ರೆಂಜೆ

ರೆಂಜೆ
Conservation status
	; Least Concern (IUCN 3.1)
Scientific classification
Missing taxonomy template (fix):	Mimusops
Species:	Template:Taxonomy/MimusopsM. elengi
Binomial name
	Template:Taxonomy/MimusopsMimusops elengi; L.

ರೆಂಜೆ ಭಾರತೋ ಮೂಲೊ. ಆಯಿನ ರೆಂಜೆನ್ ರಂಜಲು, ಪಗಡೆ ಮರ, ಕೇಸರ ಏಲಂಗಿ ಇಂಚ ಲೆಪ್ಪುವೆರ್. ಒಂಜಿ ಕಾಟ್ ಮರ. ತುಳು ಬಾಸೆಡ್ ಈ ಮರಕ್ಕ್ ರೆಂಜೆಂದ್ ಪನ್ಪೆರ್. ಭಾರತೊದ ಮಾತಾ ಪ್ರದೇಸೊಡುಲಾ ಈ ಮರ ತೋಜಿದ್ ಬರ್ಪುಂಡು. ತೋಟೊಲೆಡ್, ಮಾರ್ಗೊದ ಬರಿಟ್, ಈ ಮರನ್ ನಡ್‌ದ್ ಬುಲೆಪ್ಪಾವೆರ್. ಬಾರಿ ಪರಿಮಲೊದ ಪೂ, ರುಚಿತ ಪರ್ಂದ್ ಈ ಮರಟ್ಟ್ ಆಪುಂಡು. ಜನವರಿ ತಿಂಗೊಲುಡ್ದು - ಮೇ ತಿಂಗೊಲು ಮುಟ್ಟ ಇಂದೆತ ಪೂನು ತೂವೊಲಿ, ಪರ್ಂದ್ ತಿನೊಲಿ.^[೨]

ಬೇತೆ ಬಾಸೆಡ್ ರೆಂಜೆ

ಕನ್ನಡಡೊಡು : ಕಂಜ, ಕಲ್ ಹಾಲೆ, ಕಲಅಲೆ, ಪೊಗಡ, ಬಕುಳ, ಮುಲಸರಿ, ಬೊಗಡ, ಹಾಲ್ಮದು
ಹಿಂದಿಡ್ : ಬಕುಲ್, ಮಲ್ಸಾರಿ
ಸಂಸ್ಕೃತಡ್ : ಸಿನ್ಹಕೇಸರ, ಬಕುಲ, ಚಿರಪುಷ್ಪ, ಮಧುಗಂಧ ಇಂದೆನ್ ಕನ್ನಡಿಗೆರ್‌ಲಾ ಬಕುಲದ ಮರ ಪಂದ್ ಪನ್ಪೆರ್.^[೩]
ಇಂಗ್ಲಿಸ್ಡ್ : ಇಂಡಿರ್ಯಮೆಡ್ಲರ್, ಬುಲೆಟ್-ವುಡ್ ಟ್ರೀ^[೪] ಅತ್ತಂಡ ಸ್ಪ್ಯಾನಿಷ್ ಚೆರ್ರಿ ಪನ್ಪೆರ್
ತಮಿಳ್‍ಡ್ ; ಮಾಗಿಲಂ, ಮೋಗಿಡಂ
ತೆಲುಗುಡು : ವಕುಳಮು, ಪೊಗಡ

ವೈಜ್ಞಾನಿಕ ಪುದರ್

ರೆಂಜೆ ಮರತ ವೈಜ್ಞಾನಿಕ ಪುದರ್ : ಮಿಮುಸೊಪ್ಸ್ ಎಲೆಂಗಿ (Mimusops elengi)
ದೈತ ಕುಟುಮ್ಮೊ :ಸಫೋಟೇಸಿ (Sapotaceae)

ಪರಿಚಯೊ

ವಳಚ್ಚಿಲ್‍ದ ದೈಕುಲೊಟ್ಟುಗೆ ಬುಕ್ಕೊ ಪಡ್ಡೋಯಿ ಗಟ್ಟೊಡುಪ್ಪುನ ಅರೆಗಾಲೊಡು ಇರೆ ಉದುರ್ಪುನ ದೈಕುಲೆ ಪಾಡಿಡ್ ಬುಲೆಪುನ ಈ ಮರ ಏಪೊಲಾ ಇರೆ ದಿಂಜಿದ್ ತೂಯೆರೆ ಪೊರ್ಲಾಪುಂಡು. ನಮೊನ ರಾಜ್ಯೊದ ಕೆಲವು ಬಡಾವಣೆಲೆ ಮಾರ್ಗೊದ ಬರಿಟ್ ಈ ಮರಕ್‍ಲೆನ್ ತೂವೊಲಿ.

ನಕ್ಷ್ಹತ್ರಾಕಾರೊದ ಸುಗಂದಿ ಬೊಳ್ದು ಪೂ ನೆಟ್ಟ್ ಆಪುಂಡು. ಪಚ್ಚೆ ಕಾಯಿಲು ಪರ್ಂದ್‍ನಗ ಕೇಸರಿ ಬಣ್ಣೊ ಉಪ್ಪುಂಡು
ಇಂದೆತ ಬಿತ್ತ್ ಚಿಕ್ಕುದ ಬಿತ್ತ್‌ದಂಚನೆ ಉಂಡು.
ಇಂದೆತ ಪೂ ಮಾಲೆ ಮಲ್ತ್ಂಡ ಮಸ್ತ್ ದಿನೊಕ್ ಬಾಡುಜಿ.
ಇಂದೆತ ಇರೆ ನೇರೊಳ್‍ದ ಇರೆತಂಚನೆ ಉಂಡು.
ಕಾಯಿ ಪಚ್ಚೆ ಬಣ್ಣೊಡು ಇಪ್ಪುಂಡು.
ಪರಂದ್‍ನಗ ಕಿತ್ತಲೆ ಅತ್ತಂಡ ಮಂಜಲ್ ಬಣ್ಣೊಗು ಬದಲುಂಡು.