ವೀರ್ ಲೋರಿಕ್

ವೀರ್ ಲೋರಿಕ್ ಭಾರತದ ಬಿಹಾರ ಬೊಕ್ಕ ಪೂರ್ವ ಉತ್ತರ ಪ್ರದೇಶದಭೋಜ್‌ಪುರಿ ಜಾನಪದದ ಭಾಗವಾದುಂಡು. SM ಪಾಂಡೆನ ಅಭಿಪ್ರಾಯದ ಪ್ರಕಾರ, ಉಂದು ಅಹಿರ್ ರಾಮಾಯಣ ವಾದುಂಡು . ವೀರ್ ಲೋರಿಕ್ ಪೂರ್ವ ಉತ್ತರ ಪ್ರದೇಶದ ಅಹಿರ್‌ನ ದಂತಕಥೆತ ದೈವಿಕ ಪಾತ್ರವಾದುಂಡು. ಉತ್ತರ ಪ್ರದೇಶದ ಸೋನಭದ್ರಾದ ಸೋನ್ ತುಧೆತ ಬರಿಟುಪ್ಪುನ ವೀರ್ ಲೋರಿಕ್ ಸ್ಟೋನ್‌ಡ್ ಒಂಜಿ ಪ್ರೇಮಕಥೆತ ವಿಷಯ ಉಂಡು

ಕಥೆ

5 ನೇ ಶತಮಾನೊಡು ಸೋನ್ ತುಧೆತ ಉದ್ದೊಗುಲ ಅಗೋರಿ ಪನ್ಪಿ ರಾಜ್ಯ ಇತ್ತ್ಂಡ್ (ಇತ್ತೆದ ಸೋನಭದ್ರ ಜಿಲ್ಲೆಡ್ ಉಂಡು ). ರಾಜ್ಯೊನು ಆಳುನ ರಾಜೆಯಾದಿತ್ತಿನ ಮೊಲಗಟ ಎಡ್ದೆ ರಾಜೆಯಾದಿತ್ತ್ಂಡಲ, ಮೆಹ್ರಾ ಪನ್ಪಿ ಯಾದವ ನರಮಾನಿಯನ ಮಿತ್ತ್ ನಂಜಿಕಾರುವೆ. ಒಂಜಿ ದಿನ ರಾಜ ಮೊಲಗಟ್ ಮೆಹ್ರಾನ್ ಜೂಜುದ ಪಂಥೊಗು ಲೆಪ್ಪುವೆ . ಜೂಜುದ ಪಂಥೊಡು ಗೆಂದಿನಕುಲು ರಾಜ್ಯೊನು ಆಳ್ವೆರ್ ಪಂದ್ ನಿರ್ಣಯ ಆಪುಂಡು. ಮೆಹ್ರಾ ರಾಜನ ನಿರ್ಣಯೊಗು ಒಪ್ಪಿದ್ ಜೂಜಾಟದ ಪಂಥೊ ಸುರು ಮಲ್ಪುವೆರ್. ರಾಜೆ ಮಾತೆನ್ಲ ಕಳೆವೊಂದು ತನ್ನ ರಾಜ್ಯ ಬುಡೊಡಾಪುಂಡು . ರಾಜನ ಅವಸ್ಥೆನ್ ತೂಯಿನ ಬ್ರಹ್ಮ ದೇವೆರ್ ವೇಷಧಾರಿ ಸನ್ಯಾಸಿಯಾದ್ ಬತ್ತ್‌ದ್ ರಾಜಗ್ ಕೆಲವು ನಾಣ್ಯೊಲೆನ್ ಕೊರ್ದು , ಆ ನಾಣ್ಯೊಲೆಡ್ ಒರ್ ಗೊಬ್ಬುಂಡ ಆಯನ ಆಳ್ವಿಕೆ ಪಿರ ಬರ್ಪುಂಡು ಪನ್ಪಿನ ಭರವಸೆ ಕೊರ್ಪೆರ್. ಅಂಚನೆ ರಾಜೆ ಅವೆನ್ ಪಾಲಿಸವೆ ಬೊಕ್ಕ ಮಾತೆನ್ಲ ಗೆಂದ್‌ದ ಪಡೆಪೆ. ಮೆಹ್ರಾ ಆಜಿ ಸರ್ತಿ ಸೋಪುವೆ ಬೊಕ್ಕ ಬಂಜಿನಾಲ್ ಆದಿತ್ತಿನ ಸಮೇತ ಮಾತೆನ್ಲ ಜೂಜಾಟೊಡು ಕಳೆವೊನುವೆ. ಏಳನೇ ಸರ್ತಿಗ್ ಬುಡೆದಿನ ಗರ್ಭೊನು ಜೂಜಾಟೊಡು ಕಳೆವೊಂಡೆ. ಆಂಡ ರಾಜೇ ಮೆಹ್ರಾಗ್ ಉದಾರತೆ ತೋಜಾಯೆ .ದುಂಬು ಬಾಲೆ ಪುಟ್ಟಿ ಬೊಕ್ಕ ಬಾಲೆ ಆಣಾಂಡ ಕುದುರೆ ಲಾಯೊಡು ಕೆಲಸ ಮಲ್ಪುನೆಂಡ್‌ಲಾ, ಪೊಣ್ಣಾಂಡ ರಾಣಿನ ಸೇವೆಗೆ ನೇಮಕ ಮಲ್ಪುನೆಂದ್‌ಲ ಪಂಡೆ.

ಮೆಹ್ರಾನ ಏಳನೇ ಬಾಲೆ ಪೊಣ್ಣು ಆದಿಪ್ಪುಂಡು ಐಕ್ ಮಂಜರಿ ಪಂದ್ ಪುದರ್ ದೀಪೆರ್ . ಉಂದೆನ್ ತೆರಿನ ರಾಜೇ ಮಂಜರಿನ್ ಕೊಂಡುದು ಬರಿಯೆರೆ ಸೈನಿಕೆರೆನ್ ಕಡಪುಡುವೆ .ಆಂಡ ಮಂಜರಿನ ಅಪ್ಪೆ ಮಗಳೆನ್ ಕಡಪುಡಿಯೆರೆ ಒಪ್ಪುಜಳ್. ಮಂಜರಿನ್ ಲೆತ್ತೊಂಉ ಪೋವೊಡಾಂಡ ಮಂಜರಿನ ಕೈ ಪತ್ತುನ ಕಂಡನಿಯನ್ ಕೆರ್ದ್ ಅವೆಡ್ದ್ ಬೊಕ್ಕ ಕೊನೊವೊಡಾಪುಂಡು ಪಂದ್ ರಾಜಗ್ ಸಂದೇಶ ಕಡಪುಡುವಳ್.ಅಂಚಾದ್ , ಮಂಜರಿನ ಅಪ್ಪೆಅಮ್ಮೆ ಮದಿಮೆಡ್ದ್ ಬೊಕ್ಕ ರಾಜನ್ ಸೋಪಾವುನಂಚಿನ ಆಣನ್ ಮಂಜರಿಗ್ ನಾಡಿಯೆರೆ ಸುರು ಮಲ್ಪುವೆರ್ . ಮಂಜರಿ ತನ್ನ ಅಪ್ಪೆ ಅಮ್ಮಡ ಬಲಿಯಾ ಜನೊಕುಲು ಉಪ್ಪುನ ಜಾಗೆಗ್ ಪೋದು ಯಾದವ್ ವೀರ್ ಲೋರಿಕ್ ಪನ್ಪಿ ಜವ್ವನನ್ ತೂದು ಬರಿಯೆರೆ ಪನ್ಪಲ್ . ಅಯೆ ದುಂಬುದ ಜನ್ಮೊಡು ಆಳೆನ ಪ್ರೇಮಿಯಾದಿತ್ತೆ ಬೊಕ್ಕ ರಾಜನ್ ಸೋಪಾವುನ ಸಾಮರ್ಥ್ಯ ಇತ್ತಿನಾಯೆ.

ಮಂಜರಿ ಬೊಕ್ಕ ಲೋರಿಕ್‌ನ ಅಪ್ಪೆ ಅಮ್ಮೆ ಭೇಟಿಯಾಪೆರ್ ಮಡಿಮೆದ ನಿಶ್ಚಯ ಆಪುಂಡು. ಲೋರಿಕ್ ಮಂಜರಿನ್ ಮದಿಮೆ ಆಯೆರೆ ಮದಿಮೆಗ್ ಅರ್ಧ ಮಿಲಿಯನ್ ಜನತೊಟ್ಟುಗು ಬರ್ಪೆ. ಅಕುಲು ತುಧೆತ ಬರಿಕ್ಕ್ ಎತ್ತ್‌ನಗ ,ರಾಜೇ ಲೋರಿಕ್‌ನೊಟ್ಟುಗು ಲಡಾಯಿಗ್ ಬೊಕ್ಕ ಮಂಜರಿನ್ ವಶ ಮಲ್ತೊನಿಯೆರೆ ತನ್ನ ಸೈನ್ಯೊನ್ನು ಕಡಪುಡಿಯೆ. ಲೋರಿಕ್ ಲಡಾಯಿಡ್ ಸೋತಿಲೆಕ್ಕ ತೋಜೊಂದಿತ್ತ್ಂಡ್. ಮಂಜರಿ ವೀರ್ ಲೋರಿಕ್‌ಡ ಪನ್ಪಲ್ ಅಗೋರಿ ಕೋಟೆದಲ್ಪ ಗೋಥಾನಿ ಪನ್ಪಿ ಗ್ರಾಮದ ಒಂಜಿ ಊರುಡು ಶಿವನ ದೇವಲ್ಯೊ ಉಂಡು, ಅಡೆ ಪೋದು ದೇವೆರೆಗ್ ಪ್ರಾರ್ಥನೆ ಸಂದೊಯಿಯ ಮಲ್ತ್ಂಡ ಜಯ ತಿಕ್ಕುಂಡುಂದು ಪನ್ಪಲ್.

ವೀರ್ ಲೋರಿಕನ ಯುದ್ದ ಸಾಮರ್ಥ್ಯ

ಲೋರಿಕ್ ಮಂಜರಿ ಪಂಡಿಲೆಕ್ಕ ಮಲ್ಪುವೆ ಬೊಕ್ಕ ಯುದ್ದೊಡು ಗೆಲ್ಪುವೆ. ಅವೆಡ್ಡ್ ಬೊಕ್ಕ ರಡ್ಡ್ ಜನೊಲ ಮದಿಮೆ ಆಪೆರ್. ಊರು ಬುಡ್ದು ಪಿದಡುನೇ ದುಂಬು ್, ಮಂಜರಿ ಲೋರಿಕ್‌‌ಗ್ ಪನ್ಪಲ್ ನಮ ರಡ್ಡ್ ಜನೊ ಪರಸ್ಪರ ಮೋಕೆ ಮಲ್ತೊಂದಿತ್ತಿನವು ಜನಕುಲೆಗ್ ನೆನಪುಡು ಉಪ್ಪೆರೆ ದಾದಾಂಡಲ ಮಲ್ಪುಲೆಕ್ಕ ಕೇನುವಲ್. ಉಂದು ನಿಜವಾಯಿನ ಪ್ರೀತಿದ ಸಂಕೇತ ಆಯೆರೆ ಅಂಚನೆ ಮೋಕೆ ಮಲ್ಪುನಕುಲು ಮುಲ್ಪಡ್ದ್ ನಿರಾಶೆ ಆದ್ ಪೋವಂದಿಲೆಕ್ಕ ದಾದ ಮಲ್ಪೊಡು ಪಂದ್ ವೀರ್ ಲೋರಿಕ್ ಮಂಜರಿಗ್ ಕೇನುವೆ. ಮಂಜರಿ, ಕಲ್ಲ್‌ನ್ ತೋಜಾದ್, ರಾಜನ್ ಕೆರೆಯೆರೆ ಗಳಸಿನ ಅವ್ವೆ ಕತ್ತಿಡ್ದ್ ಕಲ್ಲ್‌ನ್ ತುಂಡು ಮಲ್ಪೆರೆ ಲೋರಿಕ್‌ಗೆ ಪನ್ಪಲ್. ಲೋರಿಕ್ ಅಂಚನೆ ಮಲ್ಪುವೆ , ಕಲ್ಲು ರಡ್ದ್ ತುಂಡು ಅಫುಂಡು. ಮಂಜರಿ ತುಂಡಾಯಿನ ಬಂಡೆ ಕಲ್ಲ್‌ಡ್ದ್ ತನ್ನ ಮುಂಡೊಗು ಬೊಟ್ಟು ಪಾಡೊಂಡಲ್ ಬೊಕ್ಕ ವೀರ್ ಲೋರಿಕ್ ಕಲ್ಲ್‌ನ್ ನಿಜವಾಯಿನ ಪ್ರೀತಿದ ಸಂಕೇತವಾದ್ ಅಲ್ಪ ಶಾಶ್ವತವಾದ್ ನೆಲೆ ಆಪಿಲೆಕ್ಕ ಮಲ್ಪುವಳ್.

SM ಪಾಂಡೆ ಉಂದೆನ್ ಅಹಿರ್‌‌ಲೆನ ರಾಷ್ಟ್ರೀಯ ಮಹಾಕಾವ್ಯ ಪಂದ್ ಪನ್ತೆರ್.

ವೀರ್ ಲೋರಿಕ್ ಸ್ಟೋನ್

  ವೀರ್ ಲೋರಿಕ್ ಸ್ಟೋನ್, ಹಿಂದಿಡ್ ವೀರ್ ಲೋರಿಕ್ ಪತ್ಥರ್ (ಇಂಗ್ಲಿಷ್ ವೀರ್ ;ಬ್ರೇವ್, ಪತ್ತರ್ ;ಸ್ಟೋನ್) ಪಂದ್ ಪುದರಾತ್ಂಡ್ ಉಂದು ಉತ್ತರ ಭಾರತದ ಉತ್ತರ ಪ್ರದೇಶದ ಮಾರ್ಕುಂಡಿ ಬೆಟ್ಟದ ಮಿತ್ತ್ ರಾಬರ್ಟ್ಸ್‌ಗಂಜ್‌‌ಡ್ದ್ ಸುಮಾರು 5 ಕಿ.ಮೀ ದೂರೊಡು ಉಂಡು. ಉಂದು ಸ್ಥಳೀಯ ಜಾನಪದ 'ಲೋರಿಕಿ' ದ ಪ್ರಮುಖ ಪಾತ್ರವಾಯಿನ ಲೋರಿಕ್ ಬೊಕ ಮಂಜರಿನ ಪ್ರೀತಿ ಬೊಕ್ಕ ಶೌರ್ಯದ ಸಂಕೇತವಾದುಂಡು. . ಸ್ಥಳೀಯ ಜಾನಪದ ಪದೊಪನ್ಪಿನಕುಲು ಪಂಡಿನ ಮಸ್ತ್ ಜಾನಪದ ಪದೊಕುಲೆಗ್ ಲೋರಿಕ್ ಆಧಾರವಾದುಂಡು. ಗೋವರ್ಧನ ಪೂಜೆ, ಹಿಂದೂ ಪರ್ಬೊನು ಪ್ರತಿ ವರ್ಷ ಮುಲ್ಪ ಆಚರಣೆ ಮಲ್ಪುವೆರ್.