ಚೆಂಡ್ ಪೂ

ವಿಕಿಪೀಡಿಯರ್ದ್
ಚೆಂಡ್ ಪೂ
ಚೆಂಡ್ ಪೂ
ಮಂಜಲ್ ಚೆಂಡ್ ಪೂ
ಗೊಂಡೆ ಪೂ

ಚೆಂಡ್ ಪೂನು ಪೊರ್ಲುಗು ಬೋಡಾದ್ ಬುಳೆಪಾವೆರ್ ಅಂಚನೆ ಪರಿಮಳದ ಎಣ್ಣೆ ಬೊಕ್ಕ ಮರ್ದ್‌ದ ಉಪಯೋಗಲ ಉಂಡು. ಮೆಕ್ಸಿಕನ್ ಮೂಲದ ಪೂ ಉಂದು ಬ್ರಿಟಿಷೆರೆನ ಆಳ್ವಿಕೆದ ಕಾಲೊಡು ಭಾರತೊಗು ಆಗಮನ ಆಂಡ್ ಪಂದ್ ಬಿ.ಜಿ.ಎಲ್ ಸ್ವಾಮಿ ಪನ್ಪಿನಾರೆನ ಅಭಿಪ್ರಾಯ

ಬೇತೆ ಬೇತೆ ಪುದರುಲು[ಸಂಪೊಲಿಪುಲೆ]

ಚೆಂಡ್ ಪೂಗು ಬೇತೆ ಬೇತೆ ಭಾಷೆಡ್ ಬೇತೆ ಬೇತೆ ಪುದರ್‌‌‌‌‌‌ ಉಂಡು[೧]

  • ಸಸ್ಯ ವೈಜ್ಞಾನಿಕ ಪುದರ್ -ಟೆಗಟಿಸ್ ಇರೆಕ್ಟ್
  • ಕನ್ನಡ - ಗೊಂಡೆಗಿಡ, ಚೆಂಡು ಮಲ್ಲಿಗೆ, ಸೀಮೆಶ್ಯಾವಂತಿ
  • ತಮಿಳ್ - ತುರುಕ್ಕಸಮಂಡಿ
  • ತೆಲುಗು - ಬಂಟಿ, ಬಂಟಿಚೆಟ್ಟು
  • ಇಂಗ್ಲೀಷ್ - ಆಫ್ರಿಕನ್ ಮೆರ್ರೆಗೋಲ್ಡ್
  • ಸಂಸ್ಕೃತ - ಸ್ಥೂಲಪುಷ್ಪ, ಜಂಡುಗ, ಗಂದುಗ
  • ಹಿಂದಿ - ಗೆಂಡ, ಗುಟ್ಟೇರ
  • ತುಲು - ಚೆಂಡ್ ಪೂ, ಗೊಂಡೆ ಪೂ

ದಯಿತ ಬುಳೆಚ್ಚಿಲ್ ಬೊಕ್ಕ ಪೊಲಬು[ಸಂಪೊಲಿಪುಲೆ]

ಚೆಂಡ್ ಪೂತ ದಯಿ ಸಾಮಾನ್ಯವಾದ್ ೩ಡ್ದ್ ೪ ಫೀಟ್ ಎತ್ತರೊಗು ಬಳಪುಂಡು. ಅಗಲೊಗು ೨ಫೀಟ್‌ದಾತ್ ಇತ್ತ್‌ದ್ ಪುದೆಲ್‌ದ ಲೆಕ್ಕ ಬಳಪುಂಡು[೨]. ನೀರ್‌ದ ಆಶ್ರಯ ಇತ್ತಿನಲ್ಪ ಚೆಂಡ್ ಪೂತ ದಯಿ ಭಾರಿ ಪೊರ್ಲುಡೆ ಬಳಪುಂಡು. ಮಂಜಲ್, ಆರೆಂಜ್ ಇಂಚ ಬೇತೆ ಬೇತೆ ಬಣ್ಣದ ಚೆಂಡ್ ಪೂಕುಲು ಉಪ್ಪುಂಡು. ಸಪೂರವಾದ್ ಉದ್ದ ಉದ್ದ ಇರೆಕುಲು ಉಪ್ಪುಂಡು. ಇರೆ, ಪೂ ಮಾತ ಭಾರಿ ಪರಿಮಳ ಉಂಡು[೩].ಚೆಂಡ್ ಪೂತ ದಯಿ ಸಾಮಾನ್ಯವಾದ್ ಭಾರತ ದೇಶದ ಮಾತ ರೀತಿದ ಮಣ್ಣ್‌ಡ್, ಹವಮಾನೊಡು ಬುಳೆಪಿನಂಚಿನ ದಯಿ. ಚೆಂಡ್ ಪೂನು ಪೊರ್ಲು ಲುಂಗಾದ್ ಬಿತ್ತ್ ಸಂಗ್ರಹ ಮಲ್ತ್ ದೀದ್ ಬೋಡಾನಗ ಬಿತ್ತ್ ಪಾಡ್‍‍ದ್ ದಯಿ ಮಲ್ಪೊಲಿ. ದಯಿ ಮಲ್ಲೆ ಆದ್ ಮೂಜಿ ತಿಂಗೊಲಾನಗ ಪೂ ಬುಡರ ಸುರು ಆಪುಂಡು.

ಮರ್ದ್‌ದ ಉಪಯೋಗ[ಸಂಪೊಲಿಪುಲೆ]

  • ಚೆಂಡ್ ಪೂತ ಎಸಲ್‌ದ ರಸೊನು ಪರ್ಂಡ ನೆತ್ತೆರ್ ಶುದ್ಧ ಆಪುಂಡು. ಬುಕ್ಕೊ ಮೂಲವ್ಯಾಧಿ ಗುಣ ಆಪುಂಡು.
  • ಚೆಂಡ್ ಪೂತ ಎಣ್ಣೆ ತಯಾರ್ ಮಲ್ತ್‌ದ್ ತರೆಕ್ ಪಾಡ್ಂಡ ಕೂಜಲ್‌ಗ್ ಬಣ್ಣ ಬರ್ಪುಂಡು.
  • ಸೂ ಅತ್ತ್ಂಡ ಬೆಚ್ಚ ತಾಗ್‌ನಾಡೆ ಚೆಂಡ್ ಪೂನು ಅರೆತ್‌ದ್ ಪೂಜಿಂಡ ಗುಣ ಆಪುಂಡು[೪].
  • ಚೆಂಡ್ ಪೂತ ರಸೊ ದೆತ್ತ್‌ದ್ ಪರ್ಂಡ ಶೀತ , ತೆಮ್ಮ ಕಡಿಮೆ ಆಪುಂಡು.
  • ಚೆಂಡ್ ಪೂತ ರಸೊ ಪರ್ಂಡ ಅಜೀರ್ಣ ತೊಂದರೆ ಕಡಿಮೆ ಆಪುಂಡು.

ಉಲ್ಲೇಕೊ[ಸಂಪೊಲಿಪುಲೆ]

  1. https://easyayurveda.com/2016/11/09/marigold-tagetes-erecta/
  2. http://www.missouribotanicalgarden.org/PlantFinder/PlantFinderDetails.aspx?kempercode=a609
  3. "Archive copy". Archived from the original on 2016-05-01. Retrieved 2017-10-10. {{cite web}}: Unknown parameter |dead-url= ignored (help)CS1 maint: archived copy as title (link)
  4. http://www.naturalmedicinalherbs.net/herbs/t/tagetes-erecta=african-marigold.php