ಬನ್ನಂಜೆ ಬಾಬು ಅಮೀನ್
ಬನ್ನಂಜೆ ಬಾಬು ಅಮೀನ್ | |
|---|---|
 | |
| ಪುಟ್ಟು | ೧೯೪೪ನೇ ಆಗಸ್ಟ್ ೪ |
| ಅಪ್ಪೆಅಮ್ಮೆರ್ | ತೋಮ (ಅಮ್ಮೆರ್) ದಾರಮ್ಮ ಪೂಜಾರಿ (ಅಪ್ಪೆ) |
| ಪ್ರಸಸ್ತಿ | ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ, ಜಾನಪದ ಅಕಾಡೆಮಿ ಪ್ರಶಸ್ತಿ |
ಬನ್ನಂಜೆ ಬಾಬು ಅಮೀನ್ ತುಳು ಜಾನಪದ ವಿದ್ವಾಂಸೆರ್. ಇಂಬೆರ್ ಉಡುಪಿ ಜಿಲ್ಲೆದ ಬನ್ನಂಜೆದಾರ್. ತುಳು ಸಾಹಿತ್ಯ ಕ್ಷೇತ್ರೊಡುಲಾ ಇಂಬೆರ್ ಮಸ್ತ್ ಬೇಲೆ ಮಲ್ದೆರ್. ಕರ್ನಾಟಕ ಜಾನಪದ ಬುಕ್ಕೊ ಯಕ್ಷಗಾನ ಅಕಾಡೆಮಿತ್ತ ಪ್ರಶಸ್ತಿಲು ಮೇರೆಗ್ ಸಂದುದುಂಡ್. ತುಳುನಾಡ್ ದ ಗರಡಿಲೆನ ಸಮಗ್ರ ಅಧ್ಯಯನೊಗು ಇಂಬೆರೆನ್ ನಡೆದಾಡುವ ಗರಡಿ ಪಂದ್ ಪನ್ಪೆರ್ [೧]
ಪರಿಚಯೊ
[ಸಂಪೊಲಿಪುಲೆ]ಬಾಬು ಅಮೀನ್ ಉಡುಪಿ ಜಿಲ್ಲೆದ ಬನ್ನಂಜೆಡ್ ೧೯೪೪ನೇ ಇಸವಿದ ಆಗಸ್ಟ್ ೪ನೇ ತಾರೀಕ್ ದಾನಿ ಪುಟ್ಯೆರ್. ಇಂಬೆರ್ ತೋಮ ಬುಕ್ಕೊ ದಾರಮ್ಮ ಪೂಜಾರಿ ದಂಪತಿಲೆನ ಮಗೆ. ೧೯೬೩ನೇ ಇಸವಿಡ್ ಎಸ್ಎಸ್ಎಲ್ಸಿ ಶಿಕ್ಷಣ ಪಡೆಯೊಂದ್ ಕಸ್ತೂರ್ಬಾ ಮೆಡಿಕಲ್ ಕಾಲೇಜ್ಗ್ ಸೇರುವೆರ್. ೧೯೭೪ಡ್ ಇಂಬೆರ್ ಉದ್ಯೋಗಗಾದ್ ಬೊಂಬಾಯಿಗ್ ಪೋಪೆರ್. ತುಳು ಸಾಹಿತ್ಯೊ, ಯಕ್ಷಗಾನೊ ಬುಕ್ಕೊ ಜಾನಪದೊ ಕ್ಷೇತ್ರೊಡ್ ಮಸ್ತ್ ಕೊಡುಗೆ ಕೊರ್ತೆರ್.
ಸಾಹಿತ್ಯೊ ಕ್ಷೇತ್ರೊ
[ಸಂಪೊಲಿಪುಲೆ]೧೯೭೦ನೇ ಇಸವಿಡ್ ಬನ್ನಂಜೆ ಬಾಬು ಅಮೀನ್ ಕೋಟಿ ಚೆನ್ನಯ ಪನ್ಪಿನ ಆರ್ನ ಸುರುತ್ತ ಬೂಕುನು ಪ್ರಕಟ ಮಲ್ಪುವೆರ್. ತುಳುನಾಡ್ ದ 217 ಗರಡಿಲೆನ ಸಂಶೋಧನಾತ್ಮಕ ಅಧ್ಯಯನ ಗ್ರಂಥೊನು ಮೋಹನ್ ಕೋಟ್ಯಾನ್ರೆ ಒಟ್ಟುಗು ಬರೆತೆರ್. ಕರ್ನಾಟಕ ಮಲ್ಲ ಪನ್ಪಿನ ಒಂಜಿ ನಿಯತಕಾಲಿಕೆಗ್ ಬೇಲೆ ಮಲ್ತೊಂದಿತ್ತೆರ್. ೨೦೦೩ಟ್ ಸಾಹಿತ್ಯಪ ಕ್ಷೇತ್ರೊದ ಸೇವೆಗ್ ಐಸಿರಿ ಪ್ರಶಸ್ತಿ ಪಡೆತೆರ್.
ಯಕ್ಷಗಾನೊ
[ಸಂಪೊಲಿಪುಲೆ]ಇಂಬೆರ್ ಉಡುಪಿ ಯಕ್ಷಗಾನ ಕಲಾಕ್ಷೇತ್ರೊದ ಸಕ್ರಿಯ ಸದಸ್ಯೆರ್. ಯಕ್ಷಗಾನೊದ ಅರ್ಥದಾರಿ ಬುಕ್ಕೊ ವೇಷಧಾರಿ.
ಪ್ರಶಸ್ತಿಲು
[ಸಂಪೊಲಿಪುಲೆ]- ಐಸಿರಿ ಪ್ರಶಸ್ತಿ
- ತುಳುನಾಡ ಜಾನಪದ ಅಕಾಡೆಮಿ ಪ್ರಶಸ್ತಿ
- ಕರ್ನಾಟಕ ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ
- ಸಂದೇಶ ತುಳು ಸಾಹಿತ್ಯ ಪ್ರಶಸ್ತಿ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "ತುಳು ಜಾನಪದ ಸಾಹಿತ್ಯದ ಆಸ್ತಿ ಬನ್ನಂಜೆ ಬಾಬು". Archived from the original on 2024-05-21. Retrieved 2022-07-30.