ವಿಕಿಪೀಡಿಯ:ಕಜ್ಜಕೊಟ್ಯ-೨೧

ಕರಾವಳಿ ಕರ್ನಾಟಕೊಡು ಪರಪೋಕುದ ಜನಪದ ನಲಿಕೆ ಸಿದ್ದವೇಷ ಒಂಜಾದುಂಡು. ಈ ನಲಿಕೆ ಕರ್ನಾಟಕೊದ ಸುಳ್ಯ ತಾಲೂಕುಡ್ ಮಾತ್ರೊ ತೋಜಿದ್ ಬರ್ಪುಂಡು. ಉಂದು ಸುಗ್ಗಿ ತಿಂಗೊಲ್ದ ಕೃಷಿ ಚಟುವಟಿಕೆಗ್ ಸಂಬಂದಿಸದ್ ನಡೆಪುನ ಆಚರಣಾತ್ಮಕ ಬುಕ್ಕೊ ಮನೋರಂಜನೆದ ನಲಿಕೆ. ಈ ನಲಿಕೆನ್ ಸುಗ್ಗಿ ಬೇಸಾಯೊದ ಬುಕ್ಕೊ ಮೂಜಿ, ನಾಲ್ ಅತ್ತಂಡ ಐನ್ ದಿನೊಟು ರಾತ್ರೆಡ್ ನಲಿಪುವೆರ್.

ಉದ್ದೇಸೊ[ಸಂಪೊಲಿಪುಲೆ]

ಉಂದೊಂಜಿ ವಿಕಿಪೀಡಿಯೊಡ್ದ್‌ ಪದಯಿದ ಜನೊಕ್ಲೆನ್ ಮುಟ್ಟುನ ಲೇಸ್(Outreach program). ಇಂಚಿಪದ ದಿನೊಟು ವಿಕಿಪೀಡಿಯದ ಬೇಲೆ ಪೇಂಟೆಡ್ ಮಾತ್ರೊ ತೋಜೊಂದುಂಡು. ಉಂದು ಸಾಮಾನ್ಯ ಜನತೆಗ್ ಮುಟ್ಟೊಡಾಂಡ ಹಳ್ಳಿ ಪ್ರದೇಸೊಲೆಡ್ ಕಾರ್ಯಕ್ರಮೊನು ನಡಪಾವುನ ಎಡ್ಡೆಂದ್ ತೋಜುಂಡು. ಅಂಚಾದ್ ನಡಪುನ ಈ ಲೇಸ್‍ಡ್ ನಲಿಕೆದ ಚಿತ್ರೊಲು, ಪ್ರದರ್ಶನೊಲು ಚಿತ್ರೊಲು, ಪಾತೆರೊಲು ಬುಕ್ಕೊ ಪಂಡಿನಕ್ಲೆನ ಮಾಹಿತಿಲೆನ್ ಸಂಗ್ರಹ ಮಲ್ತ್‌ದ್ ಅವೆನ್ ಲೇಕನೊ ರೂಪೊಡು ವಿಕಿಪೀಡಯಡ್ ಪಾಡುನ ಉದ್ದೇಸೊ ಉಂಡು. ಅಂಚನೆ ವಿಕ್ಸ್‌ನರಿಗ್ ಪದೊ ಸೇರಾಯರ ಉಂಡು. ಒಟ್ಟೂಗೆ ಕಾಮನ್ಸ್‌ಗ್ ಚಿತ್ರೊಲೆನ್ ಬುಕ್ಕೊ ದೃಸ್ಯೊಲೆನ್ ಸೇರಾವುನ ಸಂಪೊಲಿಪುನ ಉದ್ದೇಸೊ ಉಂಡು.

ಪ್ರೇಜನೊ[ಸಂಪೊಲಿಪುಲೆ]

ಇನಿ ಬಾಸೆ ಬುಕ್ಕೊ ಪರಪೋಕುನು ಪೆರ ಕಟ್ಟುನ ಪ್ರಯತ್ನೊನು ನಮೊ ಮಾತ ಸೇರ್‌‍ದ್ ಮಾಲ್ಪೊಡಾತ್ಂಡ್. ಇಂಚಾದ್ ಪೆರ ಕಟ್ಟೆರೆ ಅಯಿತ ಬಗೆಟ್ ಗೊಂತಿಪ್ಪುನ ಹಿರಿಯೆರ್, ತೆರಿನಕುಲು, ವಿದ್ವಾಂಸೆರ್ ಬುಕ್ಕೊ ಜೋಕ್ಲೆನ ಸಕಾಯೊ ಬೋಡು. ಅಂಚಿತ್ತಿ ಒಂಜಿ ಪ್ರಯತ್ನೊನು ದುಂಬು ನಡಪೆರೆ ಇಪ್ಪುನ ಈ ಯೋಜನೆಡ್ ನಮೊ ತೂವೊಲಿ. ಇತ್ತೆ ಆಸಕ್ತಿಡಿಪ್ಪುನ ಹಿರಿಯೆರ್, ವಿದ್ವಾಂಸೆರ್ ಇಂದೆತ ಪಿರವುಡು ಬೇಲೆ ಮಲ್ಪುವೆರ್. ಅಂಚನೆ ಒಂಜಾತ್ ಪೊಸ ಜೊಕ್ಲೆಗ್ ಇಂದೆತ ಬಗೆಟ್ ಮಾಹಿತಿ ತಿಕುಂಡು.

ಲೇಸ್‍ಡ್ ಪಾಲ್ ದೆತೊನುನ ವಿದ್ವಾಂಸೆರ್[ಸಂಪೊಲಿಪುಲೆ]

ಡಾ. ಪೂವಪ್ಪ ಕಣಿಯೂರು, ಸಹ ಪ್ರಾಧ್ಯಾಪಕೆರ್, ನೆಹರೂ ಮೆಮೋರಿಯಲ್ ಮಹಾವಿದ್ಯಾಲಯ, ಸುಳ್ಯ.
ಶ್ರೀ ಯದುಪತಿ ಗೌಡ, ಪ್ರಾಂಶುಪಾಲೆರ್, ಶ್ರೀ ವಾಣಿ ಪದವಿ ಪೂರ್ವ ಕಾಲೇಜ್, ಬೆಳ್ತಂಗಡಿ
ಡಾ. ವಿಶ್ವನಾಥ ಬದಿಕಾನ, ಸಹಾಯಕ ಪ್ರಾಧ್ಯಾಪಕ, ಸಂತ ಅಲೋಶಿಯಸ್ ಕಾಲೇಜ್, ಕುಡ್ಲ
ಡಾ. ಕಿಶೋರ್ ಕುಮಾರ್ ರೈ, ಪ್ರಾಂಶುಪಾಲೆರ್, ಶ್ರೀ ರಾಮಕೃಷ್ಣ ಪದವಿ ಪೂರ್ವ ಕಾಲೇಜ್, ಬಂಟ್ಸ್ ಹಾಸ್ಟೆಲ್, ಕುಡ್ಲ