ಪಡೆಯಿನ ರಾಮನ ದೇವೆರೆಗ್ ಸಮರ್ಪಿತವಾದ್ ಮಸ್ತ್ ದೇವಸ್ಥಾನೊಲೆಡ್ಲಾ ಅಪ್ಪೆ ಸೀತೆನ ಆರಾಧನೆ ನಡಪುಂಡು.

ಸೀತೆ ದೇವಿನ ಪುಟ್ಟುದಿನ ಊರು

ಸೀತೆ ದೇವಿನ ಜನ್ಮಸ್ಥಳ ಪಂಡ್ದ್ ಪುದರ್ ಪೋಯಿನ ನೇಪಾಳ ದೇಶದ ಜನಕ್ಪುರ್ ಡ್ ಉಪ್ಪುನ ರಾಮ ಜಾನಕಿ ದೇವಸ್ಥಾನ ಅಲೆಮಾರಿ ಭಕ್ತೆರೆನ ಪವಿತ್ರ ಯಾತ್ರಾ ಜಾಗೆ ಆದ್ ಸೀತಾ ದೇವಿನ ಇತಿಹಾಸೊನು ಪ್ರತಿಬಿಂಬಿಸವುಂಡು. ಜಾನಕ ಅರಸುನ ಪೆರ್ಮೆದ ಗುರುತುನ್ ದೀವೊಂದಿತ್ತಿನ ಜನಕ್ಪುರ ವಿದೇಹ ರಾಜ್ಯೊದ ರಾಜಧಾನಿ ಆದಿತ್ತ್‌ಂಡ್ ಪನ್ಪಿನ ನಂಬಿಕೆ ಉಂಡು.

ಇತಿಹಾಸ

ವಾಲ್ಮೀಕಿನ ರಾಮಾಯಣೊಡು ಪನ್ಪಿಲೆಕ ಅರಸು ಜನಕ ತನ್ನ ಕಂಡೊನು ತೂವೊಂದು ಇತ್ತಿನಗ ಒಂಜಿ ಪೆಟ್ಟಿಗೆದ ಉಲಯಿ ಬಾಲೆದ ರೂಪೊಡು ಸೀತೆ ದೇವಿನ್ ತೂಯೆರ್. ಆಲೆನ್ ತನ್ನ ಮಗಲ್ ಪಂಡ್ದ್ ಬುಲೆಪಾದ್ ಬುಲೆಪಾದ್ ಕೊರ್ನ ಜಾನಕೆ ಸೀತೆನ್ ಜನಕರಾಜೆರೆನ ಮಗಲ್ ಪಂದ್ ಪ್ರಸಿದ್ಧ ಮಲ್ತೆರ್. ಈ ಪವಿತ್ರವಾಯಿನ ಹಿನ್ನೆಲೆನ್ ಪ್ರತಿನಿಧಿಸವುನ ದೇವಸ್ಥಾನೊಗು "ಜಾನಕಿ ಮಂದಿರ" ಪನ್ಪಿ ಪುದರ್ ದೀತೆರ್.

ದೇವಸ್ಥಾನದ ಮಹಿಮೆ

ಈ ದೇವಸ್ಥಾನ ಭವ್ಯವಾದ್ ಉಂಡು ಬೊಕ್ಕ ಕ್ರಿ.ಶ. ೧೧ನೆ ಬೊಕ್ಕ ೧೨ನೆ ಶತಮಾನೊಲೆನ ನೆನಪುಲೆನ್ ಒರಿಪಾದ್ ದೀತಿನ ಅವಶೇಷೊಲೆನ ಮೂಲಕ ಉಂದು ಅಯಿತ ವಿಶಿಷ್ಟತೆನ್ ಮಸ್ತ್ ವರ್ಧನೆ ಮಲ್ಪುಂಡು. ನೌಲಖಾ ದೇವಸ್ಥಾನ ಪಂಡ್ದ್ ಲಾ ಪುದರ್ ಪಡೆಯಿನ ಈ ಜಾನಕಿ ದೇವಸ್ಥಾನೊನು 1910ಡ್ ರಾಣಿ ಬೃಷ್ ಭಾನು ನಿರ್ಮಾಣ ಮಲ್ತೆರ್. ದೇವಸ್ಥಾನ ನಿರ್ಮಾಣಕ್ಕೆ ಒಂಜೊಂಜಿ ಲಕ್ಷ ರೂಪಾಯಿ ಖರ್ಚು ಮಲ್ತೆರ್. ಸುಮಾರ್ 4860 ಚದರ ಮೀಟರ್ ವಿಸ್ತೀರ್ಣೊಡು ಪಗರಿದ್ ಉಪ್ಪುನ ಈ ದೇವಸ್ಥಾನ ಸೀತೆ ಅಪ್ಪೆನ ತೇಜಸ್ಸುದ ಬೊಲ್ಪು ಪಸರೊಂದಿಪ್ಪುನ ಒಂಜಿ ಪವಿತ್ರ ಜಾಗೆ ಈ ದೇವಸ್ಥಾನ ತನ್ನ ವೈಭವೊಡು ಜನೊಕುಲೆನ್ ಆಕರ್ಷಣೆ ಮಲ್ಪುಂಡು ಬೊಕ್ಕ ಸೀತೆ ಬೊಕ್ಕ ರಾಮನ ಧರ್ಮನಿಷ್ಠ ನೆನಪುಲೆನ್ ಜೀವಂತವಾದ್ ದೀಪುಂಡು.