ಮುರಕಲ್ಲು

ವಿಕಿಪೀಡಿಯರ್ದ್
ಮುರಕಲ್ಲ್‌ದ  ಕಣಿ

ಪಡ್ಡಾಯಿ ಕರಾವಳಿ - ತುಳುನಾಡು, ಕೊಂಕಣ ಸೀಮೆ, ಮಲಬಾರ್- ಈ ಪ್ರದೇಸೊಲೆಡ್ ತೂವರೆ ತಿಕ್ಕುನ ಅತಿ ಸಾಮಾನ್ಯ ಕೆಂಪು-ಕಾವಿ ಬಣ್ಣದ ಕಲ್ಲ್‌ಗ್ ಮುರಕಲ್ಲು ಇಂದ್ ಪಣ್ಪೆರ್. ಕೆಲೆವೆರ್ ಉಂದೆಕ್ ಕೆಂಪುಕಲ್ಲ್ ಇಂದ್‍ಲಾ ಪಣ್ಪೆರ್. ಉತ್ತರ ಕನ್ನಡ ಜಿಲ್ಲೆಡ್ ಉಂದೆಕ್ ಚಿರಿಕಲ್ಲು ಇನ್ಪೆರ್. ಧಾರವಾಢ ದಂಚಿ ಜಂಬಿಟ್ಟಿಗೆ ಇಂದ್ ಪಣ್ಪಿನ ರೂಡಿ ಉಂಡು. ಇಂಗ್ಲೀಷಿಡ್ ಲ್ಯಾಟರೈಟ್ ಇಂದ್ ಪಣ್ಪೆರ್. ಪಡ್ಡಾಯಿ ಕರಾವಳಿ ಅತ್ತಾಂದೆ ಈ ಮುರಕಲ್ಲ್ ಕರ್ನಾಟಕ ರಾಜ್ಯದ ಬೀದರ ಜಿಲ್ಲೆ ಅಂಚನೆ ಕೋಲಾರ ಜಿಲ್ಲೆದ ಭಾಗೊಲೆಡ್ ತೋಜಿದ್ ಬರ್ಪುಂಡು.

ಸಾನ್ ಟೇ, ಹನೋಯಿ, ವಿಯೆಟ್ನಾಂ ದೇಸೊಲೆಡ್ ತೂವರ ಸಿಕ್ಕುನ ಮುರಕಲ್ಲ್

ವ್ಯಾಕ್ಯಾನೊ ಬುಕ್ಕೊ ಭೌತಿಕ ವಿವರಣೆ[ಸಂಪೊಲಿಪುಲೆ]

ಸುರುಕು ೧೮೦೭ಡ್ ತೆನ್ಕಾಯಿಭಾರತದ ಮುರಕಲ್ಲ್‌ದ ರಚನೆನ್ ಫ್ರಾನ್ಸಿಸ್ ಬ್ಯೂಕ್ಯಾನನ್-ಹ್ಯಾಮಿಲ್ಟನ್ ಪನ್ಪುನಾರ್ ಪುದರ್ ಕೊರ್ದ್ ಪರಿಚಯೊ ಮಲ್ತೆರ್.[೧] He named it laterite from the Latin word later, which means a brick; this highly compacted and cemented soil can easily be cut into brick-shaped blocks for building.[೧]

ಮುರಕಲ್ಲು ದ ವಿಶಿಷ್ಟ ಗುಣಕುಲು[ಸಂಪೊಲಿಪುಲೆ]

ಮುರಕಲ್ಲು ಭೂಮಿದ ಮಿತ್ತ್ ತಿಕ್ಕುನ ಒಂಜಿ ಶಿಲಾಪದರ. ಮುರಕಲ್ಲು ಒಂಜಿ " ಶಿಲೆ" ಇನ್ಪಿನೆಕ್ಕ್ ಕೆಲವು ತಜ್ಞೆರ್ ತಕರಾರು ಮಲ್ತ್ ದಿನ ಉಂಡು. ದೇಗ್ ಇನ್ನಗ ಮುರಕಲ್ಲು ಇಟ್ಟಿಗೆ ಆಕಾರದ ತುಂಡುಲೆನ್ ಮುರ ಕಲ್ಲ್ ದ ಕಣಿಟ್ ಕತ್ತೆರ್ದ್ ಗೆಪ್ಪುನಗಾ, ಅವು ಮೆದುವಾದುಪ್ಪುಂಡು. ಕ್ರಮೇಣ ವಾತಾವರಣದ ಗಾಳಿ -ಬೊಲ್ಪುದ ಸಂಪರ್ಕವಾಯಿನ ಬೊಕ ಕಲ್ಲು ಗಟ್ಟಿಯಾವೊಂದು ಬರ್ಪುಂಡು. ಗಟ್ಟಿಯಾಯಿನ ಬೊಕ ಅಯಿತ ಗುಣ ಕಟ್ಟಣ ಬೇಲೆಲೆಗ್ ಸೂಕ್ತವಾಪುಂಡು. ಮುರಕಲ್ಲುದ ಇಟ್ಟಿಗೆಲೆನ್ ಬಳಕೆ ಮಲ್ತ್ ದ್ ರಡ್ಡ್ ಅಂತಸ್ತ್ ದ (ಇನ್ನಗ ಒಂಜಿ ಮಾಳಿಗೆದ) ಇಲ್ಲ್ , ಕಟ್ಟೋಣಲೆನ್ ಕಟ್ಟರೆ ಸಾಧ್ಯವಾಪುಂಡು. ಪಡ್ಡಾಯಿ ಕರಾವಳಿಡ್ ಪರಂಪರೆಢ್ದ್ ಲಾಗಾಯ್ತು ಮುರಕಲ್ಲು ಉಪಯೋಗಿಸಾದ್ ಇಲ್ಲ್ ಲೆನ್ ಕಟ್ಟುನ ರೂಢಿ ಉಂಡು.[೨]

ಮಣ‍್ಣ್‌ದ ಪದರೊಲು

ರಾಸಾಯನಿಕ ಘಟಕೊಲು[ಸಂಪೊಲಿಪುಲೆ]

ಸಾಮಾನ್ಯವಾದ್ ತಿಕ್ಕುನ ಕರ್ಬೊದ ಅಂಶ ಎಚ್ಚ ಉಪ್ಪುನ ಕೆಂಪು ಬಣ್ಣದ ಮುರಕಲ್ಲುಗು ಭೂವಿಜ್ಞಾನಿಲು ಫೆರುಜೀನಸ್ ಲ್ಯಾಟರೈಟ್ ಇಂದ್ ಪಣ್ಪೆರ್. ಕೆಲವು ಜಾಗೊಲೆನ ಮುರಕಲ್ಲುದ ಮಾದರಿಲೆಡ್ ಅಲ್ಯುಮಿನಿಯಂದ ಆಂಶೊಲು ಎಚ್ಚ ಇತ್ತ್ಂಡಾ ಅಯಿಕ್ ಅಲ್ಯುಮೀನಸ್ ಲ್ಯಾಟರೈಟ್ ಇಂದ್ ಪಣ್ಪೆರ್. ಮುರಕಲ್ಲುಡು ಸಾಮಾನ್ಯವಾದ್ ಉಪ್ಪುನ ರಾಸಾಯಅನಿಕ ಘಟಕೊಲು ಇನ್ನಗ ಕರ್ಬೊ(ಐರನ್) ಆಕ್ಸೈಡುಲು, ಅಲ್ಯುಮಿನಿಯಂ ಆಕ್ಸೈಡುಲು, ಸೇಡಿಲು ಇತ್ಯಾದಿ. ಮುರಕಲ್ಲುನು ಭೂಮಿಡ್ದ್ ತುಂಡು ಮಲ್ತ್ ದ್ ಪಿದಾಯಿ ಗೆಪ್ಪುನಗ ಅಯಿಟ್ ಕರ್ಬೊದ ಅಂಶೊಲು ಫೆರಸ್ ಹೈಡ್ರೋಕ್ಸೈಡ್ ರೂಪೊಡು ಉಪ್ಪುವಾ. ಗಾಳಿ-ಬೊಲ್ಪುಗು ಪಿದಾಯಿ ದೀನಗ ಈ ಮುರಕಲ್ಲು ಫೆರಸ್ ಹೈಡ್ರಾಕ್ಸೈಡುಲು ಫೆರಿಕ್ ಆಕ್ಸೈಡು ಆದ್ ಪರಿವರ್ತನೆ ಆಪುಂಡು. ಈ ಬದಲಾವಣೆ ಮುರಕಲ್ಲುಗು ಬೋಡಾಯಿನ ಗಟ್ಟಿತನೊನು ಕೊರ್ಪುಂಡು.

ಉಲ್ಲೇಕೊಲು[ಸಂಪೊಲಿಪುಲೆ]

  1. ೧.೦ ೧.೧ Thurston, Edgar (1913). The Madras Presidency, With Mysore, Coorg and the Associated States, Provincial Geographies of India. Cambridge University Press. Retrieved April 6, 2010.
  2. Ravindra, B.M. (1994) Geo Karnataka: An Overview.in B. M. Ravindra & N. Ranganathan (editors) "Geo Karnataka: Mysore Geological Department Centenary Volume". Karnataka Assistant Geologists Association, Department of Mines & Geology, Bangalore pp:306-428.