ಚೀಯೊ/ತಿಗ

ಒಂಜಿ ಜಾತಿದ ಚೀಯೊದ ಕೆಲೆಂಜಿ

ಚೀಯೊದ ಪರಿಚಯೊ

ಉಂದು ಒಂಜಿ ಜಾತಿದ ಕೀಡೆ. ಉಂದೆತ ಕುಡೊಂಜಿ ಪುದರ್ ಕೂಂಡೆಲ್ ಪಂಡ್ದ್ ಬುಕ್ಕೊ ತೊಡ್ಡೆ ಪಂಡ್ದ್ ಪನ್ಪೆರ್. ಕನ್ನಡೊಡ್ ಜೇನ್ನೊಣ ಪನ್ಪೆರ್. ಇಂದೆತ ವೈಜ್ನಾನಿಕವಾದ್ ಅಪಿಸ್ ಕುಟುಂಬಗ್ ಸೇರ್ದಿನ ಕೀಡೆ. ನೆತ್ತ ಕುಟುಮ ಬದ್ಕ್, ಒಟ್ಟುಗ್ ಗುಂಪಾದ್ ಬದುಕುನ ಜೀವಿ. ಪಟ್ಟು/ಎದಿ ಕಟ್ಟದ್ ರಾಣಿ ಕೂಂಡೆಲ್ನ್ ಸಾಂಕುನ ರೀತಿಡ್ ಬದುಕುಂಡು. ಸೈನಿಕೆರ್, ಆಣ್ ಕೆಲಸದಕುಲ್ ಪನ್ಪಿನ ಕಜ್ಜೊಡ್ ಬದುಕುನಪೂತ ನೈ ಒಟ್ಟು ಮಲ್ಪುಂಡ್. ತಿಗತ್ ನೈ ಪನ್ಪಿನ ಇಂದೆತ ಆಹಾರ ನರಮಾನಿಲೆಗ್ ಎಡ್ಡೆ. ಉಂದು ಎಡ್ಡೆ ಮರ್ದ್ ಪಂಡ್ದ್ ಶಾಸ್ತ್ರೊಡ್ ಉಲ್ಲೇಕ ಉಂಡು.

ಪದೊ ನಿಷ್ಪತ್ತಿ

ಬ್ರೆಡ್ ಬುಕ್ಕೊ ಬಿಸ್ಕೆಟ್‍ಗ್ ಜೀಯೊದ ನೆಯಿನ್ ಪೂಜುನೆ

ಹಾಂಗ್ ಕಾಂಗ್‍ದನಿಂ ಅಪಿಸ್ ಸೆರೆನಾ ಚೀಯೊದ ಕೆಲೆಂಜಿ)

1. ತುಳುಟು ತಿಗ ಪಂಡ 'ಚೀಯೊ' ಪನ್ಪುನ ಅರ್ಥೊಲಾ ಆಪುಂಡು. ಇಂದೆನ್ ಚೀಯೊದ ನೆಯಿ ಪನ್ಪೆರ್. ಚೀಪೆ, ಸೀಪೆ ಪನ್ಪುನ ಪದೊನೆ ಚೀಯೊ ಆದುಪ್ಯರ ಸಾಧ್ಯೊ ಉಂಡು. ಪಾಯ್ಸೊಗು ಚೀಯನೊ, ಸೀಯನೊಂದು ಪನ್ಪೆರ್.
2. ಇಂಗ್ಲಿಸ್‍ಡ್ Honeyಪನ್ಪೆರ್.
3. ತೆಲುಗುಡು హనీ/Hanī ಪನ್ಪೆರ್.
4. ತಮಿಳುಡು தேன்/Tēṉ ಪನ್ಪೆರ್.
5. ಮಲಯಾಳಿಡ್ തേന്/tēn ಪನ್ಪೆರ್
6. ಮರಾಠಿಡ್ मध/Madha ಪನ್ಪೆರ್.

ಚೀಯೊದ ನೆಯಿತ ಇದೊ

ಚೀಯೊಡು ಸಾಮಾನ್ಯವಾದ್ ನಾಲ್ ಬಗೆ.

1. ಮಿಸ್ರೊ - ಒಂಜೆಡ್ದ್ ಹೆಚ್ಚ್ ಬಗೆತ ಚೀಯೊನು ಮಿಸ್ರೊ ಮಲ್ಪುನೆ. ಇನಿ ಮಾರ್ಕೆಟ್‍ಡ್ ತಿಕುನ ಚೀಯೊಲು ಈ ಬಗೆತ.
2. ಮಸ್ತ್ ಜಾತಿದ ಪೂತ ಮಕರಂದೊಡ್ದ್ ತಯಾರಾಯಿನವು ಚೀಯೊ.
3. ಒಂಜೇ ಜಾತಿದ ಪೂತ ಮಕರಂದೊಡ್ದ್ ತಯಾರಾಯಿನ ಚೀಯೊ.
4. ಹನಿಡ್ಯೂ ಚೀಯೊ - ಆಫಿಡ್ ಕೆಲೆಂಜಿಲೆಡ್ದ್ ತಯಾರಾಯಿನ ಚೀಯೊ.

ಚೀಯೊದೊ ಪ್ರಭೇದೊ

1. ಕೋಲ್ಚಿಯೊ
2. ತೊಡುವೆ
3. ಪೆರಿಯ
4. ಪಜೆ ಮಡಿಕೆಲ್
5. ಮೊಜಂಟಿ
6. ಕೊಲ್ಚಿಯ
7. ಪೆಟ್ಟಿಗೆ ಚೀಯೋ

Beekeeper using bee smoker

ಚೀಯೊಡುಪ್ಪುನ ಪೋಷಕಾಂಸೊಲು

ಪ್ರತಿ ನೂದು ಗ್ರಾಂ ಚೀಯೊಡುಪ್ಪುನ ಪೋಷಕಾಂಸೊಲು ಇಂಚ ಉಂಡು :

ಪೋಷಕಾಂಸೊ	ಪರಿಮಾನೊ
ಚೈತನ್ಯೊ (kJ)	1272
ಪ್ರೊಟೀನ್	0.3 g
ಕೊಬ್ಬು	0 g
ಶರ್ಕರ ಪಿಷ್ಟೊಲು	82.4 g
ಸಕ್ಕರೆಲು	82.12 g
ನಾರ್	0.2 g
ಸೋಡಿಯಮ್ (ಮಿ.ಗ್ರಾ.)	4
ಪೊಟ್ಯಾಸಿಯಂ (ಮಿ.ಗ್ರಾ.)	52
ವಿಟಮಿನ್ ಸಿ (ಮಿ.ಗ್ರಾ.)	0.5
ರಿಬೋಫ್ಲಾವಿನ್ (ಮಿ.ಗ್ರಾ.)	.038
ನಿಯಾಸಿನ್ (ಮಿ.ಗ್ರಾ.)	.121
ಪಾಂಟೋಥೆನಿಕ್ (ಮಿ.ಗ್ರಾ.)	.068
ಫೊಲೇಟ್ (ಮೈಕ್ರೋ ಗ್ರಾಂ)	2
ಕರ್ಬೊ (ಮಿ.ಗ್ರಾ.)	.42
ಮೆಗ್ನೀಸಿಯಮ್ (ಮಿ.ಗ್ರಾ.)	2
ರಂಜಕೊ (ಮಿ.ಗ್ರಾ.)	4
ಸತುವು (ಮಿ.ಗ್ರಾ.)	.22
ಕ್ಯಾಲ್ಸಿಯಮ್ (ಮಿ.ಗ್ರಾ.)	6
ವಿಟಮಿನ್ ಬಿ೬ (ಮಿ.ಗ್ರಾ.)	.024
ನೀರ್	17.10 g

ರಾಸಾಯನಿಕವಾದ್ ಚೀಯೊ ಹಲವು ಸಕ್ಕರೆಲು ಬುಕ್ಕೊ ಇತರೊ ಸಂಯುಕ್ತೊಲೆನ್ ಹೊಂದ್‍ದಿಪ್ಪುಂಡು. ಚೀಯೊಡುಪ್ಪುನ ಶರ್ಕರಪಿಷ್ಟೊಲೆ ಪೈಕಿ ಫ್ರುಕ್ಟೋಸ್ ಬುಕ್ಕೊ ಗ್ಲೂಕೋಸ್ ಹೆಚ್ಚಾದಿಪ್ಪುಂಡು. ಒರಿನಂಚನೆ ಚೀಯೊ ಒಂತೆ ಪ್ರಮಾಣೊಡು ಹಲವು ವಿಟಮಿನ್ಲೆ ಬುಕ್ಕೊ ಖನಿಜೊಲೆನ್ ಹೊಂದೊಂಡುಂಡು. ಒವ್ವೇ ಚೀಯೊದ ರಾಸಾಯನಿಕೊ ಸಂಯೋಜನೆ ಆ ಕೆಲೆಂಜಿಲೆಗ್ ಒದಗುನ ಪೂವುಲೆ ಜಾತಿ ಬುಕ್ಕೊ ಪರಿಮಾನೊಲೆನ್ ಅವಲಂಬಿಸದುಂಡು.

ಚೀಯೊದ ಸಾಮಾನ್ಯೊ ಸಂಯೋಜನೆ

1. ಫ್ರುಕ್ಟೋಸ್ : ೩೮%
2. ಗ್ಲುಕೋಸ್ : ೩೧%
3. ಸುಕ್ರೋಸ್ : ೧%
4. ನೀರ್ : ೧೭%
5. ಇತರೊ ಶರ್ಕರೊಲು : ೯%
6. ಇತರೊ ವಸ್ತುಲು : ೩.೫೫%

ಇತಿಹಾಸೊ ಬುಕ್ಕೊ ಸಂಸ್ಕೃತಿಡ್ ಚೀಯೊ

ಒಂಜಿ ಎದಿ(ಚೀಯೊದ ಗೂಡು)

ಮಾನವನ ಇತಿಹಾಸೊದುದ್ದೊಗು ಚೀಯೊ ಮಲ್ಲ ಸ್ಥಾನೊ ಪಡೆದ್‍ಂಡ್. ಚೀಪೆ ಇತ್ತ್‌ನ ಮಾಂತೆನ್ಲ ಚೀಯೊಗು ಹೋಲಿಸಬುನ ತೋಜಿದ್ ಬರ್ಪುಂಡು. ಚೀಯೊದ ಸಂಗ್ರಹೊ ಒಂಜಿನ ಪ್ರಾಚೀನ ಪರಂಪರೆಯಾದ್ ಬತ್ತ್ಂಡ್. ಹೆಚ್ಚಿದ ಮಾಂತ ಧರ್ಮಗಂಥೊಲೆಡ್ ಚೀಯೊದ ಉಲ್ಲೇಕೊ ಉಂಡು.

ಮರ್ದ್‌ದ ಉಪಯೋಗೊಲು

ದುಂಬುದ ಕಾಲೊಡ್ದು ಚೀಯೊನು ಗಡಿಕ್ ಪೂಜುನೆ ಅತ್ತಂಡ ತಿನ್ಪುನೆಡ್ದ್‌ ಮರ್ದ್ ಆದ್ ಬಳಸೊಂದಿತ್ತೆರ್. ಚೀಯೊ ನಂಜುವಿರೋಧಿ ಬುಕ್ಕೊ ಬ್ಯಾಕ್ಟೀರಿಯಾ ವಿರೋಧಿ ಗುಣೊನು ಹೊಂದ್‌ದ್ಂಡ್. ಆಂಡ ಒಂಜಿ ಒರ್ಸೊದ ಬಾಲೆಗ್ ಚೀಯೊನು ಕೊರ್ಪುನವು ಎಡ್ಡೆ ಅತ್ತ್ಂದ್ ವೈದ್ಯಕೀಯ ಸಂಶೋಧನೆಲು ತೆರಿಪಾವುಂಡು.

ಬಾಹ್ಯೊ ಸಂಪರ್ಕೊಲು

• ಜೇನು ಕೃಷಿಯ ಉತ್ಪನ್ನಗಳು
• ಜೀವನೋಪಾಯವಾಗಿ ಜೇನು ಕೃಷಿ