ಬೆಞಣ
ಬೆಞಣ/ಕೊಜಪು ಉಂದು ಪೇರ್ದ ಉಪ ಉತ್ಪನ್ನ ಪ್ರತಿದಿನ ತಿಂದ್ಂಡ ಸದಾ ಅರೋಗ್ಯವಂತೆರಾದ್ ಉಪ್ಪೊಲಿ. ಬೆಂಞಣೊನು ಬೇತೆ ಬೇತೆ ತೆನಸ್ಸ್ ದೊಟ್ಟಿಗೆ ತಿನೊಲಿ. ನುಪ್ಪುಗು ಬೆರಸದ್, ಫಲ ಪರ್ಂದ್‌ಡ್ದ್ ಮಲ್ತಿನ ಸಲಾಡ್‌ಗ್ ಬೆರೆಸದ್, ಅಂಚನೆ ನುಪ್ಪುಡು ಮಲ್ತಿನ ಬಾತ್ ದೊಟ್ಟಿಗೆ ಬೆರೆಸದ್ ತಿನೊಲಿ. ಬೆಞಣೊನು ಪೇರ್‌ಡ್ದ್ ತಯಾರ್ ಮಲ್ಪುವೆರ್. ಬೆಂಙನೊಗು ಕೊಜಪು ಪಂಡ್ದ್‌ಲಾ ಪನ್ಪೆರ್.
ಮಲ್ಪುನ ವಿಧಾನ
[ಸಂಪೊಲಿಪುಲೆ]ಪೇರ್‌ನ್ ರೆನಿಟ್ (ಕಂಜಿಲೆನ ಬಂಜಿಡುಪ್ಪುನ ಕಿಣ್ವಗಳ ಸಂಕೀರ್ಣ) ಅತ್ತ್ಂಡ ಲಿಂಬೆರಸ ಅತ್ತ್ಂಡ ವಿನಿಗರ್‌ದಂಚಿನ ಒಂಜಿ ಆಮ್ಲೀಯ ಖಾದ್ಯ ವಸ್ತುದೊಟ್ಟಿಗೆ ಪೆರ್ಪುಗಟ್ಟದ್ ಬೊಕ್ಕ (ಹ್ವೇ ಪನ್ಪಿ) ದ್ರವ ಭಾಗನ್ ಅರ್ತ್‌ದ್ ಪಡೆವುನಂಚಿನ ಒಂಜಿ ಕ್ಷೀರೋತ್ಪನ್ನನ್ ಬೆಂಞಣ ಪನ್ಪೆರ್ [೧]. ಪುಳಿಯಾಯೆರೆ ಬುಡ್ತಿನ ಪೇರ್ (ಪಜಿ ಪೇರ್ ಅತ್ತ್ಂಡ ಲ್ಯಾಕ್ಟಿಕ್ ಆಮ್ಲದ ಬ್ಯಾಕ್ಟೀರಿಯ ಅತ್ತ್ಂಡ ಮಡ್ಡಿ ಸೇರಯಿನ ಪಾಶ್ಚೀಕರಿಸಯಿನ ಪೇರ್) ಸಹ ನೈಸರ್ಗಿಕವಾದ್ ಬೆಞಣ ಉತ್ಪಾದನೆ ಮಲ್ಪುಂಡು, ಬೊಕ್ಕ ಪುಳಿ ಪೇರ್ದ ಬಾವೆನ್ ಈ ರೀತಿ ಉತ್ಪಾದನೆ ಮಲ್ಪೆರೆ ಆಪುಂಡು. ಜಾಸ್ತಿಯಾಯಿನ ಆಮ್ಲೀಯತೆ ಪೇರ್ದ ಪ್ರೋಟೀನುಲು (ಕೇಸೀನ್) ಘನರಾಶಿಯಾದ್ ಸಿಕ್ಕ್ ಆಪಿನಂಚ ಮಲ್ಪುಂಡು, ಬೊಕ್ಕ ಪೇರ್ ಬೆಞಣ ಆಪುಂಡು[೨].
ಬೇತೆ ಬೇತೆ ಪುದರ್
[ಸಂಪೊಲಿಪುಲೆ]- ಕನ್ನಡ-ಮೊಸರು
- ತುಳು- ಬೆಞಣ(ಬೆಂಙನ ಅಥವಾ ಕೊಜಪು)
- ಮಲಯಾಲ- ಮೋರ್
- ಹಿಂದಿ-ದಹಿ
ಆರೋಗ್ಯ
[ಸಂಪೊಲಿಪುಲೆ]ದಿನೊಕ್ಕು 250-600 ಗ್ರಾಂ ಬೆಂಞಣ ತಿಂದ್‌ನ ನರಮಾನಿ ಜೀವಮಾನ ಪೂರ್ತಿ ಆರೋಗ್ಯವಂತೆಯಾದ್, ಉಲ್ಲಾಸೊಡು ಉಪ್ಪೆರೆ ಸಾಧ್ಯ ಉಂಡು. ಉಂದು ಪ್ರಾಯ ಆಪಿನೆನ್ ನಿಧಾನ ಮಲ್ಪುಂಡು. ನೆತ್ತೆರ್ದ ಹಾಳ್ ಕೊಲೆಸ್ಟರಾಲ್ ಕಡಿಮೆ ಮಲ್ತ್‌ದ್, ಹೃದಯ ಬೊಕ್ಕ ನರನಾಳದ ವ್ಯವಸ್ಥೆನ್ ಗಟ್ಟಿಮುಟ್ಟು ಮಲ್ಪುಂಡು ಪನ್ದ್ ಅಧ್ಯಯೊನೊಡ್ದು ತೆರಿದ್ ಬರ್ಪಿನ ವಿಷಯ. ಪೇರ್‌ಡ್ ತಯಾರಾಪಿನ ಬೆಞಣೊಡು ಕ್ಯಾಲ್ಸಿಯಂ,ಪೊಟ್ಯಾಸಿಯಮ್, ಮೆಗ್ನಿಷಿಯಮ್, ವಿಟಮಿನ್ ಬಿ2 ಬೊಕ್ಕ ವಿಟಮಿನ್ ಬಿ12 ಸೇರ್ದಿನಂಚನೆ ನನಲಾತ್ ಪೌಷ್ಟಿಕ ವಸ್ತುಲು ಸೇರ್ದುಂಡು. ಆಫ್ರಿಕದ ಕೆಲವು ಬುಡಕಟ್ಟು ಜನಾಂಗದಕುಲು ಪ್ರತಿ ದಿನ ಬೆಂಞಣ ತಿನ್ಪೆರ್. ಅಕುಲೆನ ನೆತ್ತೆರ್ಡ್ ಕೊಲೆಸ್ಟರಾಲ್ ಕಡಿಮೆ ಉಪ್ಪುನೆ ಅಂಚನೆ ಮುಕುಲು ದಿನಾಲ ಬೆಞಣ ತಿನ್ಪಿನೆರ್ದಾತ್ರ ಅಕುಲೆನ ಆಯಸ್ಸೂ ದೀರ್ಘ ಪಂಡ್‌ದ್ ಅಧ್ಯಯನ ತಂಡ ವೊಂಜಿ ಪತ್ತೆ ಮಲ್ತ್‌ದ್ಂಡ್. ಪ್ರತಿ ದಿನಲ ಕಾಂಡೆದ ಪೊರ್ತು ಬೆಞಣ ತಿನ್ಪಿನವು ಸರೀರೊ ಭಾರಿ ಎಡ್ದೆ.
ಬೆಂಞನ/ ಕೊಜಪುಡು ತಯಾರ್ ಆಪಿನವು/ ಇಜ್ಜಾಂಡ ಬಳಕೆ
[ಸಂಪೊಲಿಪುಲೆ]- ಮಜ್ಜಿಗೆ
- ಮಸಾಲೆ ಮಜ್ಜಿಗೆ
- ಲಸ್ಸಿ
- ಮ್ಯಾಂಗೋ ಲಸ್ಸಿ
- ಇಡ್ಲಿ/ಮೂಡೆ ತಿನ್ಯರೆ ಉಪ್ಪು ಒಗ್ಗರಣೆ ಪಾಡ್ದ್ ಬಳಕೆ
- ಬೆಂಞನದ ಸಾರ್
- ಬೆಂಜನ ಕರ್ಕುಂಬುಡ ಕೊದ್ದೆಲ್
ಉಪಯೋಗ
[ಸಂಪೊಲಿಪುಲೆ]- ಜೀರ್ಣಕ್ರಿಯೆಗ್ ಸಹಾಯ.
ಪ್ರತಿ ದಿನಲ ಕಾಂಡೆದ ಪೊರ್ತು ಬೆಞಣ ತಿಂದ್ಂಡ ನಮ್ಮ ಜೀರ್ಣಕ್ರಿಯೆ ಸರಿಯಾದ್ ಆದ್ ನಮ್ಮ ಜೀರ್ಣಾಂಗ ವ್ಯವಸ್ಥೆಡ್ ಬ್ಯಾಕ್ಟೀರಿಯ ಬೊಕ್ಕ ಜೀವಾಣುಡ್ದು ಉಂಡಾಪಿನ ಆರೋಗ್ಯ ಸಮಸ್ಯೆನ್ ಬೆಞಣ ನಿಯಂತ್ರಣ ಮಲ್ಪುಂಡು.ಜೀರ್ಣಕ್ರಿಯೆದಪಗದ ಉರಿಯೂತನ್ ಬೆಞಣ ಕಡಿಮೆ ಮಲ್ಪುಂಡು.
- ನೆತ್ತೆರ್ದ ಒತ್ತಡೊನು ಕಡಿಮೆ ಮಲ್ಪುಂಡು.
ಬೆಞಣೊಡುಪ್ಪುನ ಪೊಟ್ಯಾಸಿಯಮ್ ಗುಣ ಸರೀರೊಡು ಜಾಸ್ತಿಯಾದಿತ್ತಿನ ಸೋಡಿಯಂದ ಅಂಶೊನು ಪಿದಯಿ ಪಾಡೆರೆ ಸಹಾಯ ಮಲ್ಪುಂಡು.ಅಂಚಾದ್ ನೆತ್ತೆರ್ದ ಒತ್ತಡೊ ಕಡಿಮೆ ಆಪುಂಡು. ನೆತ್ತೆರ್ದ ಒತ್ತಡೊ ಜಾಸ್ತಿ ಇತ್ತ್ಂಡ ಮೂತ್ರಪಿಂಡದ ಸಮಸ್ಯೆ ಉಂಡಾಪಿನ ಸಾಧ್ಯತೆ ಉಂಡು.ಬೆಞಣೊ ನೆತ್ತೆರ್ದ ಒತ್ತಡೊ ಕಡಿಮೆ ಮಲ್ಪುನೆದೊಟ್ಟುಗು ಹೃದಯದ ಆರೋಗ್ಯೊನುಲ ಎಡ್ಡೆ ಮಲ್ಪುಂಡು.
- ರೋಗ ನಿರೋಧಕ ಶಕ್ತಿದ ವೃಧ್ದಿ
ಬೆಞಣೊಗು ರೋಗೊನು ಉಂಡು ಮಲ್ಪಿನ ಸೂಕ್ಷ್ಮ ಜೀವಾಣುಲೆನ ವಿರುದ್ದ ಹೋರಾಟ ಮಲ್ಪುನ ಬೊಕ್ಕ ಕರ್ಲ್‌ದ ಪದರನ್ ರಕ್ಷಣೆ ಮಲ್ಪುನ ಸಾಮರ್ಥ್ಯ ಉಂಡು.ಬೆಞಣೊಡುಪ್ಪುನ ಮೆಗ್ನಿಷಿಯಮ್,ಸತು ,ಸೆಲೆನಿಯಮ್ ದಂಚಿನ ಖನಿಜೊಲು ರೋಗ ನಿರೋಧಕ ಶಕ್ತಿನ್ ವೃಧ್ದಿ ಮಲ್ಪುಂಡು.
- ಎಲುತ ಆರೋಗ್ಯೊಗು
ಒಂಜಿ ಕಪ್ ಬೆಞಣೊಡು ಸಾಮಾನ್ಯ ೨೫೦ಮಿ ಗ್ರಾಂದಾತ್ ಕ್ಯಾಲ್ಸಿಯಂ ಉಪ್ಪುಂಡು .ಕ್ಯಾಲ್ಸಿಯಂ ದ ಅಂಶ ನಮ್ಮ ಎಲುಕು ಬಲ ಕೊರ್ಪುಂಡು.ಅಂಚಾದ್ ಪ್ರತಿ ದಿನಲ ಕಾಂಡೆದ ಪೊರ್ತು ಬೆಞಣ ತಿಂದ್ಂಡ ನಮ್ಮ ಎಲು ಗಟ್ಟಿಯಾದ್ ಉಪ್ಪೆರೆ ಸಾಧ್ಯತೆ ಉಂಡು.
- ಬ್ಯಾಕ್ಟೀರಿಯಾ ನಿವಾರಣೆ
ಬೆಞಣೊ ಸೂಕ್ಷ್ಮಾಣು ಜೀವಿಲೆನ್ ಪಿದಯಿ ಪಾಡುನ ಕೆಲಸ ಮಲ್ಪುಂಡು. ಬಂಜಿ ಬೇನೆ,ಬಂಜಿದ ಸಮಸ್ಯೆಗ್ ಕಾಂಡೆದ ಪೊರ್ತು ಬೆಞಣ ತಿಂದ್ಂಡ ಕಡಿಮೆ ಆಪುಂಡು.
- ನಿಜಿತ ಆರೋಗ್ಯೊಗು
ಬೆಞಣೊಡು ಕ್ಯಾಲ್ಸಿಯಂ ಉಪ್ಪುಂಡು ಅಂಚಾದ್ ಕೂಳಿ ಬೊಕ್ಕ ನಿಜಿತ ಬಲೊಕು ಪ್ರತಿ ದಿನಲ ಬೆಞಣೊಡು ತಿನ್ಪುನ ಎಡ್ಡೆ.ಕೂಳಿ ಬೊಕ್ಕ ನಿಜಿಕ್ ಸಮಸ್ಯೆ ಉಂಡು ಮಲ್ಪುನ ಲ್ಯಾಕ್ಟಿಕ್ ಆಮ್ಲನ್ ಬೆಞಣೊ ನಿಯಂತ್ರಣೊ ಮಲ್ಪುಂಡು.
- ಮೂಲವ್ಯಾಧಿ ನಿವಾರಣೆ
ಮೂಲವ್ಯಾಧಿದ ಸಮಸ್ಯೆಗ್ ಬೆಞಣೊನು ನೀರ್ ಮಲ್ತ್‌ದ್ ಅಯಿಟ್ ಪಿಸ್ತಾನ್ ಬೊದ್‌ಲದ್ ಅವೆಡ್ದ್ ಬೊಕ್ಕ ಅರೆತ್‌ದ್ ಪರ್ಂಡ ಬೇನೆ ಕಡಿಮೆ ಆಪುಂಡು.