ಕೊರತಿ ದೈವ

ಕೊರತಿ ತುಳುನಾಡ್ದ ಇಲ್ಲ್‌ದೈವೊಲೆ ಒಂಜಿ. ಈ ದೈವೊ ವಿಶೇಷವಾದ್ ಇಲ್ಲ್‌ನ್, ಕುಟುಂಬನ್ ಬುಕ್ಕೊ ಅಡಿಗೆಮನೆನ್ ಕಾಪುನ ದೈವೊ ಪಂದ್ ನಂಬಿಕೆ ಉಂಡು. ತುಳುನಾಡ್ದ ಅನೇಕ ಬಂಟ, ಬಿಲ್ಲವ ಬುಕ್ಕೊ ಇತರ ಸಮುದಾಯದ ಇಲ್ಲ್‌ಲೆ ಕೊರತಿ ಆರಾಧನೆದ ಸಂಪ್ರದಾಯ ಇಂದಾದ್ ಬೊಕ್ಕ ಉಂಡು. ಅಟಿಲ್ ದ ಇಲ್ಲಡ್ ಇಸೆಸುನ ಅಟಿಲ್ ಮಲ್ತ್‌ದ್ ದೈವಗ್ ಪಲಯಿಡ್ ದೀದ್ ನಮಸ್ಕಾರ ಮಲ್ಪುನ ಕ್ರಮ ಉಂಡು.

ಕೊರತಿ ದೈವನ್ ಕೆಲವೆಡೆ ಅನ್ನಪೂರ್ಣೇಶ್ವರಿದ ರೂಪೊಡುಲಾ ತೂವೆರ್. ಕುಟುಂಬದ ಅನ್ನ, ಐಶ್ವರ್ಯ ಬುಕ್ಕೊ ಕ್ಷೇಮ ಕಾಪುನ ಶಕ್ತಿ ಪಂದ್ ನಂಬಿಕೆ ಉಂಡು.^[1]

ದೈವದ ಮೂಲೊ ಬೊಕ್ಕ ಐತಿಹ್ಯ

ಕೊರತಿ ದೈವದ ಬಗ್ಗೆ ತುಳುನಾಡ್ದ ವಿವಿಧ ಪ್ರದೇಶೊಲೆ ವಿಭಿನ್ನ ಐತಿಹ್ಯೊಲು ಉಂಡು. ಜನಪದ ನಂಬಿಕೆ ಪ್ರಕಾರ ಕೊರತಿ ಪಾರ್ವತಿದೇವಿಯ ಒಂಜಿ ರೂಪ. ಅರ್ಜುನನ ಪಾಶುಪತಾಸ್ತ್ರ ಪರೀಕ್ಷೆ ಮಲ್ಪೆರೆ ಶಿವ ಬುಕ್ಕೊ ಪಾರ್ವತಿ ಕಿರಾತ ರೂಪೊಡು ಭೂಮಿಗ್ ಬತ್ತಿನೆರ್. ಅಂದು ಕಿರಾತಿನಿ ರೂಪೊಡಿತ್ತಿನ ಪಾರ್ವತಿ ಭೂಮಿದ ಜನೊಲೆ ನೆಲೆನಿಂಡು "ಮಲೆ ಕೊರತಿ" ಆಯಿನೆ ಪಂದ್ ಪಾಡ್ದನೊಲೆ ವರ್ಣನೆ ಉಂಡು.^[2]

ಇನ್ನೊಂದು ನಂಬಿಕೆ ಪ್ರಕಾರ ಕೊರತಿ ಕಾಡು, ಮಲೆ, ಬೊಕ್ಕ ಪ್ರಕೃತಿದ ಶಕ್ತಿಲೆ ಒಂಜಿ ಪ್ರತೀಕ ಆಂಡ್. ಅದ್ದರಿಂದಲೇ ಅಯಿನ್ "ಮಲೆ ಕೊರತಿ" ಪಂದ್ ಲೆಪ್ಪುವೆರ್.

ದೈವದ ಮಹಿಮೆ

ಕಾರ್ಣಿಕದ ದೈವ.
ಇಲ್ಲದ ಪೊಂಜೆನಕುಲೆಗ್ ಬಾರಿ ಕೈತಲ್‌ದ ದೈವ.
ಅಟಿಲ್‌ದ ಕೋಣೆಡ್ ಈ ದೈವಗ್ ಒಂಜಿ ಪಲಯಿ ಕಟ್ಟ್‌ದ್ ಉಪ್ಪುವೆರ್.
ಇಲ್ಲದ ಅಕ್ಕಿ, ಧಾನ್ಯ, ಅಡಿಗೆ ಬುಕ್ಕೊ ಆಹಾರದ ಸಮೃದ್ಧಿ ಕಾಪುನ ದೈವ.
ಇಲ್ಲದಕುಲದ ಆರೋಗ್ಯ ಬುಕ್ಕೊ ಐಶ್ವರ್ಯಗ್ ಅನುಗ್ರಹ ಕೊರ್ಪುನ ದೈವ.
ಅಡಿಗೆಮನೆಡ್ ಇಸೆಸಾದ್ ದೀದ್ ಬುಕ್ಕೊ ನಮಸ್ಕಾರ ಮಲ್ಪುನ ಕ್ರಮ ಉಂಡು.
ಇಲ್ಲದ ಕೈಕಂಜಿಲ್ ತಪ್ಪಂಡ ಕೊರತಿ ಪೆತ್ತ ಬೈದ್‌ಜಿ ಪಂದ್ ಜನಪದ ನಂಬಿಕೆ ಉಂಡು.

ವಿಸೆಸೊ

ಇಲ್ಲ್‌ನ್ ಕಾಪುನ ದೈವ ಬುಕ್ಕೊ ಇಲ್ಲದ ಉಲಾಯಿ ಉಪ್ಪುನ ದೈವ ಆಯಿನೆಟ್ಟ್ ಅಮೆಗ್ ಸೂತಕ ಇಜ್ಜಿ.
ವಾ ಸಮಯೊಡ್ಲಾ ಆರಾಧನೆ ಮಲ್ಪೊಲಿ.
ಎಪೊಲ ಅಗೆಲ್ ಪಾಡೊಲಿ.
ದಿಕ್ಕೆಲ್‌ತ ಕೈತಲ್ ಇಪ್ಪುಂಡು.
ನೆಲತ್ತ್ ಮೀತ್ತ್ ದೀಪೆರ್.
ಮಣೆ ಅತ್ತಂಡ ಉಜ್ಜಾಲ್‌ಟ್ ದೀಪೆರ್.
ಪೊಂಜೊವುಲೆ ಅಡಿಗೆ ಮಾಲ್ತ್ ಅಗೆಲ್ ಪಾಡುನ.

ಕೊರತಿನ ಅಗೆಲ್

ಬಗೆಕುಲು

ಮಲೆ ಕೊರತಿ

ಅರ್ಜುನನ ಬಿಲ್ವಿದ್ಯೆ ಪರೀಕ್ಷೆ ಮಲ್ಪೆರೆ ಶಿವ ಬುಕ್ಕೊ ಪಾರ್ವತಿ ಕಿರಾತ ವೇಷೊಡು ಭೂಮಿಗ್ ಬರ್ಪೆರ್. ಅರ್ಜುನ ಪಂಜಿಗ್ ಬಾಣ ಬುಡ್ಪೆ, ಶಿವನ ಬಾಣ ಬುಕ್ಕೊ ಅರ್ಜುನನ ಬಾಣ ಒಟ್ಟಿಗೆ ಪಂಜಿನ್ ತಿಕ್ಕುಂಡು. ಪಾಶುಪತಾಸ್ತ್ರ ಕೊರ್ಪುನ ಮುನ್ನ ಶಿವನ ಶಕ್ತಿ ರೂಪ ಆಯಿನ ಪಾರ್ವತಿ ಭೂಮಿಗ್ ಮಲೆ ಕೊರತಿಯಾದ್ ನೆಲೆನಿಂದಿನೆ ಪಂದ್ ಐತಿಹ್ಯ ಉಂಡು.

ಜಾಲ ಕೊರತಿ

ಕುರುವಾಯಿ ದೀದ್ ಆರಾಧಿಸುನ ಒಂಜಿ ಕ್ರಮೊ. ಕಿದೆತ ಪಿರವುಡು ನೀರ್ ತಲ್ತ್‌ದ್ ಮನೆ ದೀದ್ ತಡ್ಪೆನ್ ದೀಪೆರ್. ಜಾಲ ಕೊರತಿ ಇಲ್ಲ್‌ದ ಕಾಪುಗಾರ್ತಿ ಪಂದ್ ನಂಬಿಕೆ ಉಂಡು. ಹಿರಿಯೆರ್ ಜಾಲ ಕೊರತಿ ನೆನೆತ್ತೊಂದು ನುಡಿಕಟ್ಟ್ ಪನ್ಪುನ ಸಂಪ್ರದಾಯ ಉಂಡು.

ಆರಾಧನೆದ ಸ್ವರೂಪ

ವಾರಡ್ ಒರ ಅಗೆಲ್‌ಲ, ಬುಕ್ಕೊ ಸಂಕ್ರಾಂದಿಗ್ ಅಗೆಲ್ ಕೊರ್ಪುನ ಕ್ರಮ ಉಂಡು. ಕೆಲವೆಡೆ ಒಟ್ಟಿಗೆ ಕ್ವಾಟ್ರ್ (ಮದ್ಯ) ಕೊರ್ಪುನ ಸಂಪ್ರದಾಯಲಾ ಉಂಡು. ವರ್ಷಡ್ ಒರ ಕೋಲ ಬುಕ್ಕೊ ಪಟ್ಡೆ ಇಡೀ ಕುಟುಂಬದಕುಲು ಸೇರ್ದ್ ಮಲ್ಪುನ ಪರ್ವ ಆಂಡ್.

ಅಗೆಲ್‌ಗ್ ಲಾಕಿ ಕೋರಿದ ಕಜಿಪು, ಪೊರಿ, ಬಜಿಲ್, ಪನಿಯಾರ ಬುಕ್ಕೊ ಇತರ ನೈವೇದ್ಯೊಲು ಬಲಸುವೆರ್. ವರ್ಷದ ಪರ್ವದಾನಿ ಅರಿ, ನುಪ್ಪು ಬುಕ್ಕೊ ಚೋಲಿನ್ ದೆತ್ತ್‌ದ್ ದೀವೊಡು.

ಕೋಲ ಬೊಕ್ಕ ಪಾತ್ರಿ

ಕೊರತಿ ಕೋಲೊಲೆ ಪಾತ್ರಿ ಕಪ್ಪು ಸೀರೆ, ಗೆಜ್ಜೆ, ಕತ್ತಿ ಬುಕ್ಕೊ ವಿಶಿಷ್ಟ ಅಲಂಕಾರೊಡನೆ ಕಾಣೆರ್. ಕೋಲದ ಸಮಯೊಡು ದೈವೊ ಕುಟುಂಬದ ಸಮಸ್ಯೆಲೆ ಪರಿಹಾರ ಸೂಚನೆ ಕೊರ್ಪೆರ್ ಪಂದ್ ನಂಬಿಕೆ ಉಂಡು. ಕೊರತಿ ದೈವದ ಕೋಲ ಇಲ್ಲ್‌ದ ಕುಲೊದ ಒಕ್ಕೂಟ ಬುಕ್ಕೊ ಕುಟುಂಬದ ಐಕ್ಯತೆಯ ಸಂಕೇತ ಆಂಡ್.

ಸಾಂಸ್ಕೃತಿಕ ಮಹತ್ವ

ಕೊರತಿ ತುಳುನಾಡ್ದ ಇಲ್ಲ್‌ದೈವ ಆರಾಧನೆಲೆ ವಿಶಿಷ್ಟ ಸ್ಥಾನೊನು ಪಡೆದುಂಡು. ಇತರೆ ಭೂತೊಲು ಗರಡಿ, ದೈವಸ್ಥಾನೊಲೆ ಆರಾಧನೆ ಪಡೆಯುನಾಗ, ಕೊರತಿ ಹೆಚ್ಚಿನ ಬಾರಿ ಇಲ್ಲ್‌ದ ಅಡಿಗೆಮನೆಡ್ ಬುಕ್ಕೊ ಪೊಂಜೆನ ಸ್ಥಳೊಲೆ ಆರಾಧನೆ ಪಡೆಯೆರ್. ಅದ್ದರಿಂದ ಕೊರತಿ ತುಳುವೆರೆನ ದಿನನಿತ್ಯದ ಜೀವನೊಡನೆ ನಿಕಟ ಸಂಬಂಧ ಉಪ್ಪುನ ದೈವೊ ಆಂಡ್.