ಲಾಂಬುದ ಕಜಿಪು

ಲಾಂಬುದ ಕಜಿಪು
	ಲಾಂಬುದ ಕಜಿಪು
ಬೇತೆ ಪುದರ್	ಲಾಂಬುದ ಕಜಿಪು
ಬಗೆ	ಕಜಿಪು
ಮೂಲದ ಜಾಗೆ	ಮಾಂತ ಕೋಡಿಡ್ಲಾ ಮಲ್ಪುವೆರ್

ಲಾಂಬು ಪಂಡ ಎಲ್ಯ ದೈತ್ತಂಚಿನ ಸಸ್ಯ ಜೀವಿ ಪಂದ್ ಪನೊಲಿ. ಉಂದೆನ್ ಕನ್ನಡ ಡ್ ಅಣಬೆ ಪಂದ್ ಪನ್ಪರ್. ಉಂದೆನ್ ಕಜಿಪು ಮಲ್ಪುವೆರ್. ಲಾಂಬುಡು ಸುಮಾರ್ ೧೨೫ ಜಾತಿಲು ೪೦೦೦ ಪ್ರಭೇದೊಲು ಉಂಡು. ಉಂದು ಎಚ್ಚ ತೇವಾಂಶ ಇತ್ತಿನ ಜಾಗೊಡು ಬುಲೆವುಂಡು ಅಂಚೆನೆ ನೆಕ್ಕ್ ನಾಯಿಕೊಡೆ ಪಂದ್ ಲಾ ಪನ್ಪೆರ್. ಮಳಿಯಾಲಿಡ್ ಅಳಾಂಬು ಪಂದ್, ತಮಿಳ್ ದ್ ಅಂಪಿ ಪಂದ್, ಅರೆಬಾಸೆಡ್ ಅಳ್ಂಬ್ ಪಂದ್ ಪನ್ಪೆರ್. ಸಾಮಾನ್ಯವಾದ್ ನೆಲತ್ತ ಮಿತ್ತ್ ಮಣ್ಣ್ದ ಮಿತ್ತ್ ಆಪುಂಡು. ದುಂಬು ಹಳ್ಳಿಲೆಡ್ ಹೆಚ್ಚಾಡ್ ಕಜಿಪು ಮಲ್ತೊಂದು ಇತ್ತೆರ್. ಇತ್ತೆ ಪೇಂಟೆನೆಡ್ಲಾ ಪ್ಯಾಕೆಟ್‌ಲೆಡ್ ಮಾರುವೆರ್. ಉಂದೆಟ್ ಬೇತೆ ಬೇತೆ ರೀತಿದ ತಿನಸು ಮಲ್ಪುವೆರ್.^[೧]

ಕಜಿಪು ಮಲ್ಪರೆ ಬೋಡಾಯಿನ ಸಾಮಾನುಲು

ಲಾಂಬು
ಮುಂಚಿದ ಪೊಡಿ
ಬೊಳ್ಳುಳ್ಳಿ
ಮಂಜೊಲ್
ಟೊಮೆಟೊ
ನೀರುಳ್ಳಿ
ತಾರೆದ ಎಣ್ಣೆ
ಉಪ್ಪು

ಕಜಿಪು ಮಲ್ಪುನ ವಿದಾನೊ

ಪೆರ್ಗೆ ಲಾಂಬು ಕಜಿಪು ಮಲ್ಪಿನ ವಿದಾನೊ

ಸುರುಕಾದ್ ಪೆರ್ಗೆ ಲಾಂಬು ಆಂಡ ಅವೆತ್ತ ಮೇಲ್ದ ಚೋಲಿ ದೆತ್‍ದ್ ಅವೆಕ್ಕ್ ಮಂಜೊಲ್ ಪಾರ್ದ್ ನೀರ್ ವೊಂತೆ ಪೊರ್ತು ದೀವೊಡ್. ಅಂಚನೆ ಮಂಜಲ್ ನೀರ್ದ್ ದ್ ದೆತ್‍ದ್ ಮೂರ್ದಿನ ಟೊಮೆಟೊ , ನೀರುಳ್ಳಿ, ಒಗ್ಗರಣೆ ದೀದ್ ಮುಂಚಿದ ಪೊಡಿ ಪಾರ್ದ್ ಲಾಂಬುನ್ಲಾ ಬೆರೆಸ್‍ದ್ ಬಯಪಾವೊಡು. ಉಂದು ಪೆರ್ಗೆ ಲಾಂಬು ಕಜಿಪು ಮಲ್ಪಿನ ವಿದೊ. ಉಂದೆನ್ ಸುಕ್ಕ ಅತ್ತಂದೆ ಬೆರಕೆಗ್ ದಾಲ ಪಾರ್ದ್ ಸಾರ್ಲಾ ಮಲ್ಪೊಲಿ. ಪೇರ್ ಲಾಂಬುದ ಕಜಿಪುನ್ಲಾ ಉಂದೇ ರೀತಿಡ್ ಮಲ್ಪುವೆರ್.

ಕಲಲಾಂಬು ಕಜಿಪು ಮಲ್ಪಿನ ವಿದಾನೊ

ಕಲಲಾಂಬು ಆಂಡ ಅವೆನ್ ಮಣ್ಣ್‌‌ದ ಅಡೀರ್ದ್ ಗರ್ದಿನೈರ್ದಾವರ ಕಲ್ಲ್‌‍ಡ್ ತಿಕ್ಕ್‌‍ದ್ ಮಣ್ಣ್‌‍ನ್ ದೆಪ್ಪೊಡು. ಅವೆರ್ದ್ ಬೊಕ್ಕ ಅವ್ ವೃತ್ತಾಕಾರೊಡು ಇಪ್ಪುನೈರ್ದಾವರ ಅವೆನ್ ರಡ್ಡ್ ತುಂಡು ಮಲ್ತ್‍ದ್ ಪದೆಂಗಿದೊಟ್ಟುಗು ಪಾರ್ದ್ ಗಸಿ ಅತ್ತ್ಂಡ ಸಾರ್ ಮಲ್ಪೊಲಿ.

ಉಂದೆನ್ ಲಾ ಓದುಲೆ

ಲಾಂಬು

ಲಾಂಬುದ ಬೇತೆ ಬೇತೆ ತೆನಸುಲು

ಲಾಂಬುನು ಗಲಸ್‍ದ್

ಮಶ್ರೂಮ್ ಚಿಲ್ಲಿ
ಮಶ್ರೂಮ್ ಮಂಚೂರಿ
ಮಶ್ರೂಮ್ ಸೂಪ್
ಮಶ್ರೂಮ್ ಸಲಾಡ್

ಇಂಚ ಬೇತೆ ಬೇತೆ ರೀತಿಡ್ ತೆನಸ್ಲೆನ್ ಮಲ್ಪುವೆರ್.

ಆರೋಗ್ಯ ಉಪಯೋಗೊಲು

ಸರೀರೊಡ್ ಚರ್ಬಿ ದಂಸೊನು ಕಮ್ಮಿ ಮಲ್ಪರೆ:

ಮದು ಮಾಸೊಲೆಗ್ ಹೋಲಿಕೆ ಮಲ್ತ್‌ದ್ ತೂಂಡ ಲಾಂಬುನು ಸೇವನೆ ಮಲ್ತ್ಂಡ ಜೀವೊಗ್ ಎಡ್ಡೆ. ದಾಯೆ ಪಂಡ ಲಾಂಬು ಸರೀರೊಡಿತ್ತಿನ ಚರ್ಬಿನ್ ಕಮ್ಮಿ ಮಲ್ಪುಂಡು. ದಾಯೆ ಪಂಡ ಲಾಂಬುಲೆಡ್ ಕೊಲೆಸ್ಟ್ರಾಲ್ ಅತ್ತ್ಂಡ ಚರ್ಬಿನ್ ಒಯ್ತೊನುನ ಶಕ್ತಿ ಇಪ್ಪುನೈರ್ದಾವರ ಅವೆನ್ ಸೇವನೆ ಮಲ್ತ್ಂಡ ಸರೀರೊಡು ಚರ್ಬಿ ಕಮ್ಮಿ ಆಪುಂಡು.^[೨]