ಸೌರ ಶಕ್ತಿ

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ
ಯುನೈಟೆಡ್‌‌ ಸ್ಟೇಟ್ಸ್‌‌ಡುಪ್ಪುನ ನೆಲ್ಲಿಸ್‌‌ ಸೌರ ವಿದ್ಯುಚ್ಛಕ್ತಿ ಕೇಂದ್ರ/ಘಟಕ, ಉಂದು ಉತ್ತರ ಅಮೇರಿಕೊಡೆ ಮಸ್ತ್ ಮಲ್ಲ ದ್ಯುತಿವಿದ್ಯುಜ್ಜನಕ ವಿದ್ಯುಚ್ಛಕ್ತಿ ಕೇಂದ್ರ/ಘಟಕವಾದುಂಡು..

ಸೂರ್ಯನ ಕಿರಣೊಲೆನ ಶಾಖ ಬೊಕ್ಕ ಬೊಲ್ಪುಲೆರ್ದ್ ತಿಕ್ಕುನ ಚೈತನ್ಯೊನು(energy) ಬೇತೆ ಬೇತೆ ತಂತ್ರಜ್ಞಾನೊಲೆನ್ ಗಳಸೊಂದು ನರಮಾನಿಯನ ಉಪಯೋಗೊಗ್ ಅನುಕೂಲೊಗು ಬೋಡಾಪಿಲೆಕ್ಕ ಬದಲಾವಣೆ ಮಲ್ತ್ ದ್ ಪಡೆಪುನ ಶಕ್ತಿಯೆ ಸೌರಶಕ್ತಿ[೧]. ಸೌರಶಕ್ತಿ ಪೊಸತ್ ಮನ್ಪೆರೆ ಆಪಿನಂಚಿನ ಸಂಪನ್ಮೂಲ ದಾಯೆ ಪಂಡ ಅವು ಗಳಸಿನಾತ್ ಕುಡಲ ಭರ್ತಿಯಾಪುಂಡು.

ಸೌರ ಶಕ್ತಿನ್ ಗಳಸುನ ವಿಧಾನೊಲು[ಸಂಪೊಲಿಪುಲೆ]

ಸೌರ ಶಕ್ತಿ ಮೇಲ್ಚಾವಣಿ[ಸಂಪೊಲಿಪುಲೆ]

ನರಮಾನಿ ಅಭಿವೃದ್ದಿ ಆವೊಂದು ಪೊಯಿಲೆಕ್ಕನೆ ವಿದ್ಯುತ್ ಶಕ್ತಿದ ಅವಲಂಭನೆ ಜಾಸ್ತಿಯಾಪುಂಡು. .ಆಂಡ ಗಳಸುನೆಗ್ ಸರಿಯಾದ್ ಉತ್ಪತ್ತಿ ಆವೊಂದಿಜ್ಜಿ.ಅತ್ತಂದೆ ಇತ್ತೆ ಉತ್ಪಾದನೆ ಮಲ್ಪುನ ವಿಧಾನೊಲು ನಿಸ‍ರ್ಗ ಸ್ನೇಹಿಯಾದ್ ಇಜ್ಜಿ.ಅಂಚಾದ್ ನಮ ಇತ್ತೆ ಬೇತೆ ಮೂಲೊಲೆನ ಬಗ್ಗೆ ಗಮನ ಕೊರೊಡಾಪಿನ ಅವಶ್ಯಕತೆ ಮಸ್ತ್ ಪ್ರಾಮುಖ್ಯವಾದುಂಡು. ಈ ರೀತಿದ ಬೇತೆಇಂಧನಲೆನ ಬ್ಗಗೆ ಗೇಣೊ ಮಲ್ಪುನಗ ನಮಕ್ಕ್ ನೆನಪಾಪುನಿ ಸೌರ ಶಕ್ತಿ .ಉಂದು ಧಾರಾಳವಾದ್,ಏಪೊಗುಲ ಮುಗಿಯಂದಿನ ನಿಸರ್ಗ ಶಕ್ತಿದ ಮೂಲವಾದುಂಡು ಉಂದೆನ್ ಪರಿಣಾಮಕಾರಿಯಾದ್ ಗಳಸುನೆದ ಬಗೆಟ್ ನಿರಂತರ ಸಂಶೋದನೆಲ್ ಆವೊಂದುಂಡು. ಈ ಉದ್ದೇಶೊಡು ಸೌರಶಕ್ತಿನ್ ಉಪ್ಪುನ ಜಾಗೊಡೆ ಸಂಗ್ರಹ ಮಲ್ತ್ ದ್ ಗಳಸೊನುನಂಚಿನ ಒಂಜಿ ವ್ಯವಸ್ಥೆನೆ ಸೌರ ಶಕ್ತಿ ಮೇಲ್ಚಾವಣಿ . ಪ್ರತಿಯೊರಿಯಗ್ಲ ಸ್ವಂತ ಇಲ್ಲ್ ಉಪ್ಪೊಡು ಪನ್ಪಿನ ಒಂಜಿ ಕನ ಅಂಚನೆ ಜೀವಮಾನದ ಸಾಧನೆ ಅಂಚನೆ ಈ ಮಾತ ಇಲ್ಲ್ ಲೆನ ಮಿತ್ತ ಚಾವಣಿನ್ ಸೌರಶಕ್ತಿ ವಿದ್ಯುತ್ ಉತ್ಪಾದನೆ ಮಲ್ಪುನಂಚಿನ ತಾಣೊಲಾದ್ ಪರಿವರ್ತನೆ ಮಲ್ತ್ಂಡ ಇತ್ತೆದ ವಿದ್ಯುಚ್ಛಕ್ತಿದ ಅಭಾವೊನು ಕಡಿಮೆ ಮಲ್ಪೊಲಿ.

ಸೌರಶಕ್ತಿ ಮೇಲ್ಚಾವಣಿಗೆ ಸಂಬದಿಸಿದ ಚಿತ್ರಗಳನ್ನು

CIS Tower

ಪಕ್ಕದ ಚಿತ್ರದಲ್ಲಿ ಕಾಣಬಹುದು.

ಸೌರ ಕುಕ್ಕರ್[ಸಂಪೊಲಿಪುಲೆ]

ಸೌರ ಕುಕ್ಕರ್
ಸೌರ ಕುಕ್ಕರ್ ಪೆಟ್ಟಿಗೆಯ ಮಾದರಿ

ಸೌರ ಶಕ್ತಿನ್ ಗಳಸೊಂದು ಕುಕ್ಕರ್ ಲೆನ ಸಹಾಯೊರ್ದ್ ಅಟಿಲ್ ಮಲ್ಪುನಿ , ಬೆಚ್ಚ ಮಲ್ಪುನಿ ಅಂಚನೆ ಪ್ಯಾಸ್ಚರೀಕರಣ ಮನ್ಪೆರೆ ಸೌರ ಕುಕ್ಕರ್ ಲೆನ್ ಗಳಸೊಲಿ. ಉಂದೆನ್ ಸೌರ ಒಲೆ ಪಂದ್ ಲ ಲೆಪ್ಪುವೆರ್.ಸಾಮಾನ್ಯ ಸೌರಕುಕ್ಕರ್ ಒಂಜಿ ಪೆಟ್ಟಿಗೆದ ಆಕಾರೊಡಿತ್ತ್ ದ್ ಪೆಟ್ಟಿಗೆದ ಉಲಯಿದ ಭಾಗೊಡು ಇನ್ಸುಲೇಟೆಡ್ ಕವರ್ ಇತ್ತ್ ದ್,ಮಿತ್ತ್ ದ ಭಾಗೊಡು ಪಾರದರ್ಶಕ ಗ್ಲಾಸ್ ದ ಕವರ್ ಉಪ್ಪುಂಡು. ಸಾಮಾನ್ಯ ಸೌರಕುಕ್ಕರ್ ಲೆಡ್ 90-150 ಡಿಗ್ರಿ ಮುಟ್ಟದ ಉಷ್ಣಾಂಶೊನು ಸಂಗ್ರಹ ಮಲ್ಪೊಲಿ ,ಸೌರಶಕ್ತಿನ್ ಕೇಂದ್ರಿಕರಿಸವುನ ಕನ್ನಡಿದಂಚಿನ ಪ್ರತಿಬಿಂಬಕೊಲೆನ್ ಗಳಸೊಂದು 315ಡಿಗ್ರಿ ಮುಟ್ಟಲ ಪೊವೊಲಿ. ಸೌರಕುಕ್ಕರ್ ಲೆಡ್ ಮುಖ್ಯವಾದ್ ಈ ತಿರ್ತ್ ದ ನಿಯಮಲೆನ ಅನ್ವಯ ಉಷ್ಣಾಂಶೊನ್ ಸಂಗ್ರಹ ಮಲ್ಪೊಲಿ .

  1. ಸೂರ್ಯನ ಶಕ್ತಿನ್ ಕೇಂದ್ರಿಕರಿಸದ್.
  2. ಸೂರ್ಯ ಶಕ್ತಿನ್ ಶಾಖ ಶಕ್ತಿಯಾದ್ ಪರಿವರ್ತಿಸದ್.
  3. ಶಾಖನ್ ಸಂಗ್ರಹ ಮಲ್ತ್ ದ್.

ಸೌರ ಕುಕ್ಕರ್ ಲೆನ ಉಪಯೋಗೊಲು

  • ಬೇತೆ ಇಂಧನೊದ ಅವಶ್ಯಕತೆ ಉಪ್ಪುಜಿ.
  • ಉಪಯೋಗ ಮಲ್ಪೆರೆ ಮಸ್ತ್ ಸುಲಭ.
  • ಜಾಸ್ತಿ ಜಾಸ್ತಿ ಗಳಸ್ಂಡ ಅರಣ್ಯ ನಾಶೊನು ಕಡಿಮೆ ಮನ್ಪೊಲಿ
  • ನೈಸರ್ಗಿಕ ಸಂಪನ್ಮೂಲೆನ್ ಒರಿಪಾವೊಲಿ.
  • ಪ್ರತ್ಯೇಕ ಅಡ್ಪಿಲ್ಲ್ ದ ಅಗತ್ಯ ಉಪ್ಪುಜಿ.

ಸೌರ ವಿದ್ಯುತ್[ಸಂಪೊಲಿಪುಲೆ]

ಸೂರ್ಯನ ಶಕ್ತಿನ್ ವಿದ್ಯುತ್ ಶಕ್ತಿಯಾದ್ ಪರಿವರ್ತನೆ ಮಲ್ಪುನೆ.ಪ್ರಪಂಚೊಡು ಜಾಸ್ತಿಯಾಯಿನ ಶಕ್ತಿದ ಬೇಡಿಕೆಗ್ ಮಲ್ಲಮಟ್ಟ್ ದ ಪರಿಹಾರ ಕೊರ್ಪುನ ಒಂಜಿ ಮೂಲ ಪಂಡ ಅವು ಸೌರಶಕ್ತಿ.ಕ್ರಿ ಶ 2050 ರ ಪೊರ್ತುಗು ಪ್ರಪಂಚೊಗು ಜಾಸ್ತಿ ಶಕ್ತಿನ್ ಪೊರೈಕೆ ಮಲ್ಪುನ ಶಕ್ತಿದ ಮೂಲವಾದುಂಡು.ಮುಲ್ಪ ಸೊಲಾರ್ ಪನೆಲ್ ಲೆನ ಮುಖಾಂತರ ಸೌರಶಕ್ತಿನ್ ವಿದ್ಯುತ್ ಶಕ್ತಿನ್ ಪೋಟೋ ವೋಲ್ಟಾಯಿಕ್ ಕೋಶೊಲೆಡ್ ಸಂಗ್ರಹ ಮಲ್ಪುಂಡು.

ಸೌರ ವಿದ್ಯುತ್

ಬಾಹ್ಯ ಸಂಪರ್ಕ[ಸಂಪೊಲಿಪುಲೆ]

ಉಲ್ಲೇಖ[ಸಂಪೊಲಿಪುಲೆ]

  1. http://www.iea.org/Textbase/npsum/solar2011SUM.pdf