ನಲ್ಲೂರು (ಶ್ರೀಲಂಕಾ)

ನಲ್ಲೂರು (ಶ್ರೀಲಂಕಾ)
ನಗರ
ನಲ್ಲೂರ್ ಕಂದಸಾವ್ನಿ ಕೋವಿಲ್

ನಲ್ಲೂರು ಶ್ರೀಲಂಕಾ ಜಾಫ್ನಾದ ಶ್ರೀಮಂತ ಉಪನಗರವಾದುಂಡು. ಉಂದು ಜಾಫ್ನಾ ನಗೊರದ ಕೇಂದ್ರೊಡ್ದು ದಕ್ಷಿಣೊಗ್ 3ಕಿ.ಮೀ ದೂರಡ್ ಉಂಡು. ನಲ್ಲೂರು ಕಂದಸ್ವಾಮಿ ದೇವಸ್ಥಾನೊಗು ಅತ್ಯಂತ ಪ್ರಸಿದ್ಧವಾಗಯಿನ, ಉಂದು ಶ್ರೀಲಂಕೊದ ಹಿಂದೂಗಕಲೆಗ್ ಅತೀ ಪವಿತ್ರ ಯಾತ್ರಾ ಸ್ಥಳೊಡು ಒಂಜಾದುಂಡು. ನಲ್ಲೂರುದ ಪರಾ ಜಾಫ್ನಾ ಸಾಮ್ರಾಜ್ಯೊದ ಐತಿಹಾಸಿಕ ರಾಜಧಾನಿ ಬೊಕ್ಕ ಪ್ರಸಿದ್ಧ ತತ್ವಜ್ಞಾನಿ ದೇವತಾಶಾಸ್ತ್ರಜ್ಞ ಆರ್ಮುಕ ನವಲಾರ್ ಅರೆನ ಜನ್ಮಸ್ಥಳ ಆದುಂಡು.ಉಂದು ಪ್ರಸಿದ್ಧ ಮೃದಂಗ ವಾದಕ ವನೋಜ್ ಪಂಚಲಿಂಗಂ ಅರೆನ ಲಾ ಪಟ್ಟಣವಾದುಂಡು, ಆರ್ ತಮ್ಮ 13 ನೇ ವರ್ಷೊಡು ರಂಗೇತ್ರವೊನು ಪೂರ್ಣಗೊಳಿಸುನೆಟ್ ಪುದರ್ ಪೋತೆರ್.

ವ್ಯುತ್ಪತ್ತಿಶಾಸ್ತ್ರ

ನಲ್ಲ-ಉರ್ ಪನ್ಪಿ ಪುದರನ್ ಜಾಫ್ನಾದ ಸ್ಥಳೀಯೆರ್ ಈ ಪಟ್ಟಣೊದ 'ಮೇಲ್ಜಾತಿಲೆನ ಜಾಗೊ' ಪಂದು ಉಲ್ಲೇಖಿಸರೆ ಆಡುಭಾಷೆಡ್ ಗಳೀಸೊಂದು ಇತ್ತೆರ್. ನಲ್ಲೂರು (ನಲ್ಲೂರು) ಪದೊತ ಸುರುತ ಭಾಗೊ ತಮಿಳು ಪದ "ನಲ್ಲ" ಡ್ದ್ ಬೈದುಂಡು, ಉಂದೆತ ಅರ್ಥ "ಎಡ್ಡೆ/ ಒಳ್ಳೆಯದು". ದುಂಬು, ಉನ್ನತ ಅಥವೊ ಜಾಸ್ತಿ ಸಾಮಾಜಿಕವಾದ್ ಮೇಲ್ಜಾತಿದ ಏರೇ ಆವಡ್ 'ನಲ್ಲ ಅಕ್ಕಲ್' (ಎಡ್ಡೆ ಜನಕುಲು) ಪಂದ್ ಲೆಪ್ಪುನಿ ತಮಿಳು ಭಾಷೆದ ಸಂಪ್ರದಾಯವಾತುಂಡು. ಪುದರ್ದ ರಡ್ಡನೇ ಭಾಗ ("ಉರ್") ಪಂಡ ಸ್ಥಳೊ ಅಥವಾ ಪ್ರದೇಶ. ಈ ಪಟ್ಟಣೊಗು ಸಡಿಲವಾದ್ ಬಳಸಲಾಪಿನೊ ಈ ಪುದರ್ ನ್ 17 ನೇ ಶತಮಾನೊಡು ಅಳವಡಿಸುದುಂಡು ಪಂದ್ ನಂಬಲಾತುಂಡು, ಜಾಫ್ನಾ ಸಾಮ್ರಾಜ್ಯೊದ ಪತನೊದ ಬೊಕ್ಕ ಅಯಿತ ಮೂಲ ರಾಜೆ ಪುದರನ್ 'ಸಿಂಗೈ ನಗೊರ' ಪಂದು ಬದಲಾವಣೆ ಮಂತೆರ್.

ಇತಿಹಾಸ

ಸುರುತ ಆರ್ಯಚಕ್ರವರ್ತಿ ರಾಜೆ ಕಾಲಿಂಗ ಮಘ ನಲ್ಲೂರುನ್ ರಾಜಧಾನಿ ಪಂಡ್ದ್ ಘೋಷಣೆ ಮಲ್ತಿನವು ಜಾಫ್ನಾ ರಾಜ್ಯೊದ ಸುರುತ ಮೂಲೊಗು ಪೋಪುಂಡು ಬೊಕ್ಕ ಕೋಪೆ ಜಾಫ್ನಾ ರಾಜ್ಯೊದ ರಡ್ಡನೆ ರಾಜಧಾನಿ ಆದಿತ್ತ್ಂಡ್ ಮಸ್ತ್ ವರ್ಷೊಗು ಉಂದು ರಾಜಕೀಯ, ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಮಹತ್ವೊನು ನಿರ್ಮಾಣ ಮಲ್ಪುನ ಒಂಜಿ ಕೇಂದ್ರ ಬಿಂದು ಆದಿತ್ತ್ಂಡ್ ಬೊಕ್ಕ ರಾಜ್ಯೊದ ರಾಜಮನೆತನೊದ ಆಡಳಿತ ಗಣ್ಯೆರ್, ಸಚಿವೆರ್ ಬೊಕ್ಕ ಇತರ ಅಧಿಕಾರಿಲೆನ ಇಲ್ಲ್ ಆದಿತ್ತ್ಂಡ್.. ರಾಜಧಾನಿ ಆದ್ ಘೋಷಣೆ ಆಯಿ ಬೊಕ್ಕನೇ ಸುರುತ ದೇವಸ್ಥಾನೊನು ಮುರುಗನ್ ದೇವೆರೆಗ್ ಕ್ರಿ.ಶ.೯೪೮ಡ್ ರಾಜೆ ಕಾಳಿಂಗ ಮಘನ ಮುಖ್ಯಮಂತ್ರಿ ಪುವೆನಾಯ ವಾಕು ನಲ್ಲೂರುದ ಕುರುಕ್ಕಲ್ ವಳವು ಪನ್ಪಿನ ಜಾಗೆಡ್ ನಿರ್ಮಾಣ ಮಲ್ತೆರ್. ೧೫ನೆ ಶತಮಾನೊದ ಮಧ್ಯೊಡು ರಾಜಧಾನಿ ನಲ್ಲುರ್ ನ್ ಸೆರೆಹಿಡಿಯೆರೆ ಬೊಕ್ಕ ಜಾಫ್ನಾನ್ ಕೋಟೆದ ಸಾರ್ವಭೌಮತ್ವೊಗು ಕನರೆ ದಕ್ಷಿಣೊಡ್ದ್ ಕಡಪುಡುನ ಸಿಂಹಳೀಯ ಸೈನ್ಯೊಲು ತೋಜಿದ್ ಬತ್ತ್ಂಡ್. ಈ ಕಾರ್ಯಾಚರಣೆನ್ ರಾಜಕುಮಾರ ``ಸಪುಮಲ್ ಕುಮಾರಯ್ಯ (ಕೋಟೆದ 6ನೇ ಭುವನೆಕಬಾಹು) ನಡಪಾಯೆರ್ - ಜಾಫ್ನಾದ ಸ್ಥಳೀಯ ತಮಿಳು ರಾಜನ್ ``ಕನಕಸೂರ್ಯ ಸಿಂಕಿರಿಯನ್ ನ್ ಭಾರತೊಗು ಯಶಸ್ವಿಯಾದ್ ಗಡಿಪಾರ್ ಮಲ್ತೆರ್ ಬೊಕ್ಕ ತನ್ನನ್ ತಾನ್ ಪ್ರಾದೇಶಿಕ ಆಡಳಿತೆರ್ ಪಂಡ್ದ್ ಘೋಷಣೆ ಮಲ್ತೆರ್. ಅರೆನ ಆಳ್ವಿಕೆದ ಸುರುತ ವರ್ಷೊಲು ದಬ್ಬಾಳಿಕೆಡ್ ಗುರುತಿಸಲ್ಪಟ್ಟೆ, ೧೪೫೦ಡ್ ನಲ್ಲೂರು ದೇವಸ್ಥಾನೊನು ನಾಶ ಮಲ್ತೆರ್ ಬೊಕ್ಕ ನಲ್ಲೂರುದ ಸಿಂಹಳೀಯ ಪುದರ್ ಡ್ದ್ ``ಶ್ರೀರಂಗಬೋಧಿ ಭುವನಸುಬಗು ಪಂಡ್ದ್ ಪುದರ್ ದೀಯೆರ್. ಆಂಡ ನನ ದುಂಬುಗು ಪಶ್ಚಾತ್ತಾಪ ಆಯಿನ ರಾಜಕುಮಾರ ಸಪುಮಲ್ ಕುಮಾರರಾಯೆರ್ ನಲ್ಲೂರುದ ದುಂಬುದ ವೈಭವೊನು ವರ್ಧನೆ ಮಲ್ಪೆರೆ ಕಾರ್ಯಕ್ರಮೊಲೆನ್ ಕಟ್ಟೆರೆ ಸುರು ಮಲ್ತೆರ್. ಉಂದೆಡ್ದ್ ಉತ್ತೇಜನ ಪಡೆದ್, 1457ಡ್ ದೇವಸ್ಥಾನೊನು ಪುನರ್ನಿರ್ಮಾಣ ಮಲ್ಪೆರೆ ಸುರು ಮಲ್ತೆರ್, ಉಂದು ಅಯಿತ ಮೂಲ ಸ್ಥಳೊಡ್ದ್ ಕೆಲವು ಕಿಲೋಮೀಟರ್ ಪೂರ್ವೊಗು ಉಪ್ಪುನ ``ಮಹಾರೈ ಚಂತಾಯಿ ಪನ್ಪಿನ ಜಾಗೆಡ್. ೧೪೬೭ಡ್ ರಾಜಕುಮಾರ ಸಪುಮಲ್ ಕುಮಾರ ರಾಯೆರೆನ ಅಪ್ಪೆನ ಮರಣೊದ ಪರಿಣಾಮವಾದ್ ರಾಜಕುಮಾರ ಸಪುಮಲ್ ಕುಮಾರ ರಾಯೆರ್ ನಲ್ಲೂರುನ್ ಬುಡ್ದು ಕೋಟೆ ರಾಜ್ಯೊದ ರಾಜ್ಯೊನು ವಹಿಸೊಡು ಪನ್ಪಿನ ಬುಕ್ಕೊ ಬೇತೆ ಮಾರ್ಗ ಇಜ್ಜಿ. ರಾಜಕುಮಾರ ಸಪುಮಲ್ ಕುಮಾರರಾಯನ ಅನುಪಸ್ಥಿತಿಡ್, ಕನಕಸೂರ್ಯ ಸಿಂಕಿರಿಯನ್ ನಲ್ಲೂರುಗು ವಾಪಸ್ ಬನ್ನಗ ತಮಿಳು ರಾಜ್ಯ ತ್ವರಿತವಾದ್ ಪುನಃ ಸ್ಥಾಪನೆ ಆಂಡ್.೧೬೨೧ಡ್ ಪೋರ್ಚುಗೀಸ್ ಸಾಮ್ರಾಜ್ಯವಾದದ ಆಕ್ರಮಣೊಡ್ದ್ ಬತ್ತಿನ ಪೊಸ ಬೆದರಿಕೆ ನಾಲ್ ಶತಮಾನೊದ ಆರ್ಯಚಕ್ರವರ್ತಿ ರಾಜವಂಶೊನು ಶಾಶ್ವತವಾದ್ ಮುಗಿಪಾಂಡ್. ಕಮಾಂಡರ್ "ಫಿಲಿಪ್ ಡಿ ಒಲಿವೆರಾ" ನಲ್ಲೂರು ದೇವಸ್ಥಾನೊನು ಅಯಿತ ಅಡಿಪಾಯೊಗು ಪಿರ ನಾಶ ಮಲ್ಪೆರೆ ಅಧಿಕಾರ ಕೊರ್ತೆರ್, ಒಟ್ಟುಗು ರಾಜಮನೆತನೊದ ಮಾತಾ ಕಟ್ಟಡೊಲು ಬೊಕ್ಕ ರಾಜಧಾನಿದ ದುಂಬುದ ವೈಭವೊನು ಸೂಚನೆ ಮಲ್ಪುನ ಬೇತೆ ಕಟ್ಟಡೊಲು. ಉಳಿಯಿನವು ಮಾತ್ರ ಎದುರುದ ಮುಖಭಾಗ, ಉಂದು ಒಂಜಿ ಕಾಲೊಡು ಅರಮನೆದ ಕಟ್ಟಡೊಲೆಡ್ ಒಂಜಿ ಪ್ರವೇಶ ದ್ವಾರ ಆದಿತ್ತ್ಂಡ್ ಪನ್ಪಿನ ನಂಬಿಕೆ ಉಂಡು. ಇತ್ತೆ ಸಂಗಲಿ ತೊಪ್ಪು ಪಂದ್ ನಕ್ಷೆ ಮಲ್ತೊಂದುಲ್ಲೆರ್. 15ನೇ ಶತಮಾನೊದ ನಲ್ಲೂರು ಕಂದಸ್ವಾಮಿ ದೇವಸ್ಥಾನದ ಜಾಗೆ ಇತ್ತೆ ನಲ್ಲೂರುದ ಸೇಂಟ್ ಜೇಮ್ಸ್ ಚರ್ಚ್ ಆದುಂಡು, ಉಂದೆನ್ ಪೋರ್ಚುಗೀಸೆರ್ ನಿರ್ಮಾಣ ಮಲ್ತೆರ್ ಆಂಡ ನನೊಂಜಿ ಸರ್ತಿ 1827ಡ್ ಬ್ರಿಟಿಷೆರೆನ ಆಕ್ರಮಣೊದ ಪೊರ್ತುಡು ರೋಮನ್ ಕ್ಯಾಥೊಲಿಕ್ ಚರ್ಚ್ ದ ಧರ್ಮೊಡ್ದ್ ಆಂಗ್ಲಿಕನ್ ಗ್ ಬದಲಾವಣೆ ಮಲ್ತೆರ್.ಶಾಂತಿಯುತ ಡಚ್ ಆಡಳಿತದ ಸಮಯೊಡು, ``ಕುರುಕ್ಕಲ್ ವಲಾವುಡ್ ಅಯಿತ ಮೂಲ ಜಾಗೆಡ್ ದೇವಸ್ಥಾನೊನು ಕಟ್ಟೆರೆ ಅಂತಿಮವಾದ್ ಅನುಮತಿನ್ ಪಡೆಯೆರ್. ಧ್ವಂಸದ ಸುದೀರ್ಘ ಇತಿಹಾಸೊನು ತೂಂಡ, ಒಂಜಿ ಸರಳ ಶೈಲಿ ದೇವಸ್ಥಾನೊದ ಪುನರ್ನಿರ್ಮಾಣೊಗು ಒಂಜಿ ಅಲಂಕಾರಿಕ ಶೈಲಿಡ್ದ್ ಜಾಸ್ತಿ ಸೂಕ್ತವಾಯಿನವು ಪಂಡ್ದ್ ತೆರಿಂಡ್. ಈ ದೇಸ್ತಾನೊದ ರೂಪೊಡು ಕೆಲವು ಬದಲಾವಣೆ ಆತ್‌ಂಡಲಾ, ೧೭೪೯ನೇ ಇಸವಿಡ್ ಪುನರ್ನಿರ್ಮಾಣ ಆಯಿ ಬೊಕ್ಕ ಇತ್ತೆದ ಸ್ಥಾನೊಡುನೇ ಉಂಡು. ಮೂವತ್ತ್ ವರ್ಸೊದ ನಾಗರಿಕ ಯುದ್ಧೊದ ಪೊರ್ತುಡು, ಜಾಫ್ನಾ ಪರ್ಯಾಯ ದ್ವೀಪೊಡು ಜೀವನ ಮಲ್ಪುನ ಜನಕುಲೆಗ್ ನಲ್ಲುರ್ ಒಂಜಿ ಸುರಕ್ಷಿತ ಆಶ್ರಯೊದ ಜಾಗೆ ಪಂಡ್ದ್ ತೂಯೆರ್. ೧೯೮೭ಡ್ ಶ್ರೀಲಂಕಾದ ವಾಯುಪಡೆ ನಲ್ಲೂರು ದೇವಸ್ಥಾನೊಗು ಕಟ್ಟುನಿಟ್ಟಾದ ಬೆಂಕಿ ನಿಷೇಧ ವಲಯೊನು ಜಾರಿ ಮಲ್ತಿನ ಕಾರಣೊಡ್ದು ಪರ್ಯಾಯ ದ್ವೀಪೊದ ಮಿತ್ತ್ ಡ್ದ್ ಸ್ಥಳಾಂತರ ಆಯಿನ ಜನಕುಲು ದೇವಸ್ಥಾನೊ ಬೊಕ್ಕ ಅಯಿತ ಸುತ್ತಮುತ್ತಲೊಡು ಆಶ್ರಯ ದೆತೊನುನ ಅಲೆನ್ ಸುರು ಮಲ್ತೆರ್.

ಸಂಪ್ರದಾಯ

ಮಿತ್ತ್ ಉಪ್ಪುನ ಮಾತಾ ಐತಿಹಾಸಿಕ ಮಾಹಿತಿಲು ಸ್ಥಳೀಯ ಸಂಪ್ರದಾಯೊಲೆನ್ ಆಧಾರವಾದ್ ಉಂಡು, ಅತ್ತಂದೆ ಅಪ್ಪೆಡ್ದ್ ಮಗೆಗ್ ಬತ್ತಿನ ಬಾಯಿದ ಪಾತೆರೊನ್ ಆಧಾರವಾದ್ ಉಂಡು. ಆರ್ಯಚಕ್ರವರ್ತಿಡ್ದ್ ವಸಾಹತುಶಾಹಿ ಆಡಳಿತೊಗು ಬೊಕ್ಕ ಆಧುನಿಕ ಕಾಲೊಗು ರಾಜಧಾನಿದ ಪರಿವರ್ತನೆನ್ ಖಚಿತಪಡಿಸವುನ ದಾಖಲೆ ಸಾಕ್ಷ್ಯೊಲು ಕಮ್ಮಿ. ಆಂಡಲಾ, ಜಾಫ್ನಾ ರಾಜ್ಯೊದ ಕಡೆತ ದಿನೊಕುಲೆಡ್ ನಲ್ಲುರ್ ಊರುದ ಮತಾಂತರೊದ ಬಗ್ಗೆ ಪರ್ಯಾಯ ದ್ವೀಪೊದ ಪಿರಾಕ್ದ ಕುಟುಮೊಲು ಬೊಕ್ಕ ಜನಕುಲು ಸ್ವೀಕಾರ ಮಲ್ತಿನ ಒಂಜಿ ಮೌಖಿಕ ಸಂಪ್ರದಾಯ ಉಂಡು. ಪರ್ಯಾಯ ದ್ವೀಪೊಡು ಬೇತೆ ಕಡೆಟ್ ತೋಜುಂಡು. ನಲ್ಲೂರುದ ‘ಚೆಟ್ಟಿ ಬೀದಿ’ ಇಂಚಿತ್ತಿನ ರಸ್ತೆಲೆನ ಪುದರ್‌ಡ್ ಇನಿಲಾ ಉಂಡು. ನಲ್ಲೂರು ಇತ್ತೆ ಶತಮಾನೊಲೆಡ್ದ್ ಮಲ್ಲ ಅಯ್ಯರ್ ಕುಲೊತ ನೆಲೆಯಾತ್ಂಡ್ ನಲ್ಲೂರು ದೇವಸ್ಥಾನ ಯಾಜಕೆರೆನ ಒಂಜೇ ಮಲ್ಲ ಉದ್ಯೋಗದಾತೆ ಆಯಿನೆಡ್ದಾವರ, ಬ್ರಾಹ್ಮಣೆರ್ (ಪುರೋಹಿತ ಜಾತಿ) – ದೇವಸ್ಥಾನದ ಮೈದಾನೊದ ಸಮೀಪೊಡು ಕೇಂದ್ರೀಕೃತವಾದಿತ್ತೆರ್. ಸಂಪ್ರದಾಯದ ಪ್ರಕಾರ ನಲ್ಲೂರು ಕಂದಸ್ವಾಮಿ ದೇವಸ್ಥಾನದ ಇತ್ತೆದ ಸ್ಥಾನ 'ಕುರುಕ್ಕಲ್ ವಳವು' - ಅರ್ಥ ಪ್ರಧಾನ ಅರ್ಚಕೆರೆನ ಭೂಮಿ.

ಗ್ಯಾಲರಿ

ನಲ್ಲೂರು (ಶ್ರೀಲಂಕಾ)ದ ಗ್ಯಾಲರಿ

ನಲ್ಲೂರು ಕಂದಸಮಿ ಎದುರುದ ದ್ವಾರ

ಸಂಗಿಲಿಯನ್ ಮೂರ್ತಿ ಜಾಫ್ನಾ ಶ್ರೀಲಂಕಾ

ಕಂಕಿಲಿ ತೊಪ್ಪು

ನವಲಾರ್ ಸಾಂಸ್ಕೃತಿಕ ಸಭಾಂಗಣ, ಜಾಫ್ನಾ

ತೂಲೆ

• ಜಾಫ್ನಾ ಅರಮನೆದ ಅವಶೇಷೊಲು
• ನಲ್ಲೂರು ಕಂದಸ್ವಾಮಿ ಕೋವಿಲ್