ಒನಕೆ ಓಬವ್ವ
ಒನಕೆ ಓಬವ್ವ ೧೮ ನೇ ಶತಮಾನೊದ ಚಿತ್ರದುರ್ಗದ ಕೋಟೆದ ಪಾಳೆಗಾರನಾದಿತ್ತಿನ ಮದಕರಿ ನಾಯಕೆನ ಕೋಟೆದ ಕಾವಲುಗಾರೆ ಆದಿತ್ತಿನ ಕಹಳೆ ಮದ್ದಹನುಮಪ್ಪನ ಬೊಡೆದಿ. ಓಬವ್ವನ್ ಕನ್ನಡದ ವೀರ ಪೊಂಜೊವ್ಲ್ ಆತಿನ ಕಿತ್ತೂರು ಚೆನ್ನಮ್ಮ, ರಾಣಿ ಅಬ್ಬಕ್ಕ ನ ಸಾಲ್‍ಡ್ ಪರಿಗಣಿಸಾವೆರ್.[೧]
ಓಬವ್ವನ ಕತೆ[ಸಂಪೊಲಿಪುಲೆ]
ಹೈದರಾಲಿ ಚಿತ್ರದುರ್ಗದ ಮಿತ್ತ್ ಆಕ್ರಮಣ ಆನಗ ಓಬವ್ವ ತನ್ನ ಒನಕೆನ್ ಅಸ್ತ್ರವಾದ್ ಶತ್ರುಲೆನ್ ಎದುರಿಸಾಯೆರ್. ನೂದುರ್ದ್ಲಾ ಮಿತ್ತ್ ಶತ್ರು ಸೈನಿಕೆರೆನ್ ತನ್ನ ಒನಕೆರ್ದೇ ಕೆರ್ದ್ ಕಡೆಕ್ ಶತ್ರು ಸೈನಿಕೆ ಪಿರೋಡ್ ಬತ್‍ದ್ ಬಿಸತಿ ಪಾಡಿನೈರ್ದಾವರ ಜೀವನ್ ಬುಡಿಯೆರ್. ಆ ಗಲಿಗೆರ್ದ್ ಅರೆಗ್ ಒನಕೆ ಓಬವ್ವ ಪನ್ಪಿನ ಬಿರುದು ತಿಕ್ಕ್ಂಡ್.[೨][೩] ಮದಕರಿ ನಾಯಕನ ಆಳ್ವಿಕೆಡ್, ಚಿತ್ರದುರ್ಗೊಗ್ ನಗರೊನ್ ಹೈದರ್ ಅಲಿ (1754-1779) ಪಡೆ ಆಕ್ರಮಣ ಮಲ್ಪುಂಡು. ಬಂಡೆದ ರಂದ್ರೊದ ಮೂಲಕ ಶತ್ರುಲು ಚಿತ್ರದುರ್ಗದ ಕೋಟೆದುಲಾಯಿ ಬರ್ಪಿನೈನ್ ಆಕಸ್ಮಿಕವಾದ್ ತುಯ್ನ ಹೈದರ್ ಅಲಿ ತನ್ನ ಸೈನಿಕೆರೆನ್ ಆ ರಂದ್ರೊದ ಮೂಲಕ ಕಡಪಾವುನ ಯೋಜನೆ ಮಲ್ಪುವೆ. ಅಲ್ಪ ಬೇಲೆ ಮಲ್ತೊಂದಿತ್ತಿನ ಕಹಳೆ ಊದುನಾಯೆ ಹನುಮ, ಒಣಸ ಮಲ್ಪರೆ ಪೋದಿತ್ತೆ. ಒಣಸ್ ದ ಪೊರ್ತುಡ್ ಮದಕರಿ ನಾಯಕಗ್ ಪರ್ರೆ ನೀರ್ ಬೋಡಿತ್ತ್ಂಡ್, ಅಂಚಾದ್ ಬೊಡೆದಿ ಓಬವ್ವ ನೀರ್ ಕನರೆ ಪೋದಿತ್ತೊಲು. ಶತ್ರುಲು ಒರಿ ಒರಿಯೆ ರಂದ್ರೊದ ಮೂಲಕ ಕೋಟೆದುಲಾಯಿ ಬರ್ಪುನೈನ್ ಓಬವ್ವ ತೂಯೊಲ್. ಆ ಪೊರ್ತುಗ್ ದಾಲ ತೋಚಂದೆ ಕಂಡನ್ಯನ್ ಲೆಪ್ಪರೆಲಾ ಆವಂದೆ ತಾನಾದೇ ಒಂಜೊಂಜೆ ಸೈನಿಕೆರೆಗ್ ಮಂಡೆಗ್ ಒನಕೆಡ್ ಪೆಟ್ಟ್ ಪಾರ್ದ್ ಕೆರ್ಪೊಲು. ಆಂಡ ಕಡೆಕ್ ಒರಿ ಶತ್ರು ಓಬವ್ವಗ್ ಬಿಸತಿ ಪಾಡುನೈರ್ದಾವರ ಓಬವ್ವನ ಜೀವ ಪೋಪುಮಡು. ಆಂಡ ಚಿತ್ರದುರ್ಗೊನ್ ಶತ್ರುಲೆರ್ದ್ ರಕ್ಷಿಸಾದೆ ಜೀವ ಬುಡ್ಪೆರ್.
ಸಿನಿಮೊಲೆಡ್ ಓಬವ್ವ ಸ್ಮರಣೆ[ಸಂಪೊಲಿಪುಲೆ]
ಪುಟ್ಟಣ್ಣ ಕಣಗಾಲ್ ನಿರ್ದೇಸನೊದ ನಾಗರಹಾವು ಸಿನಿಮೊದ ಪ್ರಸಿದ್ಧ ಪದ್ಯೊಡ್ ಓಬವ್ವನ್ ಚಿತ್ರಿಸಾದೆರ್.[೪] ಈ ಸಿನಿಮೊಡ್ ನಟಿ ಜಯಂತಿ ಮೇರ್ ಓಬವ್ವನ ಪಾತ್ರೊನ್ ಮಲ್ದೆರ್. ೨೦೧೯ ನೇ ಇಸವಿಡ್ 'ಚಿತ್ರದುರ್ಗದ ಒನಕೆ ಓಬವ್ವ'[೫] ಪನ್ಪಿನ ಸಿನಿಮೊಡ್ ತಾರಾ ಅನುರಾಧಾ ಒನಕೆ ಓಬವ್ವನ ಪಾತ್ರಡ್ ಅಬಿನಯ ಮಲ್ತ್ ದೆರ್.[೬][೭]
ಓಬವ್ವ ಜಯಂತಿ[ಸಂಪೊಲಿಪುಲೆ]
2021 ನೇ ಇಸವಿರ್ದ್ ಕರ್ನಾಟಕ ಸರಕಾರ ಪ್ರತಿ ವರ್ಸ ನವೆಂಬರ್ 11 ನೇ ತಾರೀಕ್ ಗ್ ಓಬವ್ವ ಜಯಂತಿನ್ ಆಚರ್ಪರೆ ಅನುಮತಿ ಕೊರ್ತುಂಡು.[೮][೯]
ಸರಕಾರೊರ್ದ್ ಓಬವ್ವಗ್ ತಿಕ್ಕಿನ ಸನ್ಮಾನೊಲು[ಸಂಪೊಲಿಪುಲೆ]
- ನವೆಂಬರ್ 11 ನೇ ತಾರೀಕ್‍ಗ್ ಇಡೀ ರಾಜ್ಯೊಡ್ ‘ಒನಕೆ ಓಬವ್ವ ಜಯಂತಿ’ ಆಚರ್ಪರೆ ಕರ್ನಾಟಕ ಸರ್ಕಾರ ನಿರ್ದಾರ ಮಲ್ದ್ಂಡ್.[೧೦]
- ಹೈದರ್ ಅಲಿನ ಸೈನಿಕೆರ್ ಪ್ರವೇಸ ಮಲ್ದಿನ ರಂದ್ರೊನ್ ‘ಒನಕೆ ಓಬವ್ವನ ಕಿಂಡಿ’ ಪಂಡ್ದ್ ಪುದರ್ ದೀಯೆರ್.
- ಓಬವ್ವನ ಕಿಂಡಿ ಉಪ್ಪುನ ಜಾಗೆನ್ ಪ್ರವಾಸಿ ತಾಣ ಆದ್ ಮಲ್ದೆರ್.
- ಕರ್ನಾಟಕ ಸರ್ಕಾರ ಚಿತ್ರದುರ್ಗೊದ ಕ್ರೀಡಾಂಗನೊಗ್ ವೀರ ವನಿತೆ ಒನಕೆ ಓಬವ್ವ ಕ್ರೀಡಾಂಗನ ಪಂದ್ ಪುದರ್ ದೀತ್ಂಡ್.
- ಚಿತ್ರದುರ್ಗೊದ ಜಿಲ್ಲಾದಿಕಾರಿ ಕಚೇರಿ ಎದುರು ಒನಕೆ ಓಬವ್ವನ ಪ್ರತಿಮೆನ್ ನಿರ್ಮಿಸಾದ್ ಸರ್ಕಾರ ಗೌರವ ಕೊರ್ತುಂಡ್. ಅಶೋಕ್ ಗುಡಿಗಾರ್ ಉಂದೆನ್ ಕೆತ್ತಿನೆ ಮಲ್ದೆರ್.[೧೧]
ಪಟಕುಲು[ಸಂಪೊಲಿಪುಲೆ]
-
ಓಬವ್ವನ ಕಿಂಡಿದ ಚಿತ್ರೊ -
ಓಬವ್ವನ ಕಿಂಡಿ -
ಓಬವ್ವನ ಕಿಂಡಿದ ಚಿತ್ರೊ, ಚಿತ್ರದುರ್ಗ, ಕರ್ನಾಟಕ, ಭಾರತ -
ಓಬವ್ವನ ಕಿಂಡಿದ ಚಿತ್ರೊ, ಚಿತ್ರದುರ್ಗದ ಕೋಟೆ
,_Karnataka,_India.jpg)
,_Karnataka,_India.jpg)
,_Karnataka,_India.jpg)
ಉಂದೆನ್ಲಾ ತೂಲೆ[ಸಂಪೊಲಿಪುಲೆ]
ಉಲ್ಲೇಕೊಲು[ಸಂಪೊಲಿಪುಲೆ]
- ↑ "Onake Obavva". Drishti IAS (in ಇಂಗ್ಲಿಷ್). Retrieved 3 February 2024.
- ↑ "ಸಾಂಸ್ಕೃತಿಕ ನಾಯಕಿ ವೀರವನಿತೆ ಒನಕೆ ಓಬವ್ವ: ನೆಲ್ಲಿಕಟ್ಟೆ ಎಸ್.ಸಿದ್ದೇಶ್". www.bookbrahma.com (in ಇಂಗ್ಲಿಷ್). Retrieved 3 February 2024.
- ↑ ವಾರ್ತೆ, ಪ್ರಜಾವಾಣಿ. "ಅಸಾಮಾನ್ಯ ಸಾಹಸಿ ಒನಕೆ ಓಬವ್ವ". Prajavani (in ಕನ್ನಡ). Retrieved 3 February 2024.
{{cite news}}: zero width space character in|first1=at position 1 (help) - ↑ https://twitter.com/NamCinema/status/1633496827482734593. Retrieved 30 January 2024.
{{cite web}}: Missing or empty|title=(help) - ↑ "'ಚಿತ್ರದುರ್ಗದ ಒನಕೆ ಓಬವ್ವ' ಪಾತ್ರದಲ್ಲಿ ನಟಿ ತಾರಾ". Vijay Karnataka (in ಕನ್ನಡ). Retrieved 30 January 2024.
- ↑ https://www.udayavani.com/district-news/koppal-news/onake-obavva-is-a-symbol-of-courage-bravery-says-mla-janardhana-reddy. Retrieved 3 February 2024.
{{cite news}}: Missing or empty|title=(help) - ↑ https://kannadadeevige.in/onake-obavva-information-in-kannada-%E0%B2%92%E0%B2%A8%E0%B2%95%E0%B3%86-%E0%B2%93%E0%B2%AC%E0%B2%B5%E0%B3%8D%E0%B2%B5/. Retrieved 3 February 2024.
{{cite news}}: Missing or empty|title=(help) - ↑ Correspondent, Special (9 November 2021). "'Onake Obavva Jayanti' on Nov. 11". The Hindu (in Indian English). Retrieved 30 January 2024.
- ↑ "Onake Obavva - 11th November Observed as Onake Obavva Jayanti". BYJUS (in ಇಂಗ್ಲಿಷ್). Retrieved 3 February 2024.
- ↑ https://www.vijayavani.net/onake-obavva-brave-lady-of-chithradurga. Retrieved 3 February 2024.
{{cite web}}: Missing or empty|title=(help) - ↑ "ಒನಕೆ ಓಬವ್ವನ ಕಥೆ, ಪ್ರಬಂಧ, ಅವಳ ಹಾಡುಗಳು ಮತ್ತು ಪ್ರಸಿದ್ಧ ಓಬವ್ವ ಕಿಂಡಿ, ಒನಕೆ ಓಬವ್ವ ಅವರಿಗೆ ಸರಕಾರದಿಂದ ಸನ್ಮಾನ". 27 July 2023. Retrieved 3 February 2024.