ಅರಬಿ ಮಲಯಾಳಂ ಬಾಸೆ

ಅರಬಿ ಮಲಯಾಳಂ
عَرَبِ مَلَیَاۻَمٛ
ಬಳಕೆಡುಪ್ಪುನ ಪ್ರದೇಸೊಲು	ಭಾರತ
ಬಾಸೆಲೆ ಕುಟುಮ್ಮೊ	ದ್ರಾವಿಡ ದಕ್ಷಿಣ ದ್ರಾವಿಡ ತಮಿಳು-ಕನ್ನಡ ತಮಿಳು–ಕೊಡಗು ತಮಿಳು–ಮಲಯಾಳಂ ಮಲಯಾಳಂ ಅರಬಿ ಮಲಯಾಳಂ
ಬರವುದ ಕ್ರಮೊ	ಅರಬಿ ಮಲಯಾಳಂ ಲಿಪಿ
ಬಾಸೆದ ಸಂಕೇತೊಲು
ISO 639-3	–

ಅರಬಿ ಮಲಯಾಳಂ ವರ್ಣಮಾಲೆ

ಅರಾಬಿ ಮಲಯಾಳಂ (ಮಾಪ್ಪಿಲ ಮಲಯಾಳಂ ಬುಕ್ಕೊ ಮೋಪ್ಲಾ ಮಲಯಾಳಂ ಪಂಡ್‌ದ್ ಲೆಪ್ಪುವೆರ್) ಮಾಪಿಲ ಮುಸ್ಲಿಂ ಸಮುದಾಯೊದ ಸಾಂಪ್ರದಾಯಿಕ ದ್ರಾವಿಡ ಬಾಸೆ ಆತ್ಂಡ್. ಪ್ರದಾನವಾದ್ ದಕ್ಷಿಣ ಭಾರತೊದ ಕೇರಳ ರಾಜ್ಯೊದ ಮಲಬಾರ್ ಕರಾವಳಿಡ್ ಇಂದೆನ್ ಸಾವಿರೊಡ್ದ್ ಎಚ್ಚ ಜನೊ ಪಾತೆರ್‌ಬೆರ್. ಇಂದೆನ್ ಉತ್ತರ ಕೇರಳೊದ ಪ್ರಾದೇಶಿಕ ಉಪಬಾಸೆ ಅತ್ತಂಡ ಮಾಪ್ಪಿಲ ಸಮುದಾಯೊದ ವರ್ಗೊ ಅತ್ತಂಡ ಬೇಲೆದಕ್ಲೆನ ಉಪಬಾಸೆಂದ್ ವರ್ಗೀಕರಿಸವೊಲಿ. ಸ್ತಳೀಯ ಬಾಸೆ ಅತ್ತಂಡ ಪ್ರಾಂತೀಯ ಪಟೋಯಿಸ್ ಪಂಡ್‌ದ್ ಲೆಪ್ಪುವೆರ್. ಮಾಪ್ಪಿಲ ಸೇರ್‌ನಂಚ ಮಲಯಾಳಂ ಬಾಸೆದ ಮಾಂತ ರೂಪೊಲು ಪರಸ್ಪರೊ ಅರ್ತೊಗರ್ಬಿತೊ.

ಮಾಪ್ಪಿಲಾ ರೂಪೊ ಅರೇಬಿಕ್ ಬುಕ್ಕೊ ಪರ್ಷಿಯನ್ ಬಾಸೆಡ್ದ್ ಕೆಲವು ಲೆಕ್ಸಿಕಲ್ ಮಿಶ್ರಣೊನು ತೋಜಾವುಂಡ.

ಅರೇಬಿ ಮಲಯಾಳಂ ವೈವಿದ್ಯೊನು ಉತ್ತರ ಕೇರಳೊಡು ಕೆಳ ಜಾತಿದ ಮುಸ್ಲಿಮೇತರೆರ್, ದಕ್ಷಿಣ ಕನ್ನಡೊಡು ಮುಸ್ಲಿಮೆರ್ ಬುಕ್ಕೊ ಆಗ್ನೇಯ ಏಷ್ಯೊದ ವಿವಿದೊ ಮಾಪಿಲಾ ವಲಸಿಗೆ ಸಮುದಾಯೊಲು ಗಳಸ್‌ಬೆರ್.

ಬರವುದ ವ್ಯವಸ್ತೆ

ಅರಬಿ ಮಲಯಾಳಂ ಲಿಪಿ ಅಬ್ಜಾದ್ ಆತ್ಂಡ್. ಲಿಪಿನ್ ಖಟಾಫುನ್ನಾನಿ ಅತ್ತಂಡ ಪೊನ್ನಾನಿ ಲಿಪಿ ಪಂಡ್‍ದ್ ಲೆಪ್ಪುವೆರ್. ಎರನಾಡನ್ ಬುಕ್ಕೊ ಜೆಸ್ರಿದಂಚ ದಿಂಜ ಅಲ್ಪಸಂಕ್ಯಾತ ಬಾಸೆಲೆನ್ ಬರೆಯರ ಇಂದೆನ್ ಗಳಸ್‌ಬೆರ್.

ಅರೇಬಿಕ್ ಲಿಪಿನ್ ಗಳಸ್‌ನಗ ಮಲಯಾಳಂ ಬರೆಪುನ ಮೂಲಕ ಅರೇಬಿ ಮಲಯಾಳಂ ತಯಾರಾಂಡ್. ಕೇರಳೊಡು ಇಸ್ಲಾಮ್‌ದ ವಿಚಾರೊಲು ಬುಕ್ಕೊ ಆಚರಣೆಲೆನ್ ಪರಡ್ಯರ ಮಲಯಾಳಂ ಬಾಸೆನ್ ಮುಕ್ಯವಾದ್ ಗಳಸೊಂದಿತ್ತೆರ್. ಅರಬಿ ಮಲಯಾಳೊನು ರಚಿಸವುನೆಡ್ದ್ ಕೇರಳೊಗು ವಲಸೆ ಬತ್ತ್‌ನ ಅರಬ್ಬೆರ್ ಬಾಸೆದ ಅಡ್ಡಿ ಇದ್ಯಾಂದೆ ದರ್ಮೊನು ಪರಡ್ಯರ ಸುಲಬಾಂಡ್.

ಅದ್ಯಯನೊ ಕೇಂದ್ರೊ

ಮಲಯಾಳಂ ವಿಶ್ವವಿದ್ಯಾನಿಲಯೊ ತಿರೂರ್‌ಡ್ ಅರಬಿ ಮಲಯಾಳಂ ಬಾಸೆದ ಅದ್ಯಯನೊ ಕೇಂದ್ರೊನು ಸ್ತಾಪಿಸದ್ಂಡ್.

ಇಂದೆನ್ಲಾ ತೂಲೆ

• ಅರಬಿ ಮಲಯಾಳಂ ಲಿಪಿ
• ಸುರಿಯಾನಿ ಮಲಯಾಳಂ
• ಅರ್ವಿ
• ಬ್ಯಾರಿ ಭಾಷೆ
• ಎರನಾಡನ್ ಭಾಷೆ
• ಜಸ್ರಿ