ಕಾರುಂಗಿಲ
.jpg)
ಕಾರುಂಗಿಲ ಅತ್ತ್ಂಡ ಕಾರ್‌ಉಂಗಿಲ ಪನ್ಪುನ ಪದ್ದೋಯಿ. ಮದಿಮೆ ಆಯಿನ ಪೂರ ಪೊಂಜೊವುಲೆನ ಕಾರ್‌ಡ್ ತೋಜ್‌ದ್ ಬರ್‌‌ಪುನ ವಸ್ತ್. ಕಾರುಂಗಿಲನ್ ಬೇತೆ ಬೇತೆ ಬಗೆತ ಲೋಹ ಬೊಕ್ಕ ಅಲೋಹಡ್ ಮಲ್ಪುವೆರ್. ಕಾರುಂಗಿಲನ್ ಒವ್ವೆ ಬಿರೆಲ್‌ಗ್‌ಲಾ ಪಾಡೊಲಿ, ಆಂಡ ಸಾಮಾನ್ಯವಾದ್ ನೇನ್ ಕಾರ್ದ ರಡ್ದನೆ ಬಿರೆಲ್‌ಗ್ ಪಾಡುವೆರ್. ಈ ಬಿರೆಲ್‌ಗೆ ದಾಯೆ ಪಾಡುವೆರ್ ಪಂಡ ಉಂದು ಪೂರೆಡ್ದ್‌ಲಾ ಉದ್ದ ಬಿರೆಲ್ ಬೊಕ್ಕ ಈ ಬಿರೆಲ್ ಬಾಕಿದ ಬಿರೆಲ್ ಲೆಕ ಅಂಟ್‌ದ್ ಉಪ್ಪುಜಿ.[೧]
ಚರಿತ್ರೆತ ಕತೆ
[ಸಂಪೊಲಿಪುಲೆ]ದುಂಬುದ ನಂಬೊಲಿಗೆದ ಪ್ರಕಾರ ರಾಮಾಯಣ ಕಾಲೊಡು ಸೀತಾದೇವಿ‌ನ ಅಪಹರನ ಆನಗ ಸೀತೆ ತನ್ನ ಕಾರುಂಗಿಲನ್ ನೆಲಕ್ ದಕ್ಕುವಲ್ ದಾಯೆ ಪಂಡ ಅಲೆನ ಕಾರುಂಗಿಲದ ಮೂಲಕ ಗುರ್ತ ಪತ್‌ದ್ ತನ್ನ ಕಂಡನಿ ತನನ್ ಲೆತೊಂದು ಪೋವೆ ಪಂದ್. ಕಾರುಂಗಿಲ ಬೊಲ್ಲಿದ ಉಂಡು, ಜಾಸ್ತಿಯಾದ್ ಪೊಂಜೊವುಲ್ ಉಂದೆನ್ ಪಾಡುವೆರ್. ಬಂಗಾರ್ದ ಕಾರುಂಗಿಲನ್ ಆತ್ ಪಾಡುಜೆರ್ ದಾಯೆ ಪಂದ ಅವು ಲಕ್ಶ್ಮೀ ದೇವೆರೆನ ಪ್ರತೀಕ ಪಂದ್.[೨]
ಆನುಲೆನ ಕಾರುಂಗಿಲ
[ಸಂಪೊಲಿಪುಲೆ]ದುಂಬುದ ಕಾಲೊಡು ಆನುಲೆಗ್ಲಾ ಕಾರುಂಗಿಲ ಇತ್ತ್ಂಡ್. ತಮಿಳ್‌ನಾಡ್ ದಂಚಿ ಪೊಂಜೋವುನಕುಲು ಅಕ್ಲೆನ ಕಂಡನಿಗ್ ಮೋನೆ ಕೊರ್ದು ಪಾತೆರೆರೆ ಇಜ್ಜಾಂಡ್. ಇಂಚ ಉಪ್ಪುನಗ ಬುಡೆದಿ ತನ್ನ ಕಂಡ್ಯನಿನ ಕಾರುಂಗಿಲನ್ ತೂದು ತನ್ನ ಕಂಡನಿಯನ್ ಗುರ್ತ ಪತೊಂದು ಇತ್ತಲ್. ಆಂಡ ಇತ್ತೆದ ಕಾಲೊಡು ಆನುಲು ಕಾರುಂಗಿಲ ಪಾಡುನ ಸರ್ವೆ ಸಾಮಾನ್ಯ ಅತ್ಂಡ್.[೩]
ಕಾರುಂಗಿಲದ ಅನುಕೂಲ
[ಸಂಪೊಲಿಪುಲೆ]ಕಾರುಂಗಿಲ ಪಾಡುನೆರ್ದ್ ಅವು ಯೆತೋ ಅನುಕೂಲ ಉಂಡು. ನಮ್ಮ ಕಾರ್ದ ರಡ್ಡನೆ ಬಿರೆಲ್‌ದ ನರ ಗರ್ಭಕೋಶಗ್ ಹೊಂದಿಕೆ ಆದ್ ಉಪ್ಪುಂಡು. ಅಂಚ್ಚಾದ್ ಉಪ್ಪುನಗ ಕಾರ್ದ ರಡ್ಡನೆ ಬಿರೆಲ್‌ಗ್ ಕಾರುಂಗಿಲ ಪಾಡುನೆರ್ದ್ ಪೊನ್ನುಲೆನ ಗರ್ಭಕೋಶ ಯೆಡ್ಡೆ ಸ್ಥಿತಿ‌ಟ್ ಉಪ್ಪುಂಡು.[೪]
ಕಾರುಂಗಿಲನ್ ಪಾಡುನ ನಂಬೊಲಿಕೆಲು
[ಸಂಪೊಲಿಪುಲೆ]ಪೊಣ್ಣುಜೋಕುಲು ಕಾರುಂಗಿಲನ್ ಸಾಮಾಜಿಕ ಬೊಕ್ಕ ಧಾರ್ಮಿಕವಾಯಿನ ಕೆಲವು ನಂಬೊಲಿಕೆಗ್ ಪಾಡುವೆರ್. ಒಂಜಿ ಬಿರೆಲ್‌ದ ಕಾರುಂಗಿಲ ಇಜ್ಜಾಂದೆ ಮುತ್ತೈದೆ ಪೊಂಜೊವ್‌ಲು ತಡ್ಯ ಕಡಪೆರೆ ಬಲ್ಲಿ ಪನ್ಪುನಲ ನಂಬೊಲಿಕೆ ಉಂಡು. ಮದಿಮಲೆಗ್ ಮೈತಿದಿ ಆಪಿನಾಲೇ ಕಾರುಂಗಿಲ ದಿಬ್ಬಣ ಪಿದಡೆರೆ ಆನಾಗ ತುಳಸೀಕಟ್ಟೆದ ಎದುರು ಕಾರ್ದ ರಡ್ಡನೇ ಬಿರೆಲ್‌ಗ್ ಪಾಡೊಡು ಪನ್ಪಿನ ನಂಬೊಲಿಕೆ. ಮದಿಮಲೆಗ್ ಪಾಡುನ ಕಾರುಂಗಿಲ ಮುಗ್‌ಳಿ ಸಂಖ್ಯೆಡ್ ಐನ್ ಇಜ್ಜಾಂಡ ಏಳ್ ಸುತ್ತುಡು ಉಪ್ಪೊಡು. ಮದಿಮಯಗ್ ಸಂಬಂದೊಡು ಭಾವ ಆಪುನಯೇನೇ ಒಂಜಿ ಸುತ್ತುದ ಕಾರುಂಗಿಲ ದಿಬ್ಬಣ ಪಿದಡ್‌ನಾಗ ತುಳಸೀಕಟ್ಟೆದ ಎದುರುಡೇ ಪಾಡೊಡು ಪನ್ಪುನ ನಂಬೊಲಿಕೆ ಉಂಡು.[೫]
ಕಾರುಂಗಿಲದ ಬೇತೆ ಬೇತೆ ಪುದರ್
[ಸಂಪೊಲಿಪುಲೆ]- ಹಿಂದಿ ಬಾಸೆಡ್ ಬಿಚಿಯಾ[೬]
- ಮಲಯಾಳಿ ಬಾಸೆಡ್ ಮಿಂಜಿ
- ಮರಾಟಿ ಬಾಸೆಡ್ ಜೊಡವಿ
- ತೆಲುಗು ಬಾಸೆಡ್ ಮೆಟ್ಟೆಲು
- ಬೆಂಗಾಳಿ ಬಾಸೆಡ್ ಅನ್ಗೊಟ್
- ತಮಿಳ್ ಬಾಸೆಡ್ ಮೆಟ್ಟಿ
- ಕನ್ನಡ ಬಾಸೆಡ್ ಕಾಲುಂಗುರ[೭]
- ಇಂಗ್ಲಿಸ್ ಬಾಸೆಡ್ ಟೋ ರಿಂಗ್
ಕಾರುಂಗಿಲ ಪಾಡುನ ಕ್ರಮ
[ಸಂಪೊಲಿಪುಲೆ]ಕಾರುಂಗಿಲನ್ ಪೊನ್ನ ಕೋಡಿಡ್ ಡಿಬ್ಬನ ಪಿದಡುನೆರ್ದ್ ದುಂಬು ಪಾಡುವೆರ್. ಮದಿಮಲೆನ್ ತುಳಸಿ ಕಟ್ಟೆದ ಎದುರು ಕುಲ್ಲಾದ್ ಸಂಬಂದೊಡು ಮೈತಿದಿ ಬೂರುನಾಲ್ ಮದಿಮಲೆಗ್ ಕಾರುಂಗಿಲನ್ ಪಾಡುವಲ್. ಅವ್ವೆ ಆನ ಕೋಡಿಡ್ ಮದಿಮೆದ ಮಂಟಪೊಡು ಮದಿಮಾಯೆಗ್ ಪೊನ್ನ ಕೋಡಿರ್ದ್ ಯೇರ್ ಆಯೆಗ್ ಬಾವೆ ಬೂರುವೆನ ಆಯೆ ಕಾರುಂಗಿಲ ಪಾಡುವೆ. ಕೆಲವು ಕಡೆಟ್ ಮದಿಮಾಯೆ ಮದಿಮಲೆಗ್ ಕಾರುಂಗಿಲನ್ ಪಾಡುನ ಕ್ರಮ ಉಂಡು.[೮]
ಕಾರುಂಗಿಲ ಬಗೆಟ್ ವೈಜ್ಞಾನಿಕ ಲಾಬೊಲು
[ಸಂಪೊಲಿಪುಲೆ]ಭಾರತೊಡ್ ಪೊಂಜೊವುಲು ಕಾರುಂಗಿಲ ಪಾಡ್ಂಡ ಅಕುಲೆನ್ ಮದಿಮೆ ಆತಿನಕುಲು ಪಂಡ್‍ದ್ ಗುರುತಿಸಾವೆರ್. ಮಸ್ತ್ ಭಾರತೀಯ ಪೊಂಜೊವುಲು, ಮದಿಮೆರ್ದ್ ಬುಕ್ಕ ಕಾರುಂಗಿಲೊನು ಪಾಡುವೆರ್. ಕಾರುಂಗಿಲ ಪಾಡುನೈಕ್ಕ್ ವೈಜ್ಞಾನಿಕ ಕಾರಣೊಲಾ ಉಂಡು. ಭಾರತೀಯ ವೇದಶಾಸ್ತ್ರೊಲೆನ ಪ್ರಕಾರೊಡ್, ರಡ್ಡ್ ಕಾರ್ಗ್ಲಾ ಕಾರುಂಗಿಲ ಪಾಡುನೈರ್ದಾವರ, ಪೊಂಜೊವುಲೆನ ಋತುಚಕ್ರ ಸರಿಯಾದ್ ನಡಪುಂಡು ಪನ್ಪೆರ್. ಅವ್ ಅತ್ತಂದೇ, ಒಂಜಿ ನರ ಕಾರ್ ದ ರಡ್ಡನೇ ಬಿರೆಲ್‍ರ್ದ್ ಗರ್ಬೊಗ್ ಸಂಪರ್ಕ ಇತ್‍ದ್, ಅವು ತಿಗಲೆದ ಮೂಲಕ ಪೋಪುಂಡು. ಅವೆಕ್ಕಾತ್ರನೇ ಕಾರುಂಗಿಲೊಲೆನ್ ಬಲತ್ತ ಬುಕ್ಕ ಎಡತ್ತ ಕಾರ್ದ ರಡ್ಡನೇ ಬಿರೆಲೆಗ್ ಕಾರುಂಗಿಲೊನು ಪಾಡುವೆರ್.[೯]
ಪಟಕುಲು
[ಸಂಪೊಲಿಪುಲೆ]-
೧೧ ಸುತ್ತುದ ಕಾರುಂಗಿಲ -
೧೩ ಸುತ್ತುದ ಕಾರುಂಗಿಲ -
೭ ಸುತ್ತುದ ಕಾರುಂಗಿಲ -
೯ ಸುತ್ತುದ ಕಾರುಂಗಿಲ -
೫ ಸುತ್ತುದ ಕಾರುಂಗಿಲ
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "History and Health Significance of Indian Toe Rings: From Ancient Vedi – Aferando". aferando.com. 26 January 2023. Retrieved 15 August 2024.
- ↑ https://timesofindia.indiatimes.com/life-style/health-fitness/health-news/the-scientific-reason-why-some-married-women-in-india-wear-toe-rings/articleshow/68850886.cms
- ↑ "ಕಾರುಂಗಿಲ". July 4, 2013. Retrieved December 21, 2015.
- ↑ "Significance of Marriage Traditional Toe Rings: A Complete Guide". MCJ Jewels (in ಇಂಗ್ಲಿಷ್). 4 March 2023. Retrieved 15 August 2024.
- ↑ "Reasons why Indian women wear silver toe rings and benefits as per vedas". India Today (in ಇಂಗ್ಲಿಷ್). 22 March 2022. Retrieved 15 August 2024.
- ↑ "ಕಾರುಂಗಿಲ". Retrieved 15 August 2024.
- ↑ "Toe Ring: ಕಾಲುಂಗುರ ಧರಿಸಿದ ಮಹಿಳೆಯರೇ.. ನೀವು ಈ ತಪ್ಪುಗಳನ್ನು ಮಾಡಲೇಬಾರದು..!". Vijay Karnataka (in ಕನ್ನಡ). Retrieved 15 August 2024.
- ↑ https://detechter.com/the-benefits-of-wearing-silver-toe-ring-according-to-vedas/
- ↑ "ಕಾಲುಂಗುರ - ಮಹತ್ವ ಮತ್ತು ಲಾಭನ". Dharma Granth. Retrieved 15 August 2024.