ವೇದ
| ವೇದ | |
|---|---|
 ನಾಲ್ ವೇದೊಲು | |
| Information | |
| ದರ್ಮೊ | ಹಿಂದೂ ಧರ್ಮ |
| ಬಾಸೆ | ವೈದಿಕ ಸಂಸ್ಕೃತ |
| Period | c. 1500–1200 BCE (ಋಗ್ವೇದ), |
| Verses | ೨೦,೩೭೯ ಮಂತ್ರಗಳು[೧] |
ವೇದೊಲು ಪಿರಾಕಿದ ಭಾರತೊದ ಸಾಹಿತ್ಯೊ. ಇಂದೆನ್ ಸಂಸ್ಕೃತ ಬಾಸೆಡ್ ಬರೆತೆರ್, ಹಿಂದೂ ದರ್ಮೊದ ದಿಂಜ ಪಿರಾಕ್‌ದ ದರ್ಮೊ ಗ್ರಂತೊಲಾತೊ.[೨][೩] ವೇದೊಲು ಅಪೌರುಷೇಯವಾತ್ಂಡ್.[೪] ಪಂಡ ಇಂದೆನ್ ನರಮಾನಿ ತಯಾರ್ ಮಲ್ತ್‌ನೆ ಅತ್ತ್ಂದ್ ಪನ್ಪೆರ್.[೫][೬][೭]
ವೇದೊಲೆಡ್ ನಾಲ್ ಪ್ರಕಾರೊಲು ಉಂಡು. ಅವು;
ಪ್ರತಿ ವೇದೊ ನಾಲ್ ಉಪವಿಬಾಗೊಲೆನ್ ಹೊಂದ್ಂಡ್.
- ಸಂಹಿತೆಲು (ಮಂತ್ರೊಲು ಬುಕ್ಕೊ ಆಶೀರ್ವಾದೊಲು)
- ಅರಣ್ಯಕೊಲು (ಆಚರಣೆಲು, ಸಮಾರಂಬೊಲು, ಯಜ್ಞೊಲು ಬುಕ್ಕೊ ಸಾಂಕೇತಿಕ-ಯಜ್ಞೊಲೆ ಪಟ್ಯೊ)
- ಬ್ರಾಹ್ಮಣೊಲು (ಆಚರಣೆಲು, ಸಮಾರಂಬೊಲು ಬುಕ್ಕೊ ಯಜ್ಞೊಲೆ ವ್ಯಾಕ್ಯಾನೊಲು)
- ಉಪನಿಷತ್ತುಲು (ದ್ಯಾನೊನು ಚರ್ಚಿಸವುನ ಪಟ್ಯೊಲು, ತತ್ವಶಾಸ್ತ್ರ ಬುಕ್ಕೊ ಆದ್ಯಾತ್ಮಿಕೊ ಗೇನೊ).[೧೦][೧೧][೧೨]
ಕೆಲವೆರ್ ವಿದ್ವಾಂಸೆರ್ ಐನನೇ ವರ್ಗೊನ್ ಸೇರಾವೆರ್ - ಉಪಾಸನೆಲು (ಪೂಜೆ). ಉಪನಿಷತ್ತ್‌ಲೆ ಬೂಕುಲು ಬಿನ್ನೊ ಲಿಂಗೀಯ ಶ್ರಮಣ-ಸಂಪ್ರದಾಯೊಲೆಗ್ ಹೋಲುನ ವಿಚಾರೊಲೆನ್ ಚರ್ಚಿಸಬೊ.
ವೇದೊದ ಎಚ್ಚದ ವಿವರೊ
[ಸಂಪೊಲಿಪುಲೆ]ಪ್ರಸ್ತಾವನೆ
ಮಿತ್ತ್ ತೆರಿಪಾಯಿನಂಚ ವೇದೊಲು ನಾಲ್. ಋಕ್, ಯಜುಸ್, ಸಾಮ, ಅಥರ್ವ. ವೇದೊ ಪಂಡ ಗೇನೊ-ತಿಳುವಳಿಕೆಂದ್ ಅರ್ತೊ. ಋಗ್ವೇದೊ ಜಗತ್ತ್‌ಡೇ ದಿಂಜ ಪಿರಾಕ್‌ದ ವಾಙ್ಮಯೊ(ಸಾಹಿತ್ಯ) ಪುದರ್ ಪಡೆತ್ಂಡ್. ಋಕ್, ಯಜುಸ್, ಸಾಮವೇದ ಉಂದು ಮೂಜಿ ವೇದೊಲೆಗ್ ತ್ರಯೀಂದ್ ಪುದರ್. ಋಗ್ವೇದೊಡು ದೇವತೆಲೆ ಸ್ತುತಿಗೆ ಪಂಡ ಋಕ್‌ಲೆಗ್ ಪ್ರಾದಾನ್ಯೊ ಉಂಡು. ಯಜುರ್ವೇದೊಡು ಯಜ್ಞೊಗು ಸಮ್ಮೊಂದ ಪಟ್ಟ್‌ನ ಮಂತ್ರೊಲು ಉಲ್ಲೊ. ಅಯಿಟ್ ದಿಂಜ ಋಗ್ವೇದ ಮಂತ್ರೊಲೇ ಉಂಡು. ಸಾಮವೇದ ಮಂತ್ರೊಲು ಗಾನೊಗು - ಯಜ್ಞೊಡು ಅತ್ತಂಡ ದೇವತೆಲೆ ಪ್ರೀತಿಗಾದ್ ಪದ್ಯೊ ಪನ್ಪುನವು. ಅಥರ್ವೊಡು ಯಜ್ಞೊ, ಮರ್ದ್, ಮಾಟೊ ಇಂದೆಕ್ಕ್ ಸಮ್ಮಂದೊ ಪಟ್ಟ್‌ಣ ಮಂತ್ರೊಲುಲ್ಲೊ. ವೇದ ಸಂಹಿತೆನ್ ಅಷ್ಟಕೊ, ಅದ್ಯಾಯೊ, ವರ್ಗೊಂದ್ ವಿಬಾಗಿಸದೆರ್. ನಾನೊಂಜಿ ಬಗೆತ ವಿಬಾಗೊ, ಮಂಡಲೊ, ಅನುವಾಕೊ, ಸೂಕ್ತೊ, ಮಂತ್ರೊ - ಈ ರಡ್ಡನೆದ ಬಗೆತ ವಿಬಾಗೊಗು ಎಚ್ಚ ಪ್ರಚಲಿತವಾದುಂಡು. ಅನವಾಕೊಲ್ ೮೫, ಅನುವಾಮದೊ ಸೂಕ್ತೊಲು ೧೦೨೮, ಅಯಿಟ್ ಮಂತ್ರೊಲು ೧೦೫೫೦. ಯಜ್ಞೊಡು ಋಗ್ವೇದೊ ಹೋತೃಗ್ ಸಮ್ಮಂದಿಸದ್ಂಡ್, ಯಜುರ್ವೇದೊ -ಅಧ್ವರ್ಯುಗ್, ಸಾಮವೇದೊ ಉದ್ಗಾತೃಗ್ ಸಮ್ಮಂದಿಸದೊ. ಯಜ್ಞೊಡು ಬ್ರಹ್ಮ ಸಾನೊಡಿಪ್ಪುನಾಯಗ್ ಅಥರ್ವವೇದೊ; ಆಯೆ ಮಾತೆರ್‌ನ ಮೇಲ್ವಿಚಾರಕೆ.
ಸಾಕೆಲು
[ಸಂಪೊಲಿಪುಲೆ]ವೇದೊಲೆಡ್ ಪಿರವುಡ್ದೆ ದಿಂಜ ಸಾಕೆಲಿತ್ತೊ. ಇತ್ತೆ ೧೦-೧೨ ಸಾಕೆಲುಲ್ಲೊ. ಪ್ರತಿಯೊಂಜಿ ವೇದೊಗ್‌ಲಾ ನಾಲ್ ಸ್ಕಂದೊ(ಬಾಗ) ಉಂಡು. ಸಂಹಿತೆ, ಬ್ರಾಹ್ಮಣ, ಆರಣ್ಯಕ, ಉಪನಿಷತ್ತು. ಸಂಹಿತೆಲು ಮಂತ್ರೊ ಬಾಗೊ ಬ್ರಾಹ್ಮಣೊಲು ಯಜ್ಞೊ ಕ್ರಮನು ಪನ್ಪುನವು, ಆರಣ್ಯಕಲೊಡ್ ಯಾಗ ವಿದಾನೊ, ಅಧ್ಯಾತ್ಮಿಕ ವಿಚಾರೊ, ಉಪನಿಷತ್ (ಬ್ರಹ್ಮ -ಮೂಲ ಚೈತನ್ಯ ವಿಚಾರೊ) ಚರ್ಚೆಗ್ ಮುಕ್ಯವಾದುಂಡು. ಮಂತ್ರೊಲು ಪಿರಾಕ್‌ದವು, ಉಪನಿಷತ್ ದಿಂಜ ಬುಕ್ಕೊದವು, ವೇದೊದ ಸುರುತ ಮೂಜಿ ಬಾಗೊಲೆಗ್ ಕರ್ಮಕಾಂಡೊಂದ್, ಉಪನಿಷತ್ತಿಗ್ ಗೇನೊದ ಕಾಂಡೊಂದ್ ಪುದರುಂಡು. ವೇದೊಲೆನ್ ಅಪೌರುಷೇಯಾಂದ್ ಪನ್ಪೆರ್. ಪಂಡ "ಮಾನ್ಯಡ್ದ್ ರಚನೆ ಆಯಿನವತ್ತ್ ದೇವೆರೆಡ್ದ್ ಬತ್ತಿನವು" ರುಸಿಕ್ಲೆ ಮನಸ್ಸ್‌ಗ್ ತನ್ನಾತೆಗೆ ಗೋಚರಿಸಾಯಿನವು. ಅವು ಬಾಯಿಡ್ದ್ ಬಾಯಿಗ್ ಬತ್ತಿನೆಡ್ದಾರೊ ಶ್ರುತಿ (ಕೇಂಡಿನ) ಪನ್ಪುನ ಪುದರುಂಡು.
ವೈದಿಕ ದೇವತೆಲೆಡ್ ಪ್ರಮುಕೆರ್: ಇಂದ್ರೆ, ಅಗ್ನಿ, ವರುಣೆ, ವಾಯು, ಯಮೆ, ವಿಷ್ಣು, ಮಿತ್ರೆ, ರುದ್ರೆ, ಬ್ರಹಸ್ಪತಿ, ಸರಸ್ವತಿ, ಪೃಥ್ವೀ, ರಾತ್ರೀ, ವಾಕ್, ಇಳಾ, ಸಂಧ್ಯಾ ಇಂಚಿತ್ತಿ ದೇವತೆಲುಲ್ಲೆರ್. ಆದಿತ್ಯೆರ್ ೧೨, ರುದ್ರೆರ್ ೧೧, ಮಾರುತೊಲು ಇಂಚ ದೇವತೆಲೆ ಗುಂಪುಲು ಉಲ್ಲೊ. ವಿಶ್ವೇದೇವತೆಲು ಪಂಡ ಮಾತ ದೇವತೆಲೆಗ್ ಸೇರ್ನ ಗುಂಪು.
ದೇವತೆಲೆ ವಿಬಾಗೊಲು
[ಸಂಪೊಲಿಪುಲೆ]ದೇವತೆಲೆಡ್ ಮೂಜಿ ಬಾಗೊಲು :
- ಪೃಥ್ವಿ ಸಾನೊಡಿಪ್ಪುನಕುಲು: ಅಗ್ನಿ, ಪೃಥ್ವೀ, ಸೋಮ, ನದಿ, ಬೃಹಸ್ಪತಿ ಇಂಚ.
- ಅಂತರಿಕ್ಷ ಸಾನೊದಕುಲು: ವಾಯು, ಇಂದ್ರ, ರುದ್ರ, ಮಾರುತ, ಆಪ, ಇಂಚ.
- ದ್ಯುಸಾನೊದಕುಲು: ವರುಣ, ಮಿತ್ರ, ಸೂರ್ಯ, ಸವಿತಾ, ರಾತ್ರಿ, ಅದಿತಿ, ವಿಷ್ಣು ಇಂಚ.
- ಒಟುಗು - ಮೂಪ್ಪತ್ತಮೂಜಿ (೧೧×೩=೩೩) ದೇವತೆಲು. ಮೆಕ್ಲೆ ಮುಪ್ಪತ್ತಮೂಜಿ ಕೋಟಿಂದ್ ಲೆಕ್ಕೊ ದೀಡೊಂದೆರ್. ಅನೇಕೊ ದೇವತೆಲೆತ್ತ್ಂಡಲಾ ಕೆಲವು ಕಡೆಟ್ ದೇವೆರೊರಿಯೇ ಪನ್ಪುನ ಇಚಾರೊಲಾ ಉಂಡು. ಏಕಂ ಸತ್ ವಿಪ್ರಾಃ ಬಹುದಾ ವದಂತಿ;
- ಋಗ್ವೇದೊಡು - ಸೈತಿನಕುಲು ಪಿತೃಲೋಕಗ್ ಪೋದ್ ಅಲ್ಲಿಪ್ಪುನ - ಅಲ್ಪ ವಾಸೊ ಮಲ್ಪುನ ಕಲ್ಪನೆ ಇತ್ತಿನಂಚ ತೋಜುಂಡು. ಪುನರ್ಜನ್ಮೊ ಬುಕ್ಕೊದ ಕಲ್ಪನೆ ಪನ್ಪುನ ಅಬಿಪ್ರಾಯೊ ಉಂಡು. ಅಂಚಾದ್ ದೇವತೆಲತ್ತಂದೆ ಪಿತೃಲೆಡ್‌ಲಾ ಒಂಜಿ ಗುಂಪು ಉಂಡು. ಸುರುಕ್ಕಾದ್ ಪುರುಷಸೂಕ್ತೊ ಪ್ರಪಂಚೊದ ವಿಕಾಸೊಗು ಪುರುಷನೇ (ಬ್ರಹ್ಮ-ಮೂಲ ಚೈತನ್ಯೊ) ಕಾರಣೊಂದು ಪನ್ಪುಂಡು.
- ವೇದೊಲು ದಿಂಜ ಪಿರಾಕ್‌ದವು(೫೦೦೦ ವರ್ಸೊಡ್ದ್ ಪಿರವುದವು), ಅಯಿತ ಸುದ್ದೊ ರೂಪೊನು ಒಂತೆಲಾ ಒರಿತೊಂದು ಬತ್ತ್‌ದ್ ಮಾನ್ಯನ ಇತಿಯಾಸೊಗು ಒಂಜಿ ಅಪೂರ್ವೊ ದಾಕಲೆಯಾದುಂಡು. ಅಯಿನ್ ಯತಾ ರೂಪೊಡು ಒರಿತೊಂದು ಕೊಂಡು ಬರಿಯರ ಜಟೆ, ಘನ, ಕ್ರಮ ಇಂಚ ಪನ್ಪುನ ಒಂಜಿ ವಿಸಿಸ್ಟೊ ಪದ್ದೆತಿ ಕಾರಣೊ ಆತ್ಂಡ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Construction of the Vedas". VedicGranth.Org. Archived from the original on 2021-07-17. Retrieved 2021-02-21.
- ↑ see e.g. Radhakrishnan & Moore 1957, p. 3; Witzel, Michael, "Vedas and Upaniṣads", in: Flood 2003, p. 68; MacDonell 2004, pp. 29–39; Sanskrit literature (2003) in Philip's Encyclopedia.
- ↑ Sanujit Ghose (2011).
- ↑ Vaman Shivaram Apte, The Practical Sanskrit-English Dictionary, see apauruSeya
- ↑ D Sharma, Classical Indian Philosophy: A Reader, Columbia University Press, ISBN , pages 196-197
- ↑ Jan Westerhoff (2009), Nagarjuna's Madhyamaka: A Philosophical Introduction, Oxford University Press, ISBN 978-0195384963, page 290
- ↑ Warren Lee Todd (2013), The Ethics of Śaṅkara and Śāntideva: A Selfless Response to an Illusory World, ISBN 978-1409466819, page 128
- ↑ Gavin Flood (1996), An Introduction to Hinduism, Cambridge University Press, ISBN 978-0-521-43878-0, pp. 35–39
- ↑ Bloomfield, M. The Atharvaveda and the Gopatha-Brahmana, (Grundriss der Indo-Arischen Philologie und Altertumskunde II.1.b.) Strassburg 1899; Gonda, J. A history of Indian literature: I.1 Vedic literature (Samhitas and Brahmanas); I.2 The Ritual Sutras.
- ↑ Gavin Flood (1996), An Introduction to Hinduism, Cambridge University Press, ISBN 978-0-521-43878-0, pp. 35–39
- ↑ A Bhattacharya (2006), Hindu Dharma: Introduction to Scriptures and Theology, ISBN 978-0-595-38455-6, pp. 8–14; George M. Williams (2003), Handbook of Hindu Mythology, Oxford University Press, ISBN 978-0-19-533261-2, p. 285
- ↑ Jan Gonda (1975), Vedic Literature: (Saṃhitās and Brāhmaṇas), Otto Harrassowitz Verlag, ISBN 978-3-447-01603-2
ಎಚ್ಚದ ವಿವರೊಗು ತೂಲೆ
[ಸಂಪೊಲಿಪುಲೆ]- ಋಗ್ವೇದ- ಯಜುರ್ವೇದ- ಸಾಮವೇದ- ಅಥರ್ವಣವೇದ- ಆಯುರ್ವೇದ ಉಪವೇದ
- ಐತಿಹಾಸಿಕ ವೈದಿಕ ಧರ್ಮಚಾರ್ವಾಕ ದರ್ಶನ; ಜೈನ ಧರ್ಮ - ಜೈನ ದರ್ಶನ ; ಬೌದ್ಧ ಧರ್ಮ ; ಸಾಂಖ್ಯ-ಸಾಂಖ್ಯ ದರ್ಶನ ; (ಯೋಗ)->ರಾಜಯೋಗ ; ನ್ಯಾಯ ದರ್ಶನ ; ವೈಶೇಷಿಕ ದರ್ಶನ;; ಮೀಮಾಂಸ ದರ್ಶನ - ; ವೇದಾಂತ ದರ್ಶನ / ಉತ್ತರ ಮೀಮಾಂಸಾ ; ಅದ್ವೈತ ; ಆದಿ ಶಂಕರರು ಮತ್ತು ಅದ್ವೈತ ; ವಿಶಿಷ್ಟಾದ್ವೈತ ದರ್ಶನ ; ದ್ವೈತ ದರ್ಶನ - ಮಾಧ್ವ ಸಿದ್ಧಾಂತ ; ಪಂಚ ಕೋಶ ; ಶ್ರೀಮನ್ಮಹಾಭಾರತಮ್ ಮತ್ತು ದ್ವೈತ ದರ್ಶನ ; ವೀರಶೈವ; ಬಸವಣ್ಣ; ಭಾರತೀಯ ತತ್ವಶಾಸ್ತ್ರ ಸಮೀಕ್ಷೆ; ಭಗವದ್ಗೀತಾ ತಾತ್ಪರ್ಯ ; ಕರ್ಮ ಸಿದ್ಧಾಂತ ; ವೇದ--ಗೀತೆ--ಭಾರತೀಯ ತತ್ತ್ವಶಾಸ್ತ್ರದಲ್ಲಿ ದೇವರು
ಪಿದಯಿದ ಕೊಂಡಿಲು (ಸಂಪರ್ಕೊ)
[ಸಂಪೊಲಿಪುಲೆ]- ವೇದಸುಧೆ Archived 2013-05-18 ವೇಬ್ಯಾಕ್ ಮೆಷಿನ್ ನಲ್ಲಿ.
- Veda In Hindi & Sanskrit
- GRETIL etexts
- The Vedas at sacred-texts.com
- Vedas: Rig, Sama, Yajur, and Atharva Archived 2008-05-04 ವೇಬ್ಯಾಕ್ ಮೆಷಿನ್ ನಲ್ಲಿ.
- Vedas and Upanishads Complete set Archived 2009-08-28 ವೇಬ್ಯಾಕ್ ಮೆಷಿನ್ ನಲ್ಲಿ.
- Glimpses of Vedic Literature - Kireet Joshi Archived 2014-02-21 ವೇಬ್ಯಾಕ್ ಮೆಷಿನ್ ನಲ್ಲಿ.