ಹಂಪನಕಟ್ಟೆ

ವಿಕಿಪೀಡಿಯರ್ದ್
ಹಂಪನಕಟ್ಟೆ
ಕುಡ್ಲ (ಮಂಗಳೂರು)ದ ಹೃದಯಭಾಗ
"ಅಫ್ಫಣ್ಣ ಕಟ್ಟೆ " ವೆನ್ಲಾಕ್ ಆಸ್ಪತ್ರೆದ ಎದುರು, ಹಂಪನಕಟ್ಟೆ, ಮಂಗಳೂರು
"ಅಫ್ಫಣ್ಣ ಕಟ್ಟೆ " ವೆನ್ಲಾಕ್ ಆಸ್ಪತ್ರೆದ ಎದುರು, ಹಂಪನಕಟ್ಟೆ, ಮಂಗಳೂರು
ದೇಶಭಾರತ
ರಾಜ್ಯಕರ್ನಾಟಕ
ಜಿಲ್ಲೆದಕ್ಷಿಣ ಕನ್ನಡ
ನಗರಮಂಗಳೂರು

ಹಂಪನಕಟ್ಟೆ ಮಂಗಳೂರು (ಕುಡ್ಲ, ಕುಡಲ, ಕೊಡಿಯಾಲ್, ಮಯಿಕಲ, ಮಂಗಲಾಪುರ, Mangaluru, Mangalore) ನಗರದ ಹೃದಯ ಬಾಗ.ಕುಡಲದ ಜ್ಯೋತಿ ಟಾಕೀಸಿಡ್ದ್ ಪುರಭವನ (ಟೌನ್ ಹಾಲ್) ಮೈದಾನೊಗು ಪೋಪಿನ ರಸ್ತೆದ ಜಾಗೆಗ್ ಹಂಪನಕಟ್ಟೆ ಇಂದ್ ಪಣೊಂದು ಉಲ್ಲೆರ್.‍

ದುಂಬುದ ಹಂಪನಕಟ್ಟೆ ನಗರ ಬಸ್ ನಿಲ್ದಾಣ ಇತ್ತಿನ ಜಾಗ, ಹಂಪನಕಟ್ಟೆ, ಮಂಗಳೂರು
ದುಂಬುದ ಹಂಪನಕಟ್ಟೆ ನಗರ ಬಸ್ ನಿಲ್ದಾಣ ಇತ್ತಿನ ಜಾಗ, ಹಂಪನಕಟ್ಟೆ, ಮಂಗಳೂರು
ಪುರಭವನ (ಟೌನ್ ಹಾಲ್) ಹಂಪನಕಟ್ಟೆ ಮಂಗಳೂರು
ಪುರಭವನ (ಟೌನ್ ಹಾಲ್) ಹಂಪನಕಟ್ಟೆ ಮಂಗಳೂರು
ಮಂಗಳೂರು ಸೆಂಟ್ರಲ್ ರೈಲ್ವೇ ನಿಲ್ದಾಣ,ಹಂಪನಕಟ್ಟೆ,ಮಂಗಳೂರು
ಮಂಗಳೂರು ಸೆಂಟ್ರಲ್ ರೈಲ್ವೇ ನಿಲ್ದಾಣ,ಹಂಪನಕಟ್ಟೆ,ಮಂಗಳೂರು
ಮಿಲಾಗ್ರೀಸ್ ಚರ್ಚ್, ಹಂಪನಕಟ್ಟೆ, ಮಂಗಳೂರು
ಮಿಲಾಗ್ರೀಸ್ ಚರ್ಚ್, ಹಂಪನಕಟ್ಟೆ, ಮಂಗಳೂರು
ವೆನ್ಲಾಕ್ ಸರ್ಕಾರಿ ಆಸ್ಪತ್ರೆ,ಹಂಪನಕಟ್ಟೆ, ಮಂಗಳೂರು
ವೆನ್ಲಾಕ್ ಸರ್ಕಾರಿ ಆಸ್ಪತ್ರೆ,ಹಂಪನಕಟ್ಟೆ, ಮಂಗಳೂರು
ಪರ ಬಂದರೊಡು ಉಂತುದಿನ ಮಂಜಿ, ಬಂದರ, ಮಂಗಳೂರು
ಪರ ಬಂದರೊಡು ಉಂತುದಿನ ಮಂಜಿ, ಬಂದರ, ಮಂಗಳೂರು
ನವರಾತ್ರಿ ವಿಶೇಷ: ದುರ್ಗಾಪೂಜೆ. ಕುದ್ರೋಳಿ ದೇವಸ್ಥಾನ
ನವರಾತ್ರಿ ವಿಶೇಷ: ದುರ್ಗಾಪೂಜೆ. ಕುದ್ರೋಳಿ ದೇವಸ್ಥಾನ
ಮಾಡ್'ದ ಪೊರ್ಲು. ಪೋರಂ ಫಿಝಾ ಮಾಲ್, ಪಾಂಡೇಶ್ವರ,ಮಂಗಳೂರು.
ಮಾಡ್'ದ ಪೊರ್ಲು. ಪೋರಂ ಫಿಝಾ ಮಾಲ್, ಪಾಂಡೇಶ್ವರ,ಮಂಗಳೂರು
ಕುದ್ರೋಳಿ ಗೋಕರ್ಣನಾಥ ದೇವಸ್ಥಾನ, ಮಂಗಳೂರು
ಕುದ್ರೋಳಿ ಗೋಕರ್ಣನಾಥ ದೇವಸ್ಥಾನ, ಮಂಗಳೂರು
ರಾಮಕೃಷ್ನ ಕಾಲೇಜಿ,(ಬಂಟೆರೆನ ಹಾಸ್ಟೆಲ್ ಪ್ರಾಂಗಣ), ಮಂಗಳೂರು
ರಾಮಕೃಷ್ನ ಕಾಲೇಜಿ,(ಬಂಟೆರೆನ ಹಾಸ್ಟೆಲ್ ಪ್ರಾಂಗಣ), ಮಂಗಳೂರು

ಅಪ್ಪಣ್ಣನ ಕಟ್ಟೆ[ಸಂಪೊಲಿಪುಲೆ]

ಹಂಪನಕಟ್ಟೆ ಇನ್ಪಿನ ಪುದರ್ ಅಪ್ಪಣ್ಣನ ಕಟ್ಟ‍ೆರ್ದ್ ಬೈದ್ಂಡ್ ಇಂದ್ ಪ್ರತೀತಿ ಉಂಡು.‍ ಅಂದಾಜಿ ನೂದ್-ಇರ್ನೂದ್ ವರ್ಷ ಪಿರಾವುಡು, ಅಪ್ಪಣ್ಣೆ (ಅಂಪಣ ಪೂಜಾರಿ) ಇನ್ಪಿನಾ ಒರಿ ಪರೋಪಕಾರಿ ಮುಲ್ಪ ಒಂಜಿ ಕಟ್ಟೆಡ್ ಕುಲ್ದು ಸಾದಿಡ್ ಬತ್ತ್ ಪೋಪಿನಕಲೆಗ್ ನೀರ್‍ ಬಾಜೆಲ್ ಕೊರೊಂದಿತ್ತೆ ಇಂದ್ ಜನ ಪಣ್ಪೆರ್.‍ ಈ ಅಪ್ಪಣ್ಣೆ ಏರ್‍ ಆರ್‍ ಕುಲೊಂದಿತ್ತಿನ ಕಟ್ಟೆ ಓಲುಂಡು ಇತ್ಯಾದಿ ವಿವರೊಲು ನಂಕ್ ಗೊತ್ತುಜ್ಜಿ. ಐನ್-ಆಜಿ ದಶಕೊಲೆನ ಪಿರಾವು ಇತ್ತೆದ ಪರ ಬಸ್ ನಿಲ್ದಾಣೊದ ಪಿದಯಿ, ಬಾವುಟೆ ಗುಡ್ಡೆಗ್ ಪೋಪಿನ ಸಾದಿದ ಸುರುಟು ಸಿಂಡಿಕೇಟ್ ಬ್ಯಾಂಕುದ ಕಟ್ಟೋಣದ ಎದುರು ನಗರ ಬಸ್ಸುಲೆನ ಒಂಜಿ ನಿಲ್ದಾಣ ಇತ್ತ್ಂಡ್. ಅಲ್ಪ ಅಪ್ಪಣ್ಣನ ಕಟ್ಟೆ ಇತ್ತ್ಂಡ್ ಇಂದ್ ಊರುದಕುಲು ಪಣೊಂದಿತ್ತೆರ್.‍ ಇಂಚೊಗು ಸಾರ್ವಜನಿಕೆರ್ ಸೇರ್ದ್ ಸರ್ಕಾರಿ ವೆನ್ಲಾಕ್ ಆಸ್ಪತ್ರೆ (ಪರ ಕಟ್ಟೋಣ) ಎದುರು ಮಾರ್ಕೆಟ್ ರಸ್ತೆಗ್ ಪೋಪಿನಲ್ಪ ಒಂಜಿ ಕಟ್ಟೆ ಕಟ್ದ್ "ಅಪ್ಪಣ್ಣನ ಕಟ್ಟೆ" ಇಂದ್ ಪುದರ್‍ ಕೊರಿಯೆರ್. ಕುಡಲ ಪೇಂಟೆಡ್ ಸುಮಾರಾದ್ ೨೦೦ ವರ್ಷದ ಪಿರಾವು ವೆನ್ಲಾಕ್ ಆಸ್ಪತ್ರೆ - ಪರ ಬಸ್ ನಿಲ್ದಾಣ - ಬಾವುಟೆ ಗುಡ್ಡೆಗ್ ಪೋಪಿನ ರಸ್ತೆದ ನಡುತ ಜಾಗೊಡು, ದುಂಬು ಹಂಪನಕಟ್ಟೆದ ನಗರ ಬಸ್ ನಿಲ್ದಾಣ ಇತ್ತಿನಲ್ಪ, ಈ ಅಪ್ಪಣ್ಣನ ನೀರ್‍ ಕೊರ್ಪಿನ ಕಟ್ಟೆ ಇತ್ತುದುಪ್ಪೆರೆ ಯಾವು ಇಂದ್ ತೆರಿನಕುಲು ಪಣ್ಪೆರ್. ಅಪ್ಪಣ್ಣನ ಕಟ್ಟೆ ಕಾಲಕ್ರಮೊಟು ಹಂಪನಕಟ್ಟೆ ಆಂಡ್.

ವ್ಯಾಪ್ತಿ[ಸಂಪೊಲಿಪುಲೆ]

ಜ್ಯೋತಿ ಟಾಕೀಸ್ (ಅಂಬೇಡ್ಕರ್ ವೃತ್ತ) ಸುರುವಾದ್ ಪಡ್ಡಾಯಿ ನೆಹರೂ ಮೈದಾನ-(ಪರ) ಬಂದರ ಮುಟ್ಟಲಾ " ಹಂಪನಕಟ್ಟೆ " ಇನ್ಪಿನ ಪ್ರದೇಶ ಜನಕುಲೆನ ಮನಸ್ಸಿಡ್ ನೆಲೆಯಾದ್ ಪೋತುಂಡು. ಬಡಕಾಯಿಡ್ ಡೊಂಗರಕೇರಿ-ಕೊಡಿಯಾಲಬೈಲ್- ಸೇಡಿಗುಡ್ಡೆ, ಈಸಾನ್ಯೊಡು ಕದ್ರಿ- ಮಲ್ಲಿಕಟ್ಟೆ-ಶಿವಬಾಗ್ ಮೂಡಾಯಿಡ್ ಬೆಂದೂರು-ಕಂಕನಾಡಿ, ತೆಂಕಾಯಿಡ್ ಪಾಂಡೇಶ್ವರ-ಅತ್ತಾವರ- ಫಳ್ನೀರ್ ಹಂಪನಕಟ್ಟೆದ ಗಡಿಕುಲಾದ್ ಇತ್ತೊ ಇನ್ಪಿನ ತೋಜಿದ್ ಬರ್ಪುಂಡು.

ರಸ್ತೆಲು[ಸಂಪೊಲಿಪುಲೆ]

ಜ್ಯೋತಿ ಟಾಕೀಸ್(ಅಂಬೇಡ್ಕರ್ ವೃತ್ತ) ದಲ್ಪ ಸುರುವಾಯಿನ ಹಂಪನಕಟ್ಟೆದ ಮುಖ್ಯ ರಸ್ತೆ (ಡಾ.ಶಿವರಾಮ ಕಾರಂತ ರಸ್ತೆ) ಪುರಭವನ- ನೆಹರೂ ಮೈದಾನದ ಆರ್.ಟಿ.ಒ ಕಚೇರಿದ ಕೈತಲ್ ಎ.ಬಿ. ಶೆಟ್ಟಿ ವೃತ್ತೊಡು ಮುಗಿವುಂಡು. ಈ ವೃತ್ತೊಡು ಪಾಂಡೇಶ್ವರ, ಮಂಗಳಾದೇವಿ, ಜಿಲ್ಲಾಧಿಕಾರಿ ಕಚೇರಿ- ಪರ ಬಂದರೊಗು ಪೋಪಿನ ರಸ್ತೆಲು ಕೂಡುವಾ. ಜಿಲ್ಲಾಧಿಕಾರಿ (ಡಿಸಿ) ಕಚೇರಿದ ಎದುರುದ ಹ್ಯಾಮಿಲ್ಟನ್ ವೃತ್ತೊಡು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಎದುರು ನಗರ ಸಂಚಾರಿ ಬಸ್ಸುಲು ಉಂತುನ ರಸ್ತೆ ಬರಿತ ನಿಲ್ದಾಣ ಉಂಡು.ಮುಲ್ಪ ಪಿದಡುನ ಸಿಟಿ ಬಸ್ಸುಲು ಹಂಪನಕಟ್ಟೆದ ರಸ್ತೆಲೆನ ಮೂಲಕ ಪ್ರಯಾಣಿಕೆರೆನ್ ಬೊಡಾಯಿನ ಬೇತೆ ಬೇತೆ ಜಾಗೊಲೆಗ್ ಮುಟ್ಟಾವಾ.

ಹಂಪನಕಟ್ಟೆದ ಬಡಕಾಯಿ ದಿಕ್ಕುದ ರಸ್ತೆಲೆಡ್ ಪೋಂಡಾ ಸುರತ್ಕಲ್, ಮುಲ್ಕಿ, ಉಡುಪಿ, ಕುಂದಾಪುರ,ಗೋವಾ ಮುಂಬಾಯಿದಂಚಿ ಪ್ರಯಾಣ ಮಲ್ಪೊಲಿ. ಈಸಾನ್ಯೊದ ರಸ್ತೆಲೆಡ್ ಪೋಂಡಾ ಕುಲಶೇಖರ, ಮಿಜಾರ್, ಮೂಡಬಿದ್ರೆ ಕಾರ್ಕಳ ಪೋವೊಲಿ. ಮೂಡಾಯಿದ ಮಾರ್ಗೊಡು ಪೋಂಡಾ ಬಿ.ಸಿರೋಡ್ ಗಾದ್ ಪುತ್ತೂರು ಮಡಿಕೇರಿ ಮಾರ್ಗೊಡು ಮೈಸೂರು, ಅತ್ತಾಂಡ ಉಪ್ಪಿನಂಗಡಿ ಹಾಸನ ಮಾರ್ಗೊಡು ರಾಜಧಾನಿ ಬೆಂಗಳೂರು ಮುಟ್ಟೊಲಿ. ಬಿ.ಸಿ.ರೋಡು ಬೆಳ್ತಂಗಡಿ- ಉಜಿರೆ ಮಾರ್ಗೊಡು ಧರ್ಮಸ್ಥಳ ಬೊಕ ಚಾರ್ಮಾಡಿ-ಚಿಕಮಗಳೂರುಗುಲಾ ಪೋವೊಲಿ. ಉಪ್ಪಿನಂಗಡಿ- ಕಡಬ ಮಾರ್ಗೊಡು ಸುಬ್ರಮಣ್ಯಗು ಪೋವೊಲಿ.

ಸಮುದಾಯ ಸೌಲಭ್ಯೊಲು[ಸಂಪೊಲಿಪುಲೆ]

ಸಂಚಾರ ನಿಲ್ದಾಣ ಸೌಲಭ್ಯೊಲು[ಸಂಪೊಲಿಪುಲೆ]

  • (ಪೊಸ) ಸರ್ವೀಸ್ ಬಸ್ ನಿಲ್ದಾಣ (ಮೈದಾನ ಪ್ರದೇಶ)
  • ನಗರ ಬಸ್ ನಿಲ್ದಾಣ (ಸ್ಟೇಟ್ ಬ್ಯಾಂಕ್)
  • ಮಂಗಳೂರು ಕೇಂದ್ರ (ಸೆಂಟ್ರಲ್) ರೈಲ್ವೇ ನಿಲ್ದಾಣ
  • (ಪರ) ಬಸ್ ನಿಲ್ದಾಣ ( ಇತ್ತೆ ಬಸ್ ನಿಲ್ದಾಣವಾದ್ ಉಪಯೋಗೊಡು ಇಜ್ಜಿ

ಉದ್ಯಾನವನ[ಸಂಪೊಲಿಪುಲೆ]

  • ಟಾಗೋರ್ ಉದ್ಯಾನವನ (ಪಾರ್ಕ್)
  • ಮಹಾತ್ಮಗಾಂಧಿ ಉದ್ಯಾನವನ (ಪಾರ್ಕ್)
  • ಕಾರ್ಪೊರೇಶನ್ ಉದ್ಯಾನವನ

ಸರ್ಕಾರಿ ಕಛೇರಿಲು[ಸಂಪೊಲಿಪುಲೆ]

  • ಜಿಲ್ಲಾಧಿಕಾರಿಯೆರೆನ ಕಚೇರಿ (ಡಿಸಿ ಕಛೇರಿ)
  • ಮಿನಿ ವಿಧಾನಸೌಧ
  • ಲೋಕೋಪಯೋಗಿ ಇಲಾಖೆ ಕಛೇರಿ
  • ಕೃಷಿ ಇಲಾಖೆ ಕಛೇರಿ
  • ಪ್ರಾದೇಶಿಕ ಸಾರಿಗೆ ಇಲಾಖೆ ಕಛೇರಿ
  • ಪೋಲೀಸ್ ಅಧೀಕ್ಷಕರ (ಎಸ್.ಪಿ) ಕಛೇರಿ
  • ಪೋಲೀಸ್ ಕಮಿಶನರೆನ ಕಛೇರಿ
  • ಅಂಚೆ ಇಲಾಖೆ ಕೇಂದ್ರ ಕಛೇರಿ (ಪಾಂಡೇಶ್ವರ)
  • ದೂರ ಸಂಪರ್ಕ ಇಲಾಖೆ (ಬಿ.ಎಸ್ ಎನ್.ಎಲ್.) ಕೇಂದ್ರ ಕಛೇರಿ
  • ಅಂಚೆ ಇಲಾಖೆ ಹಂಪನಕಟ್ಟೆ ಕಛೇರಿ (ಪಂಜೆ ಮಂಗೇಶರಾಯ ರಸ್ತೆ)ಗ್ರಂಥಾಲಯ

ಗ್ರಂಥಾಲಯ[ಸಂಪೊಲಿಪುಲೆ]

ವಿದ್ಯಾ ಸಂಸ್ಥೆಲು[ಸಂಪೊಲಿಪುಲೆ]

  • ವಿಶ್ವವಿದ್ಯಾನಿಲಯ ಕಾಲೇಜು (ದುಂಬುದ ಸರ್ಕಾರಿ/ಗವರ್ಮೆಂಟ್ ಕಾಲೇಜಿ)
  • ಸಂತ ಎಲೋಶಿಯಸ್ ಕಾಲೇಜಿ
  • ಮಿಲಾಗ್ರೀಸ್ ಕಾಲೇಜಿ
  • ಕಸ್ತೂರ್‍ಬಾ ಮೆಡಿಕಲ್ ಕಾಲೇಜಿ
  • ಗಣಪತಿ ಹೈಸ್ಕೂಲ್ /ಕಾಲೇಜಿ

ಆಸ್ಪತ್ರೆಲು[ಸಂಪೊಲಿಪುಲೆ]

  • ಸರ್ಕಾರಿ ವೆನ್ಲಾಕ್ ಆಸ್ಪತ್ರೆ
  • ಲೇಡಿ ಗೋಷನ್ ಆಸ್ಪತ್ರೆ
  • ಕೆ.ಎಂ.ಸಿ.(ಕಸ್ತೂರ್‍'ಬಾ) ಆಸ್ಪತ್ರೆ
  • ಅಥೆನಾ ಆಸ್ಪತ್ರೆ

ಸಭಾಭವನೊಲು[ಸಂಪೊಲಿಪುಲೆ]

  • ಪುರಭವನ (ಟೌನ್ ಹಾಲ್)
  • ರವೀಂದ್ರ ಸಭಾಭವನ (ವಿಶ್ವವಿದ್ಯಾನಿಲಯ ಕಾಲೇಜಿ)
  • ಮಿಲಾಗ್ರೀಸ್ ಸಭಾಭವನ
  • ಡಾನ್ ಬೋಸ್ಕೊ ಹಾಲ್

ಬ್ಯಾಂಕುಲು[ಸಂಪೊಲಿಪುಲೆ]

ಸಹಕಾರ ಸಂಘಗಳು[ಸಂಪೊಲಿಪುಲೆ]

+ ಶ್ರೀ ರಾಮಕೃಷ್ಣ ಸೊಸೈಟಿ.ಬಂಟ್ಸ ಹಾಸ್ಟೆಲ್.ಮಂಗಳೂರು

ವಾಣಿಜ್ಯ ಕೇಂದ್ರೊಲು[ಸಂಪೊಲಿಪುಲೆ]

  • ಸೆಂಟ್ರಲ್ ಮಾರ್ಕೆಟ್ (ಕೇಂದ್ರ ಮಾರುಕಟ್ಟೆ)
  • ಮೀನ್ದ ಮಾರ್ಕೆಟ್ (ಸ್ಟೇಟ್ ಬ್ಯಾಂಕ್)
  • ಮೀನ್ದ ಮಾರ್ಕೆಟ್ (ಪರ ಬಂದರ್- ಧಕ್ಕೆ)

ಮಾಲುಲು[ಸಂಪೊಲಿಪುಲೆ]

  • ಸಿಟಿ ಸೆಂಟರ್ ಮಾಲ್ (ಸಿನೆಮಾ ಸಹಿತ)
  • ಪೋರಂ ಫಿಝಾ ಮಾಲ್ (ಸಿನೆಮಾ ಸಹಿತ)
  • ಮಿಶ್ಚಿಫ್ ಮಾಲ್

ಸಿನೆಮಾ ಥಿಯೇಟರುಲು[ಸಂಪೊಲಿಪುಲೆ]

  • ಜ್ಯೋತಿ
  • ಸೆಂಟ್ರಲ್
  • ರೂಪವಾಣಿ
  • ರಾಮಕಾಂತಿ
  • ಸುಚಿತ್ರ
  • ಪ್ರಭಾತ್

ಧಾರ್ಮಿಕ-ಪೂಜಾ ಕೇಂದ್ರೊಲು[ಸಂಪೊಲಿಪುಲೆ]

ದೇವಸ್ಥಾನಲು[ಸಂಪೊಲಿಪುಲೆ]

  • ಶರವು ಗಣಪತಿ ದೇವಸ್ಥಾನ
  • ವೆಂಕಟರಮಣ ದೇವಸ್ಥಾನ
  • ಮಹಾಲಿಂಗೇಶ್ವರ ದೇವಸ್ಥಾನ (ಪಾಂಡೇಶ್ವರ)
  • ಮಂಗಳಾದೇವಿ ದೇವಸ್ಥಾನ (ಪಾಂಡೇಶ್ವರ)

ಇಗರ್ಜಿಲು[ಸಂಪೊಲಿಪುಲೆ]

ಮಸೀದಿ,ದರ್ಗಾಲು[ಸಂಪೊಲಿಪುಲೆ]

ಉಂದೆನ್ಲಾ ತೂಲೆ[ಸಂಪೊಲಿಪುಲೆ]

ಉಲ್ಲೇಕೊಲು[ಸಂಪೊಲಿಪುಲೆ]

https://www.zomato.com/mangalore/hampankatta-restaurants https://www.yatra.com/hotels/hotels-at-hampankatta-in-mangalore