ಮನ್ನನ್ ಬಾಸೆ

ಮನ್ನನ್
ಬಳಕೆಡುಪ್ಪುನ ಪ್ರದೇಸೊಲು	ಭಾರತ
ಪ್ರದೇಸೊ	ಕೇರಳ, ತಮಿಳುನಾಡು
ಮೂಲ ಬಾಸಿಗೆರ್	೭,೯೦೦
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ ದ್ರಾವಿಡ ತಮಿಳ-ಕನ್ನಡ ತಮಿಳು-ಕೊಡಗು ತಮಿಳು-ಮಲಯಾಳಂ ತಮಿಳು ಬಾಸೆಲು ಮುತುವನ್-ಮನ್ನನ್ ಮನ್ನನ್
ಬಾಸೆದ ಸಂಕೇತೊಲು
ISO 639-3	mjv

ಮನ್ನನ್ ಕೇರಳ ಬುಕ್ಕೊ ತಮಿಳುನಾಡ್‌ದ ದ್ರಾವಿಡ ಬಾಸೆ, ಇಂದೆನ್ ತಮಿಳು ಬಾಸೆಲೆ ಅಡಿಟ್ ವಿಬಾಗಿಸದೆರ್.

ಮನ್ನನ್ ಪದೊ ನಿಷ್ಪತ್ತಿ

'ಮನ್ನನ್' ಪನಜ್ಪುನ ಪದೊ 'ಮನ್ನಾ' (ಮಣ್ಣ್) ಬುಕ್ಕೊ ಮನುಸಿಯನ್‌ದ (ನರಮಾನಿ) ಸಂಯೋಜನೆ ಆತ್ಂಡ್. ಇಂದೆತ ಅರ್ತೊ 'ಮಣ್ಣ್‌ದ ಜೋಕುಲು’.

ಮನ್ನನ್ ಸಮುದಾಯೊದಕುಲು ಇಡೀ ಕೇರಳೊದ ಕಡಲ ಬರಿತ ಪ್ರದೇಸೊಲೆಡ್ ವಿಸ್ತಾರವಾದ್ ಉಲ್ಲೆರ್. ಅಗ್‍ಲ್ ತಮಿಳು ಬುಕ್ಕೊ ಮಲ್ಯಾಳಿದ ಉಪಬಾಸೆಯಾದ್ ಮನ್ನನ್ ಬಅಸೆನ್ ಪಾತೆರುವೆರ್.

ಮನ್ನನ್‌ ಸಮುದಾಯೊ ಕ್ರಿಸಿ ಕೇಂದ್ರಿತ ಆತ್ಂಡ್. ಸೊಸಂತ್ರೊ ಕ್ರಿಸಿ ಬುಕ್ಕೊ ಬೇಲೆಗಾರೆರಾದ್ ಸೇವೆ ಮಲ್ತೊಂದುಲ್ಲಾಯಿನ ಇತ್ತೆ ಮೆಕ್ಲೆನ ಮಲ್ಲ ಉದ್ಯೋಗೊ. ಅಗ್‌ಲ್ ಗುಡ್ಡೆ ಪ್ರದೇಸೊಡು ವಾಸ ಮಲ್ತೊಂದು ಎಡ್ಡೆ ಕ್ರಿಸಿಕೆರಾತೆರ್. ಗುಡ್ಡಗಾಡು ಉತ್ಪನ್ನೊಲೆನ್ ಸಂಗ್ರಹಿಸವುನವು, ಮಾರಾಟೊ ಮಲ್ಪುನವು ದಿಂಜ ಜನೊಕು ಬೇಲೆ ಕೊರ್ತ್ಂಡ್. ಮೆಕ್ಲೆನ ಸಾಂಪ್ರದಾಯಿಕ ಬೇಲೆ ಕುಂಟು ನೆಯಿಪುನೆ.

ಮನ್ನನ್‌ ಸಮುದಾಯೊದಗ್‌ಲ್ ಹಿಂದೂಲು ಬುಕ್ಕೊ ಶಿವ, ವಿಷ್ಣು, ಬಗವತಿ ಬುಕ್ಕೊ ಶಾಸ್ತಾವುನು ದೇವರ್ ಬುಕ್ಕೊ ದೇವತೆಲೆನ್ ಪೂಜೆ ಮಲ್ಪುವೆರ್. ಬಗವತಿ ಅಗ್ಲೆನ ಕುಲದೇವತೆ. ಅಗ್‍ಲ್ ಮಂಡಲಂ ಪೊರ್ತುಡು ಶಬರಿಮಲೆ ದೇವಸ್ತಾನೊಗು ಪೋಪೆರ್. ಗುರುವಾಯೂರು, ಕೊಡುಂಗಲ್ಲೂರು ಅತ್ತಂಡ ಭಗವತಿ ದೇವಸ್ತಾನೊಗು ಪೋಪೆರ್. ಓಣಂ, ವಿಷು, ಶಿವರಾತ್ರಿ ಬುಕ್ಕೊ ಸಂಕ್ರಾಂತಿ ಅಕ್ಲೆನ ಮಲ್ಲ ಪರ್ಬೊ. 2011 ನೆ ಜನಗಣತಿದ ಪ್ರಕಾರೊ, ಅಗ್ಲೆನ ಜನಸಂಕ್ಯೆ 9,780 ಪಂಡ್‍ದ್ ಅಂದಾಜಿ.