ವಿಶ್ವವಿದ್ಯಾಲಯ ಅನುದಾನ ಆಯೋಗ

 

ವಿಶ್ವವಿದ್ಯಾಲಯ ಅನುದಾನ ಆಯೋಗ ( UGC; ISO : Viś‍vavidyālaya Anudāna Āyōga ) ಭಾರತ ಸರ್ಕಾರದ ಶಿಕ್ಷಣ ಸಚಿವಾಲಯದ ಉನ್ನತ ಶಿಕ್ಷಣ ಇಲಾಖೆದ ಅಡಿಟ್ ಉಪ್ಪುನ ಒಂಜಿ ಶಾಸನಬದ್ಧ ಸಂಸ್ಥೆ . ಉಂದು ಯುಜಿಸಿ ಕಾಯ್ದೆ ೧೯೫೬ ದ ಪ್ರಕಾರ ಸ್ಥಾಪನೆ ಆಂಡ್ ಬೊಕ್ಕ ಭಾರತೊಡು ಉನ್ನತ ಶಿಕ್ಷಣದ ಮಾನದಂಡೊಲೆನ ಸಮನ್ವಯ, ನಿರ್ಧಾರ ಬೊಕ್ಕ ನಿರ್ವಹಣೆದ ಜವಾಬ್ದಾರಿ ಉಂಡು. ಉಂದು ಭಾರತೊಡು ವಿಶ್ವವಿದ್ಯಾಲಯೊಲೆಗ್ ಮಾನ್ಯತೆನ್ ಒದಗಾವುಂಡು, ಬೊಕ್ಕ ಅಂಚನೆ ಮಾನ್ಯತೆ ಪಡೆಯಿನ ವಿಶ್ವವಿದ್ಯಾಲಯೊಲು ಬೊಕ್ಕ ಕಾಲೇಜುಲೆಗ್ ನಿಧಿಲೆನ್ ವಿತರಣೆ ಮಲ್ಪುಂಡು. ಯುಜಿಸಿ ಕೇಂದ್ರ ಕಚೇರಿ ನ್ಯೂ ದೆಹಲಿಡ್ ಉಂಡು, ಬೊಕ್ಕ ಉಂದೆಕ್ ಪುಣೆ, ಭೋಪಾಲ್, ಕೋಲ್ಕತ್ತಾ, ಹೈದರಾಬಾದ್, ಗುವಾಹಟಿ ಬೊಕ್ಕ ಬೆಂಗಳೂರುಡ್ ಆರು ಪ್ರಾದೇಶಿಕ ಕೇಂದ್ರೊಲು ಉಂಡು. ಎಚ್ ಇ ಸಿ ಐ ಪನ್ಪಿನ ಬೇತೆ ಒಂಜಿ ಪೊಸ ನಿಯಂತ್ರಣ ಸಂಸ್ಥೆನ್ ಬದಲಾವಣೆ ಮಲ್ಪುನ ಪ್ರಸ್ತಾವೊನು ಭಾರತ ಸರ್ಕಾರ ಪರಿಗಣನೆಡ್ ಉಂಡು. ರಾಷ್ಟ್ರೀಯ ಅರ್ಹತಾ ಪರೀಕ್ಷೆಡ್ ಜೆಆರ್ಎಫ್ ಕ್ಲಿಯರ್ ಮಲ್ಪುನ ಮಾತೆರೆಗ್ಲಾ ಯುಜಿಸಿ ಡಾಕ್ಟರೇಟ್ ವಿದ್ಯಾರ್ಥಿವೇತನೊನು ಒದಗಾವುಂಡು. ಸರಾಸರಿ, ಪ್ರತಿ ವರ್ಷ ₹ 725 ಕೋಟಿ ಆಯೋಗ ಡಾಕ್ಟರಲ್ ಬೊಕ್ಕ ಪೋಸ್ಟ್-ಡಾಕ್ಟರಲ್ ಫೆಲೋಶಿಪ್ ಗ್ ಖರ್ಚು ಮಲ್ಪುಂಡು.

ಚರಿತ್ರೆ

ಅಲಿಗಢ್, ಬನಾರಸ್ ಬೊಕ್ಕ ದೆಹಲಿದ ಮೂಜಿ ಕೇಂದ್ರ ವಿಶ್ವವಿದ್ಯಾಲಯೊಲೆನ ಬೇಲೆನ್ ತೂಯೆರೆ ಯುಜಿಸಿನ್ ಸುರುಕು ೧೯೪೫ಡ್ ರಚನೆ ಮಲ್ತೆರ್. ಉಂದೆತ ಜವಾಬ್ದಾರಿನ್ 1947ಡ್ ಮಾತಾ ಭಾರತೀಯ ವಿಶ್ವವಿದ್ಯಾಲಯೊಲೆನ್ ಒಟ್ಟು ಸೇರಾದ್ ವಿಸ್ತಾರ ಮಲ್ತೆರ್.

ಆಗಸ್ಟ್ ೧೯೪೯ಡ್ ಯುನೈಟೆಡ್ ಕಿಂಗ್ ಡಮ್ ದ ವಿಶ್ವವಿದ್ಯಾಲಯ ಅನುದಾನ ಸಮಿತಿದಲೆಕನೆ ಯುಜಿಸಿನ್ ಪುನರ್ರಚನೆ ಮಲ್ಪೆರೆ ಶಿಫಾರಸ್ ಮಲ್ತೆರ್. ಈ ಶಿಫಾರಸ್ ನ್ 1948-1949 ದ ವಿಶ್ವವಿದ್ಯಾಲಯ ಶಿಕ್ಷಣ ಆಯೋಗ ಮಲ್ತ್ಂಡ್, ಉಂದು ಎಸ್. ರಾಧಾಕೃಷ್ಣನ್ ನ ಅಧ್ಯಕ್ಷತೆಡ್ "ಭಾರತೀಯ ವಿಶ್ವವಿದ್ಯಾಲಯ ಶಿಕ್ಷಣದ ಬಗ್ಗೆ ವರದಿ ಮಲ್ಪೆರೆ ಬೊಕ್ಕ ಸುಧಾರಣೆ ಬೊಕ್ಕ ವಿಸ್ತರಣೆಲೆನ್ ಸೂಚಿಸೆರೆ" ಸ್ಥಾಪನೆ ಆಂಡ್. ೧೯೫೨ಡ್ ವಿಶ್ವವಿದ್ಯಾಲಯೊಲು ಬೊಕ್ಕ ಉನ್ನತ ಶಿಕ್ಷಣ ಸಂಸ್ಥೆಲೆಗ್ ಕೊರ್ಪಿನ ಮಾತಾ ಅನುದಾನೊಲೆನ್ ಯುಜಿಸಿ ನಿಯಂತ್ರಣ ಮಲ್ಪೊಡು ಪಂದ್ ಸರ್ಕಾರ ನಿರ್ಧರಿಸಯೆರ್. ಅಯಿಡ್ದ್ ಬೊಕ್ಕ, ಡಿಸೆಂಬರ್ ೨೮, ೧೯೫೩ಡ್ ಶಿಕ್ಷಣ, ನೈಸರ್ಗಿಕ ಸಂಪನ್ಮೂಲೊಲು ಬೊಕ್ಕ ವೈಜ್ಞಾನಿಕ ಸಂಶೋಧನೆ ಸಚಿವೆರ್ ಮೌಲಾನಾ ಅಬುಲ್ ಕಲಾಮ್ ಆಜಾದ್ ನಕುಲು ಒಂಜಿ ಉದ್ಘಾಟನೆನ್ ನಡಪಾಯೆರ್. ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ) ಡಿಸೆಂಬರ್ ೨೮, ೧೯೫೩ಡ್ ಅಸ್ತಿತ್ವೊಗು ಬತ್ತ್ಂಡ್ ಬೊಕ್ಕ ವಿಶ್ವವಿದ್ಯಾಲಯ ಶಿಕ್ಷಣೊಡು ಬೋಧನೆ, ಪರೀಕ್ಷೆ ಬೊಕ್ಕ ಸಂಶೋಧನೆದ ಮಾನದಂಡೊಲೆನ ಸಮನ್ವಯ, ನಿರ್ಧಾರ ಬೊಕ್ಕ ನಿರ್ವಹಣೆಗಾದ್ ೧೯೫೬ಡ್ ಸಂಸತ್ ಕಾಯ್ದೆಡ್ದ್ ಭಾರತ ಸರ್ಕಾರೊದ ಶಾಸನಬದ್ಧ ಸಂಘಟನೆ ಆಂಡ್ .

ನವೆಂಬರ್ ೧೯೫೬ಡ್, ಭಾರತೀಯ ಸಂಸತ್ತುಡು " ವಿಶ್ವವಿದ್ಯಾಲಯ ಅನುದಾನ ಆಯೋಗ ಕಾಯ್ದೆ, ೧೯೫೬ " ಪಾಸ್ ಆಯಿ ಬೊಕ್ಕ ಯುಜಿಸಿ ಒಂಜಿ ಶಾಸನಬದ್ಧ ಸಂಸ್ಥೆ ಆಂಡ್.

೧೯೯೪ ಬೊಕ್ಕ ೧೯೯೫ಡ್, ಯುಜಿಸಿ ಪುಣೆ, ಹೈದರಾಬಾದ್, ಕೋಲ್ಕತ್ತಾ, ಭೋಪಾಲ್, ಗುವಾಹಟಿ ಬೊಕ್ಕ ಬೆಂಗಳೂರುಡ್ ಆರು ಪ್ರಾದೇಶಿಕ ಕೇಂದ್ರೊಲೆನ್ ಸ್ಥಾಪನೆ ಮಲ್ತ್ ದ್ ಅಯಿತ ಕಾರ್ಯಾಚರಣೆಲೆನ್ ವಿಕೇಂದ್ರೀಕರಣ ಮಲ್ತ್ಂಡ್. ಯುಜಿಸಿ ದ ಮುಖ್ಯ ಕಚೇರಿ ನ್ಯೂ ದೆಹಲಿಡ್ ಬಹದ್ದೂರ್ ಶಾ ಜಫರ್ ಮಾರ್ಗಡ್ ಉಂಡು, 35, ಫಿರೋಜ್ ಶಾ ರಸ್ತೆ ಬೊಕ್ಕ ದೆಹಲಿ ವಿಶ್ವವಿದ್ಯಾಲಯದ ದಕ್ಷಿಣ ಕ್ಯಾಂಪಸ್ ಡ್ದ್ ರಡ್ಡ್ ಹೆಚ್ಚುವರಿ ಬ್ಯೂರೋಲು ಕಾರ್ಯನಿರ್ವಹಿಸುತ್ತವೆ.

ಡಿಸೆಂಬರ್ ೨೦೧೫ಡ್, ಭಾರತ ಸರ್ಕಾರ ಯುಜಿಸಿ ದ ಅಡಿಟ್ ರಾಷ್ಟ್ರೀಯ ಸಂಸ್ಥೆಲೆನ ಶ್ರೇಣಿ ಚೌಕಟ್ಟ್ ನ್ ಸ್ಥಾಪನೆ ಮಲ್ತ್ಂಡ್, ಉಂದು ಏಪ್ರಿಲ್ ೨೦೧೬ ಡ್ದ್ ಮಾತಾ ಶಿಕ್ಷಣ ಸಂಸ್ಥೆಲೆನ್ ಶ್ರೇಣಿ ಮಲ್ಪುಂಡು

ವಿಶ್ವವಿದ್ಯಾಲಯೊಲೆನ ಬಗೆಕುಲು

ಯುಜಿಸಿ ನಿಯಂತ್ರಣ ಮಲ್ಪುನ ವಿಶ್ವವಿದ್ಯಾಲಯೊಲೆನ ಬಗೆಕುಲು:

• ಕೇಂದ್ರ ವಿಶ್ವವಿದ್ಯಾಲಯೊಲು ಸಂಸತ್ ದ ಕಾಯ್ದೆಡ್ದ್ ಸ್ಥಾಪಿತವಾದುಂಡು ಬೊಕ್ಕ ಅವು ಶಿಕ್ಷಣ ಸಚಿವಾಲಯೊಡು ಉನ್ನತ ಶಿಕ್ಷಣ ಇಲಾಖೆದ ವ್ಯಾಪ್ತಿಡ್ ಉಪ್ಪುಂಡು [೧] ಅಕ್ಟೋಬರ್ ೧೮ , ೨೦೨೨ ಡ್ದ್, ಯುಜಿಸಿ ಪ್ರಕಟ ಮಲ್ತಿನ ಕೇಂದ್ರ ವಿಶ್ವವಿದ್ಯಾಲಯೊಲೆನ ಪಟ್ಟಿಡ್ ೫೫ ಕೇಂದ್ರ ವಿಶ್ವವಿದ್ಯಾಲಯೊಲು ಉಂಡು. ] ರಾಜ್ಯ ವಿಶ್ವವಿದ್ಯಾಲಯೊಲೆನ್ ಭಾರತೊದ ಪ್ರತಿಯೊಂಜಿ ರಾಜ್ಯೊಲು ಬೊಕ್ಕ ಪ್ರದೇಶೊಲೆನ ರಾಜ್ಯ ಸರ್ಕಾರ ನಡಪಾವುಂಡು ಬೊಕ್ಕ ಅವು ಸಾಮಾನ್ಯವಾದ್ ಸ್ಥಳೀಯ ಶಾಸಕಾಂಗ ಸಭೆತ ಕಾಯ್ದೆಡ್ದ್ ಸ್ಥಾಪಿತ ಆಪುಂಡು. ೨೩ ಆಗಸ್ಟ್ ೨೦೨೨ ಡ್, ಯುಜಿಸಿ ೪೫೬ ರಾಜ್ಯ ವಿಶ್ವವಿದ್ಯಾಲಯೊಲೆನ್ ಪಟ್ಟಿ ಮಲ್ತ್ ಂಡ್ [೩] ಯುಜಿಸಿ ಪಟ್ಟಿ ಮಲ್ತಿನ ಅತ್ಯಂತ ಪಿರಾಕ್ ದ ಸ್ಥಾಪನೆದ ದಿನಾಂಕ ೧೮೫೭, ಮುಂಬೈ ವಿಶ್ವವಿದ್ಯಾಲಯ, ಮದ್ರಾಸ್ ವಿಶ್ವವಿದ್ಯಾಲಯ ಬೊಕ್ಕ ಕಲ್ಕತ್ತಾ ವಿಶ್ವವಿದ್ಯಾಲಯೊಲು ಪಾಲ್ ಪಡೆಯೆರ್. ಹೆಚ್ಚಿನ ರಾಜ್ಯ ವಿಶ್ವವಿದ್ಯಾಲಯೊಲು ಅಫಿಲಿಯೇಟ್ ವಿಶ್ವವಿದ್ಯಾಲಯೊಲು ಆದುಪ್ಪುನೆರ್ದಾತ್ರ ಅವು ಅನೇಕ ಅಫಿಲಿಯೇಟೆಡ್ ಕಾಲೇಜ್ ಲೆನ್ (ಅನೇಕ ಬಾರಿ ಎಲ್ಯ ಊರುಲೆಡ್ ಉಪ್ಪುಂಡು) ನಡಪಾವುಂಡು, ಅವು ಸಾಮಾನ್ಯವಾದ್ ಪದವಿಪೂರ್ವ ಕೋರ್ಸ್ ಲೆನ ಶ್ರೇಣಿನ್ ಒದಗಾವುಂಡು, ಆಂಡ ಸ್ನಾತಕೋತ್ತರ ಕೋರ್ಸ್ ಲೆನ್ ಲಾ ಒದಗಾವೊಲಿ. ಹೆಚ್ಚಿನ ಸ್ಥಾಪಿತ ಕಾಲೇಜುಲು ಕೆಲವು ಇಲಾಖೆಲೆಡ್ ಪಿಎಚ್ ಡಿ ಕಾರ್ಯಕ್ರಮೊಲೆನ್ ಅಫಿಲಿಯೇಟಿಂಗ್ ವಿಶ್ವವಿದ್ಯಾಲಯದ ಅನುಮೋದನೆಡ್ ಒದಗಿಸೊಲಿ. "ಡೀಮ್ಡ್ ಟು ಬಿ ಯೂನಿವರ್ಸಿಟಿ", ದುಂಬು ಡೀಮ್ಡ್ ಯೂನಿವರ್ಸಿಟಿ ಪಂಡ್ದ್ ಲೆಪ್ಪುವೆರ್, ಉಂದು ಯುಜಿಸಿ ಕಾಯ್ದೆದ ಸೆಕ್ಷನ್ 3 ದ ಅಡಿಟ್ ಯುಜಿಸಿ ಸಲಹೆಡ್ ಉನ್ನತ ಶಿಕ್ಷಣ ಇಲಾಖೆ ಮಂಜೂರು ಮಲ್ತಿನ ಸ್ವಾಯತ್ತತೆದ ಸ್ಥಾನಮಾನ.[4] , ಯುಜಿಸಿ ಯುಜಿಸಿ ಕಾಯ್ದೆ, ೧೯೫೬ ದ ಸೆಕ್ಷನ್ ೧೨(ಬಿ) ದ ಅಡಿಟ್ ಸೇರ್ಪಡೆ ಆಯಿನ ೫೦ ಸಂಸ್ಥೆಲೆನ್ ವಿಶ್ವವಿದ್ಯಾಲಯೊಲು ಪಂಡ್ದ್ ಪಟ್ಟಿ ಮಲ್ಪುಂಡು.[೫] ರಾಜ್ಯ ಖಾಸಗಿ ವಿಶ್ವವಿದ್ಯಾಲಯೊಲೆನ್ ಯುಜಿಸಿ ಅನುಮೋದನೆ ಮಲ್ಪುಂಡು. ಅವು ಯುಜಿಸಿ (ಖಾಸಗಿ ವಿಶ್ವವಿದ್ಯಾಲಯೊಡು ಮಾನದಂಡೊಲೆನ ಸ್ಥಾಪನೆ ಬೊಕ್ಕ ನಿರ್ವಹಣೆ) ನಿಯಮೊಲೆನ ಅಡಿಟ್ ನಿಯಂತ್ರಣೊಡು ಉಪ್ಪುಂಡು, ೨೦೦೩. ಈ ನಿಯಮೊಲೆನ ಪ್ರಕಾರ, ರಾಜ್ಯ ಖಾಸಗಿ ವಿಶ್ವವಿದ್ಯಾಲಯೊಲೆನ್ ರಾಜ್ಯ ಶಾಸಕಾಂಗ ಸಭೆತ ಕಾಯ್ದೆಡ್ದ್ ಸ್ಥಾಪನೆ ಮಲ್ಪುವೆರ್ ಬೊಕ್ಕ ಕಾಯ್ದೆನ್ ಪಡೆಯಿನ ಬುಕ್ಕೊ ಯುಜಿಸಿ ಗ್ಯಾಜೆಟ್ ಡ್ ಪಟ್ಟಿ ಮಲ್ಪುವೆರ್. ಯುಜಿಸಿ ರಾಜ್ಯ ಖಾಸಗಿ ವಿಶ್ವವಿದ್ಯಾಲಯೊನು ತಪಾಸಣೆ ಮಲ್ಪೆರೆ ಸಮಿತಿಲೆನ್ ಕಡಪುಡುಂಡು ಬೊಕ್ಕ ಅಕ್ಲೆನ ತಪಾಸಣೆ ವರದಿನ್ ಪ್ರಕಟಿಸವುಂಡು. ೨೩ ಆಗಸ್ಟ್ ೨೦೨೨ ಡ್ದ್, ಯುಜಿಸಿ ಖಾಸಗಿ ವಿಶ್ವವಿದ್ಯಾಲಯೊಲೆನ ಪಟ್ಟಿಡ್ ೪೨೧ ವಿಶ್ವವಿದ್ಯಾಲಯೊಲು ಉಂಡು.[೬]

ಆಗಸ್ಟ್ ೨೫, ೨೦೨೨ ಡ್ದ್, ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ) ಭಾರತೊಡು ಕಾರ್ಯನಿರ್ವಹಿಸೊಂದುಪ್ಪುನ ೨೧ ನಕಲಿ ವಿಶ್ವವಿದ್ಯಾಲಯೊಲೆನ ಪಟ್ಟಿನ್ ಬಿಡುಗಡೆ ಮಲ್ತ್ಂಡ್. ಯುಜಿಸಿ ಕಾಯ್ದೆದ ಉಲ್ಲಂಘನೆಡ್ ಕಾರ್ಯನಿರ್ವಹಿಸೊಂದಿಪ್ಪುನ ಈ 21 ಸ್ವಯಂ-ಶೈಲಿದ, ಮಾನ್ಯತೆ ಪಡೆಯಂದಿನ ಸಂಸ್ಥೆಲೆನ್ ನಕಲಿ ಪಂಡ್ದ್ ಘೋಷಣೆ ಮಲ್ತೆರ್ ಬೊಕ್ಕ ಅಕುಲು ಒವ್ವೆ ಪದವಿನ್ ಕೊರ್ಪಿನ ಅರ್ಹತೆ ಇಜ್ಜಿ ಪಂದ್ ಯುಜಿಸಿ ಪನ್ಪುಂಡು.[1]

ಯುಜಿಸಿ ಡೀಮ್ಡ್ ಟು ಬಿ ಯೂನಿವರ್ಸಿಟಿಲೆಗ್ ಅಕ್ಲೆನ ಇತ್ತೆದ ಬದಲಾವಣೆ ಬೊಕ್ಕ ಮಾರ್ಗಸೂಚಿಲೆನ್ ಅನುಸರಿಸಾದ್ ಡೀಮ್ಡ್ ಯೂನಿವರ್ಸಿಟಿ ಪನ್ ಪಿನ ಶಬ್ದನ್ ಬಳಕೆ ಮಲ್ಪೆರೆ ಬಲ್ಲಿ ಪನ್ಪಿನ ಎಚ್ಚರಿಕೆನ್ ಲಾ ಕೊರ್ತುಂಡು.

ವೃತ್ತಿಪರ ಮಂಡಳಿಲು

ಯುಜಿಸಿ, ಸಿಎಸ್ಐಆರ್ ನೊಟ್ಟುಗು ಇತ್ತೆ ಕಾಲೇಜ್ ಬೊಕ್ಕ ವಿಶ್ವವಿದ್ಯಾಲಯೊಲೆಡ್ ಶಿಕ್ಷಕೆರೆನ ನೇಮಕಾತಿಗ್ ನೆಟ್ ನ್ ನಡಪಾವೊಂದುಂಡು. ಜುಲೈ ೨೦೦೯ಡ್ದ್ ಪದವಿ ಮಟ್ಟೊಡು ಬೊಕ್ಕ ಸ್ನಾತಕೋತ್ತರ ಮಟ್ಟೊಡು ಬೋಧನೆ ಮಲ್ಪೆರೆ ನೆಟ್ ಅರ್ಹತೆನ್ ಕಡ್ಡಾಯ ಮಲ್ತ್ ಂಡ್. ಆಂಡಲಾ, ಪಿಎಚ್ ಡಿ ಮಲ್ತಿನಕುಲೆಗ್ ಐನ್ ಪರ್ಸೆಂಟ್ ರಿಲಾಕ್ಸೇಶನ್ ಕೊರ್ಪೆರ್.

ವಿಶ್ವವಿದ್ಯಾಲಯ ಅನುದಾನ ಆಯೋಗದ ಆಶ್ರಯೊಡು ವಿಶ್ವವಿದ್ಯಾಲಯೊಲೆನ ಮಿತ್ತ್ ಉನ್ನತ ಶಿಕ್ಷಣೊಗು ಮಾನ್ಯತೆನ್ ಈ ಕೆಳಕಂಡ ಪದಿನೈನ್ ಸ್ವಾಯತ್ತ ಶಾಸನಬದ್ಧ ಸಂಸ್ಥೆಲೆಡ್ದ್ ಮೇಲ್ವಿಚಾರಣೆ ಮಲ್ಪುವೆರ್:

• ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ (ಎಐಸಿಟಿಇ)
• ಭಾರತೀಯ ಕೃಷಿ ಸಂಶೋಧನಾ ಮಂಡಳಿ (ಐಸಿಎಆರ್)
• ಬಾರ್ ಕೌನ್ಸಿಲ್ ಆಫ್ ಇಂಡಿಯಾ (ಬಿಸಿಐ)
• ರಾಷ್ಟ್ರೀಯ ಶಿಕ್ಷಕ ಶಿಕ್ಷಣ ಮಂಡಳಿ (ಎನ್ ಸಿ ಟಿ ಇ)
• ಭಾರತದ ಪುನರ್ವಸತಿ ಮಂಡಳಿ (ಆರ್.ಸಿ.ಐ.)
• ರಾಷ್ಟ್ರೀಯ ವೈದ್ಯಕೀಯ ಆಯೋಗ (ಎನ್ ಎಂ ಸಿ)
• ಫಾರ್ಮಸಿ ಕೌನ್ಸಿಲ್ ಆಫ್ ಇಂಡಿಯಾ (ಪಿಸಿಐ)
• ಭಾರತೀಯ ನರ್ಸಿಂಗ್ ಕೌನ್ಸಿಲ್ (ಐಎನ್ ಸಿ)
• ಭಾರತದ ದಂತ ಮಂಡಳಿ (ಡಿಸಿಐ)
• ರಾಷ್ಟ್ರೀಯ ಹೋಮಿಯೋಪತಿ ಆಯೋಗ (ಎನ್ ಸಿ ಎಚ್)
• ರಾಷ್ಟ್ರೀಯ ಭಾರತೀಯ ವೈದ್ಯ ವ್ಯವಸ್ಥೆ ಆಯೋಗ (ಎನ್.ಸಿ.ಐ.ಎಸ್.ಎಂ.)
• ರಾಷ್ಟ್ರೀಯ ಗ್ರಾಮೀಣ ಸಂಸ್ಥೆಲೆನ ಮಂಡಳಿ (ಎನ್ ಸಿ ಆರ್ ಐ)
• ವಾಸ್ತುಶಿಲ್ಪದ ಕೌನ್ಸಿಲ್
• ವಿವಿಧ ರಾಜ್ಯ ಉನ್ನತ ಶಿಕ್ಷಣ ಮಂಡಳಿಲು (ಎಸ್ ಸಿ ಎಚ್ ಇ)

ಭವಿಷ್ಯ

  ೨೦೦೯ಡ್, ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವೆರ್, ಕಪಿಲ್ ಸಿಬಾಲ್ ಯುಜಿಸಿ ಬೊಕ್ಕ ಸಂಬಂಧಿತ ಸಂಸ್ಥೆ ಆಲ್ ಇಂಡಿಯಾ ಕೌನ್ಸಿಲ್ ಫಾರ್ ಟೆಕ್ನಿಕಲ್ ಎಜುಕೇಶನ್ (ಎಐಸಿಟಿಇ) ನ್ ಮುಚ್ಚುನ ಬಗ್ಗೆ ಭಾರತ ಸರ್ಕಾರದ ಯೋಜನೆಲೆನ್ ತೆರಿಪಾಯೆರ್, ಉನ್ನತ ನಿಯಂತ್ರಣ ಸಂಸ್ಥೆದ ಪರವಾದ್ ಜಾಸ್ತಿ ಸ್ವೀಪಿಂಗ್ ಪವರ್ಸ್. ಉನ್ನತ ಶಿಕ್ಷಣ ಬೊಕ್ಕ ಸಂಶೋಧನಾ (HE&R) ಮಸೂದೆ, ೨೦೧೧ಡ್ ಪ್ರಸ್ತಾಪಿಸಾಯಿನ ಈ ಗುರಿ, ಯುಜಿಸಿನ್ ರಾಷ್ಟ್ರೀಯ ಉನ್ನತ ಶಿಕ್ಷಣ ಬೊಕ್ಕ ಸಂಶೋಧನಾ ಆಯೋಗ (ಎನ್ಸಿಎಚ್ಇಆರ್) ಡ್ ಬದಲಾವಣೆ ಮಲ್ಪೆರೆ ಉದ್ದೇಶಿಸವುಂಡು "ಉನ್ನತ ಶಿಕ್ಷಣ ಬೊಕ್ಕ ಮಾನದಂಡೊಲೆನ ನಿರ್ಣಯ, ಸಮನ್ವಯ, ನಿರ್ವಹಣೆ ಬೊಕ್ಕ ನಿರಂತರ ವರ್ಧನೆಗಾದ್ ಸಂಶೋಧನೆ". ಯುಜಿಸಿ ಬೊಕ್ಕ ಬೇತೆ ಶೈಕ್ಷಣಿಕ ಸಂಸ್ಥೆಲೆನ್ ಈ ಪೊಸ ಸಂಸ್ಥೆಗ್ ಸೇರಾವೊಡು ಪನ್ಪಿನ ಪ್ರಸ್ತಾವನೆನ್ ಈ ಮಸೂದೆ ಮಲ್ತ್ ಂಡ್. ವೈದ್ಯಕೀಯ ಬೊಕ್ಕ ಕಾನೂನುಡು ತೊಡಗಿನ ಸಂಸ್ಥೆಲು ಈ ವಿಲೀನೊಡ್ದ್ ವಿನಾಯಿತಿ ಪಡೆಯೊಡು "ವೃತ್ತಿಪರ ಅಭ್ಯಾಸೊಗು ಕಾರಣವಾಪುನ ವೈದ್ಯಕೀಯ ಬೊಕ್ಕ ಕಾನೂನು ಶಿಕ್ಷಣೊಗು ಕನಿಷ್ಠ ಮಾನದಂಡೊಲೆನ್ ನಿಗದಿ ಮಲ್ಪುನ ನಿಟ್ಟಿಡ್". ಬಿಹಾರ, ಕೇರಳ, ಪಂಜಾಬ್, ತಮಿಳುನಾಡು ಬೊಕ್ಕ ಪಶ್ಚಿಮ ಬಂಗಾಳ ರಾಜ್ಯೊಲೆನ ಸ್ಥಳೀಯ ಸರ್ಕಾರೊಲೆಡ್ದ್ ಈ ಮಸೂದೆಗ್ ವಿರೋಧ ಬತ್ತ್ಂಡ್, ಆಂಡ ಸಾಮಾನ್ಯ ಬೆಂಬಲೊನು ಪಡೆಯೊಂಡು.

ಜೂನ್ ೨೭, ೨೦೧೮ಡ್, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಯುಜಿಸಿ ಕಾಯ್ದೆ, ೧೯೫೬ನ್ ರದ್ದು ಮಲ್ಪುನ ಯೋಜನೆನ್ ಘೋಷಣೆ ಮಲ್ತ್ಂಡ್. ಪಾರ್ಲಿಮೆಂಟ್ ದ 2018 ಮುಂಗಾರು ಅಧಿವೇಶನೊಡು ಒಂಜಿ ಮಸೂದೆನ್ ಪರಿಚಯಿಸೊಡು ಪನ್ಪಿನ ನಿರೀಕ್ಷೆ ಇತ್ತ್ಂಡ್, ಉಂದು ಪಾಸ್ ಆಂಡ ಯುಜಿಸಿನ್ ರದ್ದು ಮಲ್ಪುನ ಕಾರಣ ಆಪುಂಡು. ಈ ಮಸೂದೆಡ್ ಭಾರತದ ಉನ್ನತ ಶಿಕ್ಷಣ ಆಯೋಗ (ಎಚ್ ಇ ಸಿ ಐ) ಪನ್ಪಿನ ಒಂಜಿ ಪೊಸ ಸಂಸ್ಥೆನ್ ರಚನೆ ಮಲ್ಪೊಡು ಪನ್ಪಿನ ನಿಯಮಲಾ ಉಂಡು. ಈ ರೀತಿದ ಮಸೂದೆನ್ ಅಂತಿಮವಾದ್ ಬಲವಾದ್ ರಾಜಕೀಯ ವಿರೋಧೊದ ಎದುರುಡು ಬುಡ್ಪಾಯೆರ್, ಬೊಕ್ಕ ರಾಜಕೀಯ ಒಮ್ಮತೊನು ಗಳಸೆರೆ 2019ಡ್ ಪುನರ್ನಿರ್ಮಾಣ ಮಲ್ತೆರ್. 2020 ದ ಮಧ್ಯೊಗು ಯುಜಿಸಿ ಅಸ್ತಿತ್ವೊಡು ಉಂಡು..

೧೩ ಏಪ್ರಿಲ್ ೨೦೨೨ಡ್ ಭಾರತದ ವಿಶ್ವವಿದ್ಯಾಲಯ ಅನುದಾನ ಆಯೋಗ (ಯುಜಿಸಿ ಇಂಡಿಯಾ) ರಾಷ್ಟ್ರೀಯ ಶಿಕ್ಷಣ ನೀತಿ - ಎನ್ಇಪಿ ೨೦೨೦ ಡ್ ರೂಪುರೇಷೆ ಮಲ್ತಿನ ಪ್ರಸ್ತಾವೊಲೆನ್ ಗಮನೊಡು ದೀದ್ ವಿದ್ಯಾರ್ಥಿಲೆಗ್ ಒಂಜೇ ಸಮಯೊಡು ರಡ್ಡ್ ಶೈಕ್ಷಣಿಕ ಕಾರ್ಯಕ್ರಮೊಲೆನ್ ಪೂರ್ಣ ಮಲ್ಪೆರೆ ಅನುವು ಮಲ್ಪುನ ಘೋಷಣೆ ಮಲ್ತ್ಂಡ್, ಉಂದು ಕಲ್ಪುನ ಬಹು ಮಾರ್ಗೊಲೆನ್ ಸಕ್ರಿಯ ಮಲ್ಪುನ ಅಗತ್ಯೊನು ಒತ್ತು ಕೊರ್ಪುಂಡು ಔಪಚಾರಿಕ ಬೊಕ್ಕ ಅನೌಪಚಾರಿಕ ಶಿಕ್ಷಣ ವಿಧಾನೊಲು.

ಆಲ್ ಇಂಡಿಯಾ ಕೌನ್ಸಿಲ್ ಫಾರ್ ಟೆಕ್ನಿಕಲ್ ಎಜುಕೇಶನ್ ( ಎಐಸಿಟಿಇ ) ನೊಟ್ಟುಗು ಒಂಜಿ ಜಂಟಿ ಅಧಿಸೂಚನೆಡ್, ವಿಶ್ವವಿದ್ಯಾಲಯ ಅನುದಾನ ಆಯೋಗ ಪಾಕಿಸ್ತಾನೊಡು ಉನ್ನತ ಶಿಕ್ಷಣೊನು ಪಡೆಯೆರೆ ಭಾರತೀಯ ಪ್ರಜೆಲೆಗ್ ಬೊಕ್ಕ ವಿದೇಶಿ ನಾಗರಿಕೆರೆಗ್ ಸಲಹೆ ಕೊರ್ತುಂಡು, ಪಾಕಿಸ್ತಾನೊಡು ಒಂಜಿ ಶಿಕ್ಷಣ ಸಂಸ್ಥೆಡ್ದ್ ಪದವಿ ಪಡೆಯಿನ ಏರೆಗ್ಲಾ ಅಂಚನೆ ವಿದ್ಯಾರ್ಥಿಲು “ ಭಾರತೊಡು ಉದ್ಯೋಗ ಅತ್ತಂದೆ ಉನ್ನತ ಅಧ್ಯಯನೊಲೆನ್ ತೂಯೆರೆ ಅರ್ಹತೆ ಉಂಡು”. ಭಾರತೀಯ ಪೌರತ್ವ ಪಡೆಯಿನ ಬೊಕ್ಕ ಎಂಎಚ್ಎ ಡ್ದ್ ಭದ್ರತಾ ಅನುಮೋದನೆ ಪಡೆಯಿನ ವಲಸೆ ಬತ್ತಿನಕ್ಲೆಗ್ ಉಂದು ಅನ್ವಯ ಆಪುಜಿ ಪಂದ್ ಅಧಿಸೂಚನೆಡ್ ಪನ್ಪೆರ್.

ಅಂಚನೆ ತೂಲೆ

• ಭಾರತದ ಸ್ವಾಯತ್ತ ಉನ್ನತ ಶಿಕ್ಷಣ ಸಂಸ್ಥೆಗಳ ಪಟ್ಟಿ
• ಭಾರತ ದೇಶದ ವಿಶ್ವವಿದ್ಯಾಲಯಗಳ ಪಟ್ಟಿ|
• ವಿಶ್ವವಿದ್ಯಾಲಯ ಅನುದಾನ ಆಯೋಗ (ಬಾಂಗ್ಲಾದೇಶ)

ಉಲ್ಲೇಖೊಲು

[೧]

ಬಾಹ್ಯ ಕೊಂಡಿಲು

• ಅಧಿಕೃತ ವೆಬ್ಸೈಟ್