ದ್ರಾವಿಡ ಬಾಸೆಲು
ದ್ರಾವಿಡ ಬಾಸೆಲು ಪಂಡ ಭಾರತದ ಒಂಜಿ ಭಾಷಾ ಕುಟುಂಬ. ಈ ಕುಟುಂಬದ ಬಾಸೆಲು ದಕ್ಷಿಣ ಭಾರತ, ಮಧ್ಯ ಭಾರತ, ಶ್ರೀಲಂಕಾ,ಪಾಕಿಸ್ತಾನ ಬುಕ್ಕೊ ನೇಪಾಲ ದೇಶಲೆಡ್ ಬಳಕೆಡ್ ಉಂಡು. ಈ ಬಾಸೆಲೆನ್ ಸುಮಾರ್ 215 ಮಿಲಿಯನ್ ಜನಕುಲು ಗಲಸುವೆರ್. ಉಂದು ಒಂಜಿ ಸ್ವತಂತ್ರವಾಯಿನ ಭಾಷಾ ಕುಟುಂಬ. ಇತ್ತೆ ಈ ಕುಟುಂಬಡ್ ಉಪ್ಪುನ ಬಾಸೆಲು ಇತಿಹಾಸ ಪೂರ್ವ ಕಾಲೊಡ್ದ್ಲಾ ದ್ರಾವಿಡ ಬಾಸೆ ಪನ್ಪುನ ಒಂಜೇ ಬಾಸೆ ಆದ್ ಇತ್ತ್ಂಡ್ ಪಂಡ್ದ್ ವಿದ್ವಾಂಸೆರ್ಲೆನ ಅಭಿಪ್ರಾಯ. ಕಾಲಕ್ರಮೇಣ ಉಂದು ಬೇತೆ ಬೇತೆ ಪ್ರದೇಶಲೆಡ್ ಬೇತೆ ಬೇತೆ ಪ್ರಭಾವಗ್ ಒಳಗಾದ್ ಇತ್ತೆ ಸುಮಾರು ೮೫ ಬಾಸೆಲಾದ್ ಬಳಕೆಡ್ ಉಂಡು. ದೆಟ್ಟ್ ಮುಖ್ಯವಾಯಿನ ಬಾಸೆಲೆನ ಪಟ್ಟಿ ತಿರ್ತ್ ಕೊರ್ತ್ಂಡ್.