ದೇವೆರೆ ಕೊಡಿ/ಬೆಮ್ಮೆರೆ ಕೊಡಿ

ದೇವೆರೆ ಕೊಡಿ

ದೇವೆರೆ ಕೊಡಿ:ತುಳುವೆರ್ ಇನಿತ ದಿನೊಟ್ಟ್ ಮಾನೊಲೆಡ್ ಎಡ್ಡೆ ಕಜ್ಜೊಗು ದುಂಬು ಗಣಪತಿ ದೀಪುನ ತೂವೊಂದುಲ್ಲ. ಆಂಡ ತುಳುವೆರ್ ಅನಾದಿಡ್ ಒವ್ವೇ ಎಡ್ಡೆ ಕಜ್ಜೊಗು ದುಂಬು ಉರ್ಪೆಲರಿತ್ತ ಮಿತ್ತ್ ಮುಗಟೆ ದೀದ್ ಬೆಮ್ಮೆರೆಗ್ ಸುತ್ತೆ ದೀವೊಂತೆರ್. ಅವು ಇನಿಲ ಅವ್ಲೊಂಜಿ ಮೂಲೊಂಜಿಂದ್ ತೂವೆರೆ ತಿಕ್ಕುವ. ದಾಯೆ ಪಂಡ ತುಳುನಾಡ್ ಡ್ ದೈವೊಲೆ ಆರಾದನೆನೆ ಮೂಲೊಡಿತ್ತಿನೈರ್ದಾವರ ದೇವೆರೆ ಆರಾದನೆ ಇಜ್ಜಾಂಡ್. ಆಂಡ ದೈವದ ಚಾಕಿರಿಗ್ ದುಂಬು ಬಾರ್ಯಾತ್ ವರ್ಸದ ಪಿರವುಡು ದೇವೆರೆ ಕೊಡಿ ದೀಪುನ ಕ್ರಮ ಇತ್ತ್ಂಡ್. ತುಳುವೆರೆ ದೇವೆರೆ ಕೊಡಿ ತುಳುವೆರೆನ ಸೊಂತ. ಅವು ತುಳುವೆರೆ ಬೆಮ್ಮೆರೆ ಸುತ್ತೆ, ತುಲುವೆರೆ ದೇವೆರೆ ಕೊಡಿ ಗಣಪತಿನ ಸ್ವಸ್ತಿಕ ಅತ್ತ್.

ದೇವೆರೆ ಕೊಡಿ ಪಂಡ ದಾದ?

ತುಳುವೆರೆಗ್ ದೈವಲ,ದೇವೆರ್ಲ, ಸರ್ವಲ ಬೆಮ್ಮೆರೆ ಆದಿತ್ತೆರ್.ಅಂಚಾದ್ ಒವ್ವೇ ಕಜ್ಜೊಗು ದುಂಬು ಬೆಮ್ಮೆರೆಗ್ ಸುತ್ತೆ ದೀವೊಂತೆರ್.ಅಪಗ ಮೂಲು ದೇವೆರೆ ಕೊಡಿ ಪಂಡ ದಾದ?.ದುಂಬುದ ಕಟ್ಟ್ ಡ್ ಬಚ್ಚಿರೆ ಬಜ್ಜೆಯಿಡ್ ಕೊಡಿ ದೀವೊಂತೆರ್. ನನ ಕೆಲವೆರ್ ಸ್ವಸ್ತಿಕ ಇಜ್ಜಾ ಸುತ್ತೆ ದೀಪುನೆನ್ ದೇವೆರೆ ಕೊಡಿಂದ್ ಲ ಪನ್ಪೆರ್.ಆಂಡ ತುಳುವೆರೆ ಒವ್ವೇ ಎಡ್ಡೆ ಕೆಲಸೊಗ್ಲ ಪಂಚ ಬೂತೊಲೆಗ್ ಸರಿಯಾದ್,ಪಂಚೇಂದ್ರಿಯೊಲೆಗ್ ಸರಿಯಾದ್ ಬೆಮ್ಮೆರೆ/ದೇವೆರೆ ಒರುವಾದ್ 5 ಬಚ್ಚಿರೆ ದೀವೊಂತೆರ್.

ದೇವೆರೆ ಕೊಡಿ ದಾಯೆ ದೀಪೆರ್?

ಬೆಮ್ರ್ಮೆರೆರ್ದೇ ತುಳುನಾಡ್. ಬೆಮ್ಮೆರೆರ್ದೇ ಸೃಷ್ಠಿ. ನಮ್ಮ ಸರೀರೊಡ್ ಎತ್ತರೊಡಿಪ್ಪುನ ಜಾಗೆ ತರೆ. ತರೆತ್ತ ಒರುವಾದ್ ಬಚ್ಚಿರೆದ ಮಿತ್ತ್ ಬಜ್ಜೆಯಿನ್ ದೀಪೆರ್. ದೇವೆರೆ ಒರುವಾದ್ 5 ಬಚ್ಚಿರೆನ್ ದೀಪೆರ್.ತರೆನ್ ಪೂರ್ಣ ಪ್ರಮಾಣೊಡು ಶ್ರದ್ಧಾ ಭಕ್ತಿಡ್ ದೇವೆರೆಗ್ ಅರ್ಪಣೆ ಮಲ್ಪುನಂಚಿನೆತ ಒರು ಬಚ್ಚಿರೆದ ಮಿತ್ತ್ ದೀಪುನ ಬಜ್ಜೆಯಿ. ದೇವೆರೆಗ್ ನಮ್ಮ ತರೆನ್ ಸಮರ್ಪಣೆ ಮಲ್ಪುನ ಕಜ್ಜ ದೈವಾರಾದನೆ. ಮೂಲು ನಮಕ್ಕ್ ತುಳುವೆರೆಗ್ ದೇವೆರ್ ಬೆಮ್ಮೆರ್. ದೈವದ ಕೊಡಿಯಡಿನ್ ನಮ್ಮ ಸರೀರೊಗು ಓಲ್ಪಡಿ ಮಲ್ತ್ಂಡ ಬಲಿ ಪಂಡ ಬಂಜಿ, ಬಾಲೊಲಿಗ್ ಕಟ್ಟುನ ತಾರಾಯಿ ನಮ್ಮ ತರೆ.

ಬೇತೆ ಪುದರುಲು

• ಸುತ್ತಿಗೆ ದೀಪುನ