ನರಹರಿ ಗುಡ್ಡೆ

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ

ಉಂದೊಂಜಿ ತೀರ್ಥಕ್ಷೇತ್ರ. ಉಂದು ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡೊ ಜಿಲ್ಲೆದ ಬಂಟ್ವಾಳ ತಾಲೂಕುದ ಕಲ್ಲಡ್ಕ ಬುಕ್ಕೊ ಮೆಲ್ಕಾರ್ ನಡೂಟು ತೂಯೆರೆ ತಿಕುಂಡು. ಮುಲ್ಪದ ಇಸೇಸೊ ಆಟಿ ಅಮಾಸೆದಾನಿ ನಡಪುನ ತೀರ್ಥೊ ಮೀಪುನ ಕ್ರಮೊ. ಇಡೀ ತುಳುನಾಡ್‍ದಕುಲು ಇಡೆಗ್ ತೀರ್ಥೊ ಮೀಯೆರ ಬರ್ಪೆರ್.[೧]

ಜಾಗೆ[ಸಂಪೊಲಿಪುಲೆ]

ನರಹರಿ ಗುಡ್ಡೆ(ಕನ್ನಡೊಟು ನರಹರಿ ಬೆಟ್ಟಕುಡ್ಲದ್ ಬೆಂಗಳೂರುಗು ಪೋಪಿನ ಸಾದಿಡ್ ೩೦.ಕಿ.ಮಿ ದೂರಡ್ ತಿಕ್ಕುಂಡು. ಉಂದು ಅಂದಾಜ್ ೩೫೦ ಅಡ್ಡಿ ಎತ್ತೊರೊಡು ಉಂಡು. ಗುಡ್ಡೆದ ಕೊಡಿಟ್ ನರಹರಿ ದೇವೆರೆನ ದೇವಸ್ಥಾನೊ ಉಂಡು. ಮುಲ್ತುರ್ದು ಉಂತೋಂದ್ ಬಯ್ಯದ ಪೋರ್ತ್ ಸೂರ್ಯಕಂತುನ ತುವೆರೆ ಬಾರಿ ಪೊರ್ಲದ ಜಾಗೆ. ಗುಡ್ಡೆ ಮಿತರ್‍ಯರ ಮೊಟ್ಟುದ ಸಾದಿ ಉಂಡು ಅಂಚೆನೆ ಗುಡ್ಡೆ ಮಿತರ್‍ಯರ ಮಟ್ಟು ಇದ್ಯಾಂದಿ ಸಾದಿಲಾ ಉಂಡು. ಕುಡ್ಲ-ಬೆಂಗಳೂರುಗು ಪೋಪಿನ ರಾಜಮಾರ್ಗೊ ಸಾದಿ ೪೮ಡ್ ನರಹರಿ ಗುಡ್ಡೆದ ದೇವಸ್ತಾನೊಡು ಸದಾಶಿವ ದೇವೆರ್ ತೂಯರ ಆಪುಂಡು. ಕುಡ್ಲಗ್ ಬತ್ತ್‌ದ್ ಅಲ್ಪರ್ದ್ ಪುತ್ತೂರು ಮಾರ್ಗೊಡು ೨೮ಕಿ.ಮಿ. ಬರೊಡು. ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕು ಕೇಂದ್ರ ಬಿ.ಸಿ.ರೋಡ್ ಜಂಕ್ಷನ್‍ರ್ದ್ ೫ಕಿ.ಮಿ. ದುರೊಡು ಬಲ ಬರಿಟ್ ನರಹರಿ ಗುಡ್ಡೆ ಸದಾಶಿವ ದೇವೆರೆ ದೇವಸ್ಥಾನೊದ ಮಹಾದ್ವಾರ ತೋಜುಂಡು. ೧ಕಿ.ಮಿ.ದೂರ ವಾಹನೊಡು ಪಯನೊ ಮಲ್ತಿ ಬುಕ್ಕೊ ಮುಟ್ಟು ಮಿತರ್ದ ದೇವಸ್ಥಾನೊ ತಿಕುಂಡು.[೨]

ಪುರಾಣ ಕತೆ[ಸಂಪೊಲಿಪುಲೆ]

  • ಪುರಾಣ ಕತೆತ್ತ ಪ್ರಕಾರೊಡು ನೈಸರ್ಗಿಕವಾದ್ ನಿರ್ಮಿತ ಆಯಿನ ಶಂಖ, ಚಕ್ರ, ಗದಾ, ಪದ್ಮಾ ಪೊದ್ ನಾಲ್ ತೀರ್ಥಭಾವಿಲ್ ಉಂಡು. ನಾಗದೇವರ್, ಮಹಾಗಣಪತಿ, ಶಿವಮೂರ್ತಿ ಮುಲ್ತಾ ಜನಾಕರ್ಷಣೆ ಆದ್ ಉಂಡು. ತೀರ್ಥಭಾವಿಲ್ ಉಂಡು. ಮಹಾಭಾರತೊದ ಕುರುಕ್ಷೇತ್ರ ಯುದ್ದ ಆಯಿಬಕ ಪಾಂಡವೆರ್ ಅಕಲನ್ ಪಾಪ ವಿಮೋಚಣೆ ಮಲ್ಪರೆ ದಕ್ಷಿಣ ಕ್ಷೇತ್ರಡ್ ಯಾತ್ರೆ ಮಲ್ತೆರ್.
  • ಅವ್ವೆ ಸಂಧರ್ಭಡ್ ಹರಿ ಬೊಕ್ಕ ನರ ಈ ಗುಡ್ಡೆನ್ ಬಡ್ತುವೆರ್. ಅಕ್‍ಲ್ ಬಯಿಇನ ಗುರುತುಗಾದ್ ಅಲ್ಪ ಅಕ್ಲೆನ ಆಯುಧೊಡ್‍ದ್ ಶಂಖ,ಚಕ್ರ,ಗದಾ ಪದ್ಮ ಪನ್ಪಿನ ನಾಲ್ ತೀರ್ಥಕೂಪನ್ ಮಲ್ತ್ದ್ ಅಯಿಟೆ ಅಕ್ಲೆನ ಪಾಪನ್ ಕಳೆವೆರ್.ಅಲ್ಪ ಶಿವಲಿಂಗನ್ ಪ್ರತಿಷ್ಠಾಪನೆ ಮಲ್ತ್ದ್ ಶಿವನ ಸಮೇತವಾದ್ ಪೂಜೆ ಮಲ್ತೊಂದುಲ್ಲೆರ್.
  • ಇಂಚಾದ್ ಇಡೆ ನರಹರಿ ಸದಾಶಿವ ಪನ್ಪಿನ ಪುದರ್ ಬಯಿದಿನಿ.ದಕ್ಷಿಣ ಕನ್ನಡ ಜಿಲ್ಲೆಡ್ ದೇವಸ್ಥಾನದ ಸಂಖ್ಯೆದಾಲ ಕಮ್ಮಿ ಇಜ್ಜಿ.ಮುಲ್ಪದ ಮಸ್ತ್ ದೇವಸ್ಥಾನಲು ಪುರಾಣ ಕಥೆ ಇತ್ತಿನ ದೇವಸ್ಥಾನಲೆ.

ಇಸೇಸೊಲು[ಸಂಪೊಲಿಪುಲೆ]

  • ತುಳು ಪರಂಪರೆಡ್ ಆಟಿ ಅಮಾಸೆಗ್ ಬೊಕ್ಕ ಸೋನ ಅಮಾಸೆಗ್ ಮುಲ್ಪ ತೀರ್ಥೊ ಮೀಪೆರ್. ಪುಲ್ಯಕಾಂಡೆನೆ ಮಸ್ತ್ ಭಕ್ತಾದಿಲು ಮುಖ್ಯವಾದ್ ಮದಿಮಲ್ ಮದಿಮಾಯೆ ಬತ್ತ್‌ದ್ ನರಹರಿ ಗುಡ್ಡೆನ್ ಮಿತರ್‌ದ್ ಶಂಖ, ಚಕ್ರ, ಗದಾ, ಪದ್ಮ ಪನ್ಪುನ ನೀರ್‍ದ ತೀರ್ಥೊ ಗುಂಡಿಡ್ ಮಿದ್, ನಾಗರಾಜಗ್, ವಿನಾಯಕಗ್, ಸದಾಶಿವಗ್ ಸೇವೆನ್ ಒಪ್ಪದ್ ಪೊಪಿನವು ಮುಲ್ಪದ ವಾಡಿಕೆ.
  • ಭೂಲೋಕದ ಕೈಲಾಸ ಪಂದೆ ಪ್ರಸಿದ್ದಿ ಆತಿನ ಜಾಗೆ ನರಹರಿ ಸದಾಶಿವ ಗುಡ್ಡೆ.

ಉಲ್ಲೇಕೊ[ಸಂಪೊಲಿಪುಲೆ]

  1. http://megamedianews.in/kannada/?p=2586
  2. https://www.google.co.in/search?q=ನರಹರಿ+ಬೆಟ್ಟ&biw=981&bih=700&tbm=isch&tbo=u&source=univ&sa=X&ved=0CCsQsARqFQoTCMLLyLC4g8gCFY8ZjgodcrUF3Q&dpr=1.3