ಪೊಳಲಿ

ಪೊಳಲಿ ದೇವಸ್ಥಾನ ಉಪ್ಪುನು ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕುಡ್ ಕರಿಯಂಗಳ ಪನ್ಪಿನ ಊರುಡ್, ಫಲ್ಗುಣಿ ಸುದೆತ ಬರೀಟ್. ಈ ಊರು ಏತ್ ಪೊರ್ಲೊ, ಪೊಳಲಿದ "ಶ್ರೀ ರಾಜರಾಜೇಶ್ವರಿ" ದೇವಿಲಾ ಆತೆ ಪೊರ್ಲು ಬೊಕ್ಕ ಕಾರ್ಣಿಕಲ. ಈ ದೇವಿನ ಮೂರ್ತಿ ಮಣ್ಣ್ಡ. ಈ ಮಲ್ಲ ಮೂರ್ತಿನ್ ತೂವೊಡಾಂಡ ಕುಲ್ಲುದು ಇಜ್ಜಿನ್ಡ ಬಗ್ಗ್ಧ್ ತೂವೊಡಾತೆ. ಪೊಳಲಿದ ದೇವಿನ್ ಸ್ವತಹ ರಾಜೆ ಸುರತ ತನ್ನ ಕೈಯಾರೆ ಮಲ್ಥ್ದಿನ್ ಪಣ್ಪೆರ್. ಐಕೆ ಮುಲ್ತ ದೇವಿಗ್ ರಾಜರಾಜೇಶ್ವರಿ ಪಂದ್ ಪುದರ್.

ಪುರಾಣ

ರಾಜೆ ತನ್ನ ರಾಜ್ಯೋನ್ ಕಳೆವೊಣ್ನಗ ಮುಲ್ತ ಕಾಡ್ಡ್ ಬತ್ದ್ ಇತ್ತೆಗೆ. ಆತ್ ಪೋರ್ತುಗ್ ಮುಲ್ತ ಕಾಡ್ಡೇ ಇತ್ತಿನ ಸುಮೇಧ ಪನ್ಪಿನ ಋಷಿಕುಲ್ ದೇವಿನ ಪೂಜೆ ಮಳ್ಪೆರೆ ಪಣ್ಪೆರ್ ರಾಜಡ. ಅವೆನ್ ಕೇನ್ದ್ ರಾಜೇ ಈ ಮಣ್ಣ್‌ಡ್ ದೇವಿನ ಮೂರ್ತಿನ್ ಮಲ್ತ್‌ದ್, ಐಕ್ ತನ್ನ ಕಿರೀಟೋನ್ ದೀದ್ ಪೂಜೆ ಮಳ್ಪೆರೆ ಶುರು ಮಳ್ಪುವೆಗೆ. ಮಸ್ತ್ ತಪಸ್ಸುಲ ಮಳ್ಪುವೆಗೆ. ಕಡೆಕ್ ದೇವಿನ ಆಶೀರ್ವಾದೋಡ್ ರಾಜಗ್ ಆಯೆನ ರಾಜ್ಯ ಪಿರ ತಿಕ್ಕುಂಡ್. ಆ ಕಿರೀಟೋನ್ ರಾಜೆ ದೆಪ್ಪೆರೆ ತೂನಗ ಆಯೆಗ್ ದೆಪ್ಪೆರೆ ಆಯಿಜೀ ಪನ್ಪೆರ್. ಆ ಕಿರೋಟೋನ್ ನಮ ಇನಿಕ್ಲಾ ಪೊಳಲಿಡ್ ತೂವೋಲಿ.

ತಿನ್ಗೊಲ್ದ ಜಾತ್ರೆ

ಪೊಳಲಿದ ಜಾತ್ರೆ ಇಡೀ ಒಂಜಿ ತಿಂಗೋಳ್ಧ. ಮಾರ್ಚ್ ಬೊಕ್ಕ ಏಪ್ರಿಳ್ ತಿಂಗೋಳ್ಧ ನಡುಟ್ ನಡಪುಂಡು ಮುಲ್ತ ಉತ್ಸವ. ಈ ಪೋರ್ತುಗು ಆಪಿನ ಚೆಂಡು ಉತ್ಸವ ಮಸ್ತ್ ಪುದರ್ ಪೋಯಿನ. ದೇವಿ ಬೊಕ್ಕ ರಕ್ಕಸೆ ಭಂಡಾಸುರನ ನಡುಟ್ ನಡಪುನ ಯುದ್ಧದ ಪ್ರತೀಕ ಈ ಚೆಂಡು ಉತ್ಸವ. ದೇವಿ ರಕ್ಕಸೆ ಬೊಕ್ಕ ಆಯೆನ ಸೈನ್ಯೊನ್ ಕೆರ್ದ್ ಭೂಲೋಕೋಡ್ ಶಾಂತಿನ್ ಪಿರ ಕನಥಿನೆನ್ ಆಚರಣೆ ಮಳ್ಪೆರೆ ಇತ್ತೆಲ ನಡಪುಂಡು ಚೆಂಡು ಉತ್ಸವ.

ಬಚ್ಚಂಗಾಯಿ

ಮುಲ್ಪ ಜಾತ್ರೆದ ಸಮಯೋಡು ಬಚ್ಚಂಗಾಯಿ ಮುಕ್ಯವಾಯಿನ ಆಕರ್ಷಣೆ, ದೇವಿ ರಕ್ಕಸೆರ್ಣ ತರೆನ್ ಚೆಂಡು ಗೊಬ್ಯಾಲ್ ಪನ್ಪಿ ನಂಬೋಲಿಕೆ ಉಂಡು.

ಉಲ್ಲೇಕೊಲು