ಯು ಬಿ ಪವನಜ

ಯು ಬಿ ಪವನಜ
ಜನನೊದ ತಾರೀಕ್	೨೬ ಎಪ್ರಿಲ್ 1959
ಬೇಲೆ	ವಿಜ್ಞಾನಿ
ಪಾತೆರುನ ಬುಕ್ಕೊ ಬರೆಪುನ ಬಾಸೆ	ಕನ್ನಡ ಬಾಸೆ, ತುಳು ಪಾತೆರೊ, Havyaka Kannada
ಲಿಂಗೊ	ಆನ್

ಡಾ. ಉಬರಡ್ಕ ಬೆಳ್ಳಿಪ್ಪಾಡಿ ಪವನಜ ಒರಿ ಇಜ್ಞಾನಿ. ಕನ್ನಡ 'ಸಾಫ್ಟವೇರ್' ಜಗತ್ತ್‌ಡ್ ಚಿರಪರಿಚಿತೆರ್. ಕನ್ನಡೊ ಬುಕ್ಕೊ ಕಂಪ್ಯೂಟರ್ ಕ್ಷೇತ್ರೊಡು ಸೇವೆ ಸಂದಾದೆರ್. ಕನ್ನಡೊಡು ಮಾಹಿತಿ ಸಾಹಿತ್ಯೊನು ರಚಿಸದೆರ್. ಡಾ.ಪವನಜೆರ್ ಕನ್ನಡೊಡು 'eಳೆ' ಪನ್ಪುನ ಕಾಲಂನ್ ವಿಜಯ ಕರ್ನಾಟಕ ಪತ್ರಿಕೆಡ್ ಬರೆವೊಂದಿತ್ತೆರ್. ಅಯಿಡ್ದ್ ಬುಕ್ಕೊ ಹೊಸದಿಗಂತ ಪತ್ರಿಕೆಡ್ ಇಂಚಿಪ ಮುಟ್ಟೊ "ಜಾಲಜಗತ್ತು" ಪನ್ಪಿ ಅಂಕಣ ಬರೆಯೆರ್. ಬುಕ್ಕೊ ಒಂಜಾತ್ ಸಮಯೊ ಕನ್ನಡಪ್ರಭ ಪತ್ರಿಕೆಡ್ 'ಗಣಕಿಂಡಿ' ಪನ್ಪುನ ಅಂಕಣ ಬರೆಯೆರ್. ಇತ್ತೆ ಆರ್ ಪ್ರಜಾವಾಣಿ ಪತ್ರಿಕೆದ 'ಗ್ಯಾಡ್ಜೆಟ್ ಲೋಕ' ಪನ್ಪುನ ಅಂಕನೊನು ಬರೆವೊಂದುಲ್ಲೆರ್.

ಕಿನ್ಯ ಪರಿಚಯೊ

ದಿ ಸೆಂಟರ್ ಫಾರ್ ಇಂಟರ್ನೆಟ್ ಅಂಡ್ ಸೊಸೈಟಿ-"ಆಕ್ಸೆಸ್ ಟು ನೊಲೆಜ್" ಟೀಮ್‍

ಪವನಜೆರ್ ಸಂತ ಅಲೋಶಿಯಸ್ ಕಾಲೇಜಿದ ಕಾರ್ಯಕ್ರಮೊಡ್

ಯು.ಬಿ. ಪವನಜ ಇಂಬೆರ್ ಮುಂಬಯಿದ ಬಿ.ಎ.ಆರ್.ಸಿ.ಸಂಶೋಧನಾಲಯೊಡು ವಿಜ್ಞಾನಿಯಾದಿತ್ತೆರ್. ಇತ್ತೆ ಇಂಬೆರ್ ದಿ ಸೆಂಟರ್ ಫಾರ್ ಇಂಟರ್ನೆಟ್ ಅಂಡ್ ಸೊಸೈಟಿ/CISದ "ಆಕ್ಸೆಸ್ ಟು ನೊಲೆಜ್" ಟೀಮ್‍ಡ್ ಬೇಲೆ ಮಲ್ತೆರ್. ಅತ್ತಂದೆ ಆರ್ ಕರ್ನಾಟಕೊ ರಾಜ್ಯ ಸರ್ಕಾರೊದ ಕನ್ನಡ ತಂತ್ರಾಂಸೊ ಸಲಹಾ ಸಮಿತಿದ ಸದಸ್ಯೆರಾದ್ ಕಾರ್ಯ ನಿರ್ವಹಿಸಾವೊಂದುಲ್ಲೆರ್.

ಜೀವನೊ ಚರಿತ್ರೆ

ಪುಟ್ಟ್‌ನೆ

ವಿಕಿಪೀಡಿಯ ಕಾರ್ಯಾಗಾರೊಡು ಪವನಜೆರ್ ಬುಕ್ಕೊ ಕೆ.ಪಿ.ರಾಯೆರ್

• ಪವನಜೆರ್ ಕರ್ನಾಟಕ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲೂಕುದ ಉಬರಡ್ದ ಬುಕ್ಕೊ ಕೇರಳೊ ರಾಜ್ಯದ ಕಾಸರಗೋಡು ಜಿಲ್ಲೆದ ಗಡಿ ಬಾಗೊ ಬೊಳ್ಳಿಪಾಡಿ ಪನ್ಪುನ ಗಡಿತ ಹಳ್ಳಿದಾರ್.

ವಿದ್ಯಾಭ್ಯಾಸೊ

ಪವನಜೆರ್ ಯೂನಿಕೋಡ್ ಬಗೆಟ್ ಬಾಸನೊ ಕೊರ್ಪುನೆ

ಮೈಸೂರು ವಿಶ್ವ ವಿದ್ಯಾನಿಲಯೊಡ್ದ್ ಎಂ.ಎಸ್ಸಿ ಪದವಿ, ಬಾಂಬೆ ವಿಶ್ವ ವಿದ್ಯಾನಿಲಯಡ್ದ್ ಪಿಎಚ್.ಡಿ., ಟೈವಾನ್‌ಡ್ ಉನ್ನತ ಸಂಶೋಧನೆ ಮಲ್ತ್‌ದೆರ್.

ಬೆಂದ್‍ನ ಜಾಗೆಲು

ಪವನಜೆರ್ ಕಾರ್ಯಾಗಾರೊಡು ಮಾಹಿತಿ ಕೊರ್ಪುನೆ

• ಮುಂಬಯಿದ ಬಾಬಾ ಪರಮಾಣು ಸಂಶೋಧನಾ ಸಂಸ್ಥೆ(ಬಿಎಆರ್‌ಸಿ)ಡ್ ೧೫ ಒರ್ಸೊ ಸಮಯೊ ವಿಜ್ಞಾನಿಯಾದ್ ಸೇವೆ ಸಂದಾತ್, ಕನ್ನಡ ಬುಕ್ಕೊ ಕಂಪ್ಯೂಟರ್ ಕ್ಷೇತ್ರೊಡು ಬೇಲೆ ಮಲ್ಪೆರಾದ್ ೧೯೯೭ದ ಜೂನ್‌‍ಡ್ ಬಿ.ಎ.ಆರ್‌.ಸಿ. ವಿಜ್ಞಾನಿ ಹುದ್ದೆಗ್ ರಾಜೀನಾಮೆ ಕೊರ್ದ್ ಬೆಂಗಳೂರ್‍ಗ್ ಬತ್ತೆರ್.
• ಆರ್ ಬಿ.ಎ.ಆರ್‌.ಸಿ.ಡ್ ಇಪ್ಪುನಗನೆ ಕನ್ನಡೊದ ಪ್ರಸಾರೊ ಬುಕ್ಕೊ ಅಯಿಟ್ ಎಂಚಿನಾಂಡಲ ಬೇಗೋ ಸಾಧನೆ ಮಲ್ಲಪುನ ಆಸೆ ಮಿಡಿಯೊಂದಿತ್ತ್ಂಡ್. ಬಿ.ಎ.ಆರ್.ಸಿ.ಸಂಸ್ಥೆಡಿತ್ತಿನ ದಿನೊಕುಲೆಡ್ ೫ ಒರ್ಸೊ ಇಜ್ಞಾನ ಪ್ರಸಾರೊದ ಮೂಲೊ ಉದ್ದೇಸೊ ಇಪ್ಪುನ ಬಿ.ಎ.ಆರ್‌.ಸಿ ಕನ್ನಡ ಸಂಗೊದ "ಬೆಳಗು" ಪತ್ರಿಕೆದ ಸಂಪಾದಕೆರೆಗ್ ಡಿ.ಟಿ.ಪಿ.ದ ಮೂಲಕ ಸೂಕ್ತ ಲಾಂಛನೊ ತಯಾರಿಸದ್ ಕೊರಿಯೆರ್.
• ಬಿಎಆರ್‌ಸಿಡ್ ಇಪ್ಪುನಗ ಕನ್ನಡ ಬಾಸೆಡ್ ಮಸ್ತ್ ವಿಚಾರ ಸಂಕಿರನೊಲೆ ಸಂಗಟನೆ ಮಲ್ತೆರ್. ರಸಾಯನಶಾಸ್ತ್ರಜ್ಞೆರೆ ಸಮುದಾಯೊಗು ಕಂಪ್ಯೂಟರ್ ಬಳಕೆದ ಉಮೇದ್ ಕೊರ್ಪುನೆ ಬುಕ್ಕೊ ಮಸ್ತ್ ಉಪಯುಕ್ತ ತಂತ್ರಾಂಸೊಲೆ ತಯಾರಿಕೆ ಆರೆನ ದಿಂಜ ಪಿರಿತಿದ ವಿಸಯೊ ಆದಿತ್ತ್ಂಡ್.
• ಕನ್ನಡೊಡು ಮಾಹಿತಿ ಸಾಹಿತ್ಯೊನು ರಚನೆ ಮಲ್ತೊಂದುಲ್ಲೆರ್. ಮೇರ್ ಕನ್ನಡೊಡು 'ಇಳೆ' ಪನ್ಪಿ ಕಾಲಂನ್ ವಿಜಯಕರ್ನಾಟಕೊಡು ಬರೆಯೊಂದುಲ್ಲೆರ್. ಬೊಕ್ಕ ಹೊಸದಿಗಂತ ಪತ್ರಿಕೆಡ್ 'ಜಾಲಜಗತ್ತು' ಪನ್ಪಿ ಅಂಕಣೊನು ಬರೆಯೊಂದಿತ್ತೆರ್. ಬೊಕ್ಕ ಕನ್ನಡಪ್ರಭ ಪತ್ರಿಕೆಡ್ 'ಗಣಕಿಂಡಿ' ಅಂಕಣೊನು ಬರೆಯೊಂದಿತ್ತೆರ್. ಇತ್ತೆ ಪ್ರಜಾವಾಣಿಡ್ 'ಗ್ಯಾಡ್ಜೆಟ್ ಲೋಕ' ಪನ್ಪಿ ಅಂಕಣೊನು ಬರೆಯೊಂದುಲ್ಲೆರ್. ವಿಕಿಪೀಡಿಯದ ಬಗೆಟ್ಟ್ ಮಸ್ತ್ ಬೇಲೆ ಬೆಂದೊಂದು ಉಲ್ಲೆರ್. ಮೇರ್ ದಕ್ಷಿಣ ಕನ್ನಡ ಜಿಲ್ಲೆದಾರ್. ಇತ್ತೆ ಬೆಂಗಳೂರುಡು ಉಲ್ಲೆರ್.

ವಿಶ್ವಕನ್ನಡೊ

• ವಿಶ್ವಕನ್ನಡೊ -ಕನ್ನಡೊದ ಕಡೀರ್ದ ಜಾಲತಾನೊ ೧೯೯೬ಡ್ ಸುರುವಾಂಡ್.
• ಕನ್ನಡೊದ ಕಡೀರ್ದ ಆನ್‌ಲೈನ್ ಪತ್ರಿಕೆ
• ಡೈನಮಿಕ್ ಫಾಂಟ್‍ಲೆನ್ ದೆತೊಂದು ಕಡೀರ್ದ ಬಾರತೊದ ಬಾಸೆಲೆನ ಜಾಲತಾನೊ
• ಇಂಟರ್‌ನ್ಯಾಷನಲ್ ಅಸೋಸಿಯೇಷನ್ ಆಫ್ ವೆಬ್‌ಮಾಸ್ಟರ್ಸ್ ಅಂಡ್ ಡಿಸೈನರಸ್ ಮೆಕ್ಲ್ ಕೊರ್ಪುನ "ಗೋಲ್ಡನ್ ವೆಬ್" ಪ್ರಶಸ್ತಿನ್ ದೆತೊನುನ ಬಾರತೊದ ಬಾಸೆಲೆನ ಕಡೀರ್ದ ಜಾಲತಾನೆ.
• "ಬ್ಲೂ ರಿಬ್ಬನ್" ಪ್ರಶಸ್ತಿನ್ ದೆತೊನುನ ಬಾರತೊದ ಬಾಸೆಲೆನ ಕಡೀರ್ದ ಜಾಲತಾನೊ.

ಅಂಕಣ ಬರವಣಿಗೆ

• ಪ್ರಜಾವಾಣಿಡ್ ಗ್ಯಾಜೆಟ್‌ಲೋಕ ಪನ್ಪಿನ ಅಂಕಣ ಬರಹ
• ವಿಶ್ವಕನ್ನಡೊ ಗ್ಯಾಜೆಟ್ ಲೋಕ
• ಇ ಜ್ಞಾನ ಪತ್ರಿಕೆಡ್ ಲೇಕನೊ 'ಇ ಜ್ಞಾನ ಪತ್ರಿಕೆ'ದ ಲೇಕನೊಡು ಡಾ. ಪವನಜರೆ ಪಾತೆರೊ, "ಎಂಕ್ ವಿಜ್ಞಾನೊಡು ಆಸಕ್ತಿ ಪುಟ್ಟ್‌ನನೆ ಶಿವರಾಮ ಕಾರಂತೆರೆ ಬೂಕುಲೆಡ್ದ್"

ಪಿದಯಿದ ಸಂಪರ್ಕೊಲು

• 'ಸಿರಿನುಡಿ, ವಿಜ್ಞಾನ ಆಧುನಿಕ ಶಾಸ್ತ್ರೊಲೆನ ಮಾಸಪತ್ರಿಕೆ'
• ವಿಶ್ವಕನ್ನಡ
• ಅವಧಿ ಇ-ಪತ್ರಿಕೆ, 'ಕನ್ನಡ ಬುಕ್ಕೊ ಮಾಹಿತಿ ತಂತ್ರಜ್ಞಾನೊ ಬುಲೆದ್ ಬತ್ತ್‌ನ ರೀತಿ', ಕನ್ನಡ ಬುಕ್ಕೊ ಅವಕಾಶ, ಡಿಸೆಂಬರ್ ೨೧, ೨೦೧೩ಡ್ ಆಳ್ವಾಸ್ ವಿಶ್ವ ನುಡಿಸಿರಿ ವಿರಾಸತ್ ಗೋಷ್ಠಿಡ್ ಡಾ.ಯು.ಬಿ. ಪವನಜ ಮಲ್ತಿನ ಬಾಸನೊ'

ಸಮ್ಮನೊ ಬುಕ್ಕೊ ಪ್ರಶಸ್ತಿಲು

• ನವಂಬರ್ ೨೧, ೨೦೦೫ಡ್ ಬೆಂಗ್ಳೂರ್ದ ರಾಜಾಜಿನಗರ ಪರ್ಬೊಡು ಸಮ್ಮನೊ.
• ೨೦೦೬ನೆ ಸಾಲ್‍ದ ಕನ್ನಡ ಲೋಗೋ ತಂತ್ರಾಂಶ ತಯಾರಿಕೆದ, ಮಂಥನ ಪ್ರಶಸ್ತಿ.