ಸೌತೆ ತಂಬುಲಿ

ತೌತೆ ತಂಬುಲಿ

ಬೇತೆ ಪುದರ್	ತಂಬ್ಳಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ
ಬೊಡಾಯಿನ ಸಾಮಾನ್	ತೌತೆ

ತೌತೆ ತಂಬುಲಿ ಉಂದು ಸಾಮಾನ್ಯವಾದ್ ಸೆಕೆತ್ತ ಪೊರ್ತುಡು ತೌತೆನ್ ಗಲಸ್‍ದ್ ಮಲ್ಪುವೆರ್. ತಂಬುಲಿ ಪಂಡ ತಂಪಾಯಿನ ಬುಕ್ಕ ಪುಲಿ ಇಪ್ಪುನ ಪಂಡ್‍ದ್ ಅರ್ತ. ಮುಲ್ಪ ತೌತೆ ಜೀವೊಗ್ ತಂಪು ಅಂಚನೆ ಪುಲಿ ಬೋಡಾದ್ ನಮ ಕೊಜಪುನು ಗಲಸುವ.

ತಂಬುಲಿ ಪಂಡ ದಾದೆ?

ಪರಿಸರೊಡ್ ತಿಕ್ಕುನ ತಪ್ಪು,ಚಿಗ್‍ರ್, ಗಿಡಮೂಲಿಕೆ, ಕುಕ್ಕು, ತರ್ಕಾರಿ, ಬೇರ್ ಅತ್ತ್ಂಡ ಸಾಂಬಾರ್ ದ್ರವ್ಯೊಲೆರ್ದ್ ತಯಾರ್ ಮಲ್ಪುನವೇ ತಂಬುಲಿ. ಉಂದೆನ್ ಅರೆಗಲೊಡ್, ಮರಿಯಲೊಡ್, ಚಲಿತ್ತ ಪೊರ್ತುಡು ಮಲ್ಪುವೆರ್. ತಂಬುಲಿ/ತಂಬ್ಳಿ/ತಂಬುಳಿ ಟ್ ಬೇತೆ ಬೇತೆ ವಿದೊಕ್ಕುಲು ಉಲ್ಲ: ಮೆಂತೆ ತುಂಬುಲಿ, ಶುಂಟಿ (ಶುಂಠಿ) ತಂಬುಲಿ ಅತ್ತಂದೆ ಬೇತೆ ಬೇತೆ ತಪ್ಪುಲೆನ್ ಗಲಸ್‍ದ್ ಬಸಲೆ ತಪ್ಪು, ಬೇವಿರೆ ಅಂಚನೆ ಬೇತೆ ಬೇತೆ ತರ್ಕಾರಿ ನ್ ಗಲಸ್‍ದ್ ತವತೆ, ಕುಕ್ಕು ಇಂಚ ಕರ್ನಾಟಕಡ್ ತಂಬುಲಿನ್ ಮಲ್ಪುವೆರ್.

ಬೊಡಾಯಿನ ಸಾಮಾಗ್ರಿಲು

• ಸೌತೆ/ತೌತೆ (ಚೋಲಿ ದೆಪ್ಪೊಡು) - 1/2 ಕಪ್
• ತಾರಾಯಿ - 1/2 ಕಪ್
• ದಾಸಿಮಿ - 1 ಟೀಸ್ಪೂನ್
• ಕಾಯ್ಮಂಚಿ - 3 ರಿಂದ 4
• ಕೊಜಪು - 1 ಕಪ್
• ಮಂಜಲ್ - 2 ಚಿಮಿಟಿ
• ರುಚಿಗ್ ಉಪ್ಪು

ಒಗ್ಗರಣೆಗ್

• ತಾರೆದೆಣ್ಣೆ - 1/2 ಟೀಸ್ಪೂನ್
• ದಾಸಿಮಿ - 1/2 ಟೀಸ್ಪೂನ್
• ಕೆಂಪು ಮುಂಚಿ - 2 ರಿಂದ 3
• ಬೇವುರೆ - ಚೂರು
• ಇಂಗ್ - 1 ಚಿಮಿಟಿ

ಮಲ್ಪುನ ವಿದಾನೊ

ತೌತೆ, ತಾರಾಯಿ, ದಾಸಿಮಿ, ಕಾಯ್ಮುಂಚಿ, ಮಂಜಲ್ ಬುಕ್ಕ ಚೂರು ಉಪ್ಪು ಬುಕ್ಕೊ ನೀರ್ ಪಾರ್ದ್ ಕಡೆವೊಡು. ಅವೆರ್ದ್ ಬುಕ್ಕೊ ಕೊಜಪುಗು ನೀರ್ ಕೂಟುದು ಅಲೆತ್ತ ಹದೊಕ್ಕು ತೆಲ್ಪು ಮಲ್ತ್‍ದ್ ಅವೆಕ್ಕ್ ಕಡೆಯಿನ ಮಿಶ್ರಣೊನು ಪಾಡ್ದ್ ಅವೆಕ್ಕ್ ಒಗ್ಗರಣೆ ಕೊರೊಡು.

ಬೇತೆ ಬಾಸೆಡ್ ತಂಬುಲಿ

• ಸೌತೆಕಾಯಿ ತಂಬ್ಳಿ/ತಂಬುಳಿ - ಕನ್ನಡ