ರನ್ನ

[[File:Handwriting (10th century) of Kannada poet Ranna at Shravanabelagola.jpg|thumb|upright=1.2|[[ಶ್ರವಣಬೆಳಗೊಳದ]] ಚಿಕ್ಕಬೊಟ್ಟಡ್ ಇಪ್ಪುನ, ಕಲ್ಲ್‌ಡ್ ಕೆತ್ತ್‌ದಿನ ರನ್ನನ ಕೈಬರವು]]

ರನ್ನನ ಪರಿಚಯೊ

ಹಳೆಗನ್ನಡದ ಪ್ರಸಿದ್ಧ ಕವಿ ರನ್ನೆ ಕ್ರಿ.ಶಕೊ ೯೪೯ ಡ್ ಬೆಳಗಲಿ (ಇತ್ತೆದ ರನ್ನ ಬೆಳಗಲಿ)ಪನ್ಪಿನ ಗ್ರಾಮೊಡು ಪುಟ್ಟಿಯೇರ್. ಮೆರ್ನ ಅಮ್ಮೆರ್ ಜಿನವಲ್ಲಭ, ಅಪ್ಪೆ ಅಬ್ಬಲಬ್ಬೆ. ಮೇರ್ ಜೈನ ಮನೆತನೊದ ಬಳೆಗಾರ ಕುಲೊಕ್ಕು ಸೇರ್ದಿನಾರ್. ಚಾಲುಕ್ಯೇರ್ನ ರಡ್ಡನೇ ತೈಲಪ ಚಕ್ರವರ್ತಿ ಆಹವಮಲ್ಲನ ಆಸ್ಥಾನಕವಿಯಾದಿತ್ತ್‌ದ್ ಕವಿಚಕ್ರವರ್ತಿ ಪನ್ಪಿನ ಪುಗರ್ತೆನ್ ಪಡೆಯಿನಾರ್. ಆ ಕಾಲೊದ ಪ್ರಸಿಧ್ಧ ಗುರುವಾದಿತ್ತಿನ ಅಜಿತಸೇನಾಚಾರ್ಯರೆನ ಕೈತಲ್ ಮೇರ್ ತನ್ನ ವಿದ್ಯಾಭ್ಯಾಸೊನು ಪಡೆವೊಂಡೇರ್. ಮೇರ್ ೫ ಬೂಕುಲೆನ್ ಬರೆತೆರ್. ಐಟ್ ೩ ಕೃತಿಕುಲು ನಂಕ್ ತಿಕುಂಡು

ಕೃತಿಕುಲು

• ಅಜಿತನಾಥ ಪುರಾಣ ತಿಲಕಮ್ – ೧೨ ಅಧ್ಯಾಯಲು ಇತ್ತಿನ ಯೆಲ್ಯ ಕಾವ್ಯ.
• ಸಾಹಸಭೀಮ ವಿಜಯಂ ( ಗದಅಯುದ್ಧ) – ಕುರುಕ್ಷೇತ್ರದ ಕಡೆತ ದಿನೊತ ಯುದ್ಧಗ್ ಸಂಬಂದಾಯಿನ ಕಥೆಯಾಂಡಲ, ಸಿಂಹಾವಲೋಕನ ಕ್ರಮೊಟು ಇಡೀ ಮಹಾಭಾರತದ ಕಥೆಟ್ ನಿರೂಪನೆ ಅತುಂಡು
• ಚಕ್ರೇಶ್ವರ ಚರಿತ – ತಿಕ್‍ದಿಜ್ಜಿ.
• ಪರಶುರಾಮ ಚರಿತ – ತಿಕ್‍ದಿಜ್ಜಿ.
• ರನ್ನಕಂದ – ೧೨ ಕಂದಪದ್ಯೊಲೆನ ಅರ್ಥಕೋಶ.

ಬಿರುದುಲು

• ಕವಿಚಕ್ರವರ್ತಿ
• ಕವಿರತ್ನ
• ಅಭಿನವ ಕವಿಚಕ್ರವರ್ತಿ
• ಉಭಯಕವಿ ಮುಂತಾದೊಲಿ.