ಏಮೆ

ವಿಕಿಪೀಡಿಯರ್ದ್
ದಕ್ಷಿಣ ಆಫ್ರಿಕದ ಆಣ್ ಏಮೆ
ಆಫ್ರಿಕ ಏಮೆ
ಏಮೆ

ಕನ್ನಡೊದ ಆಮೆ ತುಳುಟು ಏಮೆ ಆತ್‍ಂಡ್. ಇಂಗ್ಲಿಷ್‍ಡ್ tortoise ಪನ್ಪೆರ್. ಏಮೆ ನಾಲ್ ಕಾರ್‍ದ ಒಂಜಿ ಜೀವಿ. ಅವು ಒಂಜಿ ಚಿಪ್ಪುದ ಜಾತಿಗ್ ಸೆರಿನ ಸರೀಸೃಪ ಜಾತಿ. ಏಮೆದ ನಾಲ್ ಕಾರ್ ನರಮಾನಿಯನ್ ತೂನಗ ಚಿಪ್ಪುದ ಉಲಾಯಿ ಪೋಪುಂಡು. ಅಂಚನೆ ಅಯಿತ ಮಂಡೆ ಬಂಜಿದುಲಾಯಿ ಪೋಪುಂಡು. ಮಂಡೆ ಉಲಾಯಿ ಆಯಿಬುಕ್ಕೊ ಏಮೆನ್ ತೂಂಡ ತರೆ ಒಂಚಿ ಬೀಲೊ ಒಂಚಿಂದ್ ಗೊತ್ತಾಪುಜಿ. ಅಂಚಾದ್ ಒಂಜಿ ವಿಚಿತ್ರೊ ಜೀವಿ ಏಮೆ. ಏಮೆ ಕೆತ್ತಿ ದೀಡುನೆ. ಒರ ದೀವನಗ ನೂದೆಡ್ದ್ ಮಿತ್ತ್ ತೆತ್ತಿಲು ಪಿದಾಯಿ ಬರ್ಪುಂಡು.[೧] ಆಜರೆ ಫೀಟ್ ಅಗೆಲೊದ ೯೦೦ ಕಿಲೋ ತೂಕೊದ ಏಮೆಲುಲಾ ಉಲ್ಲ. ಏಮೆ ಜಡೊ ಪಂಡ ಉದಾಸೀನೊದಕ್ಲೆಗ್ ಉದಾರ್ಮೆ. ಏಮೆ ಮಸ್ತ್ ನಿಧಾನೊ. ಬೋಡಾ ಬೊಡ್ಚಾಂದ್ ಪಜ್ಜೆ ದೆಪ್ಪುನೆ.

ಏಮೆದ ಜಾತಿ[ಸಂಪೊಲಿಪುಲೆ]

  1. ಕಡಲ್ದ ಏಮೆ
  2. ಕಾರೇಮೆ
  3. ನಕ್ಷತ್ರೊಏಮೆ
  4. ಬೊಲ್ಲೇಮೆ
  5. ಪಾಲೆಪು

ಎದ್‍ರ್ ಕತೆ[ಸಂಪೊಲಿಪುಲೆ]

  1. ಅಡೊಕ್ಕ್ ತಕ್ಕಣೊ ಮೇಲ್‍ಗ್ ತಕ್ಕಣೊ, ತಕ್ಕಣೊ ದೇವೆರ್ ಬೋಂಟೆಗ್ ಪೋತೆರ್.
  2. ಅಡಿ ಪಾದೆ ಮೇಲ್ ಪಾದೆ ನಡು ಜೂವೊ.

ಗಾದೆ[ಸಂಪೊಲಿಪುಲೆ]

  1. ಏಮೆ ಪತ್ಯರ ಪೋದು ಕಪ್ಪೆ ಪತ್ತಿನಂಚಾಂಡ್ - ಏಮೆ ಪತ್ತುನವು ಆತ್ ಸುಲಭ ಅತ್ತ್ಂದ್ ಈ ಗಾದೆ.
  2. ಏಮೆ ಮಲಂಕನೆ ಪೋನಗ ತಡ್ಪೆ ಕಂಕಾನೆ ಪೋಂಡ್‍ಗೆ - ಈ ಗಾದೆ ಏಮೆ ತಡ್ಪೆದಾತ್ ಮಲ್ಲೆ ಉಂಡುಂದು ಪನ್ಪುಂಡು.

ಕತೆ[ಸಂಪೊಲಿಪುಲೆ]

  1. ಏಮೆ ಮೇರ್‍ನ್ ಸೋಲ್ಪಾಪಾಯಿನ ಕತೆ. ಏಮೆ ಮಂದೊ ಬುದ್ದಿದಾಯೆ, ಮೆರ್ ಸೋಮಾರಿ ಪಂಡ್‍ದ್ ಈ ಕತೆತ ತಾತ್ಪರ್ಯೊ
  2. ಏಮೆ ಬಾಯಿಬಡುಕೆ ಆಯಿನೆಡ್ದಾರೊ ಎತ್ತರೊಡ್‍ದ್ ಬೂರ್‍ದ್ ಸಯಿತಿನ ಕತೆ - ಬಾಯಿಡ್ ಬಡಬಡ ಪಾತೆರುನಕ್ಲೆಗ್ ಈ ಕತೆನ್ ಪನ್ಪೆರ್.
  3. ಏರಾಂಡಲ ಮೆಲ್ಲ ನಡತೆರ್ಂಡ ಏಮೆ ನಡಕೆ ಪನ್ಪೆರ್.
  4. ಮಲ್ಲ ಡೆಂಜಿಗ್ ಏಮೆ ಡೆಂಜಿಂದ್ ಪನ್ಪೆರ್ - ಡೆಂಜಿನ್ ಏಮೆದಾತ್ ಮಲ್ಲೆಂದ್ ಪೋಲಿಪದೆರ್.

ನಂಬಿಕೆಡ್‍[ಸಂಪೊಲಿಪುಲೆ]

ಎಲ್ಯೆಲ್ಯ ಜಾತಿದ ಏಮೆಲು ತೋಡು, ತುದೆ ಬರಿಟ್ಟ್‍ ತಿಕ್ಕುವ, ಅಂಡ ಆವು ಪರತೊಂದು ಒಡೆಗ್‍ಲಾ ಪೋಪ. ತೋಟೊಗು ಪೊಗ್ಗಿನ ಏಮೆಲು ತಾರೆದ ಕಟ್ಟೆಡ್‍, ಜಾಲ ಬರಿಟ್ಟ್‍ಲಾ ತೋಜಿದ್‍ ಬರ್ಪಿನವು ಉಂಡು. ಏಮೆ ನಮ್ಮ ಇಲ್ಲಡೆ ಬತ್ತ್ಂಡ ಹಾಳ್‍, ಆವು ಮಾಟ ಮಲ್ತ್ ಬೈದಿನ ಏಮೆ ಪನ್ಪಿ ನಂಬಿಕೆ ಹಳ್ಳಿಲೆಡ್‍ ಉಂಡು. ನೆಕ್ಕ್ ವೈಜ್ಞಾನಿಕ ಆಧಾರ ಇಜ್ಜಿ.

ಪಿದಯಿದ ಕೊಂಡಿ[ಸಂಪೊಲಿಪುಲೆ]

ಉಲ್ಲೇಕೊಲು[ಸಂಪೊಲಿಪುಲೆ]

  1. "Archive copy". Archived from the original on 2014-02-10. Retrieved 2014-05-10. {{cite web}}: Unknown parameter |dead-url= ignored (help)CS1 maint: archived copy as title (link)
"https://tcy.wikipedia.org/w/index.php?title=ಏಮೆ&oldid=148539"ಡ್ದ್ ದೆತ್ತೊಂದುಂಡು