ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ
| ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ | |
|---|---|
| ಫೈಲ್:Pradhan Mantri Matritva Vandana Yojana.png | |
| ದೇಶ | ಭಾರತ |
| ಪ್ರಧಾನ ಮಂತ್ರಿ (ಎಸ್. | ಶ್ರೀ ನರೇಂದ್ರ ಮೋದಿ |
| ಸಚಿವಾಲಯ | ಪೊಂಜೊಲೆನ ಬೊಕ್ಕ ಜೋಕುಲೆ ಅಭಿವೃದ್ಧಿ ಸಚಿವಾಲಯ |
| ಸುರು ಮಲ್ತ್ಂಡ್ | 2010 |
| ಜಾಲತಾಣ | http://wcd.nic.in |
ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ (ಪಿ. ಎಂ. ಎಂ. ವಿ. ವೈ.) , ದುಂಬು ಉಂದೆನ್ ಇಂದಿರಾ ಗಾಂಧಿ ಮಾತೃವ ಸಹಯೋಗ ಯೋಜನೆ ಪಂದ್ ಲೆತ್ತೊಂದಿತ್ತೆರ್, ಉಂದು ಭಾರತ ಸರ್ಕಾರ ನಡಪಾವುನ ಹೆರಿಗೆ(ಪೆದ್ದುನ) ಸೌಲಭ್ಯದ ಕಾರ್ಯಕ್ರಮವಾದುಂಡು. [೧][೨] ಮೂಲತಃ 2010ಡ್ ಸುರು ಮಲ್ತೆರ್ ಬೊಕ್ಕ 2017 ಡ್ ಪಿರ ಪುದರ್ ಬದಲ್ ಮಲ್ತೆರ್. ಈ ಯೋಜನೆನ್ ಪೊಂಜೊಲೆನ ಬೊಕ್ಕ ಜೋಕುಲೆ ಅಭಿವೃದ್ಧಿ ಸಚಿವಾಲಯ ನಡಪಾವುಂಡು. [೩] ಉಂದು 19 ವರ್ಷ ಅತ್ತ್ಂಡ ಅವೆಡ್ದ್ ಜಾಸ್ತಿ ಪ್ರಾಯದ ಬಂಜಿನ ಪೊಂಜೊಲೆನ ಬೊಕ್ಕ ಮಿರೆ ಪೇರ್ ಕೊರ್ಪುನ ಪೊಂಜೊಲೆಗ್ ಬೊಕ್ಕ ಸುರುತ ಪೇತ್‌ಗ್ ಕೊರ್ಪುನ ಷರತ್ತುಬದ್ಧ ಪಣವು ವರ್ಗಾವಣೆ ಯೋಜನೆಯಾದುಂಡು. ಉಂದು ಪೇತ್‌ದ ಬೊಕ್ಕ ಜೋಕುಲೆನ ಆರೈಕೆದ ಸಮಯೊಡು ಸಂಬಳ-ನಷ್ಟೊಗು ಪೊಂಜೊಲೆಗ್ ಅರೆವಾಶಿ ಸಂಬಳ ಪರಿಹಾರೊನು ಕೊರ್ಪುಂಡು. ಬೊಕ್ಕ ಸುರಕ್ಷಿತ ಪೇತ್ ಬೊಕ್ಕ ಎಡ್ಡೆ ಪೋಷಣೆ ಬೊಕ್ಕ ತೆನಸ್ಸ್‌ದ ಕ್ರಮೊಕು ಸರಿ ಹೊಂದುನಂಚಿನ ಸಹಾಯ ಮಲ್ಪುಂಡು. 2013ಡ್, ಈ ಕಾಯ್ದೆಡ್ ತೆರಿಪಾಯಿನಂಚ ಪೇತ್ ಪ್ರಯೋಜನ ₹ 6,000 (US $75) ರ ಪಣವು ನಿಬಂಧನೆನ್ ಜಾರಿ ಮಲ್ಪೆರೆ ಈ ಯೋಜನೆನ್ ರಾಷ್ಟ್ರೀಯ ಆಹಾರ ಭದ್ರತಾ ಕಾಯ್ದೆ, 2013 ಅಡಿಟ್ ಕನತೆರ್.[೪]
ಪ್ರಸ್ತುತ, ಈ ಯೋಜನೆನ್ 53 ನೇಮಕ ಮಲ್ತಿನ ಜಿಲ್ಲೆಲೆಡ್ ಪ್ರಾಯೋಗಿಕ ಆಧಾರದ ಮಿತ್ತ್ ಜಾರಿ ಮಲ್ತ್‌ದೆರ್ ಅವೆಡ್ದ್ ಬೊಕ್ಕ 2015–16ಡ್ ಉಂದೆನ್ 200 ಹೆಚ್ಚುವರಿ ' ಪಿದಯಿ ಜಿಲ್ಲೆಲೆಗ್' ಜಾಸ್ತಿ ಮಲ್ಪುನ ಪ್ರಸ್ತಾವನೆಲು ಪರಿಗಣನೆಡ್ ಉಂಡು.[೫] ಅರ್ಹ ಫಲಾನುಭವಿಗಳು ಸಾಂಸ್ಥಿಕ ವಿತರಣೆಗಾಗಿ ಜನನಿ ಸುರಕ್ಷಾ ಯೋಜನೆ (ಜೆಎಸ್‌ವೈ) ಅಡಿಟ್ ಕೊರ್ಪುನ ಪ್ರೋತ್ಸಾಹೊನು ಪಡೆಪೆರ್ ಬೊಕ್ಕ ಜೆಎಸ್‌ವೈ ಅಡಿಟ್ ಪಡೆಯಿನ ಪ್ರೋತ್ಸಾಹೊನು ಪೇತ್‌ದ ಪ್ರಯೋಜನೊಲೆಗ್ ಲೆಕ್ಕ ಪಾಡುವೆರ್ ಅಂಚಾದ್ ಸರಾಸರಿ ಪೊಂಜೊಲು ₹6,000 (US$75) ಪಡೆಪೆರ್.[೬] ಈ ಯೋಜನೆ, ಪಿರ ಪುದರ್ ಬದಲಾಯಿನ ಪೇತ್ ಪ್ರಯೋಜನೊಲೆನ ಕಾರ್ಯಕ್ರಮವು ಇಡೀ ರಾಷ್ಟ್ರ ಸೇರುನಂಚ ಯೋಜನೆ ಮಲ್ತ್‌ದೆರ್. ಪ್ರಧಾನಮಂತ್ರಿ ನರೇಂದ್ರ ಮೋದಿ ತನ್ನ 2017 ದ ಪೊಸ ವರ್ಷದ ಸುರುತ ದಿನೊತ ಭಾಷಣೊಡು, ಈ ಯೋಜನೆನ್ ದೇಶದ 650 ಜಿಲ್ಲೆಲೆಗ್ ವಿಸ್ತರಿಸಯೆರೆ ಉಂಡು ಪಂದ್ ಘೋಷಣೆ ಮಲ್ತೆರ್. ವಿಶ್ವದ ಮಾತ ಅಪ್ಪೆಲ್ಲೆನ ಮರಣೊಡು ಭಾರತದವೇ 17% ದಾತ್ ಉಪ್ಪುನೆಡ್ದಾತ್ರ ಈ ಪ್ರಕಟಣೆ ಎಡ್ಡೆ ಮಹತ್ವ ಪಡೆತ್ಂಡ್. ಹೆಚ್ಚಿನ ಅಪ್ಪೆ ಬೊಕ್ಕ ಶಿಶು ಮರಣೊದ ಪ್ರಮುಖ ಕಾರಣೊಲೆಡ್ ಹಾಳ್ ರೀತಿದ ಪೋಷಣೆ ಬೊಕ್ಕ ಗರ್ಭಾವಸ್ಥೆಡ್ ಬೊಕ್ಕ ಪೆದ್ದುನ ಪೊರ್ತುಡು ವೈದ್ಯಕೀಯ ಸೇವೆ ಸರಿ ಇಜ್ಜಾಂದೆ ಉಪ್ಪುನ ಕಾರಣವಾದುಂಡು.
ಇತಿಹಾಸ[ಸಂಪೊಲಿಪುಲೆ]
ಯೋಜನೆದ ಪುದರ್ ರಡ್ದ ಸರ್ತಿ ಬದಲಾವಣೆ ಆತ್ಂಡ್ . 2014ಡ್ ಯೋಜನೆದ ಪುದರ್ಡ್ದ್ "ಇಂದಿರಾ ಗಾಂಧಿ" ನ್ ದೆತ್ತ್ ಪಾಡಿಯ್ವೆರ್ . 2017ಡ್, "ಪ್ರಧಾನ ಮಂತ್ರಿ" ನ್ ಸೇರ್ಸಾದ್ ಪ್ರಧಾನ ಮಂತ್ರಿ ಮಾತೃ ವಂದನಾ ಯೋಜನೆ (ಪಿ. ಎಂ. ಎಂ. ವಿ. ವೈ.) ಪಂದ್ ಪುದರ್ ಕೊರಿಯೆರ್.[೭]
ಕಾಲಮಿತಿ[ಸಂಪೊಲಿಪುಲೆ]
| ವರ್ಷ. | ಅನುಷ್ಠಾನ ಆಯಿನ ಜಿಲ್ಲೆಲು |
| 2010 | 50 |
| 2015 | 200~ |
| 2017 | 650 (ದೇಶವಾರು) |
ಉದ್ದೇಶೊಲು[ಸಂಪೊಲಿಪುಲೆ]
ಉದ್ದೇಶೊಲು [೮]
ಗರ್ಭಾವಸ್ಥೆ, ಪೇತ್ ಬೊಕ್ಕ ಮಿರೆಕೊರ್ಪುನ ಸಮಯೊಡು ಎಡ್ದೆ ಅಭ್ಯಾಸ, ಆರೈಕೆ ಬೊಕ್ಕ ಸಾಂಸ್ಥಿಕ ಸೇವೆದ ಬಳಕೆಗ್ ಉತ್ತೇಜನ ಕೊರ್ಪುನೆ. ಸುರುತ ಆಜಿ ತಿಂಗೊಲು ಕಾಲ ಸ್ತನ್ಯಪಾನವನ್ನು(ಮಿರೆ ಕೊರ್ಪುನೆ) ಅಂಚನೆ (ಎಡ್ಡೆ ಪೋಷಣೆ ಬೊಕ್ಕ ತೆನಸ್ಸ್‌ದ ಪದ್ಧತಿನ್ ಪಾಲಿಪೆರೆ ಪೊಂಜೊಲೆನ್ ಸಹಾಯ ಮಲ್ಪುನೆ) ಬೊಕ್ಕ ಬಂಜಿನಾಲ್ ಬೊಕ್ಕ ಮಿರೆಪೇರ್ ಕೊರ್ಪುನ ಅಪ್ಪೆಲ್ಲೆಗ್ ಎಡ್ಡೆ ಆರೋಗ್ಯ ಬೊಕ್ಕ ಪೋಷಣೆಗಾದ್ ಪಣವುದ ಸಹಾಯ ಕೊರ್ಪಾವುನೆ.
ಉಲ್ಲೇಕೊಲು[ಸಂಪೊಲಿಪುಲೆ]
- ↑ "'Pradhan Mantri' replaces 'Indira Gandhi' in govt maternity benefit scheme". Hindustan Times (in ಇಂಗ್ಲಿಷ್). 25 May 2017. Retrieved 16 February 2022.
- ↑ https://pib.gov.in/PressReleasePage.aspx?PRID=1846142
- ↑ "Modi Government's Maternity Benefits Scheme Will Likely Exclude Women Who Need It the Most".
- ↑ Rajagopal, Krishnadas (2015-05-31). "PUCL plea in SC questions delay in implementation". The Hindu. Retrieved 2015-12-23.
- ↑ Falcao, Vanita Leah; Khanuja, Jasmeet (2015-03-28). "India's unrealised maternity entitlement". The Hindu. Retrieved 2015-12-23.
- ↑ "Pradhan Mantri Matru Vandana Yojana". vikaspedia.in. Retrieved 31 March 2020.
- ↑ "'Pradhan Mantri' replaces 'Indira Gandhi' in govt maternity benefit scheme", Hindustan Times, 25 May 2017
- ↑ "Indira Gandhi Matritva Sahyog Yojana" (PDF). Archived from the original (PDF) on 28 September 2015. Retrieved 3 March 2013.