ಪಡ್ಡಾಯಿ (ಸಿನೆಮಾ)

ವಿಕಿಪೀಡಿಯರ್ದ್
Jump to navigation Jump to search

ಪಡ್ಡಾಯಿ ಸಿನೆಮಾ ೨೦೧೮ಡು ಬತ್ತಿನ ಒಂಜಿ ತುಳು ಸಿನೆಮಾ. ನಿರ್ದೇಶಕೆ ಅಭಯಸಿಂಹ ಮೇರ್ನ ಸುರುತ್ತ ತುಳು ಚಲನಚಿತ್ರ ಉಂದಾಡುಂದು.[೧]

ಪಾತ್ರ ಮಲ್ತಿನಕುಲು[ಸಂಪೊಲಿಪುಲೆ]

ಈ ಸಿನೆಮೋಡು ಮೋಹನ್ ಶೇಣಿ, ಬಿಂದು ರಕ್ಷಿಧಿ, ಚಂದ್ರಹಾಸ ಉಳ್ಳಾಲ, ಗೋಪಿನಾಥ್ ಭಟ್, ಅವಿನಾಶ್ ರೈ, ಸದಾಶಿವ ನಿನಾಸಂ, ಶ್ರೀನಿಧಿ ಆಚಾರ್, ಪ್ರಭಾಕರ ಕಾಪಿಕಾಡ್, ವಾಣಿ ಪೆರಿಯೋಡಿ, ರವಿ ಭಟ್, ಮಲ್ಲಿಕಾ ಜ್ಯೋತಿಗುಡ್ಡೆ, ಸಂತೋಷ್ ಶೆಟ್ಟಿ ಮುಕುಲು ಪಾತ್ರ ಮಲ್ದೆರ್.

ಕಥೆಥ ತಿರ್ಲ್[ಸಂಪೊಲಿಪುಲೆ]

ಯಕ್ಷಗಾನ, ಭೂತಾರಾಧನೆಗ್ ಒತ್ತ್ ಕೊರ್ದು ಕಡಲ್ದ ಮಧ್ಯೊಡು ಕೆಲವು ದೃಶ್ಯೊಲೆನ್ ಕ್ಯಾಮೆರೊಡು ಪತ್ತ್ದ್ನವು ಪಡ್ಡಾಯಿ ಸಿನೆಮಾ. ಒಂಜಿ ಊರ್ ದ ಧನಿಕ್ಲೆನ ಇಲ್ಲಡ್ ಬೇಲೆ ಮಲ್ತೊಂದಿತ್ತಿನ ದನಿಯ ಪನ್ಪಿನಯೆ, ಎಂಚ ಬದಲಾಪೆ ಬೊಕ್ಕ ಸಮಾಜ ಉಂದೆನ್ ಎಂಚ ತೂಪುಂಡ್ ಪನಿನವು ಕಥೆಥ ತಿರ್ಲ್. "ಅತಿ ಆಸೆ ಗತಿ ಕೇಡ್" ಪನ್ಪಿನ ನೀತಿ ಉಂದೆಟ್ಟುಂಡು. ಷೇಕ್ಸ್ ಪಿಯರ್ ನ ಮ್ಯಾಕ್ ಬೆತ್ ನಾಟೊಕೊದ ಉಮೇದ್ ನ್ ಪಡೆಯಿನಂಚಿನ ಈ ಸಿನೆಮಾ ಮೀನ ಪತ್ತುನಕ್ಲೆನ ಬದ್ಕದ ಮಿತ್ತ್ ಚಿತ್ರಿತವಾದುಂಡು.

ಸಿನೆಮಾ ತಂಡ[ಸಂಪೊಲಿಪುಲೆ]

  • ನಿರ್ದೇಶಕೆ : ಅಭಯ ಸಿಂಹ ಕುಡ್ಲ
  • ನಿರ್ಮಾಪಕೆ : ನಿತ್ಯಾನಂದ ಪೈ, ಕಾರ್ಕಳ
  • ಸಂಗೀತ : ಮಣಿಕಾಂತ್ ಕದ್ರಿ
  • ಸಂಕಲನ : ಪ್ರಶಾಂತ್
  • ಕ್ಯಾಮೆರ : ವಿಷ್ಣುಪ್ರಸಾದ್, ಪುತ್ತೂರು
  • ಸಿನೆಮಾದ ಕಥೆ : ಪ್ರಕಾಶ್ ಪಂಡಿತ್
  • ಸಿನೆಮಾ ಬತ್ತಿನ ವರ್ಸ : ೨೦೧೮
  • ಬಾಸೆ : ತುಳು

ಪುದರ್ದ ಅರ್ಥೊ[ಸಂಪೊಲಿಪುಲೆ]

ತುಳುತ್ತ ಪಡ್ಡಾಯಿ ಪನ್ಪಿನವು ಕನ್ನಡೊದ ಪಶ್ಚಿಮ ದಿಕ್ಕ್. ತುಳುನಾಡ್‍ಡ್ ಮೀನ್ ಪತ್ತುನ ಮೊಗವೀರೆರ್ ಕಡಲ್ನ್ ಪಡ್ಡಾಯಿ ಪನ್ದ್ ಪನ್ಪಿನ ಕ್ರಮವುಂಡು.

ಪ್ರಶಸ್ತಿ[ಸಂಪೊಲಿಪುಲೆ]

೬೫ನೇ ರಾಷ್ಟ್ರೀಯ ಚಲನಚಿತ್ರೋತ್ಸವೊಡು ಎಡ್ಡೆ ಪ್ರಾದೇಶಿಕ ಚಿತ್ರೊ ಪ್ರಶಸ್ತಿ ಪಡ್ಡಾಯಿ - ತುಳು ಚಲನಚಿತ್ರೊಗು ಬಯ್ದ್ಂಡ್.[೨]

ರಾಷ್ಟ್ರೀಯ ಪ್ರಶಸ್ತಿ ಪಡೆಯಿನ ಬೇತೆ ತುಳು ಸಿನಿಮೊಲು[ಸಂಪೊಲಿಪುಲೆ]

  • ಬಂಗಾರ್ ಪಟ್ಲೇರ್ (೧೯೯೩)
  • ಕೋಟಿ ಚೆನ್ನಯ (೨೦೦೭)
  • ಗಗ್ಗರ (೨೦೧೦)
  • ಮದಿಪು (೨೦೧೭)

ಉಲ್ಲೇಕೊ[ಸಂಪೊಲಿಪುಲೆ]

  1. https://www.udayavani.com/kannada/news/nri-news/289582/paddayi-tulu-film
  2. https://www.udayavani.com/kannada/news/mangalore-news/285919/tulu-film-paddayi-won-best-regional-film-award-in-national-film-awards