ಜೇಮ್ಸ್ ಎವಿಂಗ್
 | ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್ನವು. |  |
ಜೇಮ್ಸ್ ಸ್ಟೀಫನ್ ಎವಿಂಗ್ (ಡಿಸೆಂಬರ್ ೨೫, ೧೮೬೬, ಪಿಟ್ಸ್ಬರ್ಗ್ - ಮೇ ೧೬, ೧೯೪೩, ನ್ಯೂಯಾರ್ಕ್ ನಗರ ) ಒರಿ ಅಮೇರಿಕನ್ ರೋಗಶಾಸ್ತ್ರಜ್ಞ ಆದಿತ್ತೆರ್. ಆರ್ ಕಾರ್ನೆಲ್ ವಿಶ್ವವಿದ್ಯಾನಿಲಯಡ್ ರೋಗಶಾಸ್ತ್ರದ ಸುರುತ ಪ್ರಾಧ್ಯಾಪಕೆರ್ ಆದಿತ್ತೆರ್ ಬುಕ್ಕೊ ಮೂಳೆ ಕ್ಯಾನ್ಸರ್ದ[೧] ಒಂಜಿ ರೂಪನ್ ನಾಡ್ದ್ ಪತ್ತಿಯೆರ್. ಈ ಕಾರಣಕ್ಕಾದ್ ಆರ್ನ ಪುದರ್ನ್ ಮೂಳೆ [೨] ಕ್ಯಾನ್ಸರ್ದ ಒಂಜಿ ರೂಪಗ್ ಎವಿಂಗ್ ಸಾರ್ಕೋಮಾ. ಪಂದ್ ದೀಯೆರ್. ಎವಿಂಗ್ ಸಾರ್ಕೋಮಾ ಪಂದ್ ಆರ್ನ ಪುದರ್ನ್ ಪಡೆಂಡ್.
ಜೀವನ
[ಸಂಪೊಲಿಪುಲೆ]ಜೇಮ್ಸ್ ಎವಿಂಗ್, ೧೮೬೬ಟ್ ಪಿಟ್ಸ್ಬರ್ಗ್ದ ಪ್ರಮುಖ ಕುಟುಂಬಡ್ ಪುಟ್ಟಿಯೆರ್. ಆರ್ ೧೪ ವರ್ಷದಾರ್ ಆದುಪ್ಪುನಗ ಆರೆಗ್ ಆಸ್ಟಿಯೋಮೈಲಿಟಿಸ್ ರೋಗನಿರ್ಣಯ ಮಲ್ಪಯೆರ್ ಬುಕ್ಕೊ ರಡ್ಡ್ ವರ್ಷಗ್ಲೇ ಕಾಲ ಹಾಸಿಗೆ ಪತ್ತಿಯೆರ್ [೩]. ಆರ್ ದುಂಬು ೧೮೮೮ ಡ್ ಅಮ್ಹೆರ್ಸ್ಟ್ ಕಾಲೇಜಿಡ್ ತಮ್ಮ ಬಿಎಸ್ ಪೂರ್ಣಗೊಳಿಸಾಯೆರ್ ಅಯಿರ್ದ್ ಬುಕ್ಕೊ ೧೮೮೮ರ್ದ್ ೧೮೯೧ ಮುಟ್ಟ ನ್ಯೂಯಾರ್ಕ್ನ ವೈದ್ಯ ಬುಕ್ಕೊ ಶಸ್ತ್ರಚಿಕಿತ್ಸಕರ ಕಾಲೇಜಿಡ್ ವೈದ್ಯಕೀಯ ಅಧ್ಯಯನ ಮಳ್ತೆರ್. ಆರ್ ಹಿಸ್ಟಾಲಜಿ (೧೮೯೩-೧೮೯೭), ಬುಕ್ಕೊ ಕ್ಲಿನಿಕಲ್ ಪ್ಯಾಥಾಲಜಿ (೧೮೯೭-೧೮೯೮) ಬೋಧಕೆರಾದ್ ಕಾಲೇಜ್ ಆಫ್ ಫಿಸಿಶಿಯನ್ಸ್ ಬುಕ್ಕೊ ಸರ್ಜನ್ ಆದ್ ಪೋಯೆರ್. ಅಮೇರಿಕದ ಸೈನ್ಯದೊಟ್ಟಿಗೆ ಶಸ್ತ್ರಚಿಕಿತ್ಸಕೆರಾದ್ ಕೆಲವು ಅವಧಿ ಕಾರ್ಯನಿರ್ವಹಿಸಾಯಿನ ಬುಕ್ಕೊ, ಎವಿಂಗ್ ಅರೆನ್ ೧೮೯೯ಡ್ ನ್ಯೂಯಾರ್ಕ್ದ ಕಾರ್ನೆಲ್ ವಿಶ್ವವಿದ್ಯಾಲಯಡ್ ಪೊಸತಾದ್ ಆಯಿನ ವೈದ್ಯಕೀಯ ಕಾಲೇಜಿಡ್ ಕ್ಲಿನಿಕಲ್ ರೋಗಶಾಸ್ತ್ರದ ಸುರುತ ಪ್ರಾಧ್ಯಾಪಕರಾದ್ ನೇಮಿಸಾಯೆರ್. ಅಲ್ಪ ಆರ್ ಪೂರ್ಣ ಸಮಯದ ಪ್ರಾಧ್ಯಾಪಕೇರಾದಿತ್ತೆರ್. ೧೯೦೨ಟ್, ಎವಿಂಗ್ ಕ್ಯಾನ್ಸರ್ ಸಂಶೋಧನೆಗಾದ್ ಸುರುತ ನಿಧಿನ್ ಸ್ಥಾಪಿಸಾಯೆರೆ ಸಹಾಯ ಮಲ್ತೆರ್. ನಿಧಿನ್ ಸುರುಕು ಕೊರ್ನಾರ್ ಶ್ರೀಮತಿ ಕಾಲಿಸ್ ಪಿ. ಹಂಟಿಂಗ್ಟನ್. ಆ ಸಂಶೋಧನಾ ನಿಧಿನ್ ಬಳಸ್ದ್ ಅಕುಲ್ನ ಆವಿಷ್ಕಾರಗಳೊಟ್ಟಿಗೆ, ಎವಿಂಗ್ ಪ್ರಮುಖ ಪ್ರಾಯೋಗಿಕ ಆಂಕೊಲಾಜಿಸ್ಟ್ ಆಯೆರ್ ಬುಕ್ಕೊ ೧೯೦೭ಡ್ ಅಮೇರಿಕನ್ ಅಸೋಸಿಯೇಷನ್ ಫಾರ್ ಕ್ಯಾನ್ಸರ್ಕ್ಯಾನ್ಸರ್ ರಿಸರ್ಚ್ ಬುಕ್ಕೊ ೧೯೧೩ಟ್ ಅಮೇರಿಕನ್ ಸೊಸೈಟಿ ಫಾರ್ ದಿ ಕಂಟ್ರೋಲ್ ಆಫ್ ಕ್ಯಾನ್ಸರ್ನ್, ಇತ್ತೆದ ಅಮೇರಿಕನ್ಅಮೇರಿಕದ ಸಂಯುಕ್ತ ಸಂಸ್ಥಾನೊಲು ಕ್ಯಾನ್ಸರ್ ಸೊಸೈಟಿಡ್ ನಾಡ್ದ್ ಪತ್ತೆರೆ ಸಹಾಯ ಮಲ್ತೆರ್. ೧೯೦೬ ಟ್ ಎವಿಂಗ್, ಎಸ್ಪಿ ಬೀಬೆ ಬುಕ್ಕೊ ಸಹಯೋಗಿಲೆನೊಟ್ಟಿಗೆ ಕೆಲಸ ಮಲ್ತೊಂದು, ಕ್ಯಾನ್ಸರ್ (ನಾಯಿಗ್ಲೇಡನಾಯಿ ದವಡೆದ ಪರಡುನ ವೆನೆರಿಯಲ್ ಗೆಡ್ಡೆ) ಪರಡು ಪನ್ಪುನೆಕ್ ಸುರುತ ಪುರಾವೆನ್ ತೋಜಾಯೆರ್.
೧೯೧೦ಟ್, ಕ್ಲಿನಿಕಲ್ ಸಂಶೋಧನಾ ಸೌಲಭ್ಯನ್ ಸುರು ಮಲ್ಪುನೆತ ಬಗ್ಗೆ ಎವಿಂಗ್ ನ್ಯೂಯಾರ್ಕ್ ಆಸ್ಪತ್ರೆನ್ ಸಂಪರ್ಕಿಸಾದಿತ್ತೆರ್. ಉಂದು ವಿಫಲ ಆನಗ, ಆರ್ ಕೈಗಾರಿಕೋದ್ಯಮಿ ಬುಕ್ಕೊ ಲೋಕೋಪಕಾರಿ ಜೇಮ್ಸ್ ಡೌಗ್ಲಾಸ್ ಆರ್ನ ಸಹಾಯಡ್ ಸ್ಮಾರಕ ಆಸ್ಪತ್ರೆದೊಟ್ಟಿಗೆ (ಮೆಮೋರಿಯಲ್ ಸ್ಲೋನ್ ಕೆಟರಿಂಗ್ ಕ್ಯಾನ್ಸರ್ ಸೆಂಟರ್ ಆಪುಂಡು) ಸಹಯೋಗನ್ ಸ್ಥಾಪಿಸಾಯೆರ್, ಆರ್ನ ಆ ಉದ್ದೇಶಕ್ಕಾದ್ ಸ್ಮಾರಕಗ್ ಕ್ಲಿನಿಕಲ್ ಪ್ರಯೋಗಾಲಯ, ರೇಡಿಯಂದೊಟ್ಟಿಗೆರೇಡಿಯೋ ಕೆಲಸ ಮಲ್ಪೆರೆ ಉಪಕರಣಗುಲು ಬುಕ್ಕೊ ಕ್ಲಿನಿಕಲ್ ಸಂಶೋಧನೆಗಾದ್ ೨೦ ಹಾಸಿಗೆಳೆನ್ ಕೊರೆರೆ $೧೦೦೦೦೦ ಕೊರಿಯೆರ್. ಡಗ್ಲಾಸ್ದ ಉತ್ಸಾಹ ಬುಕ್ಕೊ ಕ್ಯಾನ್ಸರ್ಗ್ ವಿಕಿರಣ ಚಿಕಿತ್ಸೆದ ಅಭಿವೃದ್ಧಿಗ್ ಧನಸಹಾಯ ಎವಿಂಗ್ಗ್ ಈ ಚಿಕಿತ್ಸೆನ್ ಅಭಿವೃದ್ಧಿಮಲ್ಪೆರೆ ಪ್ರವರ್ತಕೆರೇಡ್ ಒರಿ ಆಯೆರೆ ಪ್ರೇರೇಪಿಸಾಂಡ್. ಎವಿಂಗ್ ಶೀಘ್ರಡೇ ಮೆಮೋರಿಯಲ್ಡ್ ಕ್ಲಿನಿಕಲ್ ಬುಕ್ಕೊ ಪ್ರಯೋಗಾಲಯ ಸಂಶೋಧನೆದ ಪರಿಣಾಮಕಾರಿ ನಾಯಕತ್ವನ್ ವಹಿಸೊಂಡೆರ್. ೧೯೩೧ಟ್ ಎವಿಂಗ್ ಆಸ್ಪತ್ರೆದ ಅಧ್ಯಕ್ಷೆರಾದ್ ಔಪಚಾರಿಕವಾದ್ ನೇಮಕ ಆಯೆರ್ ಬುಕ್ಕೊ ಟೈಮ್ ಮ್ಯಾಗಜೀನ್ದ ಮುಖಪುಟಟ್ "ಕ್ಯಾನ್ಸರ್ ಮ್ಯಾನ್ ಎವಿಂಗ್" ಪಂದ್ ತೊಜಿಯೆರ್; ಒಟ್ಟಿಗೆ ಉಪ್ಪುನ ಲೇಖನ ಆರ್ನ ಯುಗತ ಪ್ರಮುಖ ಕ್ಯಾನ್ಸರ್ ವೈದ್ಯೇರ್ಡ ಒರಿಯನ ಪಾತ್ರನ್ ವಿವರಿಸಾದ್ ನ್ಡ್. ಆರ್ ೧೯೩೯ಟ್ ನಿವೃತ್ತರಾಪುನಡೇ ಮುಟ್ಟಾ ಸ್ಮಾರಕ ಆಸ್ಪತ್ರೆಡ್ ಕೆಲಸ ಮಲ್ತೆರ್.
ಆರ್ನ ನಾಯಕತ್ವಡ್, ಮೆಮೋರಿಯಲ್ ಯುನೈಟೆಡ್ ಸ್ಟೇಟ್ಸ್ದ ಬೇತೆ ಕ್ಯಾನ್ಸರ್ ಕೇಂದ್ರಗ್ಲೆಗ್ ಮಾದರಿಆಂಡ್. ರೋಗಿಗ್ಲೆ ಆರೈಕೆನ್ ಕ್ಲಿನಿಕಲ್ ಬುಕ್ಕೊ ಲ್ಯಾಬೊರೇಟರಿ ಸಂಶೋಧನೆದ ಒಟ್ಟಿಗೆ ಸಂಯೋಜಿಸುಂಡು "ಪ್ರತಿಯೊಂಜಿ ಸಂಸ್ಥೆ ಕೆಲವು ಮನುಷ್ಯನ ಉದ್ದದ ನಿರೇಲ್ ಮಾತ್ರ.' ಡಾ. ಎವಿಂಗ್ ಸ್ಮಾರಕ ಆಸ್ಪತ್ರೆ" ಎಮರ್ಸನ್ "ಇವಿಂಗ್ ಬುಕ್ಕೊ ಮೆಮೋರಿಯಲ್ ಆಸ್ಪತ್ರೆದ ಸಂಬಂಧನ್ ಇಂಚ ಪಂತೆರ್.
೧೯೫೧ಡ್, ಜೇಮ್ಸ್ ಎವಿಂಗ್ ಆಸ್ಪತ್ರೆ, ೬೭ ನೇ ಬುಕ್ಕೊ ೬೮ನೇ ಬೀದಿಗ್ಲೆ ನಡುಟು ಫಸ್ಟ್ ಅವೆನ್ಯೂಡ್ ೧೨-ಅಂತಸ್ತ್ದ ಕಟ್ಟಡನ್ ಸುರು ಮಲ್ತೆರ್; ಉಂದು ನ್ಯೂಯಾರ್ಕ್ ನಗರದ ಬಡವೆರೆಗಾದ್ ಕ್ಯಾನ್ಸರ್ ಚಿಕಿತ್ಸೆಗಾದ್ ಉದ್ದೇಶಿಸಲಾತ್ನ್ಡ್.
ಗ್ರಂಥಸೂಚಿ
[ಸಂಪೊಲಿಪುಲೆ]ಆರ್ನ ಪತ್ರವ್ಯವಹಾರದ ಸಂಗ್ರಹನ್ ನ್ಯಾಷನಲ್ ಲೈಬ್ರರಿ ಆಫ್ ಮೆಡಿಸಿನ್ಡ್ ನಡಪಾಬೆರ್.
ಝಂಟಿಂಗಾ, AR; ಕಾಪ್ಸ್, MJ: ಜೇಮ್ಸ್ ಎವಿಂಗ್ (1866-1943): "ದಿ ಚೀಫ್". ವೈದ್ಯಕೀಯ ಬುಕ್ಕೊ ಜೋಕ್ಲೆನ ಆಂಕೊಲಾಜಿ, ನ್ಯೂಯಾರ್ಕ್, 1993, 21 (7): 505-510. ಹುವೋಸ್, AG: ಜೇಮ್ಸ್ ಎವಿಂಗ್: ಕ್ಯಾನ್ಸರ್ ಮನುಷ್ಯ. ಆನಲ್ಸ್ ಆಫ್ ಡಯಾಗ್ನೋಸ್ಟಿಕ್ ಪೆಥಾಲಜಿ, ಏಪ್ರಿಲ್ 1998, 2 (2): 146-148. ಎವಿಂಗ್, ಜೆ: ಕ್ಲಿನಿಕಲ್ ಪ್ಯಾಥಾಲಜಿ ಆಫ್ ಬ್ಲಡ್: ಎ ಟ್ರೀಟೈಸ್ ಆನ್ ದಿ ಜನರಲ್ ಪ್ರಿನ್ಸಿಪಲ್ಸ್ ಅಂಡ್ ಸ್ಪೆಷಲ್ ಅಪ್ಲಿಕೇಷನ್ಸ್ ಆಫ್ ಹೆಮಟಾಲಜಿ. ಫಿಲಡೆಲ್ಫಿಯಾ ಬುಕ್ಕೊ ನ್ಯೂಯಾರ್ಕ್, 1901. ಎವಿಂಗ್, ಜೆ: ನಿಯೋಪ್ಲಾಸ್ಟಿಕ್ ಡಿಸೀಸ್: ಎ ಟೆಕ್ಸ್ಟ್ಬುಕ್ ಆನ್ ಟ್ಯೂಮರ್ಸ್. ಫಿಲಡೆಲ್ಫಿಯಾ, WB ಸೌಂಡರ್ಸ್ ಬುಕ್ಕೊ ಲಂಡನ್, 1919. ನಾಲ್ಕನೇ ಆವೃತ್ತಿ 1940. ಎವಿಂಗ್, ಜೆ: ಕಾರಣ, ರೋಗನಿರ್ಣಯ ಬುಕ್ಕೊ ಕ್ಯಾನ್ಸರ್ ಚಿಕಿತ್ಸೆ. ಬಾಲ್ಟಿಮೋರ್, 1931. ಎವಿಂಗ್, ಜೆ: ರಕ್ತ. ಫಿಲಡೆಲ್ಫಿಯಾ. 1910.