ಲಾಂಬುದ ಕಜಿಪು

ಲಾಂಬು ಪಂಡ ಎಲ್ಯ ದೈತ್ತಂಚಿನ ಸಸ್ಯ ಜೀವಿ ಪಂದ್ ಪನೊಲಿ. ಉಂದೆನ್ ಕನ್ನಡ ಡ್ ಅಣಬೆ ಪಂದ್ ಪನ್ಪರ್. ಉಂದೆನ್ ಕಜಿಪು ಮಲ್ಪುವೆರ್. ಲಾಂಬುಡು ಸುಮಾರ್ ೧೨೫ ಜಾತಿಲು ೪೦೦೦ ಪ್ರಭೇದೊಲು ಉಂಡು. ಉಂದು ಎಚ್ಚ ತೇವಾಂಶ ಇತ್ತಿನ ಜಾಗೊಡು ಬುಲೆವುಂಡು ಅಂಚೆನೆ ನೆಕ್ಕ್ ನಾಯಿಕೊಡೆ ಪಂದ್ ಲಾ ಪನ್ಪೆರ್. ಮಳಿಯಾಲಿಡ್ ಅಳಾಂಬು ಪಂದ್, ತಮಿಳ್ ದ್ ಅಂಪಿ ಪಂದ್, ಅರೆಬಾಸೆಡ್ ಅಳ್ಂಬ್ ಪಂದ್ ಪನ್ಪೆರ್. ಸಾಮಾನ್ಯವಾದ್ ನೆಲತ್ತ ಮಿತ್ತ್ ಮಣ್ಣ್ದ ಮಿತ್ತ್ ಆಪುಂಡು. ದುಂಬು ಹಳ್ಳಿಲೆಡ್ ಹೆಚ್ಚಾಡ್ ಕಜಿಪು ಮಲ್ತೊಂದು ಇತ್ತೆರ್. ಇತ್ತೆ ಪೇಟೆನೆಡ್ಲಾ ಪ್ಯಾಕೆಟ್‌ಲೆಡ್ ಮಾರುವೆರ್. ಉಂದೆಟ್ ಬೇತೆ ಬೇತೆ ರೀತಿದ ತಿನಸು ಮಲ್ಪುವೆರ್.

ಕಜಿಪು ಮಲ್ಪರೆ ಬೋಡಾಯಿನ ಸಾಮಾನುಲು

• ಲಾಂಬು
• ಮುಂಚಿ
• ಗಸಗಸೆ
• ಬೊಳ್ಳುಳ್ಳಿ
• ಪುಲಿ
• ನೀರುಳ್ಳಿ
• ತಾರೆದ ಎಣ್ಣೆ
• ಉಪ್ಪು

ಕಜಿಪು ಮಲ್ಪುನ ವಿಧಾನೊ

ಸುರುಕ್ಕು ಲಾಂಬುನು ಎಡ್ಡೆ ನೀರ್ ಡ್ ದೆಕ್ಕೊಡು. ಬೊಕ್ಕ ಪುಲಿನ್ ನೀರ್ ಡ್ ನೆನೆಯರೆ ಪಾಡೊಡು. ಅವೆನ್ ಪುಟುಂದು ರಸ ದೆತ್ತ್ ದೀವೊಡು. ಬೊಕ್ಕ ನೀರುಳ್ಳಿನ್ ಎಲ್ಯ ಎಲ್ಯ ತುಂಡು ಮಲ್ಪೊಡು. ಒಂಜಿ ಬಾನಲೆಡ್ ಗಸಗಸೆನ್ ಪೊತ್ತುದು ಪೊಡಿ ಪಲ್ತ್ ದೀವೊಡು. ಬೊಕ್ಕ ದಿಕ್ಕೆಲ್ ಗ್ ಎಣ್ಣೆ ದೀದ್ ಮುಂಚಿ, ನೀರುಳ್ಳಿ, ಬೊಳ್ಳುಳ್ಳಿ, ಉಂದೆನ್ ಕೆಂಪು ಆಪಿನ ಮುಟ್ಟ ಕಾಯವೊಡು ಬೊಕ್ಕ ಅವೆನ್ ಕಡೆಯೊಡು. ಬೊಕ್ಕ ಲಾಂಬುನು ಬೆಯ್ಪಾವೊಡು. ಅವೆಕ್ಕ್ ಕಡೆತಿನ ಮಸಾಲೆನ್ ಬೊಕ್ಕ ಗಸಗಸೆನ್ ಪಾಡ್‌ದ್ ಬೆರವೊಡು. ಅಡಿ ಪತ್ತಂದಿಲಕ ತೂವೊನೊಡು. ಸರಿಟ್ಟ್ ಬೈಪಾಯಿ ಬೊಕ್ಕ ಬೋಡಾಯಿನಾತ್ ಉಪ್ಪು ಪಾಡೊಡು. ಅಡೆಗ್ ಲಾಂಬುದ ಕಜಿಪು ತಯಾರ್ ಆಪುಂಡು. ಚಪಾತಿ ದೊಟ್ಟು ತಿನರೆ ಲಾಯ್ಕ್ ಆಪುಂಡು

ಉಂದೆನ್ ಲಾ ಓದುಲೆ

• ಲಾಂಬು