ಪಲಾಶ

Flame-of-the-forest
ಫೈಲ್:Butea monosperma, flame-of-the-forest, bastard teak, ചമത. Leaf.jpg
Inflorescences and the trifoliolate leaf in India
Scientific classification
Missing taxonomy template (fix):	Butea
Species:	Template:Taxonomy/ButeaB. monosperma
Binomial name
Template:Taxonomy/ButeaButea monosperma (Lam.) Taub.
Synonyms
Butea frondosa Roxb. ex Willd. Erythrina monosperma Lam. Plaso monosperma (Lam.) Kuntze

ಪಲಾಶೊದ ಒಂಜಿ ಪೂ

ಪಲಾಶೊದ ಮರ

Palasha mara ,Muttuga

ಪಲಾಶ ಅತ್ತಾಂಡ ಪಾಲಾಶೊದ ಮರನ್ ಕೆಲವು ರೋಗೊಲೆಗ್ ಮರ್ದ್ ಆದ್ ಗಲಸುವೆರ್. ಅಯಿನ್ ದೇವೆರೆ ಕೆಲಸೊಗುಲ ಗಲಸುವೆರ್.ಮರ್ದ್ ಗ್, ಧಾರ್ಮಿಕ ಆಚರಣೆಳೆಗ್ ಅಂಚನೆ ಮಾಂತ್ರಿಕ ಕ್ರಿಯೆಟ್ಲಾ ಪಲಾಶನ್ ಗಳಸುವೆರ್. ಈ ಮರಕುಲೆ ಸಮೂಹ ಕಾಡ್ಡ್ ಪೂ ಬುಡ್ಂಡ ದೂರರ್ದ್ ತೂನಗ ಕಾಡ್ ಗ್ ತೂ ಬೂರ್ಲೆಕ ತೋಜುಂಡು . ಪೂ ಬುಡ್ನಗ ತನ್ನ ಮಾತಾ ಇರೆಕ್ಲೆನ್ ಉದುರ್ತ್ ದ್ ಖಾಲಿ ಪೂ ಮಾತ್ರ ತೋಜುಂಡು. ಪಕ್ಕಿದ ಕೊಕ್ಕುದಲೆಕ ತೋಜುನ ಪೂಕುಲು ಉಪ್ಪುನೆರ್ದಾವರ “ಕಿಂಶುಕ”, ಯಜ್ಞ ಯಾಗಾದಿಳೆಗ್ ಉಪಯೋಗ ಮಲ್ಪುನೆರ್ದವರ “ಯಾಜ್ಞಿಕ” ಪಂದ್ ಲೆಪ್ಪುವೆರ್ . ಕನ್ನಡಡ್ ಮುತ್ತುಗ ಪಂದ್ ಪನ್ಪೆರ್.

ವಿಜ್ನಾನೋದ ಪುದರ್

ಬಟ್ಯಾ ಮಾನೋಸ್ಪರ್ಮಾ

ಬೇತೆ ಪುದರ್ಲ್

ಪಲಾಶೊದ ಮರನ್ ಸಂಸ್ಕ್ರುತೊಡು ತಮಾಲನ್ ನೇಪಾಲಿಡ್ ಧಕ್, ಇಂಗ್ಲಿಶ್ಡ್ ಬಾಸ್ಟರ್ಡ್‍ಟೀಕ್, ಪಾರೆಟ್ ಟ್ರೀ, ಹಿಂದಿಡ್ ಚೆಹ್ಲ, ಮರಾಟಿಡ್ ಪಲಾಸ್, ಕನ್ನೊಡೊಡು ಮುತ್ತುಗ, ಪಲಶ. ಮಲಯಾಳಿಡ್ ಮರಿಕು, ಶಮಾತ ಪಂದ್  ಲೆಪುವೆರ್. ಉಂದೆತ ರಂಗ್ ದಾದ್ಡ್ ಕಾಡ್ ದ ಜ್ವಾಲೆಂದ್ ಲಾ ಪನ್ಪೆರ್.

ಆಕಾರೊ

ಪಲಾಶೊ ಒಂಜಿ ೨೦ -೪೦ ಅಡಿ ಎತ್ತರೊ ಬೊಲೆಪುನ ಮರ. ಉಂದು ಒಂಜಿ ಬಗ್ಗ್ ದ್ ಅಂಚಿಂಚಿ ಗೆಲ್ಲ್ ಬತ್ತ್ ದ್, ಬೊನ್ಯೊದ ರಂಗ್ ಡ್ ದೊರಗ್ ಚೋಲಿ ಇಪ್ಪುನ್ ಕೈಪೆ ದ ಮರ. ಮರತ ಇರೆ ೧೦-೧೨ ಸೆಂ.ಮೀ. ಉದ್ದ ಇಪ್ಪುಂಡು. ಪೂಕು ಸುಗಂಧೊ ಇದ್ದಿ. ಅವು ಮರತ ಕೋಡಿಟ್ ಒಟ್ಟೊಟ್ಟುಗು ಇಪ್ಪುಂಡು. ಪ್ರತಿಯೊಂಜಿ ಪೂಟು ೫ ಎಸಲ್, ೨ ರೆಂಕೆದಲೆಕ, ಒಂಜಿ ಪಕ್ಕಿದ ಕೋಕಾಯಿದಲೆಕ ಉಂಡು. ಉಂದು ಗಿಳಿತಲೆಕೊ ತೋಜುಂಡು, ಅಂಚಾದ್ ಉಂದೆನ್ ಗಿಳಿ ಮರ ಪಂಡ್ ದ್ಲಾ ಲೆಪ್ಪುವೆರ್. ಉಂದೆತ ಪೂನು ಹೋಲಿ ಪರ್ಬೊಗು ರಂಗ್ ತಯಾರ್ ಮಲ್ಪೆರ್ ಗಲಸೊಂದಿತ್ತೆರ್. ೬-೧೦ ಸೆಂ.ಮೀ ಉದ್ದದ ತೊಟ್ಟುಲೆಡ್ ಮೂಜಿ ಮೂಜಿ ಇರೆಕುಲು ಸೇರ್ದ್ ಬಳಪುಂಡು. ಕೆತ್ತೆಗ್ ಕತ್ತಿಡ್ ಕಡ್ತ್ಂಡ ಕೆಂಪು ರಂಗ್ ದ ನರ‍್ಯಾಸ (ಗೊಂದು) ಪಿದಾಯಿ ಬರ್ಪುಂಡು. ಇರೆಕುಲು ೧೦-೧೫ ಸೆಂ.ಮೀ ಉದ್ದಗಲ ಉಪ್ಪುಂಡು. ನೆತ್ತ ಇರೆಕ್ಲೆನ್ ಒಂಜೆಕ್ಕೊಂಜಿ ಸೇರ್ಸಾದ್ ವನಸ್ಗ್ ಬಟ್ಟಲ್ ಮಲ್ಪುವೆರ್. ಕಡು ಕೆಂಪು ರಂಗ್ ದ ಪೂಕುಳು ಗೊಂಚೆಲ್ ಗೊಂಚೆಲಾದ್ ಉಪ್ಪುಂಡು. ಪೂಕುಳು ಬಾಯಿ ಬುಡ್ಪಾದ್ ಉಂತ್ನ ಉಚ್ಚುದಲೆಕ , ಗಿಳಿತ ಕೊಕ್ಕುದಲೆಕ ತೋಜುಂಡು. ಮಂಜಲ್ ರಂಗ್ ದ ಪೂತ ಪಲಾಶ ಮರಕುಳೂ ಉಂಡು. ನೆತ್ತ ೬-೮ ಇಂಚ್ ಉದ್ದದ ಚಪ್ಪಟೆ ಕೋಡ್ದ ಉಲಾಯಿ ಚಪ್ಪಟೆ ಉರುಟಾಯಿನ ಒಂಜರೆ ಇಂಚ್ ವ್ಯಾಸದ ಬೊಣ್ಯ ರಂಗ್ ದ ವಿದ್ಯಾದೇವತೆ ಸರಸ್ವತಿಗ್ ಪ್ರಿಯವಾಯಿನ ಪೂ. ನೆತ್ತ ದಂಡ್ ರ್ದ್ ಯಜ್ಞಯಾಗಾದಿಲೆಗ್ ಅವಶ್ಯ ಉಪ್ಪುನ ಪಾತ್ರೆಳೆನ್ ಮಲ್ಪುವೆರ್. ಬ್ರಹ್ಮರ‍್ಯದ ಸಂಕೇತ. ಉಪನಯನ ಆನಗ ದೀಕ್ಷೆ ಪಡೆನಗ ಆನನ ಕೈಟ್ ಪಲಾಶದ ಕೋಲು ಉಪ್ಪುಂಡು. ಪ್ರಾಣಿ ಬಲಿಕೊರ್ಪುನ ಬದಲ್ ಪಲಾಶದ ಪೂಕುಲೆನ್ ಅರ್ಪಿಸಾಬೆರ್. ಸೈತ್ ನ ದೇಹ ತಿಕಂದ್ನ ಸಂದರ್ಭಡ್ ಪಲಾಶದ ದಂಡ್ ನ್ ಪುಣತ ಬದಲ್ ಸಂಸ್ಕಾರ ಮಲ್ಪೆರೆ ಉಪಯೋಗಿಸಾವುನ ಪದ್ಧತಿ ಉಂಡು. ಹೋಮ ಹವನಲೆಡ್ ಪಲಾಶದ ಇರೆ, ಗೆಲ್ಲ್, ದಂಡ್ಲೆನ್ ಉಪಯೋಗ ಮಲ್ಪುವೆರ್. ಹೋಳಿ ಆಚರಣೆದ ಸಂದರ್ಭಡ್ ಪಲಾಶದ ಪೂಕುಲೆನ್ ಪಾಡ್ನ ನೀರ್ನ್ ಒರಿಯರ್ದೊರಿಯಗ್ ಚೇಪೆರೆ ಗಳಸುವೆರ್. ಹೋಮಗ್ ನೈ ಪಾಡೆರೆ ನೆತ್ತ ಇರೆನ್ ಉಪಯೋಗಿಸುವೆರ್. ಪಲಾಶದ ಇರೆ, ಕೆತ್ತೆ, ಕೆತ್ತೆದ ಕೆಂಪುಸ್ರಾವ, ಬೀಜೊಲೆನ್ ಮರ್ದಾದ್ ಬೇತೆ ಬೇತೆ ಸಂಧರ್ಭೊಲೆಡ್ ಗಳಸುವೆರ್.

ತೋಜೆದ್ ಬರ್ಪುನ ಊರುಲು

ಭಾರತ, ಬಾಂಗ್ಲಾದೇಶ, ನೇಪಾಳ, ಶ್ರೀಲಂಕಾ, ಮಯನ್ಮಾರ್, ಥೈಲ್ಯಾಂಡ್ ದೇಶೊಲೆಡ್ ತೋಜಿದ್ ಬರ್ಪುಂಡು.  ಶಿವರಾತ್ರಿ ದ ಸಮಯೊಡು ಈಶ್ವರ ದೇವೆರೆನ ಪೂಜೆಗ್ ಉಂದೆತ ಪೂನು ಗಲಸುವೆರ್. ತಮಿಳ್ ನಾಡ್ ದ ಬ್ರಾನೆರ್ ದಿನೋಲಾ ಅಗ್ನಿಹೋತ್ರ ಮಲ್ಪೆರೆ ಗಲಸುವೆರ್.

ಉಪಯೋಗೊಲು

• ಉಂದೆನ್ ಮರ್ದ್ ಬೊಕ್ಕ ರಂಗ್ ಗಾದ್ ಗಲಸುವೆರ್.
• ಉಂದೆತ ಮರ ಬೊಕ್ಕ ಪೂ ಗಾಳಿದ ಮಲೀನತೆನ್ ಕಮ್ಮಿ ಮಲ್ಪುವ.
• ಆಯುರ್ವೇದ ಯುನಾನಿ ಮತ್ತು ಹೋಮಿಯೋಪತಿ ಮರ್ದಾದ ಗಲಸುವೆರ್.
• ಆಯುರ್ವೇದದ ಪ್ರಕಾರ ಮರ ವಾತಾ ಬೊಕ್ಕ ಪಿತ್ತನು ಅದೋಟು ದೀಪುಂಡು.
• ಇರೆಲಾ, ನೆತ್ತೆರ್ ಸಂಬಂದಿ, ದೊಂಡೆದ ಉರಿನ್ ಕಮ್ಮಿ ಮಲ್ಪುನ ಮರ್ದ್.
• ಇರೆತ ಕಷಾಯ ನೆತ್ತೆರ್ದ ಕಾನ್ಸರ್ ಬೊಕ್ಕ ಚೀಪೆ ಪಡಿಕೆದ ಸೀಕ್ ಗ್ ಮರ್ದ್.
• ಪೊಂಜೊವುಲೆನ ತಿಂಗೊಲ್ದ ಸಂಕೊಟೊನು ಕಮ್ಮಿ ಮಲ್ಪುನ ಗುಣೊ ಉಂಡು.
• ಆಂಜೆನೆಕುಲೆಗ್ಲ ಪಡಿಕೆದ ಸೀಕ್ಗ್ ಮರ್ದ್.
• ಉಂದೆತ ಬಿತ್ತ್ ನ್ ತಿಂದ್ಂಡ  ಬೇದಿ ಅಪುಂಡು. ಅಂಚಾದ್ ಲಿಂಬೆದ  ರಸದೊಟ್ಟುಗು ಬೆರೆಸಾದ್ ತಿನೊಡು.
• ಉಂದೆತ ಪರ್ಂದ್ ಕಣ್ಣ್ ದ ಸೀಕ್ ಗ್, ಚರ್ಮೊದ ಸೀಕ್ಗ ಗ್ ಲಾ ಆಪುಂಡು.
• ಮರತಚೋಲಿಲಾ ಮರ್ದ್. ಉಂದೆತ ಕಸಾಯೊಡು ಎಲು ಪೊಲಿನ ಬೇಗ ಗುಣೊ ಆಪುಂಡು.
• ಉಂದೆಕ್ ಬೇನೆ ಕಮ್ಮಿ ಮಲ್ಪುನ ಶಕ್ತಿಲಾ ಉಂಡು. ಉಚ್ಚು ತುಚ್ಛಿನ ವಿಸೊನು ಕಮ್ಮಿ ಮಲ್ಪುಂಡು.
• ರಾತ್ರೆ ಕಣ್ನ್ ತೋಜಾಂದಿನಕ್ಲೆಗಾ, ಕಣ್ಣ್ ದ ದೋಸೊಗುಲಾ, ಕೆಮ್ಮೊ, ಬಂಜಿದ್  ಪೋಪುನೆಕ್ಲಾ, ಮೂತ್ರೊ ಕೋಶೊದ ಕಲ್ಲ್ ಗಲಾ ಮರ್ದ್.
• ಪಲಶೊದ ಇರೆನ್ ಒನಸ್ ಮಲ್ಪೆರೆ, ತಿಂಡಿಲೆನ್ ಕಟ್ಯೆರೆ ಗಲಸುವೆರ್.
• ಮರತ  ಅಂಟ್ ನ್ ಕೆಲವು ತಿನಸುಲೆಡ್ ಗಲಸುವೆರ್.
• ಪೂನು ಕುಂಟುದ ರಂಗ್ ಗ್ ಲಾ, ಹೋಲಿಗ್ ರಂಗಾದ್ ಲಾ ಗಲಸುವೆರ್.
• ಪೂತ ಕಮ್ಮೆನೊ ಉಮಿಲಿನ್ ಮರ್ಲ್ ಮಲ್ಪೆರೆ ಗಲಸ್ಂಡ ಉಮಿಲಿದ ಕಾಟೊದ್ದು ಬಿಡುಗಡೆ ಆವೊಲಿ.
• ಉಂದೆನ್ ಶಿವರಾತ್ರಿ ಸಮಯೊಡು ಪೂಜೆಗ್ ಲಾ ಗಲಸುವೆರ್.