ಗೋವಿಂದ ಪೈ

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ


ಮಂಜೇಶ್ವರ ಗೋವಿಂದ ಪೈ
ಎಂ. ಗೋವಿಂದ ಪೈ
ಜನನ Birth date
ಮಂಜೇಶ್ವರ
ಮರಣ Death date and age
ವೃತ್ತಿ ಲೇಖಕ
ರಾಷ್ಟ್ರೀಯತೆ ಬಾರತೊ, British Raj
ಪೌರತ್ವ ಬಾರತೊ, British Raj
ವಿಷಯ ಕನ್ನಡ ಸಾಹಿತ್ಯ
ಬುಡೆತಿ ಕೃಷ್ಣಾ ಬಾಯಿ[೧]
ಗೋವಿಂದ ಪೈಯೆರೆ ಕೈ ಬರವುಡು ಬರೆಯಿನ "ತಾಯೆ ಬಾರ ಮೊಗವ ತೋರ" ಕವಿತೆದ ಚಿತ್ರೊ

ಎಂ. ಗೋವಿಂದ ಪೈ ( ಮಾರ್ಚ್ ೨೩, ೧೮೮೩ – ಸೆಪ್ಟೆಂಬರ್ ೬, ೧೯೬೩) ಕನ್ನಡೊದ ಸುರುತ್ತ "ರಾಷ್ಟ್ರಕವಿ"ಯೆರಾದ್ ಪುಗರ್ತೆ ಪಡೆತೆರ್. ಮಂಜೇಶ್ವರೊಗು ಭಾರತೊದ ಸಾಂಸ್ಕೃತಿಕ ಬೂಪಟೊಡು ಜಾಗೆ ತೋಜ್ಪಾದ್ ಕೊರ್‍ನ ಅರ್ ಗೋವಿಂದ ಪೈ.[೨] ೧೯೫೬ಡ್ ಕರ್ನಾಟಕೊ ರಾಜ್ಯೊ ಪುನರ್ ಇಂಗಡನೆ ಆನಗ ಕಾಸರಗೊಡು ಕೇರಲೊದ ಪಾಲಾಂಡ್. ಅಪಗ ಆರ್ ಮಸ್ತ್ ಬೇಜಾರೊ ಮಲ್ತೆರ್. ಗೋವಿಂದ ಪೈಲು ಅಕೇರಿಗ್ ಮುಟ್ಟೊ ಆರೆನ ಪುದರ್‍ದೊಟ್ಟುಗೆ ಮಂಜೇಶ್ವರೊನು ಸೇರಾವೊಂದಿತ್ತೆರ್. ಆರೆನ ಪಾಲ್‍ಗ್ ಕಾಸರಗೋಡು ಕರ್ನಾಟಕೊದ ಒಂಜಿ ಬಾಗೊ ಆದಿತ್ತ್ಂಡ್.

ಮಂಜೇಶ್ವರ ಗೋವಿಂದ ಪೈ ಶಿಲ್ಪ.

ಬಾಲ್ಯೊ ಬುಕ್ಕೊ ವ್ಯಾಸಂಗೊ[ಸಂಪೊಲಿಪುಲೆ]

  • ಗೋವಿಂದ ಪೈಲು ಮೂಲತೊ ಕುಡ್ಲದಾರ್. ಅಮ್ಮೆರ್ ಮಂಗಳೂರು ತಿಮ್ಮಪೈಲು ಬುಕ್ಕೊ ಅಪ್ಪೆ ದೇವಕಿಯಮ್ಮ. ಅಪ್ಪೆ ಇಲ್ಲ್ ಮಂಜೇಶ್ವರ. ಆರ್ ಕಾಸ್ರೋಡು ತಾಲೋಕುದ ಮಂಜೇಶ್ವರೊದ ಅಜ್ಜನ ಇಲ್ಲಡೆಡ್ ಮಾರ್ಚ್ ೨೩, ೧೮೮೩ ದಾನಿ ಪುಟ್ಟಿಯೆರ್.[೧][೩] ಆರೆನ ಅಮ್ಮೆರ್ ದಿಂಜಿದಿ ಸ್ತಿತಿವಂತೆರ್. ಅಪಗದ ಕಾಲೊಗು ಸಾವಿರಾರ್ ರೂಪಾಯಿ ವಾರ್ಸಿಕೊ ಕಂದಾಯೊ ಕಟ್ಟೊಂದಿತ್ತೆರ್.
  • ಗೋವಿಂದ ಪೈಲೆ ಸಾಲೆದ ಓದು ಕುಡ್ಲಡೆ ಆಂಡ್. ಕುಡ್ಲದ ಸರಕಾರಿ ಕೋಲೇಜಿಡ್ ಇಂಟರ್‍ಮೀಡಿಯೆಟ್ಟ್ ಮುಟ್ಟ ಓದಿಯೆರ್. ನವೋದಯ ಸಾಹಿತ್ಯೊದ ಆಚಾರ್ಯ ಪುರುಸೆರ್ಂದ್ ಪುದರಾದಿತ್ತಿನ ಪಂಜೆ ಮಂಗೇಶರಾಯೆರ್ ಇಂಬೆರೆಗ್ ಕನ್ನಡೊದ ಮಾಸ್ಟೆರ್ ಆದಿತ್ತೆರ್. ಎಚ್ಚಿದ ಓದುಗಾದ್ ಮೆಡ್ರಾಸ್‍ಗ್ (ಇತ್ತೆದ ಚೆನ್ನೈಗ್) ಪೋಯೆರ್. ಬುಕ್ಕೊ ಪೈಯೆರ್ ಮದ್ರಾಸ್‍ದ ಕ್ರಿಶ್ಚಿಯನ್ ಕಾಲೇಜಜಿಗ್ ಸೇರ್‍ಯೆರ್. ಅಲ್ಪ ಡಾ.ಎಸ್. ರಾಧಾಕೃಷ್ಣನ್ ಆರ್ ಇಂಬೆರೆನ ಸಾಪಾಠಿ ಆದಿತ್ತೆರ್.
  • ಬಿ.ಎ. ತರಗತಿ ಅಕೇರಿ ವರ್ಸೊದ ಪರೀಕ್ಷೆ ನಡತ್ತಾನಗನೇ ಅಮ್ಮೆರೆ ಅನಾರೋಗ್ಯೊದ ಸುದ್ದಿ ತೆರಿದ್, ಕಲ್ಪುನೆನ್ ಬುಡುದು ಬತ್ತೆರ್. ಆರೆನ ಅಮ್ಮೆರೆ ಸಾವುಡ್ದು ಬುಕ್ಕೊ ಪದವಿ ದೆತೊನುನ ಗೋಜಿಗ್ ಪೋಯಿಜೆರ್. ಬರೆಯಿನ ಒಂಜೇ ಪ್ರಶ್ನೆಪತ್ರಿಕೆ ಇಂಗ್ಲಿಸ್‍ಡ್ ಒಂಜನೆ ಸ್ತಾನೊ ದೆತೊಂದು ಬಂಗಾರ್ದ್ ಪದಕೊ ದೆತೊಂಡೆರ್.[೪] ಆಂಡಲಾ ಕುಲ್ಲ್‌ನ ಸುರುತ ಬಾಗೊ ಇಂಗ್ಲಿಸ್‍ಡ್ ವಿಶ್ವವಿದ್ಯಾನಿಲಯೊದ ಸುವರ್ಣ ಪದಕ ಆರೆಗ್ ತಿಕ್ಕಿಂಡ್. ಆಂಡ ಆರೆನ ಸಾಹಿತ್ಯೊದ ಅಧ್ಯಯನೊ ಜೀವನೊ ಪರ್ಯಂತೊ ಬುಲೆಂಡ್.[೧]

== ಗೋವಿಂದ ಪೈಕ್ಲೆ ಬ ಕೊಂಕಣಿ, ತುಳು, ಕನ್ನಡ, ಸಂಸ್ಕೃತ, ಮಲಯಾಳಂ, ತೆಲುಗು, ತಮಿಳು, ಮರಾಠಿ, ಒರಿಯಾ, ಬಂಗಾಳಿ, ಪಾಲಿ, ಅರ್ಧಮಾಗಧಿ, ಉರ್ದು, ಪರ್ಷಿಯನ್, ಗ್ರೀಕ್, ಲ್ಯಾಟಿನ್, ಜಪಾನಿ, ಇತಾಲಿಯನ್ ,ಸ್ಪಾ ನಿಷ್ ,ಪ್ರಾಕೃತ, ಹಿಂದಿ ಹಾಗೂ ಗುಜರಾತಿ, ಈ ಬಾಸೆಲೆ ಪಾಂಡಿತ್ಯೊ ಇತ್ತ್ಂಡ್.

ಬೂಕುಲು[ಸಂಪೊಲಿಪುಲೆ]

  1. ಗೊಲ್ಗೋಥಾ ಅತ್ತಂಡ ಯೇಸುನ ಕಡೆಯ ಅಕೇರಿದ ದಿನೊ Golgotha
  2. ವೈಶಾಖಿ ಅತ್ತಂಡ ಬುದ್ಧನ ಅಕೇರಿದ ದಿನೊ (ಖಂಡ ಕಾವ್ಯ)
  3. ಹೆಬ್ಬೆರಳು
  4. Indiana
  5. ವಿಟಂಕ
  6. ಇಂಗಡಲು (ಆಯ್ಕೆದ ಕವನೊಲು)
  7. ಶ್ರೀಕೃಷ್ಣ ಚರಿತ್ರೆ
  8. ಕನ್ನಡದ ಮೊರೆ (ಬಾಸನೊಲು ಬುಕ್ಕೊ ಲೇಕನೊಲು)
  9. ತಾಯಿ ಮತ್ತು ನೋ ನಾಟಕಗಳು
    1. ಕುಮಸಾಕಾ
    2. ಕಾಯೊಮ್ ಕೋಮಾಚಿ
    3. ಸೊತೋಬಾ ಕೊಮಾಚಿ
    4. ಹಾಗೊರೋವೊ
    5. ತ್ಸುನೆಮಾಸ
    6. ಸೊಮಾಗೆಮಂಜಿ
    7. ಚೊರಿಯೊ
    8. ಶೋಜೊ
  10. ಗಿಳಿವಿಂಡು (ಕವನ ಸಂಕಲನ)
  11. ಗೀತಾಂಜಲಿ (ರವೀಂದ್ರನಾಥ ಠಾಗೋರೆರೆ ಗೀತಾಂಜಲಿದ ಕನ್ನಡ ಅನುವಾದೊ)
  12. ಗೋವಿಂದ ಪೈ ಅವರ ಲೇಖನಗಳು ಮತ್ತು ಪ್ರಬಂಧಗಳು
  13. ಗೋವಿಂದ ಪೈ ಅವರ ಕೆಲವು ಪತ್ರಗಳು
  14. ಚಿತ್ರಭಾನು ಅಥವಾ ೧೯೪೨
  15. ಗೋವಿಂದ ಪೈ ಸಂಶೋಧನಾ ಸಂಪುಟ
  16. ನಂದಾದೀಪ (ಕವನ ಸಂಕಲನ)
  17. ಹೃದಯರಂಗ (ಕವನ ಸಂಕಲನ)

ಸಮ್ಮಾನೊಲು[ಸಂಪೊಲಿಪುಲೆ]

  • ಕನ್ನಡೊದ ಸುರುತ ರಾಷ್ಟ್ರಕವಿ
  • ೧೯೪೯ಡ್ ಮದರಾಸು ಸರಕಾರೊ (೧೯೫೬ಡ್ ಕರ್ನಾಟಕ ಏಕೀಕರಣೊಡ್ದು ಸುರುಟು ದಕ್ಷಿಣ ಕನ್ನಡ ಜಿಲ್ಲೆದ ಅಪಗದ ಮದರಾಸು ರಾಜ್ಯದಲ್ಲಿ ಪಂಡ ಇತ್ತೆದ ತಮಿಳುನಾಡ್‍ಡ್ ಗೋವಿಂದ ಪೈಯೆರೆಗ್ ರಾಷ್ಟ್ರ ಕವಿ ಸಮ್ಮಾನೊನು ಕೊರ್‍ದ್ ಗೌರವಿಸಂಡ್.
  • ಸಾಹಿತ್ಯ ಸಮ್ಮೇಳನೊದ ಅಧ್ಯಕ್ಷತೆ- ೧೯೫೦ಡ್ ಮುಂಬಯಿಡ್ ನಡತಿನ ೩೪ನೆದ ಕನ್ನಡ ಸಾಹಿತ್ಯ ಸಮ್ಮೇಳನೊಗು ಗೋವಿಂದ ಪೈಯೆರ್ ಅಧ್ಯಕ್ಷೆರಾದಿತ್ತೆರ್.

ಗೋವಿಂದ ಪೈ ಸಂಶೋಧನ ಕೇಂದ್ರೊ[ಸಂಪೊಲಿಪುಲೆ]

ಗೋವಿಂದ ಪೈ ಸಂಶೋಧನ ಕೇಂದ್ರೊ, ಕುಂಜಿಬೆಟ್ಟು ಉಡುಪಿ
  • ಉಡುಪಿಡ್ ಗೋವಿಂದ ಪೈ ಸಂಶೋಧನ ಕೇಂದ್ರೊ ಎಂ.ಜಿ.ಎಂ. ಕಾಲೇಜಿದ ಅಂಗಸಂಸ್ಥೆಯಾದ್ ೧೯೬೫ಡ್ ಸ್ತಾಪನೆ ಆಂಡ್. ಉಡುಪಿದ ಗೋವಿಂದ ಪೈ ಸಂಶೋಧನ ಕೇಂದ್ರೊ ತುಳು-ಕನ್ನಡೊ-ಕೊಂಕಣಿ ಬಾಸೆದ ಹಿರಿಯ-ಕಿರಿಯ ಸಂಶೋಧಕರೆಗ್ ಉಪಯೋಗೊ ಆಪಿನ ಜಾಗೆ. ಪಿಎಚ್.ಡಿ. ಅಧ್ಯಯನೊಗು ಹಂಪಿ ಕನ್ನಡ ವಿಶ್ವವಿದ್ಯಾಲಯೊಡ್ದು ಮಾನ್ಯತೆ ತಿಕ್‍ದ್ಂಡ್. ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರೊಡು ಮಂಜೇಶ್ವರ ಗೋವಿಂದ ಪೈಯೆರೆ ಸಂಗ್ರಹೊದ ಪುಸ್ತಕ ಭಂಡಾರೊ ಬುಕ್ಕೊ ಪ್ರಾಚ್ಯ ವಸ್ತುಸಂಗ್ರಹಾಲಯೊ ಉಂಡು.
  • ಈ ಗ್ರಂಥಾಲಯೊಡು ಸುಮಾರ್ ಮುಪ್ಪತೈನ್ ಬಾಸೆಲೆ ಐನ್ ಸಾವಿರೊ ಬೂಕುಲು ಉಂಡು. ಕನ್ನಡೊ ಬುಕ್ಕೊ ಇಂಗ್ಲಿಸ್‍ಡ್ ಬೂಕುಲು ಅಂಚನೆ ಪರತ್ ನಿಯತಕಾಲಿಕೆಲು ಅಪೂರ್ವವಾದ್ ಉಂಡು. ದೇವತಾ ವಿಗ್ರಹೊಲೆ ಶಿಲ್ಪಕೃತಿಲು, ವೀರಕಲ್ಲ್, ಮಾಸ್ತಿಕಲ್ಲ್‌ಲು, ಮರತ ಕೆತ್ತನೆಲು, ಕಂಚಿದ ಆಕೃತಿಲು ಮುಲ್ಪ ತೂವೊಳಿ. ಸಂಶೋಧಕೆರೆಗ್ ಈ ಕೇಂದ್ರೊದ ಸಂಗ್ರಹೊಡ್ದ್ ತಿಕುನ ಲಾಬೊ ಸಾಮಾನ್ಯವಾಯಿನವತ್ತ್.

ಉಡುಪಿದ ಗೋವಿಂದ ಪೈ ಸಂಶೋಧನ ಕೇಂದ್ರೊಡು ಉಪ್ಪುನ ಕಲಾಕೃತಿಲು[ಸಂಪೊಲಿಪುಲೆ]

ಗೋವಿಂದ ಪೈ ಕೇಂದ್ರೊದ ಬೂಕು ಪ್ರಕಟಣೆಲು[ಸಂಪೊಲಿಪುಲೆ]

ಗೋವಿಂದ ಪೈ ಸಂಶೋಧನ ಕೇಂದ್ರೊ ಬೂಕುಲೆ ಪ್ರಕಟಣೆಲು ಮಸ್ತ್.

ಗೋವಿಂದ ಪೈ ಸ್ಮಾರಕೊ ಸಮ್ಮಾನೊ[ಸಂಪೊಲಿಪುಲೆ]

ರಾಷ್ಟ್ರಕವಿ ಗೋವಿಂದ ಪೈ ಸ್ಮಾರಕ ಪ್ರಶಸ್ತಿನ್ ನಾಡ್‍ದ ಸಾಧಕೆರೆಗ್ ಕೊರೊಂದುಲ್ಲೆರ್.

ವಿದಾಯೊ[ಸಂಪೊಲಿಪುಲೆ]

೧೯೬೩ನೆ ಸೆಪ್ಟೆಂಬರ್ ೦೬ನಾನಿ ಗೋವಿಂದ ಪೈಯೆರೆ ಸಾವು ಆಂಡ್.

ಹೆಚ್ಚಿಗೆ ಓದುಗು[ಸಂಪೊಲಿಪುಲೆ]

ಉಲ್ಲೇಕೊ[ಸಂಪೊಲಿಪುಲೆ]

  1. ೧.೦ ೧.೧ ೧.೨ cite book|author1=ಎಂ. ತಿರುಮಲೇಶ್ವರ ಭಟ್ಟ|author2=ನೀರ್ಕಜೆ ತಿರುಮಲೇಶ್ವರ ಭಟ್ಟ|title=ಗೋವಿಂದ ಪೈ|url=http://books.google.com/books?id=FgvHhDqmJw8C%7Caccessdate=23 July 2013|date=1 January 1993|publisher=ಸಾಹಿತ್ಯ ಅಕಾದೆಮಿ|isbn=978-81-7201-540-4
  2. ವೆಂಕಟ ಮಾಧವರಾವ್ ಇನಾಂದಾರ್: "ಗೋವಿಂದ ಪೈ"
  3. cite news |title=M.Govinda Pai:A Kannada Scholar-Poet ,an Indian Image of Universal Religion|url=http: //bavivekrai. wordpress. com/ 2012/ 01/ 19/m-govinda-paia-kannada-scholar-poet-an-indian-image-of-universal-religion/
  4. cite news |title=Rashtrakavi M. Govind Pai|url=http://www.kamat.com/kalranga/kar/writers/govind_pai.htm