ಪುದೀನ

ವಿಕಿಪೀಡಿಯರ್ದ್
Jump to navigation Jump to search
ಪುದೀನ

ಪುದೀನ ಒಂಜಿ ದೈ.ಉಂದು ಆಹಾರೊಗು ರುಚಿ ಬೊಕ್ಕ ಕಮ್ಮೆನ ಕೊರ್ಪಿನ ತಪ್ಪು. ಪುದೀನ, ಏಷ್ಯಾ, ಹಿಮಾಲಯದ ಪೂರ್ವೊಡು, ಪೂರ್ವ ಸೈಬೀರಿಯಾ, ಬೊಕ್ಕ ಉತ್ತರ ಅಮೇರಿಕಾದ ಸಮಶೀತೋಷ್ಣೊ ಪ್ರದೇಶಡ್ ಬುಲೆಪುಂಡ್. ಪುದೀನ ಸಾಮಾನ್ಯವಾದ್ ೧೦-೬೦ ಸೆಂ.ಮೀ ಎತ್ತರೊಗು ಬುಲೆಪುಂಡು. ಉಂದು ಬಹುವಾರ್ಷಿಕ ದೈ. ಇಂದೆತ ಕುಟುಂಬದ ಪುದರ್ ಲ್ಯಾಮಿನೇಸಿಯ. ನೀರ್ದ ಆಶ್ರಯ ಇಪ್ಪುನಲ್ಪ ಪುದೀನ ಮಸ್ತ್ ಬುಲೆಪುಂಡು. ಪುದೀನನ್ ಲ್ಯಾಟಿನ್ ಭಾಷೆಡ್ 'ಮೆಂತ' ಪನ್ಪೆರ್. ಮೆಂತ ಪಂಡ ಜಲದೇವಿ. ಈ ತಪ್ಪುನ್ ಸೂಪ್, ಸಾಸ್ ಬೊಕ್ಕ ಚಟ್ನಿಗ್ ಉಪಯೋಗ ಮಲ್ಪುವೆರ್. ಪುದೀನ ತಪ್ಪುಡ್ದ್ ತಿಕ್ಕುನ "ಪೆಪ್ಪರ್ಮಿಂಟ್' ಪನ್ಪಿನ ಅಂಶೊನ್ ಕೈಗಾರಿಕೆ ಬೊಕ್ಕ ವೈದ್ಯಕೀಯ ರಾಸಾಯನಿಕ ತಯಾರಿಕೆಡ್ ಉಪಯೋಗ ಮಲ್ಪುವೆರ್.

ಔಷಧೀಯ ಗುಣೊ[ಸಂಪೊಲಿಪುಲೆ]

  • ಆಹಾರೊನು ಸುಲಭವಾದ್ ಪಚನ ಮಲ್ಪುಂಡು
  • ಕೊಬ್ಬುದ ಅಂಶೊನು ಕರಾವುಂಡು
  • ಬಂಜಿ ಸೂ ಕಮ್ಮಿ ಮಲ್ಪುಂಡು
  • ಕಕ್ಕುನೆನು ನಿವಾರಣೆ ಮಲ್ಪಂಡು
  • ಕೂಲಿದ ತೊಂದರೆ ಶಮನ ಆಪುಂಡು
  • ಬಂಜಿದ ಪುರಿತ್ತ ಉಪದ್ರ ಕಮ್ಮಿ ಆಪುಂಡು
  • ಕೆಮ್ಮ ಬೊಕ್ಕ ಕಫದ ತೊಂದರೆಗ್ ಎಡ್ಡೆ
  • ತುರಿಕೆ ಶಮನ ಆಪುಂಡು
  • ನೆನಪುದ ಶಕ್ತಿ ವೃದ್ಧಿ ಆಪುಂಡು[೧]

ಬುಲೆಪಾವುನ ವಿಧಾನ[ಸಂಪೊಲಿಪುಲೆ]

ಪುದೀನ ಸಾಮಾನ್ಯವಾದ್ ಮಣ‍್ದ ಮಿತ್ ಬುಲೆಪುಂಡು. ಫಲವತ್ತಾಯಿನ ಪೊಯ್ಯೆ ಮಣ್ಣ್, ಧಾರಾಳವಾದ್ ನೀರ್ ಪುದೀನ ಬುಲೆಯೆರೆ ಅಗತ್ಯ. ಈ ದೈತ ೧-೨ ಸೆಂ.ಮೀ ಉದ್ದದ ಚಿಗ್ರ್ ನಡ್ದ್ ಬುಲೆಪಾವೊಲಿ. ಅರೆಗಾಲೊಡು ವಾರೊಗು ರಡ್ಡ್ ಸರ್ತಿ ನೀರ್ ಪಾಡೊಡು. ಬರ್ಸದ ಸಮಯೊಡು ತಪ್ಪು ತಾಲುಂಡು. ಮರಿಯಾಲ ಕರಿಬೊಕ್ಕ ತಪ್ಪು ಚೆಗ್ರುಂಡು. ಒಂಜಿ ದೈ ೨-೩ ವರ್ಷೊ ಬದ್ಕುಂಡು.[೨]

ಉಪಯೋಗೊ[ಸಂಪೊಲಿಪುಲೆ]

  • ಚಟ್ನಿ,ಪುದೀನ ಪುಲಾವ್,ಪುದೀನ ಸೂಪ್,ಪಾನೀಯ,ಮರ್ದ್ ಅಂಚನೆ ವಿವಿಧ ರೀತಿದ ಉಪಯೋಗ ಉಂಡು.[೩]

ಉಲ್ಲೇಖ[ಸಂಪೊಲಿಪುಲೆ]

  1. https://www.medicalnewstoday.com/articles/275944.php
  2. https://www.wikihow.com/Grow-Mint
  3. https://www.indiatimes.com › Health › Recipe
"https://tcy.wikipedia.org/w/index.php?title=ಪುದೀನ&oldid=76276"ಡ್ದ್ ದೆತ್ತೊಂದುಂಡು