ಶುಂಠಿ

ಶುಂಠಿ

ಶುಂಠಿ ಬುಲೆ

ಶುಂಠಿ ಆಹಾರೊಡು ಬಳಕೆ ಮಲ್ಪುನ ಒಂಜಿ ಬಗೆ. ಉಂದೆನ್ ಮರ್ದ್‍ಗ್ ಬಳಕೆ ಮಲ್ಪುವೆರ್. ಶುಂಠಿ ದೈತ ಅಡಿತ ಭಾಗೊನು ಉಪಯೋಗ ಮಲ್ಪುವೆರ್. ಶುಂಠಿ ಕೃಷಿಗ್ ಸುದೀರ್ಘ ಇತಿಹಾಸ ಉಂಡು. ಬಾರತ ದೇಶೋಡ್ ಉಂದೆತ ಕೃಷಿ ವ್ಯಾಪಕವಾದ್ ಉಂಡು. ಶುಂಠಿದ ತೀಕ್ಷ್ಣ ಘಾಟ್ ಬೊಕ್ಕ ರುಚಿ ಅಯಿಟ್ ಇಪ್ಪುನ 'ಜಿಂಜೆರೋಲ್‌', 'ಶೊಗಾಲ್‌' ಬೊಕ್ಕ 'ಜಿಂಜೆರೋನ್‌' ಪನ್ಪಿನ ಸಸ್ಯತೈಲದ ಮಿಶ್ರಣರ್ದ್ ಉಂಡಾಪುಂಡು. ೩-೪ ಅಡಿ ಎತ್ತರ ಇಪ್ಪುನ ಶುಂಠಿ ದೈ ನೇರವಾದ್ ಇಪ್ಪುಂಡು. ಪಜಿ ಶುಂಠಿನ್ ಅಡಿಗೆಡ್ ಸಂಬಾರ ಬಗೆ ಆದ್ ವ್ಯಾಪಕವಾದ್ ಗಳಸುವೆರ್.

ಸಸ್ಯ ವಿಜ್ಞಾನದ ಪುದರ್

ಶುಂಠಿದ (Ginger) ಸಸ್ಯ ವೈಜ್ಞಾನಿಕ ಪುದರ್ ಜಿಂಜಿಬರ್ ಆಫಿಶಿನಾಲೆ (Zingiber officinale). ಸಾಮಾನ್ಯವಾಯಿನ ಪುದರ್ ಜಿಂಗಬ್ಯೆರ್. ಗ್ರೀಕ್ ಜಿಂಗಿಬೆರೀಸ್ ಪುದರ್ ಡ್ದ್ ಜಿಂಗಬ್ಯೆರ್ ಪುದರ್ ಪಡೆತ್ಂಡ್. ಅವುಲಾ ಸಿಂಗಬೆರಾ ಸಂಸ್ಕೃತಡ್ದ್ ಪಡೆತ್ಂಡ್.

ಶುಂಠಿದ ಉತ್ಪಾದನೆ

ಜಗತ್ಡ್ ೩೦% ಶುಂಠಿ ಉತ್ಪಾದನೆನ್ ಮಲ್ಪುನ ಭಾರತ ಸುರುತ ಜಾಗೆಡ್ ಉಂಡು. ಆಫ್ರಿಕಾ ಬೊಕ್ಕ ಕೆರಿಬ್ಬಿಯನ್ ದೇಶಡ್ಲ ಶುಂಠಿ ಉತ್ಪಾದನೆ ವ್ಯಾಪಕವಾದ್ ಮಲ್ಪುವೆರ್.

ಔಷಧೀಯ ಗುಣೊ

• ಶುಂಠಿಡ್ ಇಪ್ಪುನ ಜಿಂಜೆರೋಲ್‌ ಅಂಶ ಬೇನೆ ಶಮನ ಮಲ್ಪುಂಡು.
• ಬ್ಯಾಕ್ಟೀರಿಯಾ ವಿರೋಧಿ ಗುಣೊ ಶುಂಠಿಗ್ ಉಂಡು.
• ಸಮುದ್ರಯಾನ ಮಲ್ತ್ದ್ ಬರ್ಪುನ ತರೆಬೇನೆ, ಬಂಜಿ ಬೇನೆ ಕಮ್ಮಿ ಆಪುಂಡು.
• ಉರಿಯೂತ ನಿವಾರಣೆ ಆಪುಂಡು.
• ಕಫದ ತೊಂದರೆಗ್ ಶುಂಠಿದ ಮರ್ದ್ ಎಡ್ಡೆ.

ಕರ್ನಾಟಕೊದ ಶುಂಠಿ ಬುಲೆಪುನ ಜಾಗೆಲು

• ಉತ್ತರ ಕನ್ನಡ
• ದಕ್ಷಿಣ ಕನ್ನಡ
• ಹಾಸನ
• ಶಿವಮೊಗ್ಗ
• ಚಿಕ್ಕಮಗಳೂರು
• ಉಡುಪಿ
• ಕೊಡಗು
• ಮೈಸೂರು
• ಮಲೆನಾಡು