ಅಂಬಿಕಾ ಸೋನಿ

ಅಂಬಿಕಾ ಸೋನಿ
ರಾಜ್ಯಸಭಾ ಸದಸ್ಯೆರ್ ಪಂಜಾಬ್, ಭಾರತ
ಅಧಿಕಾರ ಅವಧಿ ಮಾರ್ಚ್ ೧೯೭೬ಡ್ದ್ - ಮಾರ್ಚ್ ೧೯೮೨ ಮುಟ್ಟ ಜನವರಿ ೨೦೦೦ಡ್ದ್ - ಜೂನ್ ೨೦೦೪ ಮುಟ್ಟ ಜುಲೈ ೨೦೦೪ಡ್ದ್ - ಜುಲೈ ೨೦೨೨ ಮುಟ್ಟ
ಮಾಹಿತಿ ಬುಕ್ಕ ಪ್ರಸಾರ ಖಾತೆ ಸಚಿವೆ
ಅಧಿಕಾರ ಅವಧಿ ೨೨ ಮೇ ೨೦೦೯ – ೨೭ ಅಕ್ಟೋಬರ್ ೨೦೧೨
ಪ್ರಧಾನ ಮಂತ್ರಿ	ಮನಮೋಹನ್ ಸಿಂಗ್
ಪೂರ್ವಾಧಿಕಾರಿ	ಪ್ರಿಯರಂಜನ್ ದಾಸ್ ಮುನ್ಷಿ
ಉತ್ತರಾಧಿಕಾರಿ	ಮನಿಶ್ ತಿವಾರಿ
ಪ್ರವಾಸೋದ್ಯಮ ಖಾತೆ ಬುಕ್ಕ ಸಂಸ್ಕೃತಿ ಖಾತೆ
ಅಧಿಕಾರ ಅವಧಿ ೨೯ ಜನವರಿ ೨೦೦೬ – ೨೨ ಮೇ ೨೦೦೯
ಪ್ರಧಾನ ಮಂತ್ರಿ	ಮನಮೋಹನ್ ಸಿಂಗ್
ಪೂರ್ವಾಧಿಕಾರಿ	ರೇಣುಕಾ ಚೌಧುರಿ
ಉತ್ತರಾಧಿಕಾರಿ	ಕುಮಾರಿ ಸೆಲ್ಜಾ
ಅಧ್ಯಕ್ಷೆ ಅಖಿಲ ಭಾರತ ಮಹಿಳಾ ಕಾಂಗ್ರೆಸ್
ಅಧಿಕಾರ ಅವಧಿ ೧೯೯೮ – ೧೯೯೯
ಅಧ್ಯಕ್ಷೆ ಭಾರತೀಯ ಯುವ ಕಾಂಗ್ರೆಸ್
ಅಧಿಕಾರ ಅವಧಿ ೧೯೭೫ – ೧೯೭೭
ಪ್ರಧಾನ ಕಾರ್ಯದರ್ಶಿ of ಎಐಸಿಸಿ
ಅಧಿಕಾರ ಅವಧಿ ೧೯೯೯ – ೨೦೨೦
ಸದಸ್ಯೆ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ
ಹಾಲಿ
ಅಧಿಕಾರ ಸ್ವೀಕಾರ  ೧೯೯೯
ವೈಯಕ್ತಿಕ ಮಾಹಿತಿ
ಜನನ	೧೩ ನವಂಬರ್ ೧೯೪೨ ಲಾಹೋರ್, ಪಂಜಾಬ್ ಪ್ರಾಂತ್ಯೊ (ಇತ್ತೆದ ಪಾಕಿಸ್ತಾನ)
ರಾಜಕೀಯ ಪಕ್ಷ	ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್
ಸಂಗಾತಿ(ಲು)	ಉದಯ್ ಸಿ. ಸೋನಿ
ಜೋಕುಲು	೧
ವಾಸಸ್ತಾನೊ	ನವದೆಹಲಿ
ಅಭ್ಯಸಿಸಿದ ವಿದ್ಯಾಪೀಠ	ಇಂದ್ರಪ್ರಸ್ತ ಕಾಲೇಜು, ದೆಹಲಿ ವಿಶ್ವವಿದ್ಯಾಲಯ, ಹವಾನಾ ವಿಶ್ವವಿದ್ಯಾಲಯ, ಅಲಯನ್ಸ್ ಫ್ರಾಂಕಯ್ಸ್, ಕಾನ್ವೆಂಟ್ ಆಫ್ ಜೀಸಸ್ ಎಂಡ್ ಮೇರಿ

ಅಂಬಿಕಾ ಸೋನಿ (ಪುಟ್ಟು ೧೩ ನವೆಂಬರ್ ೧೯೪೨) ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ಗ್ ಸೇರ್‌ನ ಭಾರತೊದ ರಾಜಕಾರಣಿ. ಆರ್ ಮಾಹಿತಿ ಬುಕ್ಕೊ ಪ್ರಸಾರ ಸಚಿವರಾದ್ ಸೇವೆ ಸಂದಾದೆರ್. ಆರ್ ರಾಜ್ಯಸಭೆಡ್‍ ಪಂಜಾಬ್ ರಾಜ್ಯೊನು ಪ್ರತಿನಿಧಿಸಯಿನ ಸಂಸತ್ ಸದಸ್ಯರಾದಿತ್ತೆರ್. ಇಂಬೆರೆನ ಸಂಗಾತಿ ಉದಯ್ ಸಿ. ಸೋನಿ ಹೊಸದಿಲ್ಲಿಡ್ ವಾಸೊಡುಲ್ಲೆರ್.

ಜೀವನ ಬುಕ್ಕೊ ಶಿಕ್ಷಣೊ

ಅವಿಭಜಿತ ಪಂಜಾಬ್‌ದ ಲಾಹೋರ್‌ಡ್ ಭಾರತೀಯ ನಾಗರಿಕ ಸೇವಾ ಅಧಿಕಾರಿ ಬುಕ್ಕೊ ೧೯೪೨ಡ್ ಗೋವಾದ ಲೆಫ್ಟಿನೆಂಟ್ ಗವರ್ನರ್ ಆದಿತ್ತ್‌ನ ನಕುಲ್ ಸೇನ್ ವಾಡ್ವಾ ದಂಪತಿಗ್ ಪುಟ್ಟಿಯೆರ್. ಅಂಬಿಕಾ ಡೆಹ್ರಾಡೂನ್‌ದ ವೆಲ್ಹಾಮ್ ಪೊಂಜೋಕ್ಲೆನ ಸಾಲೆಡ್ ಓದಿಯೆರ್ ಬುಕ್ಕೊ ದೆಹಲಿ ವಿಶ್ವವಿದ್ಯಾಲಯೊದ ಇಂದ್ರಪ್ರಸ್ಥ ಕಾಲೇಜಿಡ್ ಎಂ.ಎ. ಪಡೆತೆರ್. ಅಯಿಡ್ದ್ ಬುಕ್ಕೊ ಬ್ಯಾಂಕಾಕ್‌ದ ಅಲೈಯನ್ಸ್ ಫ್ರಾಂಕೈಸ್ ಬುಕ್ಕೊ ಡಿಪ್ಲೊಮಾ ಸುಪೀರಿಯೋರ್ ಎನ್ ಲ್ಯಾಂಗ್ ಫ್ರಾಂಕೈಸ್, ಕ್ಯೂಬಾದ ಹವಾನಾ ವಿಶ್ವವಿದ್ಯಾಲಯೊದ ಸ್ಪ್ಯಾನಿಷ್ ಕಲೆ ಬುಕ್ಕೊ ಸಾಹಿತ್ಯೊಡು ಸ್ನಾತಕೋತ್ತರ ಡಿಪ್ಲೊಮಾ ಪಡೆಯೆರ್. ಆರ್ ೧೯೬೧ಡ್ ಭಾರತೀಯ ವಿದೇಶಾಂಗ ಸೇವಾ ಅಧಿಕಾರಿ ಉದಯ್ ಸೋನಿಯೆರೆನ್ ಮದಿಮೆ ಆಯೆರ್.

ರಾಜಕೀಯ ವೃತ್ತಿ

ಅಂಬಿಕಾ ಸೋನಿಯೆರ್ ೧೯೬೯ಡ್ ಆರೆನ ರಾಜಕೀಯ ಜೀವನೊನು ಸುರು ಮಲ್ತೆರ್ಪ್ರಾ, ೧೯೬೯ಡ್ ಪಕ್ಷ ವಿಭಜನೆದ ಪೊರ್ತುಡು ಇಂದಿರಾ ಗಾಂಧಿಯೆರೆ ಕಾಂಗ್ರೆಸ್ ಪಕ್ಷೊಗು ಸಕಾಯೊ ಮಲ್ತೆರ್. ಭಾರತೊದ ವಿಭಜನೆದ ಪೊರ್ತುಡು ಆರೆನ ಅಮ್ಮೆರೆನ್ ಅಮೃತಸರೊದ ಜಿಲ್ಲಾಧಿಕಾರಿಯಾದ್ ನೇಮಿಸನಗ ಸೋನಿ ಗಾಂಧಿಯೆರೆ ಕುಟುಮ್ಮೊದ ಪರಾತ್ ದೋಸ್ತಿ ಆದಿತ್ತೆರ್. ಬುಕ್ಕೊ ಜವಾಹರಲಾಲ್ ನೆಹರೂ ಆರೆನೊಟ್ಟುಗೆ ದಿಂಜ ನಿಕಟವಾದ್ ಬೇಲೆ ಮಲ್ತೆರ್. ೧೯೭೫ಡ್ ಆರ್ ಭಾರತೀಯ ಯುವ ಕಾಂಗ್ರೆಸ್ ಅಧ್ಯಕ್ಷರಾದ್ ಆಯ್ಕೆ ಆಯೆರ್ ಬುಕ್ಕೊ ಸಂಜಯ್ ಗಾಂಧಿ ಆರೆನೊಟ್ಟುಗೆ ನಿಕಟವಾದ್ ಬೇಲೆ ಬೆಂದೆರ್. ಮಾರ್ಚ್ ೧೯೭೬ಡ್ ಆರ್ ರಾಜ್ಯಸಭೆಗ್ ಆಯ್ಕೆ ಆಯೆರ್. ೧೯೯೮ಡ್ ಆರ್ ಅಖಿಲ ಭಾರತ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷರಾಯೆರ್. ೧೯೯೯ಡ್ದ್ ೨೦೦೬ಗ್ ಮುಟ್ಟ ಅಖಿಲ ಭಾರತ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯಂತೆರ್ ಆದಿತ್ತೆರ್. ಜನವರಿ ೨೦೦೦ಡ್ ಆರ್ ನಾನೊರ ರಾಜ್ಯಸಭೆಗ್ ಆಯ್ಕೆ ಆಯೆರ್. ೧೦ ಜೂನ್ ೨೦೦೪ದಾನಿ ರಾಜೀನಾಮೆ ಕೊರಿಯೆರ್. ಜುಲೈ ೨೦೦೪ಗ್ ಆರ್ ಪೆರ ರಾಜ್ಯಸಭೆಗ್ ಆಯ್ಕೆ ಆಯೆರ್. ೨೯ ಜನವರಿ ೨೦೦೬ಡ್ದ್ ೨೨ ಮೇ ೨೦೦೯ಗ್ ಆರ್ ಯುಪಿಎ(I) ಸರ್ಕಾರೊದ ಪ್ರವಾಸೋದ್ಯಮ ಸಚಿವೆರ್ ಬುಕ್ಕೊ ಸಂಸ್ಕೃತಿ ಸಚಿವೆರ್ ಆದಿತ್ತೆರ್. ೨೨ ಮೇ ೨೦೦೯ಡ್ದ್ ೨೭ ಅಕ್ಟೋಬರ್ ೨೦೧೨ಗ್ ಆರ್ ಯುಪಿಎ(II) ಸರ್ಕಾರೊಡು ಮಾಹಿತಿ ಬುಕ್ಕೊ ಪ್ರಸಾರ ಸಚಿವರಾದಿತ್ತೆರ್. ಜುಲೈ ೨೦೧೦ಡ್ ಆರ್ ನಾನೊರ ರಾಜ್ಯಸಭೆಗ್ ಆಯ್ಕೆ ಆಯೆರ್.

ಪತ್ರಿಕಾ ಬುಕ್ಕೊ ಇಂಟರ್ನೆಟ್ ಸ್ವಾತಂತ್ರ್ಯ

ಏಪ್ರಿಲ್ ೨೮, ೨೦೧೧ದಾನಿ ಪ್ರೆಸ್ ಕೌನ್ಸಿಲ್ ಆಫ್ ಇಂಡಿಯಾ ಆಯೋಜಿಸಯಿನ ಅಂತರರಾಷ್ಟ್ರೀಯ ಸ್ವಾತಂತ್ರ್ಯ ಬುಕ್ಕೊ ಅಭಿವ್ಯಕ್ತಿ ಹಕ್ಕ್‌ಲೆ ಅಂತರರಾಷ್ಟ್ರೀಯ ಕೊಲೊಕ್ವಿಯಂಡ್, ನಮೊನ ಮಾಧ್ಯಮೊ ಬಹುಶಃ ವಿಶ್ವೊಡೇ ಸ್ವತಂತ್ರವಾದುಂಡುಂದು ಪನ್ತೆರ್. ಆಂಡ ರಡ್ಡ್ "ಪತ್ರಿಕಾ ಸ್ವಾತಂತ್ರ್ಯ ಶ್ರೇಯಾಂಕೊಲು" ಇಂದೆಕ್ ವಿರುದ್ಧವಾದ್ ಪಾತೆರುವೊ. ರಿಪೋರ್ಟರ್ಸ್ ವಿಥೌಟ್ ಬಾರ್ಡರ್ಸ್ ಸಮೂಹೊದ ವಿಶ್ವ ಪತ್ರಿಕಾ ಸ್ವಾತಂತ್ರ್ಯ ಸೂಚ್ಯಂಕ ೨೦೧೨ಡ್ ಭಾರತೊಡು ೧೭೯ಡ್ ೧೩೧ನೆ ಸ್ತಾನೊಡು ಉಂಡು. ಉಂದು "ಗಮನಾರ್ಹ ಸಮಸ್ಯೆಲು" ಪನ್ಪುನ ವಿಭಾಗೊಡು ಸ್ಥಾನ ಪಡೆತ್ಂಡ್. ಫ್ರೀಡಂ ಹೌಸ್ನ ಜಾಗತಿಕ ಪತ್ರಿಕಾ ಸ್ವಾತಂತ್ರ್ಯ ಶ್ರೇಯಾಂಕ ೨೦೧೨ಡ್ ಭಾರತೊ ೧೯೭ಡ್ ೮೦ನೇ ಸ್ಥಾನೊಡುಂಡು. ಉಂದು "ಭಾಗಶಃ ಉಚಿತ" ವಿಭಾಗೊಡು ಸ್ಥಾನ ಪಡೆತ್ಂಡ್‍. ನಿಯಂತ್ರಕೆರ್ ಇಂಟರ್ನೆಟ್ ಮುಕ್ತ ಭಾಷಣೊಗು ಬಿಗಿಯಾಯಿನ ಸಾದಿನ್ ಪಾಡುನ ಬಗೆಟ್ ಗಂಬೀರ ಕಾಳಜಿ ವಹಿಸವೊಡು ಪಂಡೆರ್.