ಆಟಿದ ನಲಿಕೆಲು
F.jpg)
ಆಟಿ ತಿಂಗೊಲುಡು ಮಾರಿ ಕಲೆಯೆರೆ ಬೇತೆ ಬೇತೆ ನಲಿಕೆಲು ಇಲ್ಲ್ ಇಲ್ಲ್ ಬತ್ತ್‌ದ್ ಮಾರಿ ದೇರುನ ಕ್ರಮ ತುಳುನಾಡೊರ್ಮೆ ಇತ್ತಿನ ಕ್ರಮ[೧]
ಆಟಿಕಳೆಂಜೆ
[ಸಂಪೊಲಿಪುಲೆ]ಆಟಿಕಳೆಂಜೆ ತುಳುನಾಡ್‍ಡ್ ನಲಿಕೆ ಜನಾಂಗ ಬೊಕ್ಕ ಆದಿ ಜನಾಂಗದಕುಲು ಆಟಿ ತಿಂಗೊಲುಡು ದೈವಸಾನೊ, ಗುತ್ತುದ ಇಲ್ಲ್, ಗ್ರಾಮೊದ ಇಲ್ಲ್‌ಲೆಗ್ ಪೋದ್ ನಲಿಪುನ ನಲಿಕೆ. ಈ ನಲಿಕೆನ್ ಆಟಿಕಳೆಂಜನ ನಲಿಕೆ ಪಂಡ್ದ್ ಜನ ಲೆಪ್ಪುವೆರ್. ಆಟಿ ಪಂಡ ತುಳುಟು ಒಂಜಿ ತಿಂಗೊಲುದ ಪುದರ್. ಕಳೆಂಜೆ ಪಂಡ (ಕಳೆ ದೆಪ್ಪುನಾಯೆ) ಆಟಿ ತಿಂಗೊಲು ಪಂಡ ಕರ್ಕಟಕ ಮಾಸ. ದುಂಬು ಬಾರಿ ಬಂಗದ ದಿನೊಕುಲು ಆಟಿ ತಿಂಗೊಲುಡು ಇತ್ತ. ಕೀರಿಕುಟುದು ಬರ್ಪಿ ಬರ್ಸ. ಇಲ್ಲ್ ಪಿದಡೆರೆ ಸಾಧ್ಯ ಇಜ್ಜಿ. ಆಟಿ ತಿಂಗೊಲುಡ್ ಬರ್ಪಿ ಕಷ್ಟ ದುಃಖ ರೋಗ ರುಜಿನೊನು ದೂರ ಮಲ್ಪೆರೆ ಬೋಡಾದ್ ಗ್ರಾಮೊದ ಇಲ್ಲ್ ಇಲ್ಲಡೆ ಆಟಿಕಳೆಂಜೆ ನಲಿತೊಂದ್ ಬರ್ಪುನ ಒಂಜಿ ತುಳುನಾಡ್‌ದ ಮಾಂತ್ರಿಕ ನಲಿಕೆನೇ ಆಟಿಕಳೆಂಜೆ.[೨] ಅಟಿಕಳೆಂಜೆನ್ ಕೇರಳೊಡು ಮಲಯೆರ್, ಬಣ್ಣೆರ್ ರಡ್ಡ್ ಸಮುದಾಯ ಕಟ್ಟೊಂತ್ ಬರ್ಪೆರ್.
ಬೇಡನ್
[ಸಂಪೊಲಿಪುಲೆ]
ಬೇಡನ್ ಪಂಡ ಒಂಜಿ ದೈವ ಕರ್ಕಾಟಕ(ಆಟಿ)ತಿಂಗೊಳುಡು ಕೇರಳದಂಚಿ ಇಲ್ಲ್ ಇಲ್ಲ್ ಬತ್ತ್‌ದ್ ಜನೊಕುಲೆನ ಕಷ್ಟ ಪರಿಹರಿಪುಂಡು ಪನ್ಪಿನವು ನಂಬಿಕೆ. ಈ ಬೇಡನ್ ದೈವೊನು ಮಲವೆರ್ ಪನ್ಪಿ ಒಂಜಿ ಜನಾಂಗೊದಕುಲು ಕಟ್ಟ್‌ದ್ ಇಲ್ಲ್ ಇಲ್ಲ್ ಬರ್ಪಿನ ಪದ್ದತಿ.ಮಲಯಾಲೊಡು ವೇದನ್ ಪಂದ್ ಲೆಪ್ಪುವೆರ್. ಅರ್ಜುನೆ ಪಾಶುಪತಾಸ್ತ್ರೊನು ಪಡೆಯೆರೆ ಬೋಡಾದ್ ತಪಸ್ಸ್ ಮಲ್ಪುನಗ ಆಯನ್ ಪರೀಕ್ಷೆ ಮಲ್ಪೆರೆ ಕಿರಾತರೂಪೊಡು ಶ್ರೀ ಪರಮೇಶ್ವರೆ ಬರ್ಪೆರ್. ಮಹಾದೇವನ ಈ ಕಿರಾತ ರೂಪನೇ ಬೇಡನ್ ಆದ್ ಆಟಿ ತಿಂಗೊಲುಡು ಇಲ್ಲ್ ಇಲ್ಲ್ ಬತ್ತ್‌ದ್ ಜನೊಕುಲೆನ ಕಷ್ಟ ನಿವಾರಣೆ ಮಲ್ಪುಂಡು ಪನ್ಪಿ ನಂಬಿಕೆ.ನಲಿಕೆದ ಪದೊಟು ಉಂದು ಉಲ್ಲೇಖ ಆದುಂಡು ಲೆಪ್ಪುವೆರ್[೩] ಈ ದೈವೊನು ಎಲ್ಯ ಜೋಕುಲು ಕಟ್ಟುವೆರ್. ಕಿರಾತ (ಬೇಟೆಗಾರ)ನ ಲೆಕ್ಕೊ ಎಲ್ಯ ಪ್ರಾಯೊದ ಆಣಗ್ ವೇಷ ಮಲ್ಪುವೆರ್ .ಕೆಂಪು ಬಣ್ಣದ ಪಟ್ಟೆ(ರೇಷ್ಮೆದ)ಕುಂಟು ತುತ್ತಾದ್ ತರೆಕ್ ನಾಗನ ಚಿತ್ರೊದ ತರೆ ಪಟ್ಟಿ ಕಟ್ಟುವೆರ್ .ಮೋನೆಗ್ ಕೆಂಪು ಮುಖ ವರ್ಣಿಕೆ ಪಾಡ್ದ್ ಕಿರಾತನ ರೂಪ ಮಲ್ಪುವೆರ್. ಈ ದೈವೊ ದೇವಸ್ಥಾನ ,ದೈವಸ್ಥಾನೊಡು ಕಟ್ಟುದ್ ನಲಿಪುನ ಬದಲ್ ಪ್ರತಿ ಇಲ್ಲಡೆ ಬತ್ತ್‌ದ್ ನಲಿಪುಂಡು.ಚೆಂಡೆ ವಾದ್ಯದಕುಲು ಪನ್ಪಿನ ಬೋಂಟೆದ ಪದೊಕು ಈ ದೈವ ನಲಿಪುಂಡು ಈ ದೈವೊ ಇಲ್ಲಡೆ ಬತ್ತ್ಂಡ ಐಶ್ವರ್ಯ ಬೊಕ್ಕ ಸಂಪತ್ತ್‌ದ ಅಧಿದೇವತೆಯಾಯಿನ ಲಕ್ಷ್ಮೀದೇವಿ ನೆಲೆ ಆಪಳ್ ಪನ್ಪಿನ ಸಾಮಾನ್ಯ ನಂಬಿಕೆ.ಬೇಡನ್ ದೈವೊ ಇಲ್ಲಡೆ ಬನ್ನಗ ದೀಪೊ ಪೊತ್ತಾದ್ ದೀವೊಡು ಅವೆಡ್ದ್ ಬೊಕ್ಕ ಚೆಂಡೆ ಬೊಟ್ಟುನಾರ್ ಇಲ್ಲ್‌ದಕುಲೆನ ಒಪ್ಪಿಗೆ ದೆತೊಂದು ಸಂಧಿ ಪನೊಂದು ಬೊಟ್ಟಿಯೆರೆ ಸುರು ಮಲ್ಪುನಗ ಬೇಡನ್ ದೈವೊ ಇಲ್ಲ್‌ದ ಎದುರು ದುಂಬು ಪಿರವು ಪೋವೊಂದು ನಲಿಪುಂಡು. ನಲಿತ್‌ದ್ ಆಯಿ ಬೊಕ್ಕ ಭಸ್ಮದ ಕುರ್ದಿ ಮಲ್ತ್‌ದ್ ಒಂಜಿ ಬತ್ತಿ ಪೊತ್ತಾವೊಂದು ಇಲ್ಲ್‌ದ ಯಜಮಾನ್ತಿ ಪಿದಯಿ ಜಾಲ್‌ಗ್ ಪತೊಂದು ಬತ್ತ್‌ದ್ ತೆನ್ಕಾಯಿಗ್ ಚೇತ್‌ದ್ ಬುಡ್ಪೆರ್. ಇಲ್ಲ್ ಬೊಕ್ಕ ಸುತ್ತು ಪರಿಸರ ಶುದ್ಧ ಆದ್ ದುಷ್ಟ ಶಕ್ತಿ ದೂರ ಆಪುಂಡು ಪನ್ಪಿ ನಂಬಿಕೆ. ದೈವೊ ಕಟ್ಟ್‌ದ್ ಇಲ್ಲಡೆ ಬತ್ತ್‌ದ್ ಪೋನಗ ಪಣವು, ಅರಿ, ಮರಿಯಲೊಗು ದೀದಿತ್ತ್‌ನ ಕಾಯಿ ಕಜಿಪು, ಧಾನ್ಯ, ಉಪ್ಪು ಇಂಚಿತ್ತಿ ವಸ್ತುಲೆನ್ ದಾನ ಕೊರ್ಪುನ ಕ್ರಮಲ ಉಂಡು .
ಮರ್ದೆ
[ಸಂಪೊಲಿಪುಲೆ]
ಮರ್ದೆ ಪಂಡ ಒಂಜಿ ದೈವ ಕರ್ಕಾಟಕ(ಆಟಿ)ತಿಂಗೊಳುಡು ಕೇರಳದಂಚಿ ಇಲ್ಲ್ ಇಲ್ಲ್ ಬತ್ತ್‌ದ್ ಜನೊಕುಲೆನ ಕಷ್ಟ ಪರಿಹರಿಪುಂಡು ಪನ್ಪಿನವು ನಂಬಿಕೆ. ಈ ಮರ್ದನ್ ದೈವೊನು ವಣ್ಣನ್ ಪನ್ಪಿ ಒಂಜಿ ಜನಾಂಗೊದಕುಲು ಕಟ್ಟ್‌ದ್ ಇಲ್ಲ್ ಇಲ್ಲ್ ಬರ್ಪಿನ ಪದ್ದತಿ.ಉಂದುನಮ್ಮ ಇಲ್ಲಡೆ ಬತ್ತ್ಂಡ ಮಾರಿ ದೂರ ಆಪುಂಡು ಪನ್ಪಿ ನಂಬಿಕೆ.ಈ ದೈವೊನು ಎಲ್ಯ ಜೋಕುಲು ಕಟ್ಟುವೆರ್. ಪಾರ್ವತಿನ (ಬೇಟೆಗಾರ)ನ ಲೆಕ್ಕೊ ಎಲ್ಯ ಪ್ರಾಯೊದ ಆಣಗ್ ವೇಷ ಮಲ್ಪುವೆರ್. ಕೆಂಪು ಬಣ್ಣದ ಪಟ್ಟೆ(ರೇಷ್ಮೆದ)ಕುಂಟು ತುತ್ತಾದ್ ತರೆಕ್ ತರೆ ಪಟ್ಟಿ ಕಟ್ಟುವೆರ್ .ಮೋನೆಗ್ ಕೆಂಪು ಮುಖ ವರ್ಣಿಕೆ ಪಾಡ್ದ್ ಪಾರ್ವತಿನ ರೂಪ ಮಲ್ಪುವೆರ್. ಮರ್ದ್ದೆನ ಕೈಟ್ ಮಣಿಗಂಟೆ ಉಪ್ಪುಂಡು ಈ ದೈವೊ ದೇವಸ್ಥಾನ, ದೈವಸ್ಥಾನೊಡು ಕಟ್ಟುದ್ ನಲಿಪುನ ಬದಲ್ ಪ್ರತಿ ಇಲ್ಲಡೆ ಬತ್ತ್‌ದ್ ನಲಿಪುಂಡು. ಚೆಂಡೆ ವಾದ್ಯದಕುಲು ಪನ್ಪಿನ ಪದೊಕು ಈ ದೈವ ನಲಿಪುಂಡು ಈ ದೈವೊ ಇಲ್ಲಡೆ ಬತ್ತ್ಂಡ ಐಶ್ವರ್ಯ ಬೊಕ್ಕ ಸಂಪತ್ತ್‌ದ ಅಧಿದೇವತೆಯಾಯಿನ ಲಕ್ಷ್ಮೀದೇವಿ ನೆಲೆ ಆಪಳ್ ಪನ್ಪಿನ ಸಾಮಾನ್ಯ ನಂಬಿಕೆ.ಮರ್ದೆ ದೈವೊ ಇಲ್ಲಡೆ ಬನ್ನಗ ದೀಪೊ ಪೊತ್ತಾದ್ ದೀವೊಡು ಅವೆಡ್ದ್ ಬೊಕ್ಕ ಚೆಂಡೆ ಬೊಟ್ಟುನಾರ್ ಇಲ್ಲ್‌ದಕುಲೆನ ಒಪ್ಪಿಗೆ ದೆತೊಂದು ಸಂಧಿ ಪನೊಂದು ಬೊಟ್ಟಿಯೆರೆ ಸುರು ಮಲ್ಪುನಗ ಮರ್ದೆ ದೈವೊ ಇಲ್ಲ್‌ದ ಎದುರು ದುಂಬು ಪಿರವು ಪೋವೊಂದು ನಲಿಪುಂಡು. ನಲಿತ್‌ದ್ ಆಯಿ ಬೊಕ್ಕ ಕುರ್ದಿ ಮಲ್ತ್‌ದ್ ಒಂಜಿ ಬತ್ತಿ ಪೊತ್ತಾವೊಂದು ಇಲ್ಲ್‌ದ ಯಜಮಾನ್ತಿ ಪಿದಯಿ ಜಾಲ್‌ಗ್ ಪತೊಂದು ಬತ್ತ್‌ದ್ ಬಡಕಾಯಿಗ್ ಚೇತ್‌ದ್ ಬುಡ್ಪೆರ್. ಇಲ್ಲ್ ಬೊಕ್ಕ ಸುತ್ತು ಪರಿಸರ ಶುದ್ಧ ಆದ್ ದುಷ್ಟ ಶಕ್ತಿ ದೂರ ಆಪುಂಡು ಪನ್ಪಿ ನಂಬಿಕೆ. ದೈವೊ ಕಟ್ಟ್‌ದ್ ಇಲ್ಲಡೆ ಬತ್ತ್‌ದ್ ಪೋನಗ ಪಣವು, ಅರಿ, ಮರಿಯಲೊಗು ದೀದಿತ್ತ್‌ನ ಕಾಯಿ ಕಜಿಪು, ಧಾನ್ಯ, ಉಪ್ಪು ಇಂಚಿತ್ತಿ ವಸ್ತುಲೆನ್ ದಾನ ಕೊರ್ಪುನ ಕ್ರಮಲ ಉಂಡು.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Bantwala: ತುಳುನಾಡಿನ ವಿಶಿಷ್ಟ ಆಚರಣೆ- ಮಾರಿ ಕಳೆವ ಆಟಿ ಕಳೆಂಜ". NAMMAKUDLA NEWS - ನಮ್ಮಕುಡ್ಲ ನ್ಯೂಸ್. 29 July 2023. Retrieved 12 July 2024.
- ↑ "ಸಂಕಷ್ಟ ದೂರಮಾಡುತ್ತೆ ಆಟಿ ಕಳೆಂಜ! ರೋಗರುಜಿನ ದೂರ ಮಾಡುವ ನಂಬಿಕೆ". News18 ಕನ್ನಡ (in ಕನ್ನಡ). 21 July 2022. Retrieved 12 July 2024.
- ↑ https://thesulliamirror.com/aati-aashada-special-article/