ಅರ್ಪುದ ಪರ್ಂದ್

ಅರ್ಪುದ ಪರ್ಂದ್
Scientific classification
Missing taxonomy template (fix):	Flacourtia
Species:	Template:Taxonomy/FlacourtiaF. montana
Binomial name
Template:Taxonomy/FlacourtiaFlacourtia montana J. Grah.
Synonyms
Flacourtia inermis Miq. ex Hook. fil. & Thomsa

ಅರ್ಪುದ ಪರ್ಂದ್- ಅಬ್ಳುಕ, ಚಾಪಿ ಹಣ್ಣು (ಕನ್ನಡ) ಅಂಚಲಾ ಪನ್ಪೆರ್. ಉಂದು ನಮ್ಮ ಊರುಡು ಕಾಡ್ ಡ್ ತಿಕ್ಕುನ ಪರ್ಂದ್.

ಮರ

ಈ ಪರ್ಂದ್ ಮರ ೧೫ ದ್ ೨೦ ಮೀಟೆರ್ ಎತ್ತರ ಆಪುಂಡು. ಮರ ಪುದೆರ್-ಪುದೆರ್ದ ಲೆಕ ಬುಲೆಪುಂಡು. ಮರ ಹೆಚ್ಚಾದ್ ನೀರ್ ದಿಂಜ ಇತ್ತಿನ ಜಾಗೆಡ್ ನಾಡ್ಂಡಲಾ ಆಪುಂಡು. ಈ ಮರತ ಮುದೆಲ್ಡ್ ಲಾ , ಮರತ ಮೈಟ್ ಲಾ ಮಲ್ಲ ಮಲ್ಲ ಮುಳ್ಳು ಉಂಡು. ಅಂಚನೆ ಮರತ್ತ ಕೊಡಿತ ಗೆಲ್ಲ್ ಗಾನಗ ಮುಳ್ಳು ಕಮ್ಮಿ ಆವೊಂದು ಬರ್ಪುಂಡು. ಮರತ ಲತ್ತ್ ಇರೆ ಗುಲಾಬಿ ಬಣ್ಣೊಡು ಇಪ್ಪುಂಡು. ಬೊಕ್ಕ ಪಚ್ಚೆ ಆಪುಂಡು. ೬ - ೮ ಇಂಚಿ ಮಟ್ಟ ಮಲ್ಲೆಲಾ ಆಪುಂಡು. ಈ ಮರಕ್ ಸಂಸ್ಕೃತಡು ವೈಕಂಠಕ ಪನ್ಪೆರ್. ವಿಶಾಖ ನಕ್ಸತ್ರ ದಕುಲು ಉಂದೆನ್ ಪೂಜೆ ಮಲ್ಪುವೆರ್. [[೧]]

ಪೂ-ಇರೆ-ಮರತ ಪಟೊಕುಲು

• 
• 
• 
• 

ಮರ್ದ್‌ದ ಗುಣೊ

ಅರ್ಪುದ ಪರ್ಂದ್ ಡ್ ಎಡ್ಡೆ ಮರ್ದ್‌ದ ಗುಣೊ ಉಂಡು. ಚೀಪೆ ಬೊಕ್ಕ ಪುಳಿತ ರುಚಿ ಇತ್ತನ ಪಂರ್ದ್ ಜೋಕುಲೆಗ್ ಬಾರಿ ಇಸ್ಟ. ಲತ್ತ್ ಕಾಯಿ ಪಚ್ಚೆ ಬಣ್ಣೋಡು ಇಪ್ಪುಂಡು. ರೂಪೊಡು ನೆಲ್ಲಿಕಾಯಿದಲೆಕ. ಪರ್ಂದ್ ಬುಲೆಯಿಲೆಕನೆ ಅಯಿತ ಬಣ್ಣೊ ಗಲಾಬಿ ಬಣ್ಣೊಗ್ ಬತ್ತ್ ದ್ ಬೊಕ್ಕ ವಂತೆ ಕೆಂಪು ಆಪುಂಡು. ಪರ್ಂದ್ ಡ್ ಜೀವೊಗು ಬೋಡಾಲಿನ ಅಂಶೊಲು ಉಂಡು ಪನ್ಪೆರ್.

ಮರತ ನೆಲೆ

ದಕ್ಷಿಣ ಏಷ್ಯಾ ಡ್ ತೋಜಿದ್ ಬರುಪುನ ಈ ಮರ ನಮ್ಮ ದೇಶದ ಪಶ್ಚಿಮ ಘಟ್ಟ ಪ್ರದೇಶಡು ಉಂಡು. ತುಳುನಾಡ್ ದ ಮಾತಾ ಕಾಡ್ ಡ್ ಲಾ ದುಂಬು ಇತ್ತ್ಂಡ್ . ಕಾಲ ಕರಿಲೆಕಾ ಕಾಡ್ ಕಮ್ಮಿ ಆಯಿನಲೆಕೊನೆ ಮರಲಾ ಕಮ್ಮಿ ಆಂಡ್. ಇತ್ತೆ ಉಂದೆನ್ ಮಾಜಿದ್ ಪೋಪುನ ( ವಿನಾಶದ ಅಂಚಿನಲ್ಲಿರುವ) ಮರೊಕುಲೆನ ರಾಸಿಗ್ ಸೇರಾದೆರ್.